Kaca iki wis divalidasi
- ngraketaken manungsa kalijan Gusti Allah ingkang supeket pijambak.
- „Sing kèri mung telu: pengandel, pengarep-arep lan katresnan. Déné sing luhur déwé iku katresnan".
I Cor. 13: 13.
5] 408. Kautaman katresnan iku apa?
- Kautamèn katresnan menika peparing Dalem Gusi Allah ingkang ngungkuli kodrat, sarta murugaken tijang tresna dateng Allah ngungkuli samukawis, lan tresna dateng badanipun pijambak saha dateng sesami krana Gusti Allah.
- ,,Aku paring angger-angger anjar marang kowe: Dipada tresna-tinresnan. Anggonmu pada tresna-tinresnan dikaja anggonku tresna marang kowe. Iki titikané anggonmu pada
dadi muridku, jèn kowé pada tresna-tinresnan"
Jo. 13: 34. 35.
5] 409. Apa sebabé déné aku kudu pada tresna marang Gusti Allah ngungkuli sakabèhé?
- Mila kula kedah sami tresna dateng Gusti Allah ngungkuli samukawis, awit:
- Gusti Allah menika maha saé sarta pantes dipuntresnani tanpa wates.
- Gusti Allah menika misaèni dateng kula sadaja tanpa upami.
4] 410. Kaprije tandané, jèn aku pada tresna marang Gusti Allah ngungkuli sakabèhé?
- Tandanipun, bilih kula sami tresna dateng Gusti Allah ngungkuli samukawis, menika menawi kula sami ngèstokaken sadaja dawuh Dalem.
121
