Kaca:Kajawen 41 1927-10-13.pdf/22

Saka Wikisumber
Kaca iki durung katitiwaca

ꦤ​ꦲꦶꦁ​ꦱꦔꦉꦥ꧀ꦥꦶꦁ​ꦧꦭꦸꦁ​ꦧꦭꦸꦁ​ꦔꦶꦁ​ꦧꦺꦴꦁ​ꦱ​ꦏꦿꦩꦠ꧀꧈​ꦱꦂꦠ​ꦲꦚꦼꦏꦼꦭ꧀ꦮꦼꦱꦶ​ꦩꦼꦔꦔꦃ꧈​ꦲꦮꦶꦠ꧀ꦩꦤꦮꦶ​ꦱꦶꦫ​ꦚꦠ​ꦲꦺꦴꦫ​ꦢꦸꦮꦺ​ꦢꦺꦴꦱ꧈​ꦲꦺꦴꦫ​ꦧꦏꦭ꧀ꦏꦫꦱ​ꦥꦤꦱ꧀꧈​ꦲꦸꦠꦮ​ꦲꦺꦴꦫ​ꦧꦏꦭ꧀ꦲꦤꦶꦮꦱ꧀ꦱꦶ꧉​

꧋ꦱꦫꦶꦫꦤꦶꦥꦸꦤ꧀ꦱꦁ​ꦦꦿꦩꦺꦱ꧀ꦮꦫꦶ​ꦒꦸꦩꦼꦠꦼꦂ​ꦲꦩꦶꦉꦁ​ꦔꦏꦼꦤ꧀ꦥꦔꦤ꧀ꦢꦶꦏꦤꦶꦥꦸꦤ꧀ꦱꦁ​ꦤꦠ​ꦩꦏꦠꦼꦤ꧀ꦥꦸꦤꦶꦏ꧈​ꦱꦂꦠ​ꦲꦩꦤ꧀ꦢꦼꦁ​ꦝꦠꦼꦁ​ꦯꦁ​ꦦꦿꦧꦸ꧈​ꦮꦸꦱꦤ​ꦩꦠꦸꦂ​ꦩꦏꦠꦼꦤ꧀꧇​ꦓꦸꦱ꧀ꦠꦶ꧈​ꦩꦸꦒꦶ​ꦥꦢꦸꦏ​ꦏꦂꦱꦲ​ꦲꦤꦶꦩ꧀ꦧꦭ꧀ꦭꦶ​ꦠꦸꦮꦶꦤ꧀ꦏꦂꦱꦲ​ꦲꦔꦧ꧀ꦢꦺꦏ꧀ꦲꦏꦼꦤ꧀ꦝꦠꦼꦁ​ꦧꦫꦺꦴꦤ꧀ꦠꦶꦠꦶꦒ​ꦮꦲꦸ꧉​ꦏꦮꦸꦭ​ꦱꦒꦃ​ꦲꦔ꧀ꦭꦩ꧀ꦥꦃꦲꦶ​ꦱꦸꦩ꧀ꦥꦃ​ꦏꦢꦺꦴꦱ꧀ꦲꦶꦁ​ꦏꦁ​ꦱꦩ꧀ꦥꦸꦤ꧀ꦏꦲꦠꦸꦂꦫꦏꦼꦤ꧀ꦲꦶꦁ​ꦥꦢꦸꦏ​ꦥꦸꦤꦶꦏ꧉​

꧋ꦯꦁ​ꦦꦿꦧꦸ​ꦲꦩꦁ​ꦱꦸꦭ꧀ꦭꦶ꧇​ꦏꦥꦤ꧀ꦲꦁ​ꦒꦺꦴꦤ꧀ꦤꦶꦫ​ꦲꦉꦥ꧀ꦱꦸꦩ꧀ꦥꦃ​ꦲꦶꦏꦸ꧈​ꦪꦪꦶ꧉​

꧋ꦲꦠꦸꦂꦫꦶꦥꦸꦤ꧀ꦱꦁ​ꦦꦿꦩꦺꦱ꧀ꦮꦫꦶ꧇​ꦱꦢꦱ​ꦢꦶꦤ꧀ꦠꦼꦤ꧀ꦩꦭꦶꦃ꧈​ꦓꦸꦱ꧀ꦠꦶ꧉​

꧋ꦥꦔꦤ꧀ꦢꦶꦏꦤꦶꦥꦸꦤ꧀ꦱꦁ​ꦦꦿꦧꦸ꧇​ꦪꦪꦶ꧈​ꦠꦺꦩ꧀ꦥꦺꦴ​ꦱꦥꦸꦭꦸꦃ​ꦢꦶꦤ​ꦲꦶꦏꦸ​ꦲꦺꦁ​ꦒꦭ꧀ꦧꦔꦼꦠ꧀꧉​

꧋ꦯꦁ​ꦥꦸꦠꦿꦶ​ꦤꦼꦩ꧀ꦧꦃ​ꦩꦠꦸꦂ꧇​ꦓꦸꦱ꧀ꦠꦶ꧈​ꦱꦪꦏ꧀ꦠꦺꦴꦱ꧀ꦱꦶꦥꦸꦤ꧀ꦱꦢꦱ​ꦢꦶꦤ꧀ꦠꦼꦤ꧀ꦥꦸꦤꦶꦏ​ꦏꦢꦔꦺꦴꦤ꧀ꦱꦔꦼꦠ꧀꧈​ꦲꦤꦔꦶꦁ​ꦏꦮꦸꦭ​ꦒꦝꦃ​ꦥꦤꦸꦮꦸꦤ꧀ꦩꦸꦒꦶ​ꦥꦢꦸꦏ​ꦏꦂꦱ​ꦔꦠꦸꦂꦫꦶ​ꦫꦮꦸꦃ​ꦯꦁ​ꦦꦿꦧꦸ​ Artur ꦲꦶꦁ​ Carduel ꦠꦸꦮꦶꦤ꧀ꦥꦫ​ꦧꦫꦺꦴꦤ꧀ꦏꦭꦺꦫꦺꦲꦤ꧀ꦤꦶꦥꦸꦤ꧀ꦱꦠꦸꦱ꧀꧈​ꦩꦏꦠꦼꦤ꧀ꦲꦸꦒꦶ​ꦯꦁ​ Walewein꧈​ Griflet ꦱꦲ​ Keye꧈​ꦩꦤ꧀ꦠꦿꦶ​ꦥꦔꦂꦱ​ꦲꦶꦁ​ꦏꦫꦠꦺꦴꦤ꧀꧈​ꦱꦒꦼꦢ꧀ꦢ​ꦲꦚ꧀ꦗꦼꦤꦼꦁ​ꦔꦶ​ꦲꦁ​ꦒꦺꦤ꧀ꦏꦮꦸꦭ​ꦔ꧀ꦭꦩ꧀ꦥꦃꦲꦶ​ꦱꦸꦩ꧀ꦥꦃ꧈​ꦮꦺꦴꦤ꧀ꦠꦼꦤ꧀ꦲꦶꦁ​ꦲꦫ​ꦲꦫ​ꦱꦕꦼꦭꦏ꧀ꦏꦶꦁ​ꦭꦺꦥꦺꦤ꧀ꦲꦶꦁ​ꦏꦁ​ꦢꦢꦺꦴꦱ꧀ꦠꦥꦼꦭ꧀ꦮꦠꦼꦱ꧀ꦱꦶꦁ​ꦤꦒꦫꦶ Cornwallis ꦏꦭꦶꦪꦤ꧀ꦤꦒꦫꦶ​ Carduel꧈​ꦲꦮꦶꦠ꧀ꦩꦤꦮꦶ​ꦧꦺꦴꦠꦼꦤ꧀ꦩꦏꦠꦼꦤ꧀ꦏꦮꦸꦭ​ꦏꦸꦮꦠꦺꦴꦱ꧀ꦧꦶꦭꦶꦃ​ꦲꦶꦁ​ꦠꦼꦩ꧀ꦧꦺ꧈​ꦱꦱꦩ꧀ꦥꦸꦤ꧀ꦤꦶꦥꦸꦤ꧀ꦏꦮꦸꦭ​ꦲꦔ꧀ꦭꦩ꧀ꦥꦃꦲꦶ​ꦱꦸꦩ꧀ꦥꦃ​ꦥꦸꦤꦶꦏ꧈​ꦥꦫ​ꦧꦫꦺꦴꦤ꧀ꦏꦭꦺꦫꦺꦃꦲꦤ꧀ꦥꦢꦸꦏ​ꦒꦝꦃ​ꦥꦤꦸꦮꦸꦤ꧀ꦩꦭꦶꦃ​ꦱꦸꦥꦢꦺꦴꦱ꧀ꦏꦮꦸꦭ​ꦲꦔ꧀ꦭꦩ꧀ꦥꦃꦲꦶ​ꦱꦸꦩ꧀ꦥꦃ​ꦱꦤꦺꦱ꧀ꦩꦭꦶꦃ꧉​ꦩꦤꦮꦶ​ꦱꦸꦩ꧀ꦥꦃ​ꦏꦮꦸꦭ​ꦥꦸꦤꦶꦏ​ꦱꦶꦤꦼꦏ꧀ꦱꦺꦤꦤ꧀ꦲꦶꦁ​ꦯꦁ​ꦦꦿꦧꦸ​ Artur ꦠꦸꦮꦶꦤ꧀ꦥꦫ​ꦧꦫꦺꦴꦤ꧀ꦏꦭꦺꦫꦺꦃꦲꦤ꧀ꦤꦶꦥꦸꦤ꧀꧈​ꦱꦱꦉꦁ​ꦔꦤ꧀ꦏꦭꦶꦪꦤ꧀ꦥꦫ​ꦧꦫꦺꦴꦤ꧀ꦏꦭꦺꦫꦺꦃꦲꦤ꧀ꦥꦢꦸꦏ​ꦱꦢꦪ꧈​ꦥꦫ​ꦧꦫꦺꦴꦤ꧀ꦲꦶꦁ​ꦏꦁ​ꦱꦩꦶ​ꦲꦮꦺꦴꦤ꧀ꦩꦤꦃꦲꦶꦥꦸꦤ꧀ꦱꦲꦺꦱ꧀ꦠꦸ​ꦧꦺꦴꦠꦼꦤ꧀ꦧꦝꦺ​ꦮꦤꦶ​ꦒꦝꦃ​ꦥꦤꦸꦮꦸꦤ꧀ꦩꦏꦠꦼꦤ꧀ꦩꦭꦶꦃ꧉​

꧋ꦏꦕꦫꦶꦪꦺꦴꦱ꧀꧈​ꦏꦭ​ꦱꦩꦤ꧀ꦠꦼꦤ꧀ꦱꦁ​ꦦꦿꦧꦸ​ Marc ꦤꦸꦤ꧀ꦠꦼꦤ꧀ꦲꦸꦠꦸꦱ꧀ꦱꦤ꧀ꦥꦫꦶꦁ​ꦱꦸꦩꦼꦉꦥ꧀ꦝꦠꦼꦁ​ꦥꦫ​ꦧꦫꦺꦴꦤ꧀ꦱꦢꦪ​ꦥꦿꦏꦮꦶꦱ꧀ꦱꦁ​ꦥꦸꦠꦿꦶ​ꦧꦝꦺ[13]ꦱꦸꦩ꧀ꦥꦃ​ꦮꦲꦸ꧈​ꦱꦂꦠ​ꦱꦩꦶ​ꦢꦶꦥꦸꦤ꧀ꦠꦶꦩ꧀ꦧꦭ꧀ꦭꦶ꧈​ꦱꦸꦥꦢꦺꦴꦱ꧀ꦧꦚ꧀ꦗꦶꦁ​ꦢꦸꦩꦸꦒꦶꦤꦶꦁ​ꦢꦶꦤ꧀ꦠꦼꦤ꧀ꦱꦁ​ꦥꦸꦠꦿꦶ​ꦲꦔ꧀ꦭꦩ꧀ꦥꦃꦲꦶ​ꦱꦸꦩ꧀ꦥꦃ​ꦮꦲꦸ​ꦱꦩꦶ​ꦝꦠꦼꦁ​ꦲꦤꦼꦏ꧀ꦱꦺꦤ꧀ꦤꦶ​ꦮꦺꦴꦤ꧀ꦠꦼꦤ꧀ꦲꦶꦁ​ꦲꦫ​ꦲꦫ​ꦲꦶꦁ​ꦠꦥꦼꦭ꧀ꦮꦠꦼꦱ꧀ꦱꦶꦁ​ꦤꦒꦫꦶ​ Cornwallis ꦠꦸꦮꦶꦤ꧀ꦤꦒꦫꦶ Carduel꧉​ꦩꦏꦠꦼꦤ꧀ꦲꦸꦒꦶ​ꦯꦁ​ꦤꦠ​ꦲꦶꦁ​ꦒꦶꦃ​ꦲꦸꦠꦸꦱ꧀ꦱꦤ꧀ꦲꦔꦠꦸꦂꦫꦶ​ꦦꦿꦧꦸ​ Artur ꦱꦸꦥꦢꦺꦴꦱ꧀ꦲꦶꦁ​ꦢꦶꦤ꧀ꦠꦼꦤ꧀ꦥꦸꦤꦶꦏ​ꦏꦂꦱꦲ​ꦫꦮꦸꦃ​ꦲꦚ꧀ꦗꦼꦤꦼꦁ​ꦔꦶ꧈​ꦱꦲ​ꦩꦸꦒꦶ​ꦏꦝꦺꦫꦺꦏ꧀ꦲꦏꦼꦤ꧀ꦲꦶꦁ​ꦮꦢꦾꦧꦭꦤꦶꦥꦸꦤ꧀꧉​ꦯꦁ​ꦦꦿꦩꦺꦱ꧀ꦮꦫꦶ​ꦲꦶꦁ​ꦒꦶꦃ​ꦲꦸꦠꦸꦱ꧀ꦱꦤ꧀ꦲꦧ꧀ꦢꦶ​ꦏꦶꦤꦱꦶꦃ​ꦲꦮꦱ꧀ꦠ​ Pirinis ꦧꦼꦏ꧀ꦠꦤ꧀ꦱꦏꦶꦁ​ꦲꦶꦁ​ꦆꦂꦭꦤ꧀ꦫꦸꦩꦶꦪꦶꦤ꧀꧈​ꦏꦝꦮꦃꦲꦤ꧀ꦱꦺꦴꦮꦤ꧀ꦝꦠꦼꦁ​ꦯꦁ​ꦦꦿ Tristan꧉​ꦭꦩ꧀ꦥꦃꦲꦶꦥꦸꦤ꧀ Pirinis ꦲꦔ꧀ꦭꦁ​ꦏꦸꦁ​ꦔꦶ​ꦮꦤ꧈​ꦧꦺꦴꦠꦼꦤ꧀ꦲꦤꦸꦫꦸꦠ꧀ꦩꦂꦒꦶ꧈​ꦱꦸꦥꦢꦺꦴꦱ꧀ꦱꦩ꧀ꦥꦸꦤ꧀ꦔꦤ꧀ꦠꦺꦴꦱ꧀ꦏꦱꦸꦩꦼꦉꦥ꧀ꦥꦤ꧀ꦲꦶꦁ​ꦠꦶꦪꦁ​ꦱꦤꦺꦱ꧀꧉​ꦱꦉꦁ​ꦱꦩ꧀ꦥꦸꦤ꧀ꦢꦸꦩꦸꦒꦶ​ꦲꦶꦁ​ꦒꦿꦶꦪꦤꦶꦥꦸꦤ꧀ꦩꦤ꧀ꦠꦿꦶ​ꦮꦤ​ Orri ​ꦭꦗꦼꦁ​ꦩꦁ​ꦒꦶꦃꦲꦶ​ꦦꦿꦧꦸ​ Tristan ꦱꦲ​ꦩꦠꦸꦂ​ꦧꦶꦭꦶꦃ​ꦱꦏꦶꦁ​ꦥꦤꦸꦮꦸꦤ꧀ꦤꦶꦥꦸꦤ꧀ꦥꦫ​ꦧꦫꦺꦴꦤ꧀ꦲꦶꦁ​ꦏꦁ​ꦢꦽꦁ​ꦏꦶ​ꦩꦤꦃꦲꦶꦥꦸꦤ꧀ꦝꦠꦼꦁ​ꦦꦿꦧꦸ​ Marc꧈​ꦯꦁ​ꦦꦿꦩꦺꦱ꧀ꦮꦫꦶ​ꦧꦝꦺ​ꦲꦔ꧀ꦭꦩ꧀ꦥꦃꦲꦶ​ꦱꦸꦩ꧀ꦥꦃ​ꦏꦢꦺꦴꦱ꧀ꦲꦶꦁ​ꦏꦁ​ꦏꦱꦼꦧꦸꦠ꧀ꦲꦶꦁ​ꦔꦶꦁ​ꦒꦶꦭ꧀ꦮꦲꦸ꧉​[14]ꦲꦠꦸꦂꦫꦶꦥꦸꦤ꧀Pirinis꧇​ꦝꦸꦃ꧈​ꦱꦠꦿꦶꦪ꧈​ꦏꦮꦸꦭ​ꦢꦶꦥꦸꦤ꧀ꦲꦸꦠꦸꦱ꧀ꦲꦶꦁ​ꦯꦁ​ꦦꦿꦩꦺꦱ꧀ꦮꦫꦶ​ꦲꦔꦠꦸꦂꦫꦶ​ꦥꦢꦸꦏ​ꦱꦸꦥꦢꦺꦴꦱ꧀ꦝꦮꦃꦲꦶꦁ​ꦢꦶꦤ꧀ꦠꦼꦤ꧀ꦱꦁ​ꦦꦿꦩꦺꦱ꧀ꦮꦫꦶ​ꦲꦔ꧀ꦭꦩ꧀ꦥꦃꦲꦶ​ꦱꦸꦩ꧀ꦥꦃ​ꦥꦸꦤꦶꦏ​ꦥꦢꦸꦏ​ꦏꦂꦱꦲ​ꦫꦮꦸꦃ​ꦲꦶꦁ​ꦲꦫ​ꦲꦫ​ꦮꦲꦸ꧈​ꦲꦔꦒꦼꦩ꧀ꦩ​ꦥꦔꦁ​ꦒꦺꦤ꧀ꦤꦶꦥꦸꦤ꧀ꦥꦼꦏꦶꦂ꧈​ꦱꦩ꧀ꦥꦸꦤ꧀ꦲꦩ꧀ꦧꦼꦏ꧀ꦠ​ꦢꦢꦩꦼꦭ꧀꧈​ꦱꦂꦠ​ꦱꦩ꧀ꦥꦸꦤ꧀ꦔꦤ꧀ꦠꦺꦴꦱ꧀ꦮꦺꦴꦤ꧀ꦠꦼꦤ꧀ꦠꦶꦪꦁ​ꦲꦶꦁ​ꦏꦁ​ꦱꦒꦼꦢ꧀ꦚꦸꦩꦼꦉꦥ꧀ꦥꦶ​ꦧꦶꦭꦶꦃ​ꦥꦢꦸꦏ​ꦲꦶꦁ​ꦏꦁ​ꦤꦩꦸꦂ​ꦢꦢꦺꦴꦱ꧀ꦥꦼꦏꦶꦂ​ꦥꦸꦤꦶꦏ꧉​ꦥꦢꦸꦏ​ꦢꦶꦥꦸꦤ꧀ꦲꦠꦸꦂꦫꦶ​ꦫꦮꦸꦃ​ꦲꦶꦁ​ꦥꦶꦁ​ꦒꦶꦂꦫꦶꦁ​ꦭꦺꦥꦺꦤ꧀ꦲꦶꦁ​ꦥꦥꦤ꧀ꦥꦢꦸꦤꦸꦁ​ꦔꦤ꧀ꦤꦶꦥꦸꦤ꧀ꦦꦿꦧꦸ​ Artur ꦩꦱꦁ​ꦒꦿꦲꦤ꧀꧈​ꦲꦶꦁ​ꦔꦿꦶꦏꦸ​ꦥꦢꦸꦏ​ꦧꦝꦺ​ꦱꦒꦼꦢ꧀ꦩꦶꦠꦸꦭꦸꦁ​ꦔꦶ​ꦯꦁ​ꦥꦸꦠꦿꦶ꧈​ꦲꦮꦶꦠ꧀ꦱꦁ​ꦥꦸꦠꦿꦶ​ꦲꦗꦿꦶꦃ​ꦱꦔꦼꦠ꧀ꦝꦠꦼꦁ​ꦱꦸꦩ꧀ꦥꦃ​ꦮꦲꦸ꧈​ꦤꦔꦶꦁ​ꦠꦤ꧀ꦱꦃ​ꦱꦸꦩꦺꦤ꧀ꦝꦺ​ꦝꦠꦼꦁ​ꦲꦶꦁ​ꦦꦔꦺꦫꦤ꧀ꦲꦶꦁ​ꦏꦁ​ꦩꦲ​ꦏꦮꦱ​ꦲꦶꦁ​ꦏꦁ​ꦱꦩ꧀ꦥꦸꦤ꧀ꦥꦫꦶꦁ​ꦥꦶꦮꦼꦭꦱ꧀ꦝꦠꦼꦁ​ꦥꦚ꧀ꦗꦼꦤꦼꦁ​ꦔꦤ꧀ꦤꦶꦥꦸꦤ꧀ꦤꦭꦶꦏ​ꦧꦝꦺ​ꦏꦥꦠꦿꦥ꧀ꦥꦤ꧀ꦲꦸꦏꦸꦩ꧀ꦩꦤ꧀ꦥꦼꦗꦃ​ꦠꦸꦮꦶꦤ꧀ꦱꦒꦼꦢ꧀ꦲꦺꦴꦚ꧀ꦕꦠ꧀ꦱꦏꦶꦁ​ꦮꦼꦮꦼꦁ​ꦏꦺꦴꦤ꧀ꦤꦶꦥꦸꦤ꧀ꦏꦺꦫꦺ​ꦏꦺꦫꦺ​ꦫꦸꦩꦶꦪꦶꦤ꧀꧉​

꧋ꦦꦿꦧꦸ​ꦡꦿꦶꦱ꧀ꦠꦤ꧀ꦲꦩꦁ​ꦱꦸꦭ꧀ꦭꦶ꧈​ꦥꦔꦤ꧀ꦢꦶꦏꦤꦶꦥꦸꦤ꧀꧇​ꦱꦢꦸꦭꦸꦂ​ꦲꦺꦁ​ꦒꦭ꧀ꦧꦭꦶꦪ​ꦩꦫꦁ​ꦏꦫꦠꦺꦴꦤ꧀꧉​ꦩꦠꦸꦂꦫ​ꦩꦫꦁ​ꦯꦁ​ꦦꦿꦩꦺꦱ꧀ꦮꦫꦶ꧈​ꦪꦺꦤ꧀ꦲꦶꦁ​ꦱꦸꦤ꧀ꦤꦼꦢꦾ​ꦲꦔ꧀ꦭꦼꦏ꧀ꦱꦤꦤ꧀ꦤꦶ​ꦥꦩꦸꦤ꧀ꦝꦸꦠ꧀ꦠꦺ​ꦲꦶꦏꦸ꧉​

꧋ꦏꦕꦫꦶꦪꦺꦴꦱ꧀꧈​ꦤꦭꦶꦏ​ Pirinis ꦮꦁ​ꦱꦸꦭ꧀ꦝꦠꦼꦁ​ꦲꦶꦁ​ꦏꦫꦠꦺꦴꦤ꧀꧈​ꦮꦺꦴꦤ꧀ꦠꦼꦤ꧀ꦲꦶꦁ​ꦱꦠꦼꦔꦃꦲꦶꦁ​ꦮꦤ​ꦏꦥꦁ​ꦒꦶꦃ​ꦏꦭꦶꦪꦤ꧀ꦩꦤ꧀ꦠꦿꦶꦮꦤ​ꦲꦶꦁ​ꦏꦁ​ꦚꦸꦩꦼꦉꦥ꧀ꦥꦶ​ꦥꦥꦤ꧀ꦥꦢꦸꦤꦸꦁ​ꦔꦤ꧀ꦤꦶꦥꦸꦤ꧀ꦦꦿꦧꦸ Tristan ꦠꦸꦮꦶꦤ꧀ꦱꦁ​ꦥꦸꦠꦿꦶ​ Isolde ꦏꦭ​ꦮꦺꦴꦤ꧀ꦠꦼꦤ꧀ꦲꦶꦁ​ꦮꦤ​ꦫꦸꦩꦶꦪꦶꦤ꧀꧉​ꦩꦤ꧀ꦠꦿꦶ​ꦮꦤ​ꦮꦲꦸ​ꦏꦊꦉꦱ꧀ꦱꦤ꧀ꦱꦮꦼꦒ꧀ꦲꦤꦸꦠꦸꦥ꧀ꦥꦶ​ꦭꦸꦮꦁ​ꦔꦤ꧀ꦊꦧꦼꦠ꧀ꦱꦔꦼꦠ꧀꧈​ꦱꦫꦤ​ꦥꦁ​ꦥꦁ​ꦔꦶꦁ​ꦏꦏꦗꦼꦁ​ꦔꦤ꧀ꦠꦸꦮꦶꦤ꧀ꦫꦺꦴꦤꦿꦺꦴꦤ꧀ꦤꦤ꧀꧈​ꦱꦸꦥꦢꦺꦴꦱ꧀ꦲꦤ꧀ꦝꦥ꧀ꦥꦤ꧀ꦲꦸꦠꦮꦶ​ꦱꦒꦮꦺꦴꦤ꧀ꦲꦗꦒ꧀ꦲꦶꦁ​ꦏꦁ​ꦢꦶꦥꦸꦤ꧀ꦥꦱꦁ​ꦔꦶ​ꦧꦺꦴꦠꦼꦤ꧀ꦱꦸꦩꦼꦉꦥ꧀ꦝꦠꦼꦁ​ꦭꦸꦮꦁ​ꦔꦤ꧀ꦮꦲꦸ꧉​ꦩꦤ꧀ꦠꦿꦶ​ꦮꦤ​ꦱꦉꦁ​ꦱꦸꦩꦼꦉꦥ꧀ꦝꦠꦼꦁ​ Pirinis ꦧꦝꦺ​ꦭꦸꦩꦗꦼꦁ​ꦤꦔꦶꦁ​ꦧꦺꦴꦠꦼꦤ꧀ꦏꦧꦸꦗꦼꦁ​꧈​ꦩꦂꦒꦶ​ꦤꦸꦤ꧀ꦠꦼꦤ꧀ꦏꦗꦺꦴꦫꦺꦴꦒ꧀ꦒꦏꦼꦤ꧀ꦢꦺꦤꦶꦁ​ Pirinis꧈​ꦏꦕꦼꦩ꧀ꦥ꧀ꦭꦸꦁ​ꦲꦶꦁ​ꦭꦸꦮꦁ​ꦔꦤ꧀꧉​ꦮꦶꦕꦤ꧀ꦠꦼꦤ꧀ꦤꦶꦥꦸꦤ꧀ Pirinis꧇​ꦲꦺꦃ꧈​ꦮꦺꦴꦁ​ꦲꦭ꧈​ꦪꦒꦺꦤꦺ​ꦱꦶꦫ​ꦲꦉꦥ꧀ꦭꦸꦩꦪꦸ꧉​ꦱꦶꦫ​ꦮꦸꦱ꧀ꦲꦢꦺꦴꦭ꧀ꦏꦱ꧀ꦭꦩꦼꦠ꧀ꦠꦤ꧀ꦤꦺ​ꦯꦁ​ꦦꦿꦩꦺꦱ꧀ꦮꦫꦶ꧈​ꦩꦸꦭꦤꦺ​ꦮꦶꦱ꧀ꦧꦼꦤꦼꦂꦫꦺ​ꦱꦶꦫ​ꦏꦕꦼꦩ꧀ꦥ꧀ꦭꦸꦁ​ꦲꦶꦁ​ꦭꦸꦮꦁ​ꦔꦤ꧀ꦒꦮꦺꦪꦤ꧀ꦤꦶꦫ​ꦝꦺꦮꦺ​ꦲꦶꦏꦸ꧈​ꦩꦶꦤꦺꦴꦁ​ꦏ​ꦏꦸꦧꦸꦂꦫꦶꦫ꧉​

꧋ꦱꦱꦩ꧀ꦥꦸꦤ꧀ꦤꦶꦥꦸꦤ꧀ꦮꦶꦕꦤ꧀ꦠꦼꦤ꧀ꦩꦏꦠꦼꦤ꧀ꦩꦤ꧀ꦠꦿꦶ​ꦮꦤ​ꦭꦗꦼꦁ​ꦢꦶꦥꦸꦤ꧀ꦥꦼꦤ꧀ꦛꦸꦁ​ꦲꦶꦁ​ꦠꦼꦏꦼꦤ꧀ꦤꦶꦥꦸꦤ꧀꧉​ꦱꦶꦫꦃꦲꦶꦥꦸꦤ꧀ꦉꦩꦸꦏ꧀꧈​ꦱꦤꦭꦶꦏ​ꦥꦼꦗꦃ꧉​ꦩꦪꦶꦠ꧀ꦠꦶꦥꦸꦤ꧀ꦭꦗꦼꦁ​ꦢꦶꦥꦸꦤ꧀ꦧꦿꦸꦏ꧀ꦏꦶ​ꦲꦶꦁ​ꦏꦏꦗꦼꦁ​ꦔꦤ꧀ꦠꦸꦮꦶꦤ꧀ꦢꦶꦥꦸꦤ꧀ꦲꦸꦫꦸꦒ꧀ꦒꦶ​ꦲꦶꦁ​ꦫꦺꦴꦤꦿꦺꦴꦤ꧀ꦤꦤ꧀꧉​

꧋ꦏꦺꦴꦕꦥ​ꦲꦶꦁ​ꦢꦶꦤ꧀ꦠꦼꦤ꧀ꦏꦠꦩ꧀ꦠꦸꦮꦤ꧀ꦤꦶꦥꦸꦤ꧀ꦱꦁ​ꦦꦿꦩꦺꦱ꧀ꦮꦫꦶ​ꦧꦝꦺ​ꦱꦸꦩ꧀ꦥꦃ​ꦮꦲꦸ꧈​ꦯꦁ​ꦤꦠ​ꦏꦭꦶꦪꦤ꧀ꦱꦁ​ꦦꦿꦩꦺꦱ꧀ꦮꦫꦶ​ꦠꦸꦮꦶꦤ꧀ꦥꦫ​ꦧꦫꦺꦴꦤ꧀ꦱꦲ​ꦥꦫ​ꦱꦠꦿꦶꦪ​ꦏꦭꦺꦫꦺꦃꦲꦤ꧀ꦤꦶꦥꦸꦤ꧀ꦦꦿꦧꦸ Marc ꦧꦶꦝꦭ꧀ꦝꦠꦼꦁ​ꦲꦶꦁ​ꦲꦫ​ꦲꦫ​ꦲꦶꦁ​ꦠꦥꦼꦭ꧀ꦮꦠꦼꦱ꧀ꦱꦶꦁ​ꦤꦒꦫꦶ Cornwallis꧉​ꦱꦢꦸꦩꦸꦒꦶꦤꦶꦁ​ꦥꦶꦁ​ꦒꦶꦂ​ꦭꦺꦥꦺꦤ꧀ꦢꦶꦥꦸꦤ꧀ꦲꦸꦂꦩꦠ꧀ꦠꦶ​ꦢꦺꦤꦶꦁ​ꦦꦿꦧꦸ​ Artur ꦱꦮꦢꦾꦧꦭꦤꦶꦥꦸꦤ꧀꧈​ꦲꦶꦁ​ꦏꦁ​ꦩꦱꦁ​ꦒꦿꦃꦲꦤ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦥꦶꦁ​ꦒꦶꦂ​ꦔꦿꦶꦏ꧉​ꦲꦶꦁ​ꦔꦿꦶꦏꦸ​ꦏꦠꦶꦔꦭ꧀ꦮꦺꦴꦤ꧀ꦠꦼꦤ꧀ꦥꦼꦏꦶꦂ​ꦱꦠꦸꦁ​ꦒꦶꦭ꧀ꦲꦶꦁ​ꦏꦁ​ꦤꦸꦗꦸ​ꦔꦼꦩꦶꦱ꧀ꦝꦠꦼꦁ​ꦥꦫ​ꦧꦫꦺꦴꦤ꧀ꦲꦸꦠꦮꦶ​ꦱꦠꦿꦶꦪ​ꦲꦶꦁ​ Carduel꧉​ꦯꦁ​ꦦꦿꦧꦸ​ Marc ꦠꦸꦮꦶꦤ꧀ꦱꦁ​ꦦꦿꦩꦺꦱ꧀ꦮꦫꦶ​ꦱꦮꦢꦾꦤꦶꦥꦸꦤ꧀ꦱꦩꦶ​ꦚꦧꦿꦁ​ꦤꦶꦠꦶꦃ​ꦧꦲꦶꦠ​ꦲꦶꦁ​ꦏꦁ​ꦱꦩ꧀ꦥꦸꦤ꧀ꦏꦱꦝꦶꦪꦏ꧀ꦲꦏꦼꦤ꧀꧉​ꦱꦉꦁ​ꦧꦲꦶꦠ​ꦲꦶꦁ​ꦏꦁ​ꦢꦶꦥꦸꦤ꧀ꦠꦶꦠꦶꦃꦲꦶ​ꦯꦁ​ꦦꦿꦩꦺꦱ꧀ꦮꦫꦶ​ꦱꦩ꧀ꦥꦸꦤ꧀ꦢꦸꦩꦸꦒꦶ​ꦲꦶꦁ​ꦥꦶꦁ​ꦒꦶꦂ꧈​ꦯꦁ​ꦥꦸꦠꦿꦶ​ꦭꦗꦼꦁ​ꦔꦤ꧀ꦢꦶꦏ꧇​ꦥꦫ​ꦱꦠꦿꦶꦪ꧈​ꦏꦢꦺꦴꦱ꧀ꦥꦸꦤ꧀ꦢꦶ​ꦱꦒꦼꦢ꧀ꦏꦸꦭ​ꦩꦼꦤ꧀ꦠꦱ꧀ꦢꦸꦩꦸꦒꦶ​ꦲꦶꦁ​ꦝꦫꦠ꧀ꦠꦤ꧀ꦱꦸꦥꦢꦺꦴꦱ꧀ꦥꦔꦁ​ꦒꦺ​ꦏꦸꦭ​ꦧꦺꦴꦠꦼꦤ꧀ꦏꦺꦔꦶꦁ​ꦲꦶꦁ​ꦗꦼꦧ꧀ꦭꦺꦴꦒ꧀꧈​ꦥꦸꦤꦥ​ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦠꦸꦏꦁ​ꦧꦲꦶꦠ​ꦲꦶꦁ​ꦏꦁ​ꦱꦒꦼꦢ꧀ꦩꦶꦠꦸꦭꦸꦁ​ꦔꦶ​ꦲꦁ​ꦒꦺꦤ꧀ꦝꦺꦴꦁ​ꦏꦸꦭ꧉​

꧋ꦥꦿꦩꦶꦭ​ꦯꦁ​ꦥꦸꦠꦿꦶ​ꦩꦸꦤ꧀ꦝꦸꦠ꧀ꦒꦺꦤ꧀ꦝꦺꦴꦁ​ꦩꦂꦒꦶ​ꦧꦲꦶꦠ​ꦠꦶꦠꦶꦃꦲꦤ꧀ꦤꦶꦥꦸꦤ꧀ꦧꦺꦴꦠꦼꦤ꧀ꦱꦒꦼꦢ꧀ꦩꦺꦥꦺꦠ꧀ꦲꦶꦁ​ꦝꦫꦠ꧀ꦠꦤ꧀꧈​ꦲꦮꦶꦠ꧀ꦠꦏ꧀ꦱꦶꦃ​ꦱꦮꦠꦮꦶꦱ꧀ꦩꦭꦶꦃ​ꦏꦭꦶꦪꦤ꧀ꦝꦫꦠ꧀ꦠꦤ꧀ꦱꦩ꧀ꦥꦸꦤ꧀ꦏꦤ꧀ꦝꦱ꧀꧉​ꦤꦸꦤ꧀ꦠꦼꦤ꧀ꦮꦺꦴꦤ꧀ꦠꦼꦤ꧀ꦱꦠꦿꦶꦪ​ꦱꦠꦸꦁ​ꦒꦭ꧀ꦲꦶꦁ​ꦏꦁ​ꦲꦔ

@

ꦮꦺ​ꦝꦠꦼꦁ​ꦥꦼꦏꦶꦂ​ꦮꦲꦸ꧈​ꦢꦶꦥꦸꦤ꧀ꦲꦸꦤ꧀ꦢꦁ​ꦏꦥꦸꦫꦶꦃ​ꦚꦼꦩ꧀ꦥ꧀ꦭꦸꦁ​ꦝꦠꦼꦁ​ꦲꦶꦁ​ꦥꦶꦁ​ꦒꦶꦂꦫꦶꦁ​ꦭꦺꦥꦺꦤ꧀ꦱꦂꦠ​ꦲꦁ​ꦒꦺꦤ꧀ꦝꦺꦴꦁ​ꦱꦁ​ꦦꦿꦩꦺꦱ꧀ꦮꦫꦶ​ꦝꦠꦼꦁ​ꦝꦫꦠ꧀ꦠꦤ꧀꧈​ꦮꦶꦕꦤ꧀ꦠꦼꦤ꧀ꦤꦶꦥꦸꦤ꧀꧇​ꦩꦶꦠꦿ꧈​ꦩꦿꦺꦤꦺꦪ꧈​ꦱꦝꦺꦭ꧉​ꦒꦺꦤ꧀ꦝꦺꦴꦁ​ꦔꦼꦤ꧀ꦱꦁ​ꦦꦿꦩꦺꦱ꧀ꦮꦫꦶ​ꦲꦶꦏꦸ​ꦩꦼꦚꦁ​ꦝꦫꦠ꧀ꦠꦤ꧀꧈​ꦩꦤꦮ​ꦱꦶꦫ​ꦏꦸꦮꦠ꧀꧉​

꧋ꦥꦼꦏꦶꦂ​ꦮꦲꦸ​ꦤꦸꦤ꧀ꦠꦼꦤ꧀ꦚꦼꦩ꧀ꦥ꧀ꦭꦸꦁ​ꦲꦶꦁ​ꦭꦺꦥꦺꦤ꧀꧈​ꦲꦚꦏꦼꦠ꧀ꦠꦶ​ꦧꦲꦶꦠ​ꦲꦶꦁ​ꦏꦁ​ꦢꦶꦥꦸꦤ꧀ꦠꦶꦠꦶꦃꦲꦶ​ꦯꦁ​ꦦꦿꦩꦺꦱ꧀ꦮꦫꦶ꧉​ꦯꦁ​ꦦꦿꦩꦺꦱ꧀ꦮꦫꦶ​ꦭꦗꦼꦁ​ꦢꦶꦥꦸꦤ꧀ꦒꦺꦤ꧀ꦝꦺꦴꦁ​꧉​ꦯꦁ​ꦦꦿꦩꦺꦱ꧀ꦮꦫꦶ​ꦔꦤ꧀ꦢꦶꦏ​ꦭꦶꦫꦶꦃ​ꦱꦔꦼꦠ꧀꧇​ꦏꦏꦱꦶꦃ​ꦏꦸꦭ꧈​ꦩꦁ​ꦏꦺ​ꦮꦺꦴꦤ꧀ꦠꦼꦤ꧀ꦲꦶꦁ​ꦥꦮꦼꦝꦺꦤ꧀ꦔꦗꦼꦁ​ꦥꦸꦤꦶꦏ​ꦱꦩ꧀ꦥꦺꦪꦤ꧀ꦲꦤ꧀ꦝꦮꦃ꧉​

꧋ꦱꦉꦁ​ꦲꦁ​ꦒꦺꦤ꧀ꦤꦶꦥꦸꦤ꧀ꦲꦁ​ꦒꦺꦤ꧀ꦝꦺꦴꦁ​ꦯꦁ​ꦥꦸꦠꦿꦶ​ꦮꦲꦸ​ꦱꦩ꧀ꦥꦸꦤ꧀ꦢꦸꦩꦸꦒꦶ​ꦲꦶꦁ​ꦝꦫꦠ꧀ꦠꦤ꧀꧈​ꦮꦺꦴꦤ꧀ꦠꦼꦤ꧀ꦲꦶꦁ​ꦥꦮꦼꦝꦺꦤ꧀꧈​ꦥꦏꦶꦂ​ꦮꦲꦸ​ꦲꦥꦶ​ꦲꦥꦶ​ꦏꦱꦤ꧀ꦝꦸꦁ​꧈​ꦭꦗꦼꦁ​ꦝꦮꦃ꧉​ꦯꦁ​ꦦꦿꦩꦺꦱ꧀ꦮꦫꦶ​ꦠꦤ꧀ꦱꦃ​ꦢꦶꦥꦸꦤ꧀ꦕꦼꦥꦼꦁ​ꦔꦶ꧉​ꦥꦫ​ꦤꦺꦤꦺꦩ꧀ꦩꦤ꧀ꦥꦸꦠꦿꦤꦶꦁ​ꦧꦺꦴꦁ​ꦱ​ꦭꦸꦲꦸꦂ​ꦠꦸꦮꦶꦤ꧀ꦥꦫ​ꦥꦿꦶꦪꦤ꧀ꦠꦸꦤꦶꦁ​ꦧꦲꦶꦠ​ꦱꦩꦶ​ꦩꦼꦤ꧀ꦝꦼꦠ꧀ꦮꦼꦭꦃ​ꦲꦸꦠꦮꦶ​ꦥꦿꦧꦺꦴꦠ꧀ꦱꦤꦺꦱꦶꦥꦸꦤ꧀ꦧꦝꦺ​ꦏꦁ​ꦒꦺ​ꦲꦁ​ꦒꦼꦧꦒ꧀ꦒꦶ​ꦥꦼꦏꦶꦂ​ꦮꦲꦸ꧈​ꦤꦔꦶꦁ​ꦯꦁ​ꦦꦿꦩꦺꦱ꧀ꦮꦫꦶ​ꦔꦤ꧀ꦢꦶꦏ꧇​ꦲꦗ​ꦢꦶꦩꦸꦤꦱꦶꦏ꧈​ꦥꦼꦏꦶꦂ​ꦲꦶꦏꦸ꧈​ꦏꦉꦧꦺꦤ꧀ꦭꦸꦔ꧈​ꦩꦸꦭꦤꦺ​ꦠꦶꦧ​ꦩꦤꦮ​ꦱꦏ​ꦲꦁ​ꦒꦺꦴꦤ꧀ꦤꦺ​ꦮꦶꦱ꧀ꦧꦔꦼꦠ꧀ꦱꦪꦃꦲꦺ꧈​ꦩꦂꦒ​ꦮꦶꦱ꧀ꦲꦢꦺꦴꦃ​ꦭꦭꦏꦺꦴꦤ꧀ꦤꦺ꧉​ꦯꦁ​ꦥꦸꦠꦿꦶ​ꦭꦗꦼꦁ​ꦲꦔꦭꦸꦁ​ꦔꦏꦼꦤ꧀ꦲꦼꦩꦱ꧀ꦝꦠꦼꦁ​ꦥꦼꦏꦶꦂ​ꦮꦲꦸ꧉​

꧋ꦲꦶꦁ​ꦥꦭꦠꦂꦫꦤ꧀ꦱꦔꦗꦼꦁ​ꦔꦶꦁ​ꦥꦱꦁ​ꦒꦿꦃꦲꦤ꧀ꦤꦶꦥꦸꦤ꧀ꦦꦿꦧꦸ​ Artur ꦱꦩ꧀ꦥꦸꦤ꧀ꦧꦶꦤꦺꦧꦺꦂꦫꦤ꧀ꦧꦧꦸꦠ꧀ꦠꦸꦮꦶꦤ꧀ꦱꦸꦠꦿ​ꦱꦸꦠꦿ​ꦮꦼꦢꦭ꧀ꦭꦤ꧀ꦲꦶꦁ​ꦟꦶꦕꦺꦪ꧈​ꦠꦸꦩꦸꦩ꧀ꦥꦁ​ꦲꦶꦁ​ꦱꦔꦶꦁ​ꦒꦶꦭ꧀ꦭꦶꦁ​ꦥꦱꦸꦏꦼꦠ꧀ꦠꦤ꧀꧉​ꦧꦭꦸꦁ​ꦧꦭꦸꦁ​ꦔꦶꦁ​ꦧꦺꦴꦁ​ꦱ​ꦏꦿꦩꦠ꧀ꦲꦶꦁ​ꦒꦶꦃ​ꦱꦩ꧀ꦥꦸꦤ꧀ꦏꦮꦼꦢꦭ꧀ꦭꦏꦼꦤ꧀ꦱꦏꦶꦁ​ꦲꦶꦁ​ꦊꦩꦤ꧀ꦠꦸꦤ꧀ꦥꦁ​ꦒꦺꦤ꧀ꦤꦤ꧀ꦚꦶꦩ꧀ꦥꦼꦤ꧀ꦧꦫꦁ​ꦧꦫꦁ​ꦲꦶꦁ​ꦏꦁ​ꦩꦭꦠ꧀ꦠꦶ​ꦮꦲꦸ꧈​ꦏꦢꦺꦭꦺꦃ​ꦮꦺꦴꦤ꧀ꦠꦼꦤ꧀ꦲꦶꦁ​ꦧꦧꦸꦠ꧀꧈​ꦢꦶꦥꦸꦤ꧀ꦗꦒꦶ​ꦢꦺꦤꦶꦁ​ꦯꦁ Walewein꧈​ Griflet ꦱꦲ​ꦯꦁ​ Keye꧉​ꦲꦶꦁ​ꦱꦕꦼꦭꦏ꧀ꦏꦶꦁ​ꦧꦫꦁ​ꦧꦫꦁ​ꦲꦶꦁ​ꦏꦁ​ꦲꦩꦭꦠ꧀ꦠꦶ​ꦏꦕꦮꦶꦱ꧀ꦱꦤ꧀ꦭꦠꦸ​ꦲꦒꦼꦁ​ꦏꦁ​ꦒꦺ​ꦲꦩ꧀ꦧꦼꦱ꧀ꦩꦶ​ꦠꦺꦴꦱꦤ꧀꧈​ꦲꦶꦁ​ꦏꦁ​ꦏꦭ​ꦱꦩꦤ꧀ꦠꦼꦤ꧀ꦱꦩ꧀ꦥꦸꦤ꧀ꦩꦼꦔꦔꦃ​ꦏꦢꦺꦴꦱ꧀ꦮꦺꦴꦔ꧀ꦮ꧉​ꦱꦱꦩ꧀ꦥꦸꦤ꧀ꦤꦶꦥꦸꦤ꧀ꦩꦸꦩꦸꦗꦶ​ꦝꦠꦼꦁ​ꦲꦶꦁ​ꦏꦁ​ꦩꦲ​ꦏꦮꦱ꧈​ꦯꦁ​ꦦꦿꦩꦺꦱ꧀ꦮꦫꦶ​ꦭꦗꦼꦁ​ꦲꦔꦿꦸꦕꦠ꧀ꦏꦭꦸꦁ​ꦠꦸꦮꦶꦤ꧀ꦒꦼꦭꦁ​ꦲꦶꦁ​ꦏꦁ​ꦲꦮꦶꦱ꧀ꦱꦔꦼꦠ꧀ꦉꦒꦶꦤꦶꦥꦸꦤ꧀ꦥꦸꦤꦶꦏ꧈​ꦲꦮꦶꦠ꧀ꦏꦗꦮꦶ​ꦱꦏꦶꦁ​ꦲꦼꦩꦱ꧀꧈​ꦲꦒꦼꦩ꧀ꦲꦒꦼꦩ꧀ꦩꦤ꧀ꦥꦸꦤꦶꦏ​ꦱꦩꦶ​ꦠꦶꦤꦫꦺꦠꦺꦱ꧀ꦲꦶꦁ​ꦱꦼꦱꦺꦴꦠꦾ​ꦲꦢꦶ꧉​ꦤꦸꦤ꧀ꦠꦼꦤ꧀ꦏꦥꦫꦶꦁ​ꦔꦏꦼꦤ꧀ꦝꦠꦼꦁ​ꦏꦺꦫꦺ​ꦏꦺꦫꦺ​ꦲꦶꦁ​ꦏꦁ​ꦱꦩꦶ​ꦔꦼꦩ꧀ꦥꦭ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦔꦿꦶꦏꦸ꧉​ꦩꦏꦠꦼꦤ꧀ꦲꦸꦒꦶ​ꦲꦒꦼꦩ꧀ꦲꦒꦼꦩ꧀ꦩꦤ꧀ꦤꦶꦥꦸꦤ꧀ꦩꦼꦏꦼꦤ꧈​ꦩꦤ꧀ꦠꦼꦭ꧀꧈​ꦱꦼꦥꦠꦸ꧈​ꦠꦸꦮꦶꦤ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀ꦲꦶꦁ​ꦒꦶꦃ​ꦢꦶꦥꦸꦤ꧀ꦫꦸꦕꦠ꧀ꦠꦶ꧈​ꦏꦥꦫꦶꦁ​ꦔꦏꦼꦤ꧀ꦝꦠꦼꦁ​ꦏꦺꦫꦺ​ꦏꦺꦫꦺ​ꦮꦲꦸ꧈​ꦤꦩꦸꦁ​ꦏꦤ꧀ꦠꦸꦤ꧀ꦲꦔꦒꦼꦩ꧀ꦲꦒꦼꦩ꧀ꦲꦒꦼꦩ꧀ꦩꦤ꧀ꦫꦁ​ꦏꦼꦥ꧀ꦥꦤ꧀ꦲꦶꦁ​ꦏꦁ​ꦠꦤ꧀ꦥ​ꦊꦔꦼꦤ꧀ꦤꦤ꧀꧉​ꦱꦱꦩ꧀ꦥꦸꦤ꧀ꦤꦶꦥꦸꦤ꧀ꦩꦏꦠꦼꦤ꧀ꦭꦗꦼꦁ​ꦲꦚꦏꦼꦠ꧀ꦠꦶ​ꦥꦥꦤ꧀ꦥꦊꦁ​ꦒꦃꦲꦤ꧀ꦤꦶꦥꦸꦤ꧀ꦦꦿꦧꦸ Artur ꦠꦸꦮꦶꦤ꧀ꦦꦿꦧꦸ Marc꧉​ꦥꦫ​ꦧꦫꦺꦴꦤ꧀ꦱꦢꦪ​ꦱꦩꦶ​ꦏꦺꦤ꧀ꦢꦼꦭ꧀ꦏꦺꦩꦮꦺꦴꦤ꧀꧈​ꦒꦸꦩꦸꦤ꧀ꦲꦤꦶꦔꦭ꧀ꦭꦶ​ꦠꦠꦒ꧀ꦒꦶꦁ​ꦥꦁ​ꦒꦭꦶꦃꦲꦶꦥꦸꦤ꧀ꦱꦁ​ꦦꦿꦩꦺꦱ꧀ꦮꦫꦶ꧈​ꦱꦠꦼꦩꦃ​ꦱꦩꦶ​ꦤꦔꦶꦱ꧀ꦏꦩꦶꦮꦼꦭꦱ꧀ꦱꦼꦤ꧀꧉​ꦏꦭꦶꦪꦤ꧀ꦒꦸꦩꦼꦠꦼꦂ​ꦯꦁ​ꦦꦿꦩꦺꦱ꧀ꦮꦫꦶ​ꦲꦔꦱ꧀ꦠ​ꦧꦭꦸꦁ​ꦧꦭꦸꦁ​ꦔꦶꦁ​ꦏꦿꦩꦠ꧀ꦮꦲꦸ꧈​ꦱꦂꦮꦶ​ꦔꦤ꧀ꦢꦶꦏ꧇​ꦯꦁ​ꦦꦿꦧꦸ​ꦲꦶꦁ​ Logres ꦠꦸꦮꦶꦤ꧀ꦱꦁ​ꦤꦠ​ꦲꦶꦁ​ Cornwallis꧈​ꦯꦁ​ Walewein꧈​ Keye ꦠꦸꦮꦶꦤ꧀ ꦯꦁ Girflet ꦩꦸꦒꦶ​ꦥꦢꦸꦏ​ꦱꦩꦶ​ꦏꦂꦱ​ꦲꦤꦼꦏ꧀ꦱꦺꦤ꧀ꦤꦶ꧈​ꦏꦮꦸꦭ​ꦱꦸꦩ꧀ꦥꦃ​ꦝꦠꦼꦁ​ꦧꦭꦸꦁ​ꦧꦭꦸꦁ​ꦔꦶꦁ​ꦧꦺꦴꦁ​ꦱ​ꦏꦿꦩꦠ꧀ꦥꦸꦤꦶꦏ꧈​ꦠꦸꦮꦶꦤ꧀ꦝꦠꦼꦁ​ꦧꦫꦁ​ꦧꦫꦁ​ꦲꦶꦁ​ꦏꦁ​ꦩꦭꦠ꧀ꦠꦶ​ꦱꦤꦺꦱ꧀ꦱꦶꦥꦸꦤ꧀ꦲꦶꦁ​ꦱꦔꦭꦩ꧀ꦢꦺꦴꦚ​ꦥꦸꦤꦶꦏ꧈​ꦧꦶꦭꦶꦃ​ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦠꦶꦪꦁ​ꦗꦊꦂ​ꦲꦶꦁ​ꦏꦁ​ꦱꦩ꧀ꦥꦸꦤ꧀ꦤꦠꦺ​ꦩꦺꦴꦤ꧀ꦝꦺꦴꦁ​ꦝꦠꦼꦁ​ꦗꦠ꧀ꦏꦮꦸꦭ꧈​ꦏꦗꦮꦶ​ꦦꦿꦧꦸ​ Marc ꦏꦭꦶꦪꦤ꧀ꦥꦼꦏꦶꦂ​ꦲꦶꦁ​ꦏꦁ​ꦝꦮꦃ​ꦮꦺꦴꦤ꧀ꦠꦼꦤ꧀ꦲꦶꦁ​ꦥꦮꦼꦝꦺꦤ꧀꧈​ꦲꦶꦁ​ꦏꦁ​ꦱꦩꦶ​ꦥꦢꦸꦏ​ꦥꦿꦶꦏ꧀ꦱꦤꦶ​ꦮꦲꦸ꧉​ꦦꦿꦧꦸ Marc ꦥꦸꦤꦥ​ꦱꦸꦩ꧀ꦥꦃ​ꦏꦮꦸꦭ​ꦥꦸꦤꦶꦏ​ꦱꦩ꧀ꦥꦸꦤ꧀ꦲꦢꦩꦼꦭ꧀ꦥꦤꦸꦗꦸꦤꦶꦁ​ꦥꦁ​ꦒꦭꦶꦃ​ꦥꦢꦸꦏ꧉​

꧋ꦯꦁ​ꦦꦿꦧꦸ[15]ꦩꦂꦕ꧀ꦲꦥꦫꦶꦁ​ꦮꦁ​ꦱꦸꦭ꧀ꦭꦤ꧀꧇​ꦲꦶꦪ꧈​ꦪꦪꦶ꧈​ꦮꦶꦱ꧀ꦕꦸꦏꦸꦥ꧀꧉​ꦩꦸꦒ​ꦩꦸꦒ​ꦓꦸꦱ꧀ꦠꦶ​ꦏꦁ​ꦩꦲ​ꦲꦒꦸꦁ​ꦏꦂꦱ​ꦥꦫꦶꦁ​ꦥꦸꦠꦸꦱ꧀ꦱꦤ꧀ꦏꦁ​ꦲꦢꦶꦭ꧀ꦩꦫꦁ​ꦥꦿꦏꦫ​ꦲꦶꦏꦶ꧉​

꧋ꦯꦁ​ꦥꦸꦠꦿꦶ​ꦤꦸꦤ꧀ꦠꦼꦤ꧀ꦲꦔꦸꦕꦥ꧀꧇​ꦲꦩꦶꦤ꧀꧉​ꦱꦱꦩ꧀ꦥꦸꦤ꧀ꦤꦶꦥꦸꦤ꧀ꦤꦸꦤ꧀ꦠꦼꦤ꧀ꦲꦚꦏꦼꦠ꧀ꦠꦶ​ꦭꦠꦸ꧉​ꦠꦶꦤ꧀ꦢꦏ꧀ꦏꦶꦥꦸꦤ꧀ꦱꦼꦩ꧀ꦥꦺꦴꦪꦺꦴꦁ​ꦔꦤ꧀ꦱꦂꦠ​ꦥꦱꦸꦂꦪꦤ꧀ꦤꦶꦥꦸꦤ꧀ꦏꦠꦶꦔꦭ꧀ꦥꦸꦕꦼꦠ꧀ꦱꦔꦼꦠ꧀꧉​ꦠꦺꦴꦱ꧀ꦱꦤ꧀ꦲꦶꦁ​ꦏꦁ​ꦩꦼꦔꦔꦃ​ꦮꦲꦸ​ꦭꦗꦼꦁ​ꦢꦶꦥꦸꦤ꧀ꦥꦸꦤ꧀ꦝꦸꦠ꧀ꦱꦏꦶꦁ​ꦱꦊꦧꦼꦠ꧀ꦠꦶꦁ​ꦭꦠꦸ꧈​ꦢꦶꦥꦸꦤ꧀ꦲꦱ꧀ꦠ​ꦱꦂꦠ​ꦢꦶꦥꦸꦤ꧀ꦧꦼꦏ꧀ꦠ​ꦠꦶꦤ꧀ꦢꦏ꧀ꦔꦤ꧀ꦠꦺꦴꦱ꧀ꦱꦔꦁ​ꦗꦁ​ꦏꦃ꧈​ꦭꦗꦼꦁ​ꦢꦶꦥꦸꦤ꧀ꦲꦸꦚ꧀ꦕꦭ꧀ꦭꦏꦼꦤ꧀꧉​ꦲꦱ꧀ꦠꦤꦶꦥꦸꦤ꧀ꦏꦏꦭꦶꦃ​ꦤꦸꦤ꧀ꦠꦼꦤ꧀ꦢꦶꦥꦸꦤ꧀ꦲꦺꦤ꧀ꦛ​ꦏꦗꦼꦁ​ꦩꦿꦥꦠ꧀(Kruis)꧈​ꦲꦺꦥꦺꦏ꧀ꦲꦺꦥꦺꦏ꧀ꦏꦶꦁ​ꦲꦱ꧀ꦠꦤꦶꦥꦸꦤ꧀ꦢꦶꦥꦸꦤ꧀ꦲꦗꦼꦁ​ꦔꦏꦼꦤ꧀ꦝꦠꦼꦁ​ꦱꦢꦪ​ꦲꦶꦁ​ꦏꦁ​ꦲꦚ꧀ꦗꦼꦤꦼꦁ​ꦔꦶ​ꦲꦁ​ꦒꦺꦤ꧀ꦤꦶꦥꦸꦤ꧀ꦱꦸꦩ꧀ꦥꦃ​ꦥꦸꦤꦶꦏ꧉​ꦱꦢꦪ​ꦱꦩꦶ​ꦤꦶꦔꦭ꧀ꦭꦶ​ꦧꦶꦭꦶꦃ​ꦲꦱ꧀ꦠꦤꦶꦥꦸꦤ꧀ꦱꦁ​ꦥꦸꦠꦿꦶ​ꦲꦶꦁ​ꦏꦁ​ꦏꦁ​ꦒꦺ​ꦔꦱ꧀ꦠ​ꦠꦺꦴꦱ꧀ꦱꦤ꧀ꦩꦼꦔꦔꦃ​ꦮꦲꦸ​ꦧꦺꦴꦠꦼꦤ꧀ꦥꦸꦤꦥ​ꦥꦸꦤꦥ꧈​ꦩꦭꦃ​ꦏꦠꦶꦔꦭ꧀ꦭꦁ​ꦏꦸꦁ​ꦱꦸꦩꦿꦶꦔꦃ​ꦠꦶꦤꦶꦩ꧀ꦧꦁ​ꦏꦭꦮꦲꦸ​ꦱꦢꦺꦫꦺꦁ​ꦔꦶꦥꦸꦤ꧀ꦏꦁ​ꦒꦺ​ꦔꦱ꧀ꦠ​ꦠꦺꦴꦱ꧀ꦱꦤ꧀ꦩꦼꦔꦔꦃ꧉​ꦱꦠꦼꦩꦃ​ꦱꦢꦪ​ꦠꦶꦪꦁ​ꦱꦩꦶ​ꦩꦼꦩꦸꦗꦶ​ꦲꦔ꧀ꦭꦸꦲꦸꦂꦫꦏꦼꦤ꧀ꦲꦱ꧀ꦩꦤꦶꦥꦸꦤ꧀ꦲꦶꦁ​ꦏꦁ​ꦩꦲ​ꦏꦮꦱ꧉​

꧇꧑꧓꧇​

꧋ꦱ꧀ꦮꦫꦤꦶꦁ​ꦥꦼꦏ꧀ꦱꦶ​ꦲꦶꦁ​ꦮꦚ꧀ꦕꦶ​ꦢꦭꦸ꧉​

꧋ꦱꦉꦁ​ꦦꦿꦧꦸ​ Tristan ꦱꦩ꧀ꦥꦸꦤ꧀ꦫꦮꦸꦃ​[16]ꦲꦶꦁ​ꦒꦿꦶꦪꦤꦶꦥꦸꦤ꧀ꦩꦤ꧀ꦠꦿꦶ​ꦮꦤ​ Orri ​ꦭꦗꦼꦁ​ꦫꦸꦕꦠ꧀ꦲꦒꦼꦩ꧀ꦲꦒꦼꦩ꧀ꦩꦤ꧀ꦥꦔꦁ​ꦒꦺꦤꦶꦁ​ꦥꦼꦏꦶꦂ​ꦮꦲꦸ꧉​ꦏꦭ​ꦱꦩꦤ꧀ꦠꦼꦤ꧀ꦦꦿꦧꦸ​ Tristan ꦲꦁ​ꦒꦭꦶꦃ​ꦧꦶꦭꦶꦃ​ꦱꦩ꧀ꦥꦸꦤ꧀ꦩꦁ​ꦱꦤꦶꦥꦸꦤ꧀ꦏꦼꦢꦃ​ꦏꦺꦱꦃ​ꦱꦏꦶꦁ​ꦲꦶꦁ​ Cornwallis ꦏꦢꦺꦴꦱ꧀ꦲꦶꦁ​ꦏꦁ​ꦱꦩ꧀ꦥꦸꦤ꧀ꦏꦱꦒꦃꦲꦏꦼꦤ꧀ꦝꦠꦼꦁ​ꦯꦁ​ꦦꦿꦧꦸ​ Marc ꦤꦭꦶꦏ​ꦔꦠꦸꦂꦫꦏꦼꦤ꧀ꦮꦁ​ꦱꦸꦭ꧀ꦱꦁ​ꦦꦿꦩꦺꦱ꧀ꦮꦫꦶ​ꦫꦸꦩꦶꦪꦶꦤ꧀꧉​ꦏꦗꦮꦶ​ꦥꦸꦤꦶꦏ​ꦱꦩ꧀ꦥꦸꦤ꧀ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦏꦁ​ꦲꦤ꧀ꦢꦢꦺꦴꦱ꧀ꦱꦏꦼꦤ꧀ꦲꦭꦔꦤ꧀ꦤꦶꦁ​ꦠꦶꦤ꧀ꦢꦏ꧀ꦏꦶꦥꦸꦤ꧀꧉​ꦩꦂꦒꦶ​ꦱꦁ​ꦦꦿꦩꦺꦱ꧀ꦮꦫꦶ​ꦱꦩ꧀ꦥꦸꦤ꧀ꦲꦔ꧀ꦭꦩ꧀ꦥꦃꦲꦶ​ꦱꦸꦩ꧀ꦥꦃ​ꦱꦂꦠ​ꦮꦶꦭꦸꦗꦼꦁ​꧉​ꦯꦁ​ꦤꦠ​ꦲꦱꦶꦃ​ꦱꦔꦼꦠ꧀ꦝꦠꦼꦁ​ꦥꦚ꧀ꦗꦼꦤꦼꦁ​ꦔꦤ꧀ꦤꦶꦥꦸꦤ꧀꧉​ꦩꦤꦮꦶ​ꦥꦼꦂꦭꦸ​ꦯꦁ​ꦦꦿꦧꦸ​ Artur ꦱꦲꦺꦱ꧀ꦠꦸ​ꦧꦝꦺ​ꦏꦂꦱ​ꦲꦠꦸꦠꦸꦭꦸꦁ​ꦝꦠꦼꦁ​ꦯꦁ​ꦦꦿꦩꦺꦱ꧀ꦮꦫꦶ꧉​ꦭꦤ꧀ꦩꦭꦶꦃ​ꦲꦶꦁ​ꦱꦫꦺꦃꦤꦺ​ꦯꦁ​ꦦꦿꦩꦺꦱ꧀ꦮꦫꦶ​ꦱꦩ꧀ꦥꦸꦤ꧀ꦲꦱꦸꦩ꧀ꦥꦃ꧈​ꦧꦝꦺ​ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦠꦶꦪꦁ​ꦲꦶꦁ​ꦏꦁ​ꦮꦤꦶ​ꦲꦔꦮꦺꦴꦤ꧀ꦲꦮꦺꦴꦤ꧀ꦩꦭꦶꦃ​