Kaca iki wis divalidasi
- Gusti Allah; mangka Pandjenenganipun menika Mahakuwasa, Mahasaé, lan tuhu-temen ing kasagahan Dalem.
- „Pitulunganku suménḍé ing Asmaning Pangéran, Kang nitahaké bumi lan langit".
Ps. 123 8.
5] 404. Pengarep-arep mau séndéan apa?
- Pengadjeng-adjeng kula wau sénḍéan Sang Kristus, ingkang sampun ngangsalaken karahadjengan langgeng kanggé kula sadaja.
6] 405. Kaprijé bisaku mitontonaké kapretjajanku marang maha kuwasa lan kasaénan Dalem Gusti Allah?
- Saged kula ngatingalaken kapitadosan kula ḍateng maha kuwasa sarta kasaénan Dalem Gusti Allah menika:
- srana sembahjang salebetipun kénging panggoḍa, manggih reribed tuwin bebaja.
- srana ngutjapaken kapitadosan kula, samangsa perlu.
6] 406. Dosa nerak pengarep-arep iku kaprijé?
- Dosa nerak pengadjeng-adjeng menika tumindakipun srana boten perdulèn, telas ing pengadjeng-adjeng, utawi kaduk-wani ndjagèkaken sihing Allah.
Piwulang kang ping patang puluh wolu.
KATRESNAN KATULIK.
KATRESNAN KATULIK.
5] 407. Apa sebabé déné Katresnan iku paḍa-paḍa kautaman kang luhur ḍéwé?
- Katresnan menika sami-sami kautamèn ingkang luhur pijambak, awit katresnan menika
120
