Kaca:Kajawen 41 1927-10-13.pdf/11

Saka Wikisumber
Kaca iki durung katitiwaca

ꦤ꧀ꦥꦥꦁ​ꦒꦶꦭ꧀ꦲꦶꦁ​ꦏꦁ​ꦲꦤꦺꦃ​ꦲꦤꦺꦃ꧉​ꦭꦗꦼꦁ​ꦝꦮꦸꦃ​ꦩꦔꦸꦤ꧀ꦮꦫꦶꦔꦶꦤ꧀ꦲꦶꦁ​ꦏꦁ​ꦮꦺꦴꦤ꧀ꦠꦼꦤ꧀ꦲꦶꦁ​ꦲꦭꦸꦤ꧀ꦲꦭꦸꦤ꧀ꦱꦢꦪ꧈​ꦥꦁ​ꦥꦁ​ꦔꦶꦥꦸꦤ꧀ꦲꦶꦁ​ꦏꦁ​ꦩꦺꦴꦚ꧀ꦕꦺꦴꦭ꧀ꦏꦠꦸꦠꦸꦃꦲꦤ꧈​ꦲꦩꦸꦫꦶꦃ​ꦏꦠꦶꦔꦭ꧀ꦱꦸꦩꦶꦭꦏ꧀ꦠꦸꦮꦶꦤ꧀ꦲꦱꦿꦶꦤꦶꦁ​꧈​ꦢꦸꦩꦸꦒꦶꦤꦶꦁ​ꦩꦺꦴꦁ​ꦱ​ꦝꦮꦸꦃꦲꦶꦥꦸꦤ꧀ꦱꦸꦥꦢꦺꦴꦱ꧀ꦧꦺꦴꦠꦼꦤ꧀ꦔꦸꦕꦶꦮꦤ꧀ꦤꦶ꧈​ꦥꦁ​ꦒꦫꦥ꧀ꦥꦶꦥꦸꦤ꧀ꦱꦒꦼꦢ​ꦫꦩ꧀ꦥꦸꦁ​ꦱꦢꦭꦸ꧈​ꦢꦺꦤꦺ​ꦩꦤꦮꦶ​ꦔꦤ꧀ꦠꦺꦴꦱ꧀ꦧꦺꦴꦠꦼꦤ꧀ꦱꦒꦼꦢ꧀ꦫꦩ꧀ꦥꦸꦁ​ꦧꦝꦺ​ꦏꦱꦤ꧀ꦢꦺꦏ꧀ꦲꦏꦼꦤ꧀ꦝꦲꦸꦧ꧀ꦧꦶꦥꦸꦤ꧀꧉​

꧋ꦨꦸꦚ꧀ꦕꦶꦉꦁ​ꦭꦗꦼꦁ​ꦲꦤ꧀ꦝꦠꦼꦁ​ꦔꦏꦼꦤ꧀ꦥꦩꦶꦠꦿꦤꦶꦥꦸꦤ꧀ꦏꦼꦛꦺꦏ꧀ꦢꦶꦥꦸꦤ꧀ꦗꦠꦺꦴꦱ꧀ꦱꦶ​ꦏꦫꦶꦧꦼꦢ꧀ꦢꦤ꧀ꦤꦶꦥꦸꦤ꧀꧈​ꦱꦩꦶ​ꦱꦤꦭꦶꦏ​ꦏꦼꦛꦺꦏ꧀ꦮꦲꦸ​ꦔꦶꦫꦶꦠ꧀ꦧꦁ​ꦱꦤꦶꦥꦸꦤ꧀ꦲꦺꦮꦺꦴꦤ꧀꧈​ꦊꦏ꧀ꦱꦤ꧀꧈​ꦱꦢꦪ​ꦱꦩꦶ​ꦩꦥꦭ꧀ꦭꦶ​ꦒꦺꦴꦝꦺꦴꦁ​ꦠꦸꦮꦶꦤ꧀ꦚꦼꦩ꧀ꦥꦭ꧀ꦭꦶ​ꦥꦁ​ꦲꦶꦁ​ꦏꦁ​ꦥꦠꦶꦁ​ꦥꦫꦺꦴꦚ꧀ꦕꦺꦴꦭ꧀꧈​ꦱꦩꦶ​ꦱꦢꦭꦸ​ꦥꦸꦤꦶꦏ​ꦮꦫꦶꦔꦶꦤ꧀ꦮꦫꦶꦔꦶꦤ꧀ꦲꦶꦁ​ꦲꦭꦸꦤ꧀ꦲꦭꦸꦤ꧀ꦱꦩ꧀ꦥꦸꦤ꧀ꦏꦠꦶꦔꦭ꧀ꦥꦿꦪꦺꦴꦒꦶ꧈​ꦲꦺꦚ꧀ꦗꦶꦁ​ꦔꦶꦥꦸꦤ꧀ꦏꦺꦴꦚ꧀ꦗꦸꦏ꧀ꦲꦶꦁ​ꦯꦁ​ꦟꦠ꧉​ꦯꦁ​ꦦꦿꦧꦸ​ꦱꦔꦼꦠ꧀ꦏꦒꦮꦺꦴꦏ꧀ꦏꦤ꧀꧈​ꦲꦶꦁ​ꦱꦊꦧꦼꦠ꧀ꦠꦶꦥꦸꦤ꧀ꦥꦁ​ꦒꦭꦶꦃ​ꦠꦏ꧀ꦱꦶꦃ​ꦔꦁ​ꦏꦃ​ꦱꦤ꧀ꦢꦺꦤꦶꦥꦸꦤ꧀꧈​ꦩꦶꦭ​ꦲꦤ꧀ꦝꦮꦸꦃꦲꦏꦼꦤ꧀ꦥꦥꦁ​ꦒꦶꦭ꧀ꦭꦤ꧀ꦩꦭꦶꦃ​ꦩꦸꦤ꧀ꦝꦸꦠ꧀ꦩꦿꦶꦪꦼꦩ꧀ꦲꦒꦼꦁ​ꦱꦫꦏꦶꦠ꧀ꦲꦶꦁ​ꦏꦁ​ꦱꦲꦺ​ꦮꦮꦔꦸꦤ꧀ꦤꦤ꧀ꦤꦶꦥꦸꦤ꧀꧈​ꦧꦝꦺ​ꦏꦁ​ꦒꦺ​ꦔꦸꦂꦩꦠ꧀ꦠꦶ​ꦧꦺꦚ꧀ꦗꦶꦁ​ꦝꦲꦸꦧ꧀ꦧꦶꦥꦸꦤ꧀꧈​ꦨꦸꦚ꧀ꦕꦶꦉꦁ​ꦚꦼꦤ꧀ꦢꦶꦏꦤꦶ꧈​ꦤꦔꦶꦁ​ꦚꦸꦮꦸꦤ꧀ꦱꦸꦩꦼꦢꦺ꧉​

꧋ꦨꦸꦚ꧀ꦕꦶꦉꦁ​ꦱꦔꦼꦠ꧀ꦲꦶꦁ​ꦥꦿꦶꦲꦠꦺꦴꦱ꧀ꦱꦶꦥꦸꦤ꧀ꦲꦁ​ꦒꦒꦱ꧀ꦥꦸꦥꦸꦤ꧀ꦝꦸꦠ꧀ꦠꦤ꧀ꦤꦶꦥꦸꦤ꧀ꦱꦸꦭ꧀ꦠꦤ꧀ꦲꦶꦁ​ꦨꦤ꧀ꦠꦼꦤ꧀ꦲꦶꦁ​ꦏꦁ​ꦱꦏꦭꦁ​ꦏꦸꦁ​ꦩꦺꦴꦏꦭ꧀ꦮꦲꦸ꧉​ꦱꦏꦶꦁ​ꦥꦸꦠꦼꦏ꧀ꦏꦶꦁ​ꦩꦤꦃ꧈​ꦭꦗꦼꦁ​ꦲꦤꦶꦱ꧀ꦱꦏꦶꦁ​ꦨꦤ꧀ꦠꦼꦤ꧀ꦲꦩꦫꦠꦥ​ꦮꦺꦴꦤ꧀ꦠꦼꦤ꧀ꦲꦶꦁ​ꦉꦢꦶ​ꦕꦁ​ꦲꦱ꧀꧈​ꦠꦶꦤꦫꦶꦩꦃ​ꦥꦸꦗꦧꦿꦠꦤꦶꦥꦸꦤ꧀ꦨꦸꦚ꧀ꦕꦶꦉꦁ​ꦲꦁ​ꦱꦭ꧀ꦮꦁ​ꦱꦶꦠ꧀ꦏꦥꦸꦫꦶꦃ​ꦩꦁ​ꦒꦶꦃꦲꦶ​ꦧꦥ​ꦧꦶꦪꦸꦁ​ꦔꦶꦥꦸꦤ꧀꧈​ꦲꦶꦁ​ꦒꦶꦃ​ꦠꦶꦪꦁ​ꦱꦼꦥꦸꦃꦲꦶꦥꦸꦤ꧀ꦮꦲꦸ​ꦲꦶꦁ​ꦏꦁ​ꦱꦒꦼꦢ꧀ꦲꦔ꧀ꦭꦏ꧀ꦱꦤ꧀ꦤꦶ​ꦥꦸꦥꦸꦤ꧀ꦝꦸꦠ꧀ꦠꦤ꧀ꦤꦶꦥꦸꦤ꧀ꦱꦁ​ꦦꦿꦧꦸ꧉​ꦕꦼꦏꦏ꧀ꦏꦶꦁ​ꦕꦫꦶꦪꦺꦴꦱ꧀ꦨꦸꦚ꧀ꦕꦶꦉꦁ​ꦭꦗꦼꦁ​ꦲꦩꦁ​ꦒꦶꦃꦲꦶ​ꦠꦶꦪꦁ​ꦱꦼꦥꦸꦃꦲꦶꦥꦸꦤ꧀ꦱꦲ​ꦲꦚꦫꦶꦪꦺꦴꦱ꧀ꦱꦏꦼꦤ꧀ꦥꦸꦥꦸꦤ꧀ꦝꦸꦠ꧀ꦠꦤ꧀ꦤꦶꦥꦸꦤ꧀ꦱꦁ​ꦦꦿꦧꦸ​ꦲꦶꦁ​ꦨꦤ꧀ꦠꦼꦤ꧀꧉​ꦮꦸꦱꦤ​ꦧꦥ​ꦧꦶꦪꦸꦁ​ꦔꦶꦥꦸꦤ꧀ꦱꦩꦶ​ꦩꦸꦗꦱꦼꦩꦢꦶ꧈​ꦱꦠꦼꦩꦃ​ꦗꦁ​ꦒꦼꦊꦏ꧀ꦱꦩꦶ​ꦢꦢꦺꦴꦱ꧀ꦩꦫꦶꦪꦼꦩ꧀ꦱꦫꦏꦶꦠ꧀꧉​ꦨꦸꦚ꧀ꦕꦶꦉꦁ​ꦱꦏꦭꦁ​ꦏꦸꦁ​ꦊꦒ​ꦩꦤꦃꦲꦶꦥꦸꦤ꧀꧈​ꦱꦲ​ꦭꦗꦼꦁ​ꦔꦠꦸꦂꦫꦶ​ꦲꦸꦤꦶꦔ​ꦝꦠꦼꦁ​ꦨꦤ꧀ꦠꦼꦤ꧀꧉​ꦲꦤꦔꦶꦁ​ꦥꦶꦤ꧀ꦠꦼꦤ꧀ꦥꦶꦤ꧀ꦠꦼꦤ꧀ꦲꦺꦮꦸ​ꦠꦶꦪꦁ​ꦧꦺꦴꦠꦼꦤ꧀ꦏꦸꦮꦮꦶ​ꦲꦩ꧀ꦧꦼꦏ꧀ꦠ​ꦩꦫꦶꦪꦼꦩ꧀ꦱꦫꦏꦶꦠ꧀ꦮꦲꦸ꧉​ꦢꦔꦸ​ꦢꦔꦸ​ꦏꦩꦶꦉꦁ​ꦔꦤ꧀ꦮꦺꦴꦤ꧀ꦠꦼꦤ꧀ꦱ꧀ꦮꦫ꧈​ꦧꦶꦭꦶꦃ​ꦲꦶꦁ​ꦏꦁ​ꦏꦸꦮꦮꦶ​ꦲꦩ꧀ꦧꦼꦏ꧀ꦠ​ꦩꦿꦶꦪꦼꦩ꧀ꦮꦲꦸ​ꦤꦩꦸꦁ​ꦨꦸꦚ꧀ꦕꦶꦉꦁ​ꦥꦶꦪꦩ꧀ꦧꦏ꧀꧉​ꦨꦸꦚ꧀ꦕꦶꦉꦁ​ꦠꦸꦩꦤ꧀ꦢꦁ​ꦲꦶꦁ​ꦢꦩꦼꦭ꧀꧈​ꦩꦿꦶꦪꦼꦩ꧀ꦱꦫꦏꦶꦠ꧀ꦏꦗꦸꦚ꧀ꦗꦸꦁ​꧈​ꦏꦧꦼꦏ꧀ꦠ​ꦏꦕꦁ​ꦏꦶꦁ​ꦠꦔꦤ꧀ꦏꦶꦮ​ꦠꦼꦔꦼꦤ꧀꧈​ꦠꦶꦠꦶꦪꦁ​ꦏꦛꦃ​ꦱꦩꦶ​ꦏꦒꦮꦺꦴꦏ꧀ꦏꦤ꧀꧉​ꦭꦩ꧀ꦥꦃꦲꦶꦥꦸꦤ꧀ꦨꦸꦚ꧀ꦕꦶꦉꦁ​ꦮꦺꦴꦤ꧀ꦠꦼꦤ꧀ꦲꦶꦁ​ꦩꦂꦒꦶ​ꦏꦼꦥꦼꦛꦸꦏ꧀ꦥꦤ꧀ꦝꦺ꧈​ꦏꦾꦲꦶ​ꦥꦤ꧀ꦝꦺ​ꦔꦫꦸꦃ​ꦲꦫꦸꦃꦲꦶ꧈​ꦩꦿꦶꦪꦼꦩ꧀ꦮꦲꦸ​ꦮꦔꦸꦤ꧀ꦤꦶꦥꦸꦤ꧀ꦏꦶꦫꦁ​ꦱꦲꦺ꧈​ꦱꦩꦶ​ꦱꦤꦭꦶꦏ​ꦭꦗꦼꦁ​ꦢꦶꦥꦸꦤ꧀ꦲꦺꦮꦃꦲꦶ꧈​ꦥꦸꦕꦸꦏ꧀ꦏꦶꦥꦸꦤ꧀ꦢꦶꦥꦸꦤ꧀ꦲꦸꦏꦶꦂ​ꦱꦮꦠꦮꦶꦱ꧀꧈​ꦲꦶꦁ​ꦠꦼꦔꦃ​ꦢꦶꦥꦸꦤ꧀ꦲꦼꦭꦸꦏ꧀꧈​ꦱꦂꦠ​ꦲꦶꦁ​ꦮꦶꦁ​ꦏꦶꦁ​ꦢꦶꦥꦸꦤ꧀ꦱꦸꦏꦤ꧀ꦤꦶ​ꦒꦼꦭꦔꦤ꧀꧉​ꦝꦸꦱꦸꦤ꧀ꦥꦁ​ꦒꦺꦤ꧀ꦤꦤ꧀ꦲꦤ꧀ꦢꦤ꧀ꦢꦺꦴꦱ꧀ꦱꦶ​ꦩꦿꦶꦪꦺꦩ꧀ꦮꦲꦸ​ꦔꦤ꧀ꦠꦺꦴꦱ꧀ꦱꦤꦭꦶꦏ​ꦏꦠꦼꦭꦃ​ꦤꦩ​ꦦꦤ꧀ꦝꦺꦒꦼꦭꦁ​꧉​

꧋ꦏꦕꦫꦶꦪꦺꦴꦱ꧀ꦩꦿꦶꦪꦼꦩ꧀ꦱꦩ꧀ꦥꦸꦤ꧀ꦏꦺꦴꦚ꧀ꦗꦸꦏ꧀ꦲꦶꦁ​ꦯꦁ​ꦟꦠ꧈​ꦭꦗꦼꦁ​ꦏꦥꦫꦶꦁ​ꦔꦤ꧀ꦤꦩ꧇​ꦱꦶ​ꦗꦓꦸꦂ​ꦲꦏꦭꦶꦪꦤ꧀ꦚꦲꦶ​ꦯꦠꦺꦴꦩꦶ꧉​

꧋ꦯꦁ​ꦟꦠ​ꦩꦸꦥꦸꦱ꧀ꦲꦶꦁ​ꦥꦼꦥꦼꦱ꧀ꦛꦺꦤ꧀꧈​ꦥꦸꦠꦿꦶꦤꦶꦥꦸꦤ꧀ꦲꦶꦁ​ꦏꦁ​ꦢꦶꦥꦸꦤ꧀ꦲꦁ​ꦒꦺ​ꦱꦪꦼꦩ꧀ꦧꦫ​ꦱꦲꦺꦱ꧀ꦠꦸ​ꦏꦝꦲꦸꦧ꧀ꦧꦏꦼꦤ꧀ꦲꦁ​ꦱꦭ꧀ꦧꦸꦚ꧀ꦕꦶꦉꦁ​꧈​ꦩꦮꦶ​ꦮꦶꦮꦲꦤ꧀ꦲꦒꦼꦁ​ꦲꦒꦼꦁ​ꦔꦤ꧀꧉​