Kaca:Kajawen 40 1927-10-06.pdf/20

Saka Wikisumber
Menyang navigasi Menyang panggolèkan
Kaca iki durung katitiwaca

FEUILLETON

꧋ꦭꦭꦩ꧀ꦥꦃꦲꦤ꧀ꦤꦶꦥꦸꦤ꧀ꦦꦿꦧꦸ​ Tristan ꦭꦤ꧀ꦥꦸꦠꦿꦶ Isolde

꧇꧒꧑꧇

꧋ꦲꦤꦔꦶꦁ​ꦩꦤꦮꦶ​ꦏꦮꦸꦭ​ꦲꦸꦁ​ꦒꦸꦭ꧀ꦲꦶꦁ​ꦗꦸꦫꦶꦠ꧀꧈​ꦠꦸꦮꦶꦤ꧀ꦥꦢꦸꦏ​ꦏꦂꦱ​ꦤꦩ꧀ꦥꦶ​ꦯꦁ​ꦦꦿꦩꦺꦱ꧀ꦮꦫꦶ​ꦩꦭꦶꦃ꧈​ꦏꦮꦸꦭ​ꦧꦝꦺ​ꦱꦸꦮꦶꦠ​ꦩꦭꦶꦃ​ꦲꦶꦁ​ꦥꦢꦸꦏ꧈​ꦱꦲ​ꦧꦝꦺ​ꦲꦩ꧀ꦧꦺꦭꦤ꧀ꦤꦶ​ꦲꦔ꧀ꦭꦸꦲꦸꦂꦫꦏꦼꦤ꧀ꦲꦱ꧀ꦩ​ꦠꦸꦮꦶꦤ꧀ꦤꦒꦫꦶ​ꦥꦢꦸꦏ꧈​ꦲꦔ꧀ꦭꦁ​ꦏꦸꦁ​ꦔꦶ​ꦱꦏꦶꦁ​ꦧꦺꦭꦤ꧀ꦤꦶꦥꦸꦤ꧀ꦥꦫ​ꦧꦫꦺꦴꦤ꧀ꦱꦤꦺꦱ꧀ꦱꦶꦥꦸꦤ꧀꧉​ꦢꦺꦤꦺ​ꦩꦤꦮꦶ​ꦥꦢꦸꦏ​ꦧꦺꦴꦠꦼꦤ꧀ꦏꦂꦱ​ꦱꦲ​ꦔꦧ꧀ꦢꦺꦑꦏꦼꦤ꧀ꦩꦭꦶꦃ​ꦝꦠꦼꦁ​ꦗꦱꦠ꧀ꦏꦮꦸꦭ꧈​ꦏꦮꦸꦭ​ꦧꦝꦺ​ꦏꦺꦱꦃ​ꦱꦏꦶꦁ​ꦔꦿꦶꦏꦶ꧈​ꦧꦝꦺ​ꦱꦸꦮꦶꦠ​ꦝꦠꦼꦁ​ꦯꦁ​ꦦꦿꦧꦸ​ꦲꦶꦁ​ Gavoie ꦲꦸꦠꦮꦶ​ꦯꦁ​ꦦꦿꦧꦸ​ꦲꦶꦁ​ Friesland꧉​ꦏꦮꦸꦭ​ꦧꦺꦴꦠꦼꦤ꧀ꦧꦝꦺ​ꦮꦁ​ꦱꦸꦭ꧀ꦝꦠꦼꦁ​ꦲꦶꦁ​ Cornwallis ꦩꦭꦶꦃ꧉​ꦯꦁ​ꦦꦿꦧꦸ꧈​ꦩꦤꦮꦶ​ꦥꦢꦸꦏ​ꦧꦺꦴꦠꦼꦤ꧀ꦏꦂꦱ​ꦤꦩ꧀ꦥꦶ​ꦯꦁ​ꦦꦿꦩꦺꦱ꧀ꦮꦫꦶ꧈​ꦥꦚ꧀ꦗꦼꦤꦼꦁ​ꦔꦤ꧀ꦤꦶꦥꦸꦤ꧀ꦧꦝꦺ​ꦏꦮꦸꦭ​ꦧꦼꦏ꧀ꦠ​ꦮꦁ​ꦱꦸꦭ꧀ꦝꦠꦼꦁ​ꦲꦶꦁ​ꦆꦂꦭꦤ꧀꧈​ꦲꦶꦁ​ꦔꦿꦶꦏ​ꦥꦚ꧀ꦗꦼꦤꦼꦁ​ꦔꦤ꧀ꦤꦶꦥꦸꦤ꧀ꦱꦒꦼꦢ꧀ꦗꦸꦩꦼꦤꦼꦁ​ꦤꦠ꧈​ꦲꦔꦿꦠꦺꦴꦤ꧀ꦤꦶ​ꦤꦒꦫꦶꦤꦶꦥꦸꦤ꧀ꦥꦶꦪꦩ꧀ꦧꦏ꧀꧉​

꧋ꦱꦉꦁ​ꦥꦫ​ꦧꦫꦺꦴꦤ꧀ꦩꦶꦉꦁ​ꦲꦠꦸꦂꦫꦶꦥꦸꦤ꧀ꦦꦿꦧꦸ​ Tristan ꦲꦤꦤ꧀ꦠꦁ​ꦥꦿꦁ​ꦠꦤ꧀ꦝꦶꦁ​꧈​ꦭꦗꦼꦁ​ꦱꦩꦶ​ꦩꦠꦸꦂ꧇​ꦓꦸꦱ꧀ꦠꦶ꧈​ꦩꦸꦒꦶ​ꦥꦢꦸꦏ​ꦏꦂꦱꦲ​ꦤꦩ꧀ꦥꦶ​ꦯꦁ​ꦦꦿꦩꦺꦱ꧀ꦮꦫꦶ​ꦩꦭꦶꦃ꧈​ꦱꦲꦺꦱ꧀ꦠꦸꦤꦶꦥꦸꦤ꧀ꦠꦶꦪꦁ​ꦲꦺꦮꦃ​ꦲꦶꦁ​ꦏꦁ​ꦲꦔꦮꦺꦴꦤ꧀ꦲꦮꦺꦴꦤ꧀ꦱꦁ​ꦥꦸꦠꦿꦶ​ꦥꦸꦤꦶꦏ꧉​ꦥꦿꦏꦮꦶꦱ꧀ Tristan꧈​ꦩꦸꦒꦶ​ꦏꦝꦮꦃꦲꦤ​ꦤꦶꦭꦂ​ꦤꦒꦫꦶ Cornwallis꧈​ꦲꦱꦸꦮꦶꦠ​ꦝꦠꦼꦁ​ꦯꦁ​ꦦꦿꦧꦸ​ꦲꦶꦁ​ Gavoie ꦲꦸꦠꦮꦶ​ꦱꦁ​ꦥꦿꦧꦸ​ꦲꦶꦁ​ Friesland ꦏꦢꦺꦴꦱ꧀ꦲꦶꦁ​ꦏꦁ​ꦏꦱꦼꦧꦠ꧀ꦠꦏꦼꦤ꧀ꦲꦶꦁ​ꦱꦊꦧꦼꦠ꧀ꦠꦶꦁ​ꦱꦼꦫꦠ꧀ꦮꦲꦸ꧉​ꦩꦸꦒꦶ​ꦥꦢꦸꦏ​ꦏꦂꦱꦲ​ꦥꦫꦶꦁ​ꦝꦮꦸꦃ​ꦠꦶꦩ꧀ꦧꦭ꧀ꦭꦤ꧀ꦝꦠꦼꦁ​ Tristan꧈​ꦯꦁ​ꦥꦸꦠꦿꦶ​ꦱꦸꦥꦢꦺꦴꦱ꧀ꦲꦺꦁ​ꦒꦭ꧀ꦢꦶꦥꦸꦤ꧀ꦲꦠꦸꦂꦫꦏꦼꦤ꧀ꦲꦶꦁ​ꦢꦶꦤ꧀ꦠꦼꦤ꧀ꦲꦶꦁ​ꦏꦁ​ꦥꦢꦸꦏ​ꦠꦩ꧀ꦠꦺꦴꦑꦏꦼꦤ꧀꧉​

꧋ꦯꦁ​ꦦꦿꦧꦸ​ꦤꦸꦤ꧀ꦠꦼꦤ꧀ꦔꦤ꧀ꦢꦶꦏ꧇​ꦲꦺꦃ꧈​ꦥꦫ​ꦱꦠꦿꦶꦪ꧈​ꦱꦥ​ꦏꦁ​ꦲꦶꦱꦶꦃ​ꦲꦤ꧀ꦢꦸꦮꦺꦤ꧀ꦤꦶ​ꦥꦤ꧀ꦢꦏ꧀ꦮ​ꦲꦭ​ꦩꦫꦁ Tristan꧈​ꦩꦸꦒ​ꦩꦼꦚꦠ꧀ꦠ​ꦱꦏ​ꦲꦶꦁ​ꦥꦭꦶꦁ​ꦒꦶꦃꦲꦤ꧀ꦤꦺ꧉​ꦥꦫ​ꦧꦫꦺꦴꦤ꧀ꦠꦸꦮꦶꦤ꧀ꦥꦫ​ꦱꦠꦿꦶꦪ​ꦱꦤꦺꦱ꧀ꦱꦶꦥꦸꦤ꧀ꦱꦩꦶ​ꦏꦺꦤ꧀ꦢꦼꦭ꧀ꦏꦺꦩꦮꦺꦴꦤ꧀꧉​ꦮꦸꦱꦤ​ꦯꦁ​ꦤꦠ​ꦭꦗꦼꦁ​ꦔꦤ꧀ꦢꦶꦏ​ꦝꦠꦼꦁ​ꦔꦸꦭꦩ꧇​ꦲꦺꦃ꧈​ꦔꦸꦭꦩ꧈​ꦱꦶꦫ​ꦲꦺꦁ​ꦒꦭ꧀ꦒꦮꦺꦪ​ꦮꦁ​ꦱꦸꦭ꧀ꦭꦤ꧀ꦤꦶꦁ​ꦭꦪꦁ​ꦲꦶꦏꦸ꧈​ꦱꦸꦫꦱꦤꦺ​ꦩꦶꦠꦸꦫꦸꦠ꧀ꦏꦁ​ꦮꦶꦱ꧀ꦏꦉꦩ꧀ꦧꦸꦒ꧀ꦲꦶꦏꦶ꧉​ꦢꦶꦪꦺꦁ​ꦒꦭ꧀ꦗꦭꦂꦫꦤ꧀ꦮꦶꦱ꧀ꦭꦮꦱ꧀ Isolde ꦲꦔ꧀ꦭꦏꦺꦴꦤ꧀ꦤꦶ​ꦭꦫ​ꦭꦥ​ꦲꦤ​ꦲꦶꦁ​ꦱꦠꦼꦔꦃꦲꦶꦁ​ꦲꦭꦱ꧀꧉​ꦏꦗꦧ​ꦲꦶꦏꦸ​ꦩꦸꦒ​ꦕꦫꦶꦠꦏ꧀ꦤ​ꦲꦸꦒ​ꦪꦺꦤ꧀ꦲꦶꦁ​ꦱꦸꦤ꧀ꦏꦶꦫꦶꦩ꧀ꦥꦤ꧀ꦢꦺꦴꦔ​ꦱ꧀ꦭꦩꦼꦠ꧀ꦩꦫꦁ​ꦱꦏꦫꦺꦴꦤꦺ꧉​ꦱꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦱꦼꦫꦠ꧀ꦮꦁ​ꦱꦸꦭ꧀ꦭꦤ꧀ꦤ꧀ꦮꦲꦸ​ꦏꦕꦚ꧀ꦕꦁ​ꦲꦶꦁ​ꦥꦭꦁ​ꦔꦶꦁ​ Roode Kruis ꦲꦶꦁ​ꦏꦁ​ꦢꦸꦩꦸꦤꦸꦁ​ꦲꦶꦁ​ꦩꦂꦒꦶ​ꦝꦠꦼꦁ​ꦲꦶꦁ​ꦱꦊꦧꦼꦠ꧀ꦠꦶꦁ​ꦮꦤ Morois꧉​

꧋ꦲꦶꦁ​ꦮꦚ꧀ꦕꦶ​ꦠꦼꦔꦃ​ꦢꦭꦸ​ꦦꦿꦧꦸ​ Tristan ꦲꦤꦶꦭꦂ​ꦥꦝꦺꦥꦺꦴꦏ꧀ꦏꦤ꧀ꦤꦶꦥꦸꦤ꧀ꦏꦾꦲꦶ​ Ogrin꧈​ꦩꦼꦢꦭ꧀ꦱꦏꦶꦁ​ꦮꦤ​ Morois ꦭꦗꦼꦁ​ꦲꦚ꧀ꦗꦺꦴꦒ꧀ꦲꦶꦁ​ꦲꦫ​ꦲꦫ​ꦲꦚ꧀ꦗꦸꦗꦸꦒ꧀ꦥꦁ​ꦒꦺꦤ꧀ꦤꦤ꧀ꦤꦶꦁ​ Roode Kruis꧈​ꦱꦼꦫꦠ꧀ꦮꦁ​ꦱꦸꦭ꧀ꦭꦤ꧀ꦤꦶꦥꦸꦤ꧀ꦱꦁ​ꦤꦠ​ꦲꦶꦁ​ꦏꦁ​ꦕꦶꦤꦚ꧀ꦕꦁ​ꦲꦶꦁ​ꦥꦭꦁ​ꦔꦶꦁ​ Roode Kruis ꦲꦶꦁ​ꦮꦚ꧀ꦕꦶ​ꦠꦼꦔꦃ​ꦢꦭꦸ​ꦦꦿꦧꦸ​ꦡꦿꦶꦱ꧀ꦠꦤ꧀ꦲꦤꦶꦭꦂ​ꦥꦝꦺꦥꦺꦴꦏ꧀ꦏꦤ꧀ꦤꦶꦥꦸꦤ꧀ꦏꦾꦲꦶ​ꦎꦒꦿꦶꦤ꧀꧈​ꦩꦼꦢꦭ꧀ꦱꦏꦶꦁ​ꦮꦤ​ꦩꦺꦴꦫꦺꦴꦲꦶꦱ꧀ꦭꦗꦼꦁ​ꦲꦚ꧀ꦗꦺꦴꦒ꧀ꦲꦶꦁ​ꦲꦫ​ꦲꦫ​ꦲꦚ꧀ꦗꦸꦗꦸꦒ꧀ꦥꦁ​ꦒꦺꦤ꧀ꦤꦤ꧀ꦤꦶꦁ​ꦬꦺꦴꦲꦺꦴꦢꦺ​ꦑꦿꦸꦮꦶꦱ꧀꧈​ꦱꦼꦫꦠ꧀ꦮꦁ​ꦱꦸꦭ꧀ꦭꦤ꧀ꦤꦶꦥꦸꦤ꧀ꦱꦁ​ꦤꦠ​ꦲꦶꦁ​ꦏꦁ​ꦕꦶꦤꦚ꧀ꦕꦁ​ꦲꦶꦁ​ꦥꦭꦁ​ꦔꦶꦁ​ꦤꦸꦤ꧀ꦠꦼꦤ꧀ꦏꦥꦸꦤ꧀ꦝꦸꦠ꧀꧈​ꦏꦧꦼꦏ꧀ꦠ​ꦝꦠꦼꦁ​ꦥꦝꦺꦥꦺꦴꦏ꧀ꦏꦤ꧀ꦤꦶꦥꦸꦤ꧀ꦏꦾꦲꦶ​ Ogrin ꦱꦲ​ꦭꦗꦼꦁ​ꦏꦱꦸꦏꦑꦏꦼꦤ꧀ꦏꦾꦲꦶ​ Ogrin ꦲꦩ꧀ꦧꦶꦏꦏ꧀ꦱꦼꦫꦠ꧀ꦮꦁ​ꦱꦸꦭ꧀ꦭꦤ꧀ꦮꦲꦸ​ꦤꦸꦤ꧀ꦠꦼꦤ꧀ꦢꦶꦥꦸꦤ꧀ꦮꦲꦺꦴꦱ꧀꧇​ꦱꦫꦤ​ꦩꦸꦥꦏꦠ꧀ꦠꦶꦥꦸꦤ꧀ꦥꦫ​ꦧꦫꦺꦴꦤ꧀ꦏꦭꦺꦫꦺꦃꦲꦤ꧀ꦤꦶꦥꦸꦤ꧀꧈​ꦯꦁ​ꦦꦿꦧꦸ​ꦏꦂꦱ​ꦤꦩ꧀ꦥꦶ​ꦯꦁ​ꦦꦿꦩꦺꦱ꧀ꦮꦫꦶ​ꦩꦭꦶꦃ꧈​ꦤꦔꦶꦁ​ꦧꦺꦴꦠꦼꦤ꧀ꦏꦂꦱ​ꦲꦔꦧ꧀ꦢꦺꦏ꧀ꦲꦏꦼꦤ꧀ Tristan꧉​ꦠꦶꦒꦁ​ꦢꦶꦤ꧀ꦠꦼꦤ꧀ꦩꦭꦶꦃ​ Tristan ꦢꦶꦥꦸꦤ꧀ꦲꦼꦤ꧀ꦠꦺꦴꦱ꧀ꦱꦶ​ꦲꦶꦁ​ꦯꦁ​ꦤꦠ​ꦱꦲꦧ꧀ꦢꦶꦤꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦲꦫ​ꦲꦫ​ꦱꦥꦶꦁ​ꦒꦶꦂꦫꦶꦁ​ꦮꦤ Morois꧉​ꦱꦱꦩ꧀ꦥꦸꦤ꧀ꦤꦶꦥꦸꦤ꧀ꦲꦔꦠꦸꦂꦫꦏꦼꦤ꧀ꦱꦁ​ꦥꦸꦠꦿꦶ꧈​ꦦꦿꦧꦸ​ Tristan ꦏꦝꦮꦃꦲꦤ꧀ꦲꦺꦁ​ꦒꦭ꧀ꦏꦺꦱꦃ​ꦱꦏꦶꦁ​ꦲꦶꦁ​ Cornwallis꧉​ꦱꦱꦩ꧀ꦥꦸꦤ꧀ꦤꦶꦥꦸꦤ꧀ꦩꦶꦉꦁ​ꦔꦏꦼꦤ꧀ꦲꦸꦔꦼꦭ꧀ꦭꦶꦁ​ꦱꦼꦫꦠ꧀ꦮꦁ​ꦱꦸꦭ꧀ꦭꦤ꧀ꦥꦸꦤꦶꦏ​ꦦꦿꦧꦸ​ Tristan ꦱꦱꦩ꧀ꦧꦠ꧀꧈​ꦥꦔꦤ꧀ꦢꦶꦏꦤꦶꦥꦸꦤ꧀꧇​ꦝꦸꦃ꧈​ꦯꦁ​ꦥꦸꦠꦿꦶ꧈​ꦏꦏꦱꦶꦃ​ꦏꦸꦭ꧈​ꦱꦪꦏ꧀ꦠꦺꦴꦱ꧀ꦱꦶꦥꦸꦤ꧀ꦲꦮꦿꦠ꧀ꦱꦔꦼꦠ꧀ꦥꦶꦥꦶꦱꦃꦲꦤ꧀ꦏꦸꦭ​ꦤꦶꦭꦂ​ꦱꦩ꧀ꦥꦺꦪꦤ꧀꧉​ꦲꦺꦮꦱꦩꦤ꧀ꦠꦼꦤ꧀ꦏꦼꦢꦃ​ꦏꦭꦩ꧀ꦥꦃꦲꦤ꧀꧈​ꦗꦭꦂꦫꦤ꧀ꦤꦩꦸꦁ​ꦥꦸꦤꦶꦏ​ꦩꦂꦒꦶꦤꦶꦥꦸꦤ꧀ꦱꦒꦼꦢ꧀ꦏꦸꦭ​ꦲꦔ꧀ꦭꦸꦮꦂꦫꦶ​ꦥꦢꦸꦏ​ꦱꦏꦶꦁ​ꦏꦱꦁ​ꦱꦫꦤ꧀ꦲꦶꦁ​ꦏꦁ​ꦱꦩ꧀ꦥꦺꦪꦤ꧀ꦭꦩ꧀ꦥꦃꦲꦶ꧈​ꦩꦂꦒꦶ​ꦲꦁ​ꦒꦺꦤ꧀ꦱꦩ꧀ꦥꦺꦪꦤ꧀ꦲꦩ꧀ꦧꦺꦭꦤ꧀ꦤꦶ​ꦝꦠꦼꦁ​ꦏꦸꦭ꧉​ꦩꦤꦮꦶ​ꦱꦩ꧀ꦥꦸꦤ꧀ꦢꦸꦩꦸꦒꦶ​ꦲꦶꦁ​ꦩꦁ​ꦱꦤꦶꦥꦸꦤ꧀ꦥꦶꦥꦶꦱꦲꦤ꧀ꦏꦸꦭ​ꦧꦝꦺ​ꦔꦠꦸꦂꦫꦶ​ꦠꦺꦴꦤ꧀ꦝ​ꦥꦔꦺꦔꦼꦠ꧀ꦲꦺꦔꦼꦠ꧀ꦝꦠꦼꦁ​ꦱꦩ꧀ꦥꦺꦪꦤ꧀꧉​ꦱꦏꦶꦁ​ꦲꦶꦁ​ꦤꦒꦫꦶ​ꦥꦢꦸꦤꦸꦁ​ꦔꦤ꧀ꦏꦸꦭ​ꦱꦩꦺꦴꦁ​ꦱ​ꦩꦺꦴꦁ​ꦱ​ꦏꦸꦭ​ꦧꦝꦺ​ꦏꦺꦁ​ꦏꦺꦤ꧀ꦤꦤ꧀ꦠꦶꦪꦁ​ꦝꦠꦼꦁ​ꦲꦶꦁ​ Cornwallis ꦱꦺꦴꦮꦤ꧀ꦲꦶꦁ​ꦱꦩ꧀ꦥꦺꦪꦤ꧀꧉​ꦱꦩ꧀ꦥꦺꦪꦤ꧀ꦱꦒꦼꦢ꧀ꦝꦮꦸꦃ​ꦥꦸꦤꦥ​ꦏꦺꦩꦮꦺꦴꦤ꧀ꦝꦠꦼꦁ​ꦏꦺꦁ​ꦏꦺꦤ꧀ꦤꦤ꧀ꦮꦲꦸ꧉​ꦩꦤꦮꦶ​ꦏꦸꦭ​ꦱꦩ꧀ꦥꦺꦪꦤ꧀ꦲꦸꦤ꧀ꦢꦁ​꧈​ꦏꦸꦭ​ꦲꦶꦁ​ꦒꦶꦃ​ꦧꦝꦺ​ꦲꦺꦁ​ꦒꦭ꧀ꦝꦠꦼꦁ​꧉​ꦯꦁ​ꦥꦸꦠꦿꦶ​ꦲꦤꦭꦺꦴꦁ​ꦱ​ꦱꦔꦼꦠ꧀ꦩꦶꦉꦁ​ꦱꦱꦩ꧀ꦧꦠ꧀ꦠꦶꦥꦸꦤ꧀ꦱꦁ​ꦏꦶꦤꦱꦶꦃ​ꦩꦏꦠꦼꦤ꧀ꦥꦸꦤꦶꦏ꧈​ꦥꦔꦤ꧀ꦢꦶꦏꦤꦶꦥꦸꦤ꧀꧇​ꦝꦸꦃ꧈​Tristan ꦩꦶꦠꦿ​ꦏꦸꦭ꧈​ꦩꦸꦒꦶ​ꦏꦂꦱ​ꦲꦩꦫꦶꦁ​ꦔꦏꦼꦤ꧀ꦥꦸꦤ꧀ Husdent ꦏꦺꦩꦮꦺꦴꦤ꧀꧉​ꦩꦤꦮꦶ​ꦏꦸꦭ​ꦤꦶꦔꦭ꧀ꦭꦶ​ꦝꦠꦼꦁ​ꦱꦒꦮꦺꦴꦤ꧀ꦥꦸꦤꦶꦏ꧈​ꦏꦸꦭ​ꦠꦼꦩ꧀ꦠꦸ​ꦲꦺꦔꦼꦠ꧀ꦝꦠꦼꦁ​ꦲꦶꦁ​ꦱꦩ꧀ꦥꦺꦪꦤ꧀꧉​ꦝꦸꦃ꧈​ꦩꦶꦠꦿ꧈​ꦏꦸꦭ​ꦒꦝꦃ​ꦱꦸꦱꦸꦥꦺ​ꦲꦩꦿꦶꦥꦠ꧀ꦱꦺꦴꦱꦺꦴꦠꦾ​ꦲꦶꦗꦼꦩ꧀꧈​ꦩꦸꦒꦶ​ꦱꦩ꧀ꦥꦺꦪꦤ꧀ꦏꦂꦱ​ꦤꦩ꧀ꦥꦶ​ꦱꦸꦱꦸꦥꦺ​ꦥꦸꦤꦶꦏ​ꦩꦶꦤꦺꦴꦁ​ꦏ​ꦠꦤ꧀ꦝꦤ꧀ꦤꦶꦁ​ꦏꦠꦽꦱ꧀ꦤꦤ꧀ꦱꦩ꧀ꦥꦺꦪꦤ꧀ꦝꦠꦼꦁ​ꦏꦸꦭ꧉​ꦱꦸꦱꦸꦥꦺ​ꦥꦸꦤꦶꦏ​ꦱꦩ꧀ꦥꦺꦪꦤ꧀ꦲꦒꦼꦩ꧀꧉​ꦩꦤꦮꦶ​ꦲꦶꦁ​ꦠꦼꦩ꧀ꦧꦺ​ꦮꦺꦴꦤ꧀ꦠꦼꦤ꧀ꦲꦸꦠꦸꦱ꧀ꦱꦤ꧀ꦱꦩ꧀ꦥꦺꦪꦤ꧀꧈​ꦏꦸꦭ​ꦥꦶꦠꦢꦺꦴꦱ꧀ꦩꦤꦮꦶ​ꦲꦸꦠꦸꦱ꧀ꦱꦤ꧀ꦮꦲꦸ​ꦔꦠꦶꦔꦭ꧀ꦭꦏꦼꦤ꧀ꦱꦸꦱꦸꦥꦺ​ꦥꦸꦤꦶꦏ꧉​ꦩꦤꦮꦶ​ꦲꦸꦠꦸꦱ꧀ꦱꦤ꧀ꦮꦲꦸ​ꦧꦺꦴꦠꦼꦤ꧀ꦱꦒꦼꦢ꧀ꦔꦠꦶꦔꦭ꧀ꦭꦏꦼꦤ꧀ꦱꦸꦱꦸꦥꦺ​ꦥꦸꦤꦶꦏ꧈​ꦱꦤꦗꦤ꧀ꦕꦫꦶꦪꦺꦴꦱ꧀ꦥꦸꦤꦥ​ꦏꦺꦩꦮꦺꦴꦤ꧀ꦧꦺꦴꦠꦼꦤ꧀ꦧꦝꦺ​ꦏꦸꦭ​ꦥꦶꦠꦢꦺꦴꦱ꧀ꦧꦶꦭꦶꦃ​ꦥꦶꦪꦩ꧀ꦧꦏ꧀ꦏꦶꦥꦸꦤ꧀ꦥꦸꦤꦶꦏ​ꦲꦸꦠꦸꦱ꧀ꦱꦤ꧀ꦱꦩ꧀ꦥꦺꦪꦤ꧀꧉​ꦩꦤꦮꦶ​ꦏꦸꦭ​ꦱꦩ꧀ꦥꦸꦤ꧀ꦤꦶꦔꦭ꧀ꦭꦶ​ꦱꦸꦱꦸꦥꦺ​ꦥꦸꦤꦶꦏ꧈​ꦏꦸꦭ​ꦧꦝꦺ​ꦲꦺꦁ​ꦒꦭ꧀ꦲꦔ꧀ꦭꦩ꧀ꦥꦃꦲꦶ​ꦱꦥꦤꦼꦝ​ꦱꦩ꧀ꦥꦺꦪꦤ꧀ꦱꦂꦠ​ꦧꦺꦴꦠꦼꦤ꧀ꦧꦝꦺ​ꦮꦺꦴꦤ꧀ꦠꦼꦤ꧀ꦲꦭꦁ​ꦔꦤ꧀ꦲꦶꦁ​ꦏꦁ​ꦱꦒꦼꦢ꧀ꦲꦚꦼꦒꦃ​ꦤꦶꦪꦠ꧀ꦏꦸꦭ​ꦮꦲꦸ꧉​

꧋ꦮꦁ​ꦱꦸꦭ꧀ꦭꦭ꧀ꦤꦶꦥꦸꦤ꧀ꦦꦿꦧꦸ​ Tristan ꧇​ꦩꦶꦠꦿ꧈​ꦥꦸꦤ꧀ꦲ꦳ꦸꦱ꧀ꦢꦺꦤ꧀ꦠ꧀ꦏꦸꦭ​ꦱꦸꦏꦏ꧀ꦲꦏꦼꦤ꧀ꦲꦶꦁ​ꦱꦩ꧀ꦥꦺꦪꦤ꧀꧉​ꦯꦁ​ꦥꦸꦠꦿꦶ​ꦭꦗꦼꦁ​ꦔꦠꦸꦂꦫꦏꦼꦤ꧀ꦱꦸꦱꦸꦥꦺꦤ꧀ꦤꦶꦥꦸꦤ꧀꧈​ꦱꦂꦠ​ꦭꦗꦼꦁ​ꦲꦫꦫꦁ​ꦏꦸꦭ꧀ꦭꦤ꧀꧉​

꧋ꦲꦺꦚ꧀ꦗꦶꦁ​ꦔꦶꦥꦸꦤ꧀ꦏꦾꦲꦶ​ Ogrin ꦏꦺꦱꦃ​ꦝꦠꦼꦁ​ꦲꦶꦁ​ꦏꦶꦛ꧈​ꦥꦼꦂꦭꦸ​ꦠꦸꦩ꧀ꦧꦱ꧀ꦲꦒꦼꦩ꧀ꦲꦒꦼꦩ꧀ꦩꦤ꧀ꦤꦶꦥꦸꦤ꧀ꦱꦁ​ꦦꦿꦩꦺꦱ꧀ꦮꦫꦶ꧈​ꦠꦸꦮꦶꦤ꧀ꦠꦸꦩ꧀ꦧꦱ꧀ꦏꦥꦭ꧀ꦲꦶꦁ​ꦏꦁ​ꦠꦸꦠꦸꦠ꧀ꦱꦔꦼꦠ꧀ꦩꦶꦤꦺꦴꦁ​ꦏ​ꦠꦶꦠꦶꦃꦲꦤ꧀ꦤꦶꦥꦸꦤ꧀꧈​ꦱꦲ​ꦲꦧꦃ​ꦲꦧꦃꦲꦤ꧀ꦤꦶꦥꦸꦤ꧀ꦥꦶꦱꦤ꧀꧈​ꦢꦺꦤꦺ​ꦲꦶꦁ​ꦏꦁ​ꦏꦁ​ꦒꦺ​ꦠꦸꦠꦸꦩ꧀ꦧꦱ꧀ꦧꦫꦁ​ꦧꦫꦁ​ꦲꦶꦁ​ꦏꦁ​ꦲꦺꦢꦶ​ꦥꦺꦤꦶ​ꦲꦶꦁ​ꦏꦁ​ꦱꦂꦮ​ꦱꦸꦠꦿ​ꦠꦸꦮꦶꦤ꧀ꦲꦶꦁ​ꦏꦁ​ꦏꦁ​ꦒꦺ​ꦠꦸꦩ꧀ꦧꦱ꧀ꦏꦥꦭ꧀ꦮꦲꦸ​ꦪꦠꦿ​ꦱꦶꦱꦶꦩ꧀ꦥꦼꦤ꧀ꦤꦤ꧀ꦤꦶꦥꦸꦤ꧀ꦥꦶꦪꦩ꧀ꦧꦏ꧀꧉​ꦠꦶꦠꦶꦪꦁ​ꦲꦶꦁ​ꦏꦁ​ꦤꦶꦔꦭ꧀ꦭꦶ​ꦊꦏꦱ꧀ꦱꦶꦥꦸꦤ꧀ꦏꦾꦲꦶ​ Ogrin ꦱꦩꦶ​ꦲꦁ​ꦒꦼꦒꦸꦗꦼꦁ​꧈​ꦤꦔꦶꦁ​ꦠꦶꦠꦶꦪꦁ​ꦲꦶꦁ​ꦏꦁ​ꦱꦩꦶ​ꦲꦁ​ꦒꦼꦒꦸꦗꦼꦁ​ꦮꦲꦸ​ꦧꦺꦴꦠꦼꦤ꧀ꦢꦶ