Kaca:Kajawen 41 1927-10-13.pdf/10

Saka Wikisumber
Menyang navigasi Menyang panggolèkan
Kaca iki durung katitiwaca

꧋ꦩꦸꦭ​ꦧꦸꦏꦤꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦏꦾꦲꦶ​ꦗꦓꦸꦂ꧉​

꧋ꦱꦩ꧀ꦥꦸꦤ꧀ꦢꦢꦺꦴꦱ꧀ꦭꦶꦩꦿꦃꦲꦶꦥꦸꦤ꧀ꦧꦺꦴꦁ​ꦱ​ꦗꦮꦶ꧈​ꦧꦶꦭꦶꦃ​ꦮꦺꦴꦤ꧀ꦠꦼꦤ꧀ꦥꦠꦶꦭꦱ꧀ꦱꦤ꧀ꦥꦠꦶꦭꦱ꧀ꦱꦤ꧀ꦲꦸꦠꦮꦶ​ꦧꦫꦁ​ꦧꦫꦁ​ꦏꦶꦤ꧈​ꦥꦸꦤꦶꦏ​ꦏꦺꦔꦶꦁ​ꦏꦠꦼꦩ꧀ꦠꦺꦴꦏ꧀ꦲꦏꦼꦤ꧀ꦭꦗꦼꦁ​ꦮꦺꦴꦤ꧀ꦠꦼꦤ꧀ꦕꦕꦿꦶꦪꦺꦴꦱ꧀ꦱꦤ꧀ꦤꦶꦥꦸꦤ꧀ꦲꦶꦁ​ꦏꦁ​ꦤꦸꦤ꧀ꦠꦼꦤ꧀ꦲꦤꦸꦠꦸꦠ꧀ꦠꦶ꧈​ꦲꦩ꧀ꦧꦧꦢ꧀ꦢꦏꦼꦤ꧀ꦲꦸꦠꦮꦶ​ꦲꦔꦤ꧀ꦝꦂꦫꦏꦼꦤ꧀ꦩꦸꦭꦧꦸꦏꦤꦶꦥꦸꦤ꧀ꦱꦂꦠ​ꦒꦒꦤ꧀ꦝꦺꦁ​ꦔꦤ꧀ꦤꦶꦁ​ꦕꦫꦶꦪꦺꦴꦱ꧀ꦲꦶꦁ​ꦏꦁ​ꦩꦒꦼꦥꦺꦴꦏ꧀ꦏꦤ꧀ꦏꦭꦶꦪꦤ꧀ꦥꦠꦶꦭꦱ꧀ꦱꦤ꧀ꦲꦸꦠꦮꦶ​ꦧꦫꦁ​ꦏꦶꦤ​ꦮꦲꦸ꧉​ꦩꦏꦠꦼꦤ꧀ꦲꦸꦒꦶ​ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦩꦫꦶꦪꦼꦩ꧀ꦏꦾꦲꦶ​ꦗꦓꦸꦂ꧈​ꦲꦶꦁ​ꦏꦁ​ꦱꦩꦁ​ꦏꦺ​ꦢꦢꦺꦴꦱ꧀ꦥꦸꦥꦸꦤ꧀ꦝꦺꦤ꧀ꦤꦶꦁ​ꦠꦶꦠꦶꦪꦁ​ꦏꦛꦃ​ꦲꦶꦁ​ꦨꦠꦮꦶ꧈​ꦥꦸꦤꦶꦏ​ꦩꦶꦠꦸꦫꦸꦠ꧀ꦏꦠꦿꦁ​ꦔꦤ꧀ꦲꦶꦁ​ꦏꦁ​ꦏꦱꦼꦧꦸꦠ꧀ꦲꦶꦁ​ꦦꦸꦱꦏ​ꦗꦮꦶ​ꦲꦶꦁ​ꦮꦸꦭꦤ꧀ꦗꦸꦤꦶ 1927 ꦎꦁ​ꦏ​ 6 ꦏꦤ꧀ꦛꦶ​ꦏꦕꦼꦏꦏ꧀ꦚꦫꦶꦪꦺꦴꦱ꧀ꦱꦏꦼꦤ꧀ꦩꦏꦠꦼꦤ꧀꧇​

꧋ꦏꦾꦲꦶ​ꦗꦓꦸꦂ​(ꦏꦾꦲꦶ​ꦯꦼꦠꦩ)ꦲꦶꦁ​ꦨꦠꦮꦶ꧉​ (keterangan foto)

꧋ꦏꦭ​ꦱꦠꦸꦁ​ꦒꦶꦭ꧀ꦭꦶꦁ​ꦗꦗꦏ​ꦤꦩ​ꦨꦸꦚ꧀ꦕꦶꦉꦁ​ꦲꦁ​ꦒꦺꦤ꧀ꦤꦶꦥꦸꦤ꧀ꦭꦭꦤ​ꦢꦸꦩꦸꦒꦶ​ꦲꦶꦁ​ꦨꦤ꧀ꦠꦼꦤ꧀꧈​ꦲꦶꦁ​ꦔꦿꦶꦏꦸ​ꦩꦶꦉꦁ​ꦲꦸꦤ꧀ꦝꦁ​ꦱꦪꦼꦩ꧀ꦧꦫ꧈​ꦧꦶꦭꦶꦃ​ꦦꦿꦩꦺꦱ꧀ꦮꦫꦶꦤꦶꦥꦸꦤ꧀ꦱꦁ​ꦦꦿꦧꦸ​ꦲꦶꦁ​ꦨꦤ꧀ꦠꦼꦤ꧀ꦱꦺꦢ꧈​ꦢꦺꦤꦺ​ꦱꦶꦤ꧀ꦠꦼꦤ꧀ꦲꦶꦁ​ꦏꦁ​ꦱꦒꦼꦢ꧀ꦚꦸꦒꦼꦁ​ꦔꦏꦼꦤ꧀ꦱꦺꦢꦤꦶꦥꦸꦤ꧀ꦱꦁ​ꦦꦿꦩꦺꦱ꧀ꦮꦫꦶ​ꦮꦲꦸ꧈​ꦧꦝꦺ​ ꦏꦝꦲꦸꦧ꧀ꦧꦏꦺꦤ꧀ꦏꦏꦭꦶꦪꦤ꧀ꦥꦸꦠꦿꦤꦶꦥꦸꦤ꧀꧉​ꦮꦸꦱꦤ​ꦱꦉꦁ​ꦨꦸꦚ꧀ꦕꦶꦉꦁ​ꦲꦔ꧀ꦭꦼꦧꦼꦠ꧀ꦠꦶ​ꦱꦪꦼꦩ꧀ꦧꦫ​ꦮꦲꦸ꧈​ꦦꦿꦩꦺꦱ꧀ꦮꦫꦶ​ꦱꦪꦼꦏ꧀ꦠꦺꦴꦱ꧀ꦱꦒꦼꦢ꧀ꦱꦸꦒꦼꦁ​ꦩꦭꦶꦃ꧉​ꦥꦿꦩꦶꦭ​ꦱꦥꦶꦤ꧀ꦠꦼꦤ꧀ꦏꦺꦩꦮꦺꦴꦤ꧀ꦱꦸꦏꦥꦶꦉꦤꦤꦶꦥꦸꦤ꧀ꦱꦁ​ꦦꦿꦧꦸ꧈​ꦱꦲ​ꦧꦶꦔꦃꦲꦶꦁ​ꦥꦸꦠꦿ​ꦱꦤ꧀ꦠꦤ​ꦱꦢꦪ꧉​ꦲꦤꦔꦶꦁ​ꦱꦉꦁ​ꦲꦔꦸꦤꦶꦁ​ꦔꦤꦶ​ꦮꦸꦗꦸꦢ꧀ꦢꦶꦥꦸꦤ꧀ꦨꦸꦚ꧀ꦕꦶꦉꦁ​꧈​ꦯꦁ​ꦦꦿꦧꦸ​ꦱꦏꦭꦁ​ꦏꦸꦁ​ꦥꦶꦢꦸꦮꦸꦁ​ꦲꦶꦁ​ꦒꦭꦶꦃ꧈​ꦢꦺꦤꦺ​ꦭꦗꦼꦁ​ꦏꦼꦥꦼꦏ꧀ꦱ​ꦩꦸꦤ꧀ꦝꦸꦠ꧀ꦩꦤ꧀ꦠꦸ​ꦠꦶꦪꦁ​ꦲꦶꦁ​ꦏꦁ​ꦮꦂꦤꦶꦤꦶꦥꦸꦤ꧀ꦱꦏꦭꦁ​ꦏꦸꦁ​ꦲꦮꦺꦴꦤ꧀ꦱꦲ​ꦧꦺꦴꦠꦼꦤ꧀ꦏꦤ꧀ꦠꦼꦤ꧀ꦤꦤ꧀ꦠꦩ꧀ꦧꦁ​ꦥꦫꦤ꧀ꦠꦺꦪꦤ꧀ꦤꦶꦥꦸꦤ꧀꧈​ꦧꦝꦺ​ꦚꦸꦮꦏ꧀ꦝꦮꦸꦃ​ꦲꦶꦁ​ꦏꦁ​ꦱꦩ꧀ꦥꦸꦤ꧀ꦏꦧꦪꦮꦫꦏ꧀ꦲꦏꦼꦤ꧀꧈​ꦫꦸꦩꦲꦺꦴꦱ꧀ꦤꦶꦱ꧀ꦛ​ꦲꦶꦔꦠꦱ꧀ꦱꦶꦁ​ꦥꦚ꧀ꦗꦼꦤꦼꦁ​ꦔꦤ꧀ꦤꦶꦥꦸꦤ꧀ꦫꦠꦸ꧈​ꦥꦶꦤꦁ​ꦒꦶꦃꦲꦶꦥꦸꦤ꧀ꦥꦁ​ꦒꦭꦶꦃ​ꦭꦗꦼꦁ​ꦲꦤ꧀ꦝꦮꦸꦲꦏꦼ