Kaca:Kajawen 40 1927-10-06.pdf/19

Saka Wikisumber
Menyang navigasi Menyang panggolèkan
Kaca iki durung katitiwaca

꧋ꦏꦧꦂ​ꦱꦏꦶꦁ​ꦨꦺꦴꦒꦺꦴꦂ​ꦲꦩꦂꦠꦺꦴꦱ꧀ꦱꦏꦼꦤ꧀꧇​ꦢꦺꦫꦺꦁ​ꦢꦔꦸ​ꦥꦸꦤꦶꦏ​ꦱꦩ꧀ꦥꦸꦤ꧀ꦮꦺꦴꦤ꧀ꦠꦼꦤ꧀ꦱꦼꦫꦠ꧀ꦏꦏꦚ꧀ꦕꦶꦁ​ꦔꦤ꧀ꦲꦶꦁ​ꦏꦁ​ꦢꦶꦥꦸꦤ꧀ꦠꦥꦏꦱ꧀ꦠꦤ꧀ꦤꦶ꧈​ꦲꦶꦁ​ꦏꦁ​ꦚꦼꦧꦸꦠ꧀ꦠꦏꦼꦤ꧀ꦮꦺꦴꦤ꧀ꦠꦼꦤ꧀ꦠꦶꦪꦁ​ꦏꦺꦴꦩ꧀ꦩꦸꦤꦶꦱ꧀ꦏꦭꦶꦃ​ꦩꦭꦶꦃ​ꦲꦶꦁ​ꦏꦁ​ꦧꦝꦺ​ꦢꦶꦥꦸꦤ꧀ꦱꦶꦁ​ꦏꦶꦂꦫꦏꦼꦤ꧀ꦝꦠꦼꦁ​ꦝꦶꦓꦸꦭ꧀꧈​ꦲꦶꦁ​ꦏꦁ​ꦱꦠꦸꦁ​ꦒꦭ꧀ꦲꦱ꧀ꦭꦶ​ꦱꦏꦶꦁ​ꦩꦢꦶꦪꦸꦤ꧀꧈​ꦱꦠꦸꦁ​ꦒꦭ꧀ꦭꦶꦥꦸꦤ꧀ꦩꦭꦶꦃ​ꦲꦱ꧀ꦭꦶ​ꦱꦏꦶꦁ​ꦯꦸꦫꦧꦪ꧉​

꧋ꦏꦠꦼꦠꦼꦥ꧀ꦥꦏꦼꦤ꧀ꦢꦢꦺꦴꦱ꧀ꦥꦠꦶꦃ​ꦲꦶꦁ​ꦏꦧꦸꦥꦠꦺꦤ꧀ꦒꦫꦸꦠ꧀꧈​ꦩꦱ꧀ ꦯꦱ꧀ꦠꦿꦮꦶꦒꦸꦤ꧈​ꦲꦶꦁ​ꦱꦸꦮꦲꦸ​ꦮꦢꦤ​ꦄꦊꦩꦺꦤꦼꦥꦸꦭꦶꦱꦶ​ꦲꦶꦁ​ꦯꦺꦫꦁ​꧉​ꦥꦠꦶꦃ​ꦲꦶꦁ​ꦕꦶꦪꦚ꧀ꦗꦸꦂ꧇​ꦩꦱ꧀ ꦯꦸꦤꦂꦠꦢꦶꦂꦗ꧈​ꦮꦢꦤ​ꦲꦶꦁ​ꦯꦺꦫꦁ​꧉​ꦥꦠꦶꦃ​ꦲꦶꦁ​ꦨꦠꦮꦶ꧇​ꦫꦢꦺꦤ꧀ ꦏꦤ꧀ꦝꦸꦫꦸꦮꦤ꧀꧈​ꦮꦶꦫ​ꦲꦢꦶꦑꦸꦱꦸꦩꦃ꧈​ꦯꦺꦏꦽꦠꦫꦶꦱ꧀ꦫꦢ꧀ꦏꦧꦸꦥꦠꦺꦤ꧀ꦎꦁ​ꦏ​ I ꦲꦶꦁ​ꦯꦸꦏꦧꦸꦩꦶ꧉​

꧋ꦏꦧꦂꦫꦶꦥꦸꦤ꧀ Mr. ꦫꦢꦺꦤ꧀ ꦄꦃꦩꦢ꧀ꦄꦢ꧀ꦥꦺꦴꦏꦠ꧀ꦱꦲ​ꦥꦺꦴꦏꦿꦸꦭ꧀ꦲꦶꦁ​ꦯꦸꦫꦧꦪ꧈​ꦚꦸꦮꦸꦤ꧀ꦏꦺꦤ꧀ꦢꦼꦭ꧀ꦱꦏꦶꦁ​ꦏꦊꦁ​ꦒꦃꦲꦤ꧀ꦤꦶꦥꦸꦤ꧀꧈​ꦱꦸꦩꦼꦢꦾ​ꦚꦸꦮꦸꦤ꧀ꦥꦢꦩꦼꦭ꧀ꦭꦤ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦒꦸꦥꦼꦂꦩꦺꦤ꧀꧉​ꦏꦧꦫꦶꦥꦸꦤ꧀ Mr. ​ꦫꦢꦺꦤ꧀ ꦄꦃꦩꦢ꧀ꦮꦲꦸ꧈​ꦱꦩꦁ​ꦏꦺ​ꦏꦠꦼꦠꦼꦥ꧀ꦥꦏꦼꦤ꧀ꦢꦢꦺꦴꦱ꧀ꦄꦩ꧀ꦠꦼꦤꦂ​ꦲꦶꦁ​ꦏꦁ​ꦏꦧꦤ꧀ꦠꦺꦴꦑꦏꦼꦤ꧀ꦲꦶꦁ​ꦥꦔꦢꦶꦭ꧀ꦭꦤ꧀ꦗꦸꦱ꧀ꦠꦶꦱꦶ​ꦲꦶꦁ​ꦯꦼꦩꦫꦁ​꧉​

꧋Aneta ꦩꦂꦠꦺꦴꦱ꧀ꦱꦏꦼꦤ꧀ꦱꦏꦶꦁ​ꦩꦏꦱꦂ꧈​ꦧꦶꦭꦶꦃ​ꦥꦔꦢꦶꦭ꧀ꦭꦤ꧀ꦗꦸꦱ꧀ꦠꦶꦱꦶ​ꦲꦤ꧀ꦝꦮꦃꦲꦏꦼꦤ꧀ꦲꦸꦏꦸꦩ꧀ꦩꦤ꧀ꦏꦸꦚ꧀ꦗꦫ​ꦭꦩꦶꦤꦶꦥꦸꦤ꧀ 3 ꦮꦸꦭꦤ꧀ꦝꦠꦼꦁ​ꦠꦸꦮꦤ꧀ꦄꦱꦶꦱ꧀ꦠꦺꦤ꧀ꦫꦺꦱꦶꦝꦺꦤ꧀ Emmeloort Stein꧈​ꦲꦩꦂꦒꦶ​ꦏꦊꦥꦠ꧀ꦠꦤ꧀ꦱꦩ꧀ꦥꦸꦤ꧀ꦲꦤꦲꦤ꧀ꦱꦲ​ꦲꦔꦤꦶꦪꦪ​ꦠꦶꦪꦁ​ꦔꦤ꧀ꦠꦺꦴꦱ꧀ꦢꦸꦩꦸꦒꦶ​ꦲꦶꦁ​ꦠꦶꦮꦱ꧀ꦱꦶꦥꦸꦤ꧀꧉​

꧋ꦥꦫ​ꦲꦶꦁ​ꦏꦁ​ꦱꦩꦶ​ꦭꦸꦭꦸꦱ꧀ꦌꦏ꧀ꦱꦩꦼꦤ꧀ꦤꦶꦥꦸꦤ꧀ꦤꦺꦴꦠꦫꦶꦱ꧀ꦧꦒꦶꦪꦤ꧀ꦥꦸꦁ​ꦏꦱꦤ꧀꧈​(ꦧꦒꦶꦪꦤ꧀ III)꧇​ꦠꦸꦮꦤ꧀ꦠꦸꦮꦤ꧀ ꦩꦱ꧀ ꦯꦸꦗꦏ꧀(ꦕꦶꦉꦨꦺꦴꦤ꧀)ꦭꦤ꧀ꦫꦢꦺꦤ꧀꧈​ꦑꦢꦶꦩꦤ꧀(ꦨꦤ꧀ꦝꦸꦁ​)꧉​

꧋ꦮꦺꦴꦤ꧀ꦠꦼꦤ꧀ꦥꦮꦂꦠꦺꦴꦱ꧀꧈​ꦲꦶꦁ​ꦏꦁ​ꦲꦁ​ꦱꦭ꧀ꦥꦿꦶꦱ꧀ f 70.000.- ꦱꦏꦶꦁ​ꦭꦺꦴꦠꦿꦺ​ꦲꦒꦼꦁ​ꦯꦸꦫꦧꦪ꧈​ꦲꦶꦁ​ꦒꦶꦃ​ꦥꦸꦤꦶꦏ​ꦠꦸꦮꦤ꧀ S.Z. Bahsin ꦲꦶꦁ​ꦦꦭꦺꦩ꧀ꦧꦁ​꧉​

꧋ꦮꦺꦴꦤ꧀ꦠꦼꦤ꧀ꦏꦧꦂ꧇​ꦥꦸꦭꦶꦱꦶ​ꦲꦶꦁ​ꦨꦠꦮꦶ​ꦢꦺꦫꦺꦁ​ꦢꦔꦸ​ꦥꦸꦤꦶꦏ​ꦲꦚꦼꦥꦼꦁ​ꦱꦠꦸꦁ​ꦒꦶꦭ꧀ꦭꦶꦁ​ꦠꦶꦪꦁ​ꦦꦿꦶꦧꦸꦩꦶ​ꦤꦩ꧇​ꦄꦩꦢ꧀ ꦥꦸꦁ​ꦒꦮ​ꦧꦲꦶꦠ​ꦏꦥꦭ꧀ Batjan꧈​ꦲꦶꦁ​ꦏꦁ​ꦩꦼꦤ꧀ꦠꦱ꧀ꦥꦸꦤꦶꦏ​ꦭꦧꦸꦃ​ꦮꦺꦴꦤ꧀ꦠꦼꦤ꧀ꦲꦶꦁ​ꦡꦚ꧀ꦗꦸꦁ​ꦥꦿꦶꦪꦸꦏ꧀꧉​ꦄꦩꦢ꧀ꦮꦲꦸ​ꦏꦺꦴꦤꦁ​ꦔꦤ꧀ꦲꦁ​ꦒꦺꦤ꧀ꦤꦶꦥꦸꦤ꧀ꦧꦝꦺ​ꦲꦔ꧀ꦭꦼꦧꦼꦠ꧀ꦠꦏꦼꦤ꧀ꦱꦼꦚ꧀ꦗꦠ​ꦥꦼꦠꦼꦁ​꧈​ꦢꦺꦤꦶꦁ​ꦥꦔꦢꦶꦭ꧀ꦭꦤ꧀ꦭꦤ꧀ꦢꦿꦢ꧀ꦥꦸꦤ꧀ ꦄꦩꦢ꧀ꦏꦝꦮꦃꦲꦤ꧀ꦲꦸꦏꦸꦩ꧀ꦩꦤ꧀ꦏꦸꦚ꧀ꦗꦫ​ꦭꦩꦶꦤꦶꦥꦸꦤ꧀ 2 ꦮꦸꦭꦤ꧀꧉​

꧋ꦏꦭ​ꦢꦶꦤ꧀ꦠꦼꦤ꧀ꦱꦼꦠꦸ​ꦲꦶꦁ​ꦏꦁ​ꦏꦥꦼꦁ​ꦏꦼꦂ​ꦥꦸꦤꦶꦏ꧈​ꦯꦩ꧀ꦥꦺꦪꦤ꧀ꦢꦊꦩ꧀ꦲꦶꦁ​ꦏꦁ​ꦯꦶꦤꦸꦲꦸꦤ꧀ꦲꦶꦁ​ꦯꦸꦫꦏꦂꦠ​ꦱꦏꦶꦁ​ꦯꦸꦫꦧꦪ​ꦠꦼꦝꦏ꧀ꦝꦠꦼꦁ​ꦏꦧꦸꦥꦠꦺꦤ꧀ꦧꦁ​ꦑꦭꦤ꧀꧈​ꦱꦶꦪꦔꦶꦥꦸꦤ꧀ꦏꦺꦴꦤ꧀ꦢꦸꦂ​ꦩꦭꦶꦃ​ꦝꦠꦼꦁ​ꦯꦸꦫꦧꦪ꧉​

꧋ꦮꦺꦴꦤ꧀ꦠꦼꦤ꧀ꦥꦮꦂꦠꦺꦴꦱ꧀ꦠꦸꦮꦤ꧀ Tan Eng Goan꧈​ꦲꦶꦁ​ꦏꦁ​ꦲꦁ​ꦒꦝꦃꦲꦶ​ꦏꦤ꧀ꦠꦺꦴꦂ​ꦥꦔꦼꦕꦥ꧀ꦥꦤ꧀ Siang Po ꦲꦶꦁ​ꦨꦤ꧀ꦝꦸꦁ​ꦠꦸꦮꦶꦤ꧀ꦠꦸꦮꦤ꧀ Tan Tong Kie꧈​ꦒꦸꦫꦸ​ꦥꦩꦸꦭꦁ​ꦔꦤ꧀ T.H.H.K. ꦲꦶꦁ​ꦡꦼꦒꦭ꧀꧈​ꦧꦺꦴꦠꦼꦤ꧀ꦢꦔꦸ​ꦩꦭꦶꦃ​ꦧꦝꦺ​ꦏꦥꦿꦶꦏ꧀ꦱ​ꦢꦺꦤꦶꦁ​ꦥꦔꦢꦶꦭ꧀ꦭꦤ꧀ꦭꦤ꧀ꦢꦿꦢ꧀ꦲꦶꦁ​ꦨꦤ꧀ꦝꦸꦁ​꧈​ꦲꦩꦂꦒꦶ​ꦏꦢꦏ꧀ꦮ​ꦱꦩ꧀ꦥꦸꦤ꧀ꦚꦼꦧꦂ​ꦥꦼꦔꦺꦴꦗꦺꦴꦏ꧀ꦲꦺꦴꦗꦺꦴꦏ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦱꦼꦫꦠ꧀ꦏꦧꦂ Siang Po.

꧋ꦢꦺꦫꦺꦁ​ꦢꦔꦸ​ꦥꦸꦤꦶꦏ​ꦒꦸꦱ꧀ꦠꦶ​ꦢꦫꦢꦡꦸꦤ꧀꧈​ꦥꦸꦠꦿ​ꦢꦊꦩ꧀ꦥꦩ꧀ꦧꦪꦸꦤ꧀ꦲꦶꦁ​ꦏꦁ​ꦯꦶꦤꦸꦲꦸꦤ꧀ꦲꦶꦁ​ꦔꦪꦺꦴꦓꦾ​ꦱꦲ​ꦕꦭꦺꦴꦤ꧀ꦥꦔꦺꦫꦤ꧀ꦲꦢꦶꦥꦠꦶ​ꦲꦤꦺꦴꦩ꧀꧈​ꦏꦝꦺꦫꦺꦏꦏ꧀ꦏꦼꦤ꧀ꦢꦺꦤꦶꦁ​ꦥꦫ​ꦲꦧ꧀ꦢꦶ​ꦢꦊꦩ꧀ꦱꦮꦠꦮꦶꦱ꧀꧈​ꦫꦮꦸꦃ​ꦲꦶꦁ​ꦯꦸꦫꦧꦪ​ꦥꦽꦭꦸ​ꦧꦝꦺ​ꦩꦿꦶꦏ꧀ꦱꦤ꧀ꦤꦶ​ꦪꦂꦩꦉꦏ꧀ꦲꦶꦁ​ꦔꦿꦶꦏ꧉​ꦏꦂꦱꦤ꧀ꦤꦶꦥꦸꦤ꧀ꦒꦸꦱ꧀ꦠꦶ​ꦢꦫꦢꦡꦸꦤ꧀ꦮꦲꦸ​ꦧꦝꦺ​ꦲꦤꦶꦠꦶꦥꦿꦶꦏ꧀ꦱ​ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦧꦫꦁ​ꦧꦫꦁ​ꦢꦩꦼꦭ꧀ꦭꦤ꧀ꦤꦶꦥꦸꦤ꧀ꦠꦶꦠꦶꦪꦁ​ꦥꦿꦶꦧꦸꦩꦶ​ꦲꦶꦁ​ꦥꦁ​ꦒꦺꦤ꧀ꦤꦤ꧀ꦱꦤꦺꦱ꧀ꦱꦤꦺꦱ꧀ꦲꦶꦁ​ꦏꦁ​ꦏꦝꦱꦂꦫꦏꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦪꦂꦩꦉꦏ꧀ꦔꦿꦶꦏꦸ꧈​ꦱꦲ​ꦏꦶꦤ꧀ꦠꦼꦤ꧀ꦏꦶꦤ꧀ꦠꦼꦤ꧀ꦠꦶꦠꦶꦪꦁ​ꦔꦪꦺꦴꦓꦾ​ꦥꦸꦤꦥ​ꦱꦒꦼꦢ꧀ꦠꦶꦫꦸ​ꦠꦶꦫꦸ​ꦲꦢꦩꦼꦭ꧀ꦧꦫꦁ​ꦧꦫꦁ​ꦮꦲꦸ꧈​ꦲꦶꦁ​ꦏꦁ​ꦱꦒꦼꦢ꧀ꦲꦚ꧀ꦗꦭꦂꦫꦶ​ꦲꦶꦤ꧀ꦝꦏ꧀ꦏꦶꦁ​ꦥꦔꦱꦶꦭ꧀ꦭꦤ꧀ꦤꦶꦥꦸꦤ꧀꧉​

꧋Aneta ꦩꦂꦠꦺꦴꦱ꧀ꦱꦏꦼꦤ꧀ꦱꦏꦶꦁ​ꦯꦸꦫꦏꦂꦠ꧈​ꦧꦶꦭꦶꦃ​ꦏꦭ​ꦩꦊꦩ꧀ꦩꦶꦁ​ꦒꦸ​ꦲꦶꦁ​ꦏꦁ​ꦏꦥꦼꦁ​ꦏꦼꦂ​ꦥꦸꦤꦶꦏ꧈​ꦒꦿꦶꦪꦤꦶꦥꦸꦤ꧀ꦠꦸꦮꦤ꧀ Veen ꦏꦧꦼꦱ꧀ꦩꦶ꧈​ꦗꦭꦂꦫꦤ꧀ꦱꦏꦶꦁ​ꦏꦶꦫꦁ​ꦔꦶꦁ​ꦠꦺꦴꦪ​ꦲꦔꦺꦭ꧀ꦲꦁ​ꦒꦺꦤ꧀ꦤꦶꦥꦸꦤ꧀ꦲꦩꦼꦗꦃꦲꦶ​ꦭꦠꦸ​ꦮꦲꦸ꧉​ꦠꦸꦗꦸꦤꦶꦥꦸꦤ꧀꧈​ꦒꦿꦶꦪ​ꦮꦲꦸ​ꦏꦠꦁ​ꦒꦼꦭ꧀ꦭꦏꦼꦤ꧀ꦲꦶꦁ​ꦲꦱꦸꦫꦤ꧀ꦱꦶ꧈​ꦩꦼꦁ​ꦒꦃ​ꦱꦧꦧ꧀ꦱꦧꦧ꧀ꦧꦶꦥꦸꦤ꧀ꦒꦿꦶꦪ​ꦮꦲꦸ​ꦏꦧꦼꦱ꧀ꦩꦶ꧈​ꦱꦩꦁ​ꦏꦺ​ꦢꦺꦫꦺꦁ​ꦏꦱꦸꦩꦼꦉꦥ꧀ꦥꦤ꧀꧈​ꦠꦶꦪꦁ​ꦔꦶꦤ꧀ꦠꦼꦤ꧀ꦧꦶꦭꦶꦃ​ꦏꦧꦼꦱ꧀ꦩꦶꦤꦶꦥꦸꦤ꧀ꦮꦲꦸ​ꦩꦶꦭ​ꦢꦶꦥꦸꦤ꧀ꦗꦫꦒ꧀꧉​

꧋Aneta ꦩꦂꦠꦺꦴꦱ꧀ꦱꦏꦼꦤ꧀꧈​ꦧꦶꦭꦶꦃ​ꦲꦶꦁ​ꦏꦁ​ꦮꦢꦤ​ꦲꦶꦁ​ꦯꦺꦴꦫꦺꦲꦁ​꧈​ꦫꦢꦺꦤ꧀ꦩꦸꦃꦲꦩꦢ꧀ꦩꦸꦱꦑꦂꦠ​ꦊꦒꦮ꧈​ꦏꦧꦤ꧀ꦠꦺꦴꦑꦏꦼꦤ꧀ꦝꦠꦼꦁ​ꦥꦢꦸꦏ​ꦠꦸꦮꦤ꧀ꦫꦺꦱꦶꦝꦺꦤ꧀ꦲꦶꦁ​ꦦꦿꦶꦪꦔꦤ꧀ꦠꦼꦔꦃ꧈​ꦱꦸꦥꦢꦺꦴꦱ꧀ꦲꦩꦏꦶꦭ꧀ꦭꦶ​ꦥꦁ​ꦏꦠ꧀ꦥꦠꦶꦃ​ꦲꦶꦁ​ꦨꦤ꧀ꦝꦸꦁ​꧈​ꦱꦢꦔꦸꦤꦶꦥꦸꦤ꧀ꦲꦶꦁ​ꦏꦁ​ꦨꦸꦥꦠꦶ​ꦨꦤ꧀ꦝꦸꦁ​ꦠꦶꦤ꧀ꦢꦏ꧀ꦥꦼꦂꦭꦺꦴꦥ꧀ꦝꦠꦼꦁ​ꦤꦒꦫꦶ​ꦮꦭꦤ꧀ꦢꦶ꧉​

꧋ꦗꦭꦂꦫꦤ꧀ꦠꦸꦮꦸꦃꦲꦶꦥꦸꦤ꧀ꦥꦿꦏꦮꦶꦱ꧀ꦥꦿꦏꦮꦶꦱ꧀ꦲꦶꦁ​ꦏꦁ​ꦔꦺꦔꦶꦁ​ꦔꦶ​ꦲꦶꦁ​ꦏꦁ​ꦧꦸꦥꦠꦶ​ꦲꦶꦁ​ꦨꦽꦧꦼꦱ꧀꧈​ꦱꦩꦁ​ꦏꦺ​ꦠꦸꦮꦤ꧀ꦏꦺꦴꦤ꧀ꦠꦿꦺꦴꦭꦶꦂ​ꦱꦲ​ꦧꦤ꧀ꦢꦫ​ꦥꦠꦶꦃ​ꦲꦤꦶꦤ꧀ꦢꦏ꧀ꦏꦏꦼꦤ꧀ꦥꦤꦭꦶꦠꦶ​ꦲꦶꦁ​ꦝꦸꦱꦸꦤ꧀ꦝꦸꦱꦸꦤ꧀ꦱꦲ​ꦲꦶꦁ​ ꦎꦤ꧀ꦢꦼꦂ​ꦝꦶꦱ꧀ꦠꦿꦶꦏ꧀꧈​ꦎꦤ꧀ꦢꦼꦂ​ꦝꦶꦱ꧀ꦠꦿꦶꦏ꧀꧉​ꦲꦶꦁ​ꦮꦸꦭꦤ꧀ꦥꦸꦤꦶꦏ​ꦏꦧꦂꦫꦶꦥꦸꦤ꧀꧈​ꦲꦶꦁ​ꦏꦁ​ꦨꦸꦥꦠꦶ​ꦥꦶꦪꦩ꧀ꦧꦏ꧀ꦧꦝꦺ​ꦏꦥꦿꦶꦏ꧀ꦱ​ꦥꦿꦏꦮꦶꦱ꧀ꦱꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦥꦱꦁ​ꦒꦿꦃꦲꦤ꧀ꦧꦸꦩꦶꦪꦪꦸ​ꦲꦸꦠꦮꦶ​ꦮꦺꦴꦤ꧀ꦠꦼꦤ꧀ꦲꦶꦁ​ꦯꦼꦩꦫꦁ​꧉​

꧋ꦱꦏꦶꦁ​ꦝꦼꦤ꧀ꦲꦃ​(ꦤꦒꦫꦶ​ꦮꦭꦤ꧀ꦢꦶ)ꦏꦮꦂꦠꦺꦴꦱ꧀ꦱꦏꦼꦤ꧀꧈​ꦧꦶꦭꦶꦃ​ꦏꦭ​ꦠꦁ​ꦒꦭ꧀ 28 ꦱꦺꦥ꧀ꦠꦺꦩ꧀ꦧꦼꦂ​ꦲꦶꦁ​ꦏꦁ​ꦏꦥꦼꦁ​ꦏꦼꦂ​ꦥꦸꦤꦶꦏ꧈​ꦥꦔꦢꦶꦭ꧀ꦭꦤ꧀ꦗꦸꦱ꧀ꦠꦶꦱꦶ​ꦲꦤ꧀ꦝꦮꦸꦃꦲꦏꦼꦤ꧀ꦚꦼꦥꦼꦁ​ꦱꦼꦠꦸꦝꦺꦤ꧀ꦏꦏꦭꦶꦃ꧈​ꦲꦶꦁ​ꦒꦶꦃ​ꦥꦸꦤꦶꦏ꧇​ꦠꦸꦮꦤ꧀ Mometoe Wilson ꦲꦶꦁ​ꦏꦁ​ꦱꦩꦁ​ꦏꦺ​ꦮꦺꦴꦤ꧀ꦠꦼꦤ꧀ꦲꦶꦁ​ꦏꦶꦛ​ꦨꦺꦂꦭꦶꦤ꧀(ꦗꦼꦂꦩꦤ꧀)ꦭꦤ꧀ꦠꦸꦮꦤ꧀ ꦄꦃꦩꦢ꧀ ꦯꦸꦧꦂꦗ꧈​ꦲꦶꦁ​ꦏꦁ​ꦱꦥꦸꦤꦶꦏ​ꦥꦁ​ꦏꦠ꧀ꦮꦁ​ꦱꦸꦭ꧀ꦝꦠꦼꦁ​ꦠꦤꦃ​ꦲꦶꦤ꧀ꦢꦶꦪ꧉​

꧋ꦢꦺꦫꦺꦁ​ꦢꦔꦸ​ꦥꦸꦤꦶꦏ​ꦠꦸꦮꦤ꧀ ꦯꦱ꧀ꦠꦿ​ꦲꦩꦶꦗꦪ꧈​ꦱꦼꦠꦸꦝꦺꦤ꧀ꦲꦶꦁ​ꦏꦁ​ꦢꦶꦥꦸꦤ꧀ꦠꦲꦤ꧀ꦮꦺꦴꦤ꧀ꦠꦺꦤ꧀[7]ꦲꦶꦁ​ꦒꦿꦶꦪ​ꦥꦏꦸꦚ꧀ꦗꦂꦫꦤ꧀ꦲꦶꦁ​ꦝꦼꦤ꧀ꦲꦃ​(ꦤꦒꦫꦶ​ꦮꦭꦤ꧀ꦢꦶ)ꦏꦥꦫꦶꦁ​ꦔꦤ꧀ꦥꦭꦶꦭꦃ​ꦠꦸꦩꦸꦠ꧀ꦌꦏ꧀ꦱꦩꦼꦤ꧀ꦲꦶꦭ꧀ꦩꦸ​ꦲꦸꦏꦸꦩ꧀ꦲꦶꦤ꧀ꦢꦶꦪ꧉​ꦩꦁ​ꦏꦠ꧀ꦠꦶꦥꦸꦤ꧀ꦝꦠꦼꦁ​ꦏꦶꦛ​ꦭꦺꦆꦝꦼꦤ꧀ꦱꦫꦤ​ꦏꦲꦶꦫꦶꦠ꧀ꦢꦺꦤꦶꦁ​ꦥꦸꦭꦶꦱꦶ꧉​ꦲꦶꦁ​ꦏꦁ​ꦏꦮꦗꦶꦧ꧀ꦧꦤ꧀ꦱꦸꦏ​ꦌꦏ꧀ꦱꦩꦼꦤ꧀ꦝꦠꦼꦁ​ꦱꦼꦠꦸꦝꦺꦤ꧀ꦮꦲꦸ꧇​ꦥꦫ​ꦒꦸꦫꦸ​ꦲꦒꦼꦁ​꧇​ꦠꦸꦮꦤ꧀ Dr. G.A.J. Hazeu꧈​ ꦠꦸꦮꦤ꧀ C. van Vollenhoven꧈​ ꦠꦸꦮꦤ꧀ Dr. N.J. Krom ꦠꦸꦮꦶꦤ꧀ ꦠꦸꦮꦤ꧀ G. Andre de la Porte꧈​ ꦮꦸꦱꦤ​ꦌꦏ꧀ꦱꦩꦼꦤ꧀ꦤꦶꦥꦸꦤ꧀ꦠꦸꦮꦤ꧀ꦯꦱ꧀ꦠꦿ​ꦮꦲꦸ​ꦥꦶꦏꦤ꧀ꦠꦸꦏ꧀꧈​ꦱꦲ​ꦱꦱꦩ꧀ꦥꦸꦤ꧀ꦤꦶꦥꦸꦤ꧀ꦭꦗꦼꦁ​ꦏꦮꦁ​ꦱꦸꦭ꧀ꦭꦏꦼꦤ꧀ꦭꦸꦩꦼꦧꦼꦠ꧀ꦲꦶꦁ​ꦒꦿꦶꦪ​ꦥꦏꦸꦚ꧀ꦗꦂꦫꦤ꧀ꦩꦭꦶꦃ꧉S