Kaca:Kajawen 40 1927-10-06.pdf/16

Saka Wikisumber
Kaca iki durung katitiwaca

꧋ꦉꦩ꧀ꦧꦒ꧀ꦒꦶꦥꦸꦤ꧀꧈​ꦯꦼꦩꦂ꧈​ꦦꦺꦠꦿꦸꦏ꧀꧈​ꦭꦤ꧀ ꦓꦫꦺꦁ​꧈​ ꦧꦧ꧀ ꦮꦺꦠ꧀ꦲꦶꦁ​ꦏꦁ​ꦲꦩꦼꦫꦔꦶ​ꦠꦶꦤ꧀ꦢꦏ꧀ꦏꦶꦁ​ꦥꦫ​ꦭꦶꦤ꧀ꦠꦃ​ꦝꦫꦠ꧀꧉​

꧋(ꦱꦩ꧀ꦧꦼꦠ꧀ꦠꦶꦥꦸꦤ꧀ꦏꦗꦮꦺꦤ꧀ꦎꦁ​ꦏ 39)꧉​

꧋ꦓꦫꦺꦁ​꧇​ꦥꦔꦢꦶꦭ꧀ꦭꦤ꧀ꦲꦺꦴꦫ​ꦏꦼꦤ​ꦔꦶꦢꦶꦤ꧀ꦤꦏꦺ​ꦥꦤꦒꦶꦃꦲꦺ꧈​ꦲꦤꦔꦶꦁ​ꦲꦸꦒ​ꦲꦺꦴꦫ​ꦏꦼꦤ​ꦤꦼꦠꦼꦥ꧀ꦥꦏꦺ꧈​ꦪꦺꦤ꧀ꦭꦪꦁ​ꦔꦺ​ꦥꦤꦒꦶꦃꦲꦤ꧀ꦩꦲꦸ​ꦲꦺꦴꦫ​ꦲꦤ​ꦧꦸꦏ꧀ꦠꦶꦤꦺ​ꦧꦧꦂ​ꦥꦶꦱꦤ꧀꧉​ꦮꦪꦃ꧈​ꦫꦩ꧈​ꦪꦺꦤ꧀ꦲꦤ​ꦥꦿꦏꦫ​ꦏꦁ​ꦏꦪ​ꦩꦁ​ꦏꦺꦴꦤꦺꦴ​ꦏꦸꦮꦶ꧈​ꦢꦫ​ꦱꦶꦝꦺꦤ꧀ꦱꦗꦏ꧀ꦏꦺ​ꦏꦪ​ꦮꦺꦴꦁ​ꦱꦶꦁ​ꦕꦼꦏꦶꦤꦺ​ꦩꦠꦶ​ꦱꦶꦗꦶ꧈​ꦲꦉꦥ꧀ꦢꦶꦪꦺꦴꦮꦃꦲꦶ​ꦕꦼꦏꦶꦤꦺ​ꦏꦸꦮꦠꦶꦂ​ꦤꦺꦏ꧀ꦩꦼꦠꦸ꧈​ꦲꦺꦴꦫ​ꦢꦶꦪꦺꦴꦮꦃꦲꦶ​ꦮꦺꦴꦁ​ꦒꦼꦤꦃ​ꦮꦶꦱ꧀ꦩꦠꦶ​ꦱꦶꦗꦶ꧉​

꧋ꦯꦼꦩꦂ​꧇​ꦌ꧈​ꦏꦸꦫꦁ​ꦲꦗꦂ꧈​ꦭ​ꦮꦺꦴꦁ​ꦥꦥꦿꦶꦏ꧀ꦱꦤ꧀ꦥꦔꦢꦶꦭ꧀ꦭꦤ꧀꧈​ꦏꦛꦶꦏ꧀ꦢꦶꦪꦁ​ꦒꦼꦥ꧀ꦏꦪꦢꦺꦤꦺ​ꦮꦺꦴꦁ​ꦏꦺꦴꦮꦃ꧉​ꦮꦶꦱ꧀꧈​ꦮꦶꦱ꧀꧈​ꦫꦸꦔꦺꦴꦏ꧀ꦤ꧉​ꦪꦺꦤ꧀ꦱꦶꦁ​ꦩꦺꦴꦠꦁ​ꦔꦏꦺ​ꦝꦸꦮꦶꦠ꧀ꦚꦁ​ꦦꦺꦠꦿꦸꦏ꧀ꦢꦸꦮꦺ​ꦧꦸꦏ꧀ꦠꦶ​ꦭꦶꦪꦤꦺ꧈​ꦱꦤꦗꦤ꧀ꦧꦸꦏ꧀ꦠꦶ​ꦭꦶꦪꦤꦺ​ꦩꦲꦸ​ꦲꦺꦴꦫ​ꦱꦥꦶꦫꦲ꧈​ꦱꦤꦗꦤ꧀ꦠ​ꦩꦸꦁ​ꦫꦸꦥ​ꦭꦪꦁ​ꦥꦱꦼꦏ꧀ꦱꦺꦤ꧀ꦧꦲꦺ꧈​ꦏꦸꦮꦶ​ꦦꦺꦠꦿꦸꦏ꧀ꦧꦶꦱ​ꦢꦶꦏꦭꦃꦲꦏꦺ​ꦥꦿꦏꦫꦤꦺ꧉​

꧋ꦦꦺꦠꦿꦸꦏ꧀꧇​ꦩ꧈​ꦩ꧈​ꦲꦶꦁ​ꦱꦫꦺꦃꦤꦶꦁ​ꦲꦏꦸ​ꦏꦶꦪꦶ​ꦱꦮꦶꦗꦶꦤꦶꦁ​ꦥꦿꦶꦪꦪꦶ꧈​ꦱꦧꦏꦸ​ꦢꦶꦤ​ꦢꦶꦤ​ꦩꦸꦁ​ꦚꦁ​ꦏꦩꦂ​ꦧꦺꦴꦭꦃ​ꦧꦲꦺ꧈​ꦠꦩ꧀ꦠꦸꦤꦺ​ꦲꦶꦪ​ꦢꦸꦮꦺꦤ꧀ꦤꦶ​ꦏꦥꦿꦮꦶꦫꦤ꧀꧈​ꦪꦺꦤ꧀ꦔꦤ꧀ꦠꦶ​ꦲꦸꦠꦁ​ꦝꦸꦮꦶꦠ꧀꧈​ꦲꦺꦴꦫ​ꦧꦏꦭ꧀ꦲꦤ​ꦠꦶꦠꦃꦲꦶꦁ​ꦔꦧꦛꦫ​ꦱꦶꦁ​ꦧꦏꦭ꧀ꦮꦼꦫꦸꦃ꧉​

꧋ꦯꦺꦩꦂ​꧇​ꦩꦼꦁ​ꦏꦺꦴ​ꦝꦶꦱꦶꦏ꧀꧈​ꦮꦺꦴꦁ​ꦧꦒꦸꦱ꧀꧈​ꦮꦺꦴꦁ​ꦢ꧀ꦭꦺꦴꦔꦺꦂ꧈​ꦲꦏꦸ​ꦲꦉꦥ꧀ꦚꦼꦭꦤ꧀ꦤꦶ​ꦥꦶꦠꦏꦺꦴꦤ꧀꧉​ꦏꦺꦴꦮꦺ​ꦩꦲꦸ​ꦔꦺꦴꦩꦺꦴꦁ​꧈​ꦪꦺꦤ꧀ꦢꦶꦤ​ꦢꦶꦤ​ꦱꦺꦴꦏ꧀ꦱꦧ​ꦚꦁ​ꦏꦩꦂ​ꦧꦺꦴꦭꦃ꧈​ꦏꦸꦮꦶ​ꦏꦺꦴꦮꦺ​ꦲꦥ​ꦮꦶꦱ꧀ꦭꦸꦩꦼꦧꦸ​ꦢꦢꦶ​ꦭꦶꦢ꧀꧉​

꧋ꦓꦫꦺꦁ​꧇​ꦪꦃ꧈​ꦩ꧈​ꦲꦠꦸꦂꦫꦺ​ꦦꦺꦠꦿꦸꦏ꧀ꦏꦸꦮꦶ​ꦲꦗ​ꦱꦺꦴꦏ꧀ꦢꦶꦒꦭꦶꦃ​ꦧꦼꦤꦼꦂ​ꦧꦼꦤꦼꦂ꧉​ꦲꦗ​ꦩꦤꦺꦃ​ꦢꦢꦶ​ꦭꦶꦢ꧀꧈​ꦩꦸꦁ​ꦒꦃ​ꦫꦺꦴꦭꦏ꧀ꦏꦩꦂ​ꦧꦺꦴꦭꦃ​ꦧꦲꦺ​ꦫꦏ꧀ꦢꦸꦫꦸꦁ​ꦠꦲꦸ꧉​ꦩꦸꦁ​ꦒꦸꦃ​ꦏꦉꦥ꧀ꦥꦺ​ꦱꦧ​ꦚꦁ​ꦏꦩꦂ​ꦧꦺꦴꦭꦃ​ꦏꦸꦮꦶ​ꦩꦁ​ꦏꦺꦤꦺ꧈​ꦪꦺꦤ꧀ꦥꦫ​ꦢꦫ​ꦢꦫ​ꦭꦒꦶ​ꦏꦧꦼꦤꦼꦂ​ꦊꦁ​ꦒꦃꦲꦤ꧀ꦝꦺꦴꦩꦶꦤꦺꦴ​ꦲꦸꦠꦮ​ꦱꦼꦭꦶꦏꦸꦂꦫꦤ꧀ꦲꦤ​ꦲꦶꦁ​ꦏꦩꦂ​ꦧꦺꦴꦭꦃ꧈​ꦲꦶꦁ​ꦩꦺꦴꦁ​ꦏ​ꦲꦺꦴꦫ​ꦲꦤ​ꦮꦼꦏ꧀ꦠꦸꦤꦺ​ꦏꦁ​ꦒꦺꦴ​ꦏꦺꦴꦤ꧀ꦢꦸꦂ​ꦝꦲꦂ꧈​ꦏꦸꦮꦶ​ꦧꦚ꧀ꦗꦸꦂ​ꦤꦶꦩ꧀ꦧꦭ꧀ꦭꦶ​ꦦꦺꦠꦿꦸꦏ꧀꧈​ꦲꦩꦂꦒ​ꦦꦺꦠꦿꦸꦏ꧀ꦮꦶꦱ꧀ꦥꦶꦫꦁ​ꦥꦶꦫꦁ​ꦢꦶꦤ​ꦏꦶꦪꦶ​ꦢꦢꦶ​ꦧꦏꦸꦭ꧀ꦱꦲꦺꦴꦠꦺꦴ꧉​

꧋ꦯꦼꦩꦂ​꧇​ꦌ꧈​ꦠꦿꦺꦩ꧀ꦧꦺꦭ꧀ꦭꦤ꧀ꦤꦺ꧈​ꦲꦁ​ꦒꦺꦴꦤ꧀ꦤꦺ​ꦲꦺꦴꦫ​ꦲꦸꦫꦸꦱ꧀ꦦꦺꦠꦿꦸꦏ꧀ꦏꦸꦮꦶ​ꦏꦛꦶꦏ꧀ꦏꦧꦚ꧀ꦗꦸꦂ​ꦧꦚ꧀ꦗꦸꦂ꧈​ꦩꦸꦁ​ꦒꦸꦃ​ꦕꦭꦛꦸꦤꦺ​ꦦꦺꦠꦿꦸꦏ꧀꧈​ꦲꦺꦴꦫ​ꦲꦤ​ꦠꦶꦠꦃꦲꦶꦁ​ꦔꦧꦛꦫ​ꦱꦶꦁ​ꦧꦏꦭ꧀ꦮꦼꦫꦸꦃ꧈​ꦏꦸꦮꦶ​ꦪꦺꦤ꧀ꦲꦏꦸ​ꦲꦺꦴꦫ​ꦏ꧀ꦭꦶꦫꦸ꧈​ꦏꦉꦥ꧀ꦥꦺ​ꦦꦺꦠꦿꦸꦏ꧀ꦲꦉꦥ꧀ꦥꦶꦠꦏꦺꦴꦤ꧀ꦩꦁ​ꦏꦺꦤꦺ꧇​ꦏꦥꦿꦶꦪꦺ​ꦲꦸꦥꦩꦤꦺ​ꦱꦶꦁ​ꦩꦺꦴꦠꦁ​ꦔꦏꦺ​ꦲꦺꦴꦫ​ꦢꦸꦮꦺ​ꦧꦸꦏ꧀ꦠꦶ​ꦭꦶꦪꦤꦺ​ꦧꦧꦂ​ꦥꦶꦱꦤ꧀꧉​ꦲꦥ​ꦪ​ꦩꦁ​ꦏꦺꦴꦤꦺꦴ꧈​ꦠꦿꦸꦏ꧀꧉​

꧋ꦦꦺꦠꦿꦸꦏ꧀꧇​ꦩꦸꦭ​ꦪ​ꦩꦁ​ꦏꦺꦴꦤꦺꦴ꧈​ꦩ꧉​ꦱꦧꦶꦱ​ꦧꦶꦱ​ꦮꦺꦴꦁ​ꦲꦸꦠꦁ​ꦏꦸꦮꦶ​ꦲꦗ​ꦔꦤ꧀ꦠꦶ​ꦏꦼꦮꦿꦸꦃꦲꦤ꧀ꦲꦶꦁ​ꦭꦶꦪꦤ꧀꧈​ꦲꦩꦂꦒ​ꦪꦺꦤ꧀ꦔꦤ꧀ꦠꦶ​ꦏꦺꦴꦤꦁ​ꦔꦤ꧀ꦏꦩ꧀ꦭꦫꦠ꧀ꦠꦤ꧀ꦩꦸ꧈​ꦱꦺꦴꦏ꧀ꦧꦚ꧀ꦗꦸꦂ​ꦢꦶꦱꦶꦁ​ꦏꦶꦂꦫꦶ​ꦲꦶꦁ​ꦲꦏꦺꦃ꧉​ꦩꦸꦭꦤꦺ​ꦪꦺꦤ꧀ꦲꦶꦁ​ꦔꦺꦴꦩꦃ​ꦏꦼꦤ꧀ꦝꦶꦭ꧀ꦭꦺ​ꦏꦧꦼꦤꦼꦂ​ꦩꦼꦁ​ꦏꦸꦉꦥ꧀꧈​ꦲꦏꦸ​ꦩꦭꦃ​ꦧꦚ꧀ꦗꦸꦂ​ꦥꦊꦱꦶꦂ​ꦥꦊꦱꦶꦂ​ꦩꦸꦧꦼꦁ​ꦏꦺꦴꦠꦃ꧈​ꦗꦱ꧀ꦏꦸ​ꦱꦶꦗꦶ​ꦠꦏ꧀ꦲꦼꦁ​ꦒꦺꦴꦤ꧀ꦤꦶ​ꦏꦧꦺꦃ꧉​