Kaca:Katechimus utawa Piwulang Agama Katulik.pdf/117

4] 382. Nglakoni dosa gedé iku kélangan apa?

Nglampahi dosa ageng menika kétjalan:
1. Sih kasusantan.
2. Dradjat anggènipun dados putraning Allah.
3. Wewenang minggah Swarga.
,,Apa gunané kanggoné manungsa, bați sadjagad-rat, nanging kélangan uripé?"

Matt. 16 26.

3] 383. Wong nglakoni dosa gedé iku siksané apa?

Tijang nglampahi dosa ageng menika siksanipun siksa langgeng wonten ing nraka.

5] 384. Dosa tjilik iku kaprijé?

Dosa alit menika:
1. nerak angger-anggering Allah menggah ing prakawis ingkang alit.
2. nerak angger-anggering Allah ing prekawis ageng, nanging boten kanți ngertos ingkang terang sarta boten kanți gumolonging pikadjengan ingkang èstu merdika.

5] 385. Dosa tjilik iku gawé kapitunan apa?

Dosa alit menika damel kembaning katresnan dateng Allah, lan danguning-dangu nggampilaken dumawah ing dosa ingkang langkung ageng.

3] 386. Wong nglakoni dosa tjilik iku siksané apa?

Tijang nglampahi dosa alit menika siksanipun siksa ingkang boten langgeng wonten ing donja utawi ing latu pangresikan.

115