Kaca iki wis divalidasi
5] 359. Ngaranana alangan sing gedé déwé kang marakaké Idjabé ora kalilan?
- Alangan ingkang ageng pijambak ingkang murugaken Idjabipun boten kalilan, inggih menika tijang Katulik angsal tijang ingkang sampun baptis nanging boten Katulik. (Idjab-tjampuran).
6] 360. Sebabé apa Idjab - tjampuran iku banget ditjatjad lan dilarangi Ibu Pasamuwan Sutji?
- Idjab-tjampuran menika sanget dipuntjatjad lan dipunawisi Ibu Pasamuwan Sutji, awit:
- kanggé ingkang Katulik wonten bebajanipun kétjalan Pengandelipun ingkang Sutji, utawi boten merduli babar pisan menggahing Pengandelipun;
- sesémahan kados mekaten menika angèl sanget badé nggulawențah anak-anakipun tjara Katulik èstu;
- limrahipun Idjab-tjampuran menika ngalang-alangi rahadjenging brajat.
6] 361. Apa Idjab-kantor iku kanggoné wong Katulik wis djeneng absah?
- Kanggenipun tijang Katulik Idjab-kantor menika dèrèng absah.
5] 362. Idjab iku bisané pegat kaprije?
- Idjab menika sagedipun pegat namung jèn pedjah salah satunggal; dados pegatan wonten ing kantor boten damel bataling Idjab.
,,Marang kang pada sesomahan Pangéran pijambak, dudu aku, sing paring dawuh: sing wadon ora kena pisah karo sing lanang: éwadéné jèn meksa pepisahan karo sing
108
