Kaca iki wis divalidasi
- inḍaking Sih Kasusantan;
- Sih Pitulungan sagedipun sesémahan tjara Katulik, tresna - tinresnan, lan sesarengan nggulawențah anakipun kados samesţinipun.
6] 356. Dèk kapan anggoné wong lanang Katulik lan wong wadon Katulik pada nampakaké lan nampani Sakramèn mau?
- Anggènipun tijang djaler Katulik lan tijang èstri Katulik sami nampèkaken lan nampèni Sakramèn wau, inggih menika nalika sami ngu- tjapaken kasagahanipun badé dados sémah, wonten ing ngarsanipun Rama Pasturing Parokinipun, dipunseksèni saḍèrèk kalih.
6] 357. Omah-omah olèh angger wong iku apa mesti kalilan lan apa mesti absah idjabé?
- Émah-émah angsal uger tijang menika boten temtu kalilan lan boten temtu absah idjabipun, awit wonten alangan ingkang murugaken boten absah idjabipun.
6] 358. Ngaranana alangan sawatara kang marakaké Idjabé ora absah.
- Alangan ingkang murugaken idjabipun boten absah, upaminipun tijang Katulik angsal:
- tijang ingkang dèrèng dipunbaptis;
- tijang ingkang taksih gaḍah sémah;
- sadèrèk pijambak utawi saḍèrèk-ipé ing grad ingkang dipunawisi.
107
