Dr. RABINDRANATH TAGORE
꧋ꦤꦭꦶꦏꦲꦶꦁꦢꦶꦤ꧀ꦠꦼꦤ꧀ꦱꦼꦤꦺꦤ꧀ꦱꦸꦂꦪꦏꦥꦶꦁ 12 ꦯꦺꦥ꧀ꦠꦺꦩ꧀ꦧꦼꦂꦠꦲꦸꦤ꧀ 1927꧈ Dr. Rabindranath Tagore ꦢꦭꦃꦥꦤ꧀ꦝꦺꦫꦺꦏ꧀ꦏꦶꦥꦸꦤ꧀ꦧꦺꦴꦁꦱꦲꦶꦤ꧀ꦝꦸꦠꦶꦪꦁꦠꦶꦒꦱꦏꦶꦁꦯꦸꦫꦧꦪꦱꦩ꧀ꦥꦸꦤ꧀ꦝꦠꦼꦁꦲꦶꦁꦯꦸꦫꦏꦂꦠ꧈ꦩꦺꦴꦤ꧀ꦝꦺꦴꦏ꧀ꦮꦺꦴꦤ꧀ꦠꦼꦤ꧀ꦲꦶꦁꦢꦊꦩ꧀ꦥꦿꦔ꧀ꦮꦢꦟꦤ꧀(ꦩꦁꦏꦸꦟꦒꦫꦤ꧀)ꦱꦊꦧꦼꦠ꧀ꦠꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦯꦸꦫꦏꦂꦠ꧈ꦠꦸꦮꦤ꧀ Dr. R. Tagore ꦩꦼꦂꦠꦩꦸꦝꦠꦼꦁꦏꦫꦺꦱꦶꦝꦺꦤ꧀ꦤꦤ꧀꧈ꦏꦿꦠꦺꦴꦤ꧀꧈ꦩꦁꦏꦸꦟꦒꦫꦤ꧀꧈ꦠꦸꦮꦶꦤ꧀ꦝꦠꦼꦁꦏꦸꦯꦸꦩꦪꦸꦢꦤ꧀꧈ꦥꦸꦤꦥꦢꦺꦤꦺꦲꦔ꧀ꦮꦺꦴꦤ꧀ꦠꦼꦤ꧀ꦤꦏꦼꦤ꧀ꦭꦺꦱꦼꦁꦮꦺꦴꦤ꧀ꦠꦼꦤ꧀ꦲꦶꦁ Kuntskring ꦠꦸꦮꦶꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦱꦸꦱꦶꦠꦺꦆꦠ꧀ꦩꦁꦏꦸꦟꦒꦫꦤ꧀꧉ꦠꦸꦮꦤ꧀ Prof. Chatterjee (ꦥꦤ꧀ꦝꦺꦫꦺꦏ꧀ꦏꦶꦥꦸꦤ꧀ꦠꦸꦮꦤ꧀ Dr. R. Tagore) ꦲꦔ꧀ꦮꦺꦴꦤ꧀ꦠꦼꦤ꧀ꦤꦏꦼꦤ꧀ꦭꦺꦱꦼꦁꦮꦺꦴꦤ꧀ꦠꦼꦤ꧀ꦲꦶꦁ Christelijke Kweekschool ꦲꦶꦁꦩꦂꦒꦪꦸꦢꦤ꧀꧈ꦲꦚꦫꦶꦪꦺꦴꦱ꧀ꦱꦏꦼꦤ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦥꦩꦸꦭꦁꦔꦤ꧀ꦲꦶꦪꦱꦤ꧀ꦤꦶꦥꦸꦤ꧀ꦠꦸꦮꦤ꧀ Dr. R. Tagore ꦲꦶꦁꦏꦁꦢꦶꦥꦸꦤ꧀ꦮꦱ꧀ꦠꦤ꧀ꦤꦶ Shanti Niketan ꦠꦸꦮꦶꦤ꧀ꦭꦺꦱꦼꦁꦩꦮꦶꦒꦩ꧀ꦧꦂꦱꦺꦴꦫꦺꦴꦠ꧀ꦩꦁꦒꦺꦤ꧀ꦲꦶꦁꦥꦤ꧀ꦝꦥꦶꦥꦿꦔ꧀ꦮꦢꦟꦤ꧀꧈ꦲꦚꦫꦶꦪꦺꦴꦱ꧀ꦱꦏꦼꦤ꧀ꦏꦒꦸꦤꦤ꧀ꦤꦶꦥꦸꦤ꧀ꦠꦶꦪꦁꦲꦶꦤ꧀ꦝꦸꦧꦧ꧀ꦲꦁꦒꦩ꧀ꦧꦂ꧈ꦮꦶꦮꦶꦠ꧀ꦗꦩꦤ꧀ꦏꦶꦤꦢꦸꦩꦸꦒꦶꦤꦶꦥꦸꦤ꧀ꦗꦩꦤ꧀ꦱꦥꦸꦤꦶꦏ꧉
꧋ꦩꦂꦒꦶꦲꦶꦁꦏꦁꦧꦝꦺꦏꦧꦶꦏꦏ꧀꧉ (keterangan foto)
꧋ꦱꦊꦧꦼꦠ꧀ꦠꦶꦥꦸꦤ꧀ꦠꦸꦮꦤ꧀ꦣꦿ꧉ꦬ꧉ꦡꦒꦺꦴꦫꦺꦮꦺꦴꦤ꧀ꦠꦼꦤ꧀ꦥꦺꦴꦤ꧀ꦝꦺꦴꦏ꧀ꦏꦤ꧀ꦲꦶꦁꦢꦊꦩ꧀ꦥꦿꦔ꧀ꦮꦢꦟꦤ꧀꧈ꦱꦏꦶꦁꦏꦥꦉꦁꦢꦊꦩ꧀ꦏꦁꦗꦼꦁꦓꦸꦱ꧀ꦡꦶꦦꦔꦺꦫꦤ꧀ꦲꦢꦶꦦꦡꦶꦲꦫꦶꦪꦩꦁꦑꦸꦟꦓꦫ꧈ꦩꦮꦶꦏꦮꦺꦴꦤ꧀ꦠꦼꦤ꧀ꦤꦏꦼꦤ꧀ꦭꦭꦔꦼꦤ꧀ꦏꦊꦤꦺꦁꦔꦤ꧀ꦠꦸꦮꦶꦤ꧀ꦧꦼꦏ꧀ꦱꦤ꧀ꦮꦂꦤꦶꦮꦂꦤꦶ꧈ꦲꦶꦁꦔꦿꦶꦏꦸꦥꦚ꧀ꦗꦼꦤꦼꦁꦔꦤ꧀ꦤꦶꦥꦸꦤ꧀ꦠꦸꦮꦤ꧀ Dr. R. Tagore ꦏꦠꦶꦔꦭ꧀ꦉꦤꦱꦔꦼꦠ꧀꧈ꦔꦤ꧀ꦠꦺꦴꦱ꧀ꦏꦮꦼꦝꦂꦧꦶꦭꦶꦃꦲꦁꦒꦺꦤ꧀ꦤꦶꦥꦸꦤ꧀ꦩꦶꦉꦁꦔꦏꦼꦤ꧀ꦏꦊꦤꦺꦁꦔꦤ꧀ꦠꦸꦮꦶꦤ꧀ꦚꦸꦩꦼꦉꦥ꧀ꦥꦶꦧꦼꦏ꧀ꦱꦤ꧀ꦮꦂꦤꦶꦮꦂꦤꦶꦮꦲꦸꦫꦸꦩꦲꦺꦴꦱ꧀ꦱꦔꦼꦠ꧀ꦏꦥꦿꦤꦤ꧀ꦱꦲꦏꦠꦸꦗꦸꦲꦶꦁꦥꦁꦒꦭꦶꦃ꧈ꦥꦸꦤꦥꦢꦺꦤꦺꦏꦫꦲꦺꦴꦱ꧀ꦏꦒꦶꦒꦃꦲꦶꦁꦥꦁꦒꦭꦶꦃꦲꦶꦥꦸꦤ꧀ꦒꦒꦤ꧀ꦝꦺꦁꦔꦤ꧀ꦏꦭꦪꦤ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦲꦶꦁꦤꦒꦫꦶꦲꦶꦤ꧀ꦝꦸ꧉
꧋ꦲꦶꦁꦢꦶꦤ꧀ꦠꦼꦤ꧀ꦲꦏꦠ꧀ꦱꦸꦂꦪꦏꦥꦶꦁ 18 ꦱꦺꦥ꧀ꦠꦺꦩ꧀ꦧꦼꦂ 1927 ꦮꦚ꧀ꦕꦶꦲꦺꦚ꧀ꦗꦶꦁꦥꦚ꧀ꦗꦼꦤꦼꦁꦔꦤ꧀ꦤꦶꦥꦸꦤ꧀ꦠꦸꦮꦤ꧀ Dr. R. Tagore ꦢꦭꦃꦥꦫꦥꦤ꧀ꦝꦺꦫꦺꦏ꧀ꦏꦶꦥꦸꦤ꧀ꦲꦔ꧀ꦭꦗꦼꦁꦔꦏꦼꦤ꧀ꦭꦩ꧀ꦥꦃꦧꦶꦝꦭ꧀ꦱꦏꦶꦁꦯꦸꦫꦏꦂꦠꦝꦠꦼꦁꦔꦪꦺꦴꦓꦾꦏꦂꦠꦩꦮꦶꦩꦩ꧀ꦥꦶꦂꦩꦫꦶꦏ꧀ꦱꦤ꧀ꦤꦶꦕꦤ꧀ꦝꦶꦲꦶꦁꦦꦿꦩ꧀ꦧꦤꦤ꧀꧉ꦏꦊꦉꦱ꧀ꦱꦤ꧀ꦲꦶꦁꦢꦶꦤ꧀ꦠꦼꦤ꧀ꦲꦏꦠ꧀ꦮꦲꦸꦮꦺꦴꦤ꧀ꦠꦼꦤ꧀ꦏꦥꦉꦁꦢꦊꦩ꧀ꦏꦁꦗꦼꦁꦓꦸꦱ꧀ꦡꦶꦦꦔꦺꦫꦤ꧀ꦲꦢꦶꦦꦡꦶꦲꦫꦶꦪꦩꦁꦑꦸꦟꦓꦫꦧꦝꦺꦲꦩ꧀ꦧꦶꦏꦏ꧀ꦪꦱꦤ꧀ꦩꦂꦒꦶꦲꦺꦁꦒꦭ꧀ꦢꦭꦃꦏꦉꦠꦼꦒ꧀ꦒꦶꦥꦸꦤ꧀ꦲꦶꦁꦏꦁꦢꦸꦩꦸꦤꦸꦁꦲꦶꦁꦏꦩ꧀ꦥꦸꦁꦒꦸꦩꦸꦁꦒꦸꦁꦲꦚ꧀ꦗꦺꦴꦒ꧀ꦲꦶꦁꦱꦮꦺꦠꦤ꧀ꦥꦥꦤ꧀ꦧꦭꦥ꧀ꦥꦤ꧀ꦏꦥꦭ꧀꧈(ꦩꦂꦒꦶꦲꦶꦁꦏꦁꦩꦺꦴꦁꦏꦮꦠꦼꦱ꧀ꦏꦶ
