Kaca:Kajawen 40 1927-10-06.pdf/15

Saka Wikisumber
Menyang navigasi Menyang panggolèkan
Kaca iki durung katitiwaca

ꦤꦶꦏ​ꦩꦼꦩ꧀ꦥꦤ꧀ꦤꦶꦥꦸꦤ꧀ꦚꦩ꧀ꦧꦸꦠ꧀ꦢꦩꦼꦭ꧀ꦢꦢꦺꦴꦱ꧀ꦤꦶꦪꦒ꧈​ꦩꦏꦠꦼꦤ꧀ꦱꦥꦶꦠꦸꦫꦸꦠ꧀ꦠꦶꦥꦸꦤ꧀꧉​ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦠꦶꦪꦁ​ꦚꦩ꧀ꦧꦸꦠ꧀ꦢꦩꦼꦭ꧀ꦱꦩ꧀ꦥꦸꦤ꧀ꦲꦁ​ꦱꦭ꧀ꦧꦭꦺꦴꦚ꧀ꦗ​ꦏꦛꦃ​ꦭꦗꦼꦁ​ꦩꦼꦢꦭ꧀꧈​ꦥꦸꦤꦶꦏ​ꦧꦺꦴꦏ꧀ꦩꦤꦮꦶ​ꦲꦶꦁ​ꦒꦶꦃ​ꦱꦏꦶꦁ​ꦧꦺꦴꦠꦼꦤ꧀ꦤꦺꦴꦕꦺꦴꦒ꧀ꦒꦶ​ꦏꦭꦶꦪꦤ꧀ꦝꦼꦝꦱꦂꦫꦶꦁ​ꦩꦤꦃꦲꦶꦥꦸꦤ꧀꧉​ꦏꦗꦮꦶ​ꦥꦸꦤꦶꦏ​ꦩꦤꦮꦶ​ꦢꦶꦥꦸꦤ꧀ꦩꦤꦃ​ꦩꦤꦃ꧈​ꦚꦩ꧀ꦧꦸꦠ꧀ꦢꦩꦼꦭ꧀ꦥꦸꦤꦶꦏ​ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦲꦮꦿꦠ꧀ꦠꦶꦥꦸꦤ꧀꧈​ꦢꦺꦤꦺ​ꦲꦶꦁ​ꦏꦁ​ꦩꦱ꧀ꦠꦤ꧀ꦤꦶ​ꦲꦮꦿꦠ꧀ꦥꦸꦤꦶꦏ​ꦤꦩꦸꦁ​ꦲꦶꦁ​ꦏꦁ​ꦚꦮꦁ​꧈​ꦢꦢꦺꦴꦱ꧀ꦱꦩ꧀ꦥꦸꦤ꧀ꦠꦩ꧀ꦠꦸ​ꦩꦤꦮꦶ​ꦲꦶꦁ​ꦏꦁ​ꦚꦮꦁ​ꦥꦸꦤꦶꦏ​ꦩꦱ꧀ꦠꦤ꧀ꦤꦶ​ꦲꦮꦿꦠ꧀꧈​ꦲꦩꦂꦒꦶ​ꦱꦒꦼꦢ꧀ꦲꦸꦒꦶ​ꦲꦶꦁ​ꦏꦁ​ꦢꦶꦥꦸꦤ꧀ꦱꦮꦁ​ꦥꦸꦤꦶꦏ​ꦧꦺꦴꦠꦼꦤ꧀ꦤꦺꦴꦕꦺꦴꦒ꧀ꦒꦶ​ꦏꦭꦶꦪꦤ꧀ꦝꦼꦝꦱꦂꦫꦶꦁ​ꦩꦤꦃꦲꦶꦥꦸꦤ꧀ꦲꦶꦁ​ꦏꦁ​ꦚꦮꦁ​꧉​ꦈꦥꦩꦶꦤꦶꦥꦸꦤ꧀ꦲꦶꦁ​ꦏꦁ​ꦚꦮꦁ​ꦱꦂꦮ​ꦫꦶꦁ​ꦏꦶꦃ​ꦧꦢꦤ꧀ꦤꦶꦥꦸꦤ꧀꧈​ꦩꦺꦴꦁ​ꦏ​ꦚꦸꦩꦼꦉꦥ꧀ꦥꦶ​ꦥꦤ꧀ꦢꦩꦼꦭ꧀ꦭꦤ꧀ꦤꦶꦥꦸꦤ꧀ꦥꦤ꧀ꦝꦺ​ꦠꦺꦴꦱꦤ꧀꧈​ꦠꦶꦪꦁ​ꦮꦲꦸ​ꦩꦼꦱ꧀ꦛꦶ​ꦮꦼꦒꦃ꧈​ꦗꦭꦂꦫꦤ꧀ꦢꦶꦥꦸꦤ꧀ꦠꦼꦥꦑꦏꦼꦤ꧀ꦏꦭꦶꦪꦤ꧀ꦧꦢꦤ꧀ꦤꦶꦥꦸꦤ꧀ꦥꦶꦪꦩ꧀ꦧꦏ꧀ꦲꦶꦁ​ꦏꦁ​ꦱꦂꦮ​ꦫꦶꦁ​ꦏꦶꦃ꧈​ꦠꦩ꧀ꦠꦸ​ꦧꦺꦴꦠꦼꦤ꧀ꦠꦺꦪꦺꦁ​ꦲꦸꦠꦮꦶ​ꦱꦏꦶꦠ꧀ꦏꦁ​ꦒꦺ​ꦚꦩ꧀ꦧꦸꦠ꧀ꦢꦩꦼꦭ꧀ꦔꦼꦢꦭ꧀ꦭꦏꦼꦤ꧀ꦏꦫꦺꦴꦱꦤ꧀ꦏꦢꦺꦴꦱ꧀ꦠꦸꦏꦁ​ꦥꦤ꧀ꦝꦺ꧉​ꦏꦺꦴꦱꦺꦴꦏ꧀ꦮꦁ​ꦱꦸꦭ꧀ꦭꦶꦥꦸꦤ꧀ꦲꦶꦁ​ꦏꦁ​ꦔ꧀ꦭꦩ꧀ꦥꦃꦲꦶ꧈​ꦲꦶꦁ​ꦒꦶꦃ​ꦥꦸꦤꦶꦏ​ꦠꦸꦏꦁ​ꦥꦤ꧀ꦝꦺ꧈​ꦠꦩ꧀ꦠꦸ​ꦧꦺꦴꦠꦼꦤ꧀ꦮꦼꦒꦃ​ꦲꦶꦔꦠꦱ꧀ꦱꦶꦁ​ꦥꦤ꧀ꦢꦩꦼꦭ꧀ꦭꦤ꧀ꦲꦶꦁ​ꦏꦁ​ꦏꦠꦶꦤ꧀ꦢꦏ꧀ꦏꦏꦼꦤ꧀꧈​ꦲꦩꦂꦒꦶ​ꦱꦩ꧀ꦥꦸꦤ꧀ꦏꦸꦭꦶꦤ​ꦲꦸꦠꦮꦶ​ꦱꦩ꧀ꦥꦸꦤ꧀ꦢꦢꦺꦴꦱ꧀ꦥꦢꦩꦼꦭ꧀ꦭꦤ꧀ꦤꦶꦥꦸꦤ꧀꧉​ꦥꦸꦤꦥ​ꦩꦭꦶꦃ​ꦥꦤ꧀ꦢꦩꦼꦭ꧀ꦭꦤ꧀ꦲꦶꦁ​ꦏꦁ​ꦩꦼꦒꦃꦲꦏꦼꦤ꧀ꦲꦸꦠꦮꦶ​ꦉꦏꦲꦺꦴꦱ꧀꧈​ꦥꦸꦤꦶꦏ​ꦲꦸꦒꦶ​ꦧꦺꦴꦠꦼꦤ꧀ꦢꦸꦩꦸꦤꦸꦁ​ꦮꦺꦴꦤ꧀ꦠꦼꦤ꧀ꦥꦤ꧀ꦢꦩꦼꦭ꧀ꦲꦶꦁ​ꦏꦁ​ꦱꦂꦮ​ꦔꦼꦢꦭ꧀ꦭꦏꦼꦤ꧀ꦏꦫꦺꦴꦱꦤ꧀꧈​ꦤꦔꦶꦁ​ꦲꦁ​ꦒꦺꦤ꧀ꦤꦶꦁ​ꦩꦼꦒꦃꦲꦏꦼꦤ꧀ꦲꦸꦠꦮꦶ​ꦉꦏꦲꦺꦴꦱ꧀ꦮꦲꦸ꧈​ꦤꦩꦸꦁ​ꦏꦧꦼꦏ꧀ꦠ​ꦱꦏꦶꦁ​ꦧꦺꦴꦠꦼꦤ꧀ꦱꦒꦼꦢ꧀ꦢꦶꦥꦸꦤ꧀ꦲꦶꦁ​ꦏꦁ​ꦤꦶꦤ꧀ꦢꦏ꧀ꦏꦏꦼꦤ꧀꧉​ꦠꦼꦫꦁ​ꦔꦶꦥꦸꦤ꧀꧈​ꦱꦲꦸꦥꦩꦶ​ꦠꦸꦏꦁ​ꦥꦤ꧀ꦝꦺ​ꦮꦲꦸ​ꦏꦥꦸꦫꦶꦃ​ꦤꦶꦤ꧀ꦢꦏ꧀ꦏꦏꦼꦤ꧀ꦥꦤ꧀ꦢꦩꦼꦭ꧀ꦭꦤ꧀ꦧꦁ​ꦱꦤꦶꦁ​ꦏꦭꦸꦔꦶꦢ꧀ꦢꦤ꧀ꦲꦸꦠꦮꦶ​ꦏꦫꦮꦶꦠ꧀ꦠꦤ꧀꧈​ꦏꦢꦺꦴꦱ꧀ꦠ꧇​ꦏꦥꦸꦫꦶꦃ​ꦢꦩꦼꦭ꧀ꦏꦶꦢꦸꦁ​ꦉꦉꦥꦺꦤ꧀꧈​ꦲꦤ꧀ꦝꦭꦁ​꧈​ꦚꦸꦁ​ꦒꦶꦁ​꧈​ꦒꦩ꧀ꦧꦂ꧈​ꦲꦶꦁ​ꦒꦶꦃ​ꦉꦏꦲꦺꦴꦱ꧀ꦱꦪꦼꦏ꧀ꦠꦺꦴꦱ꧀꧈​ꦲꦩꦂꦒꦶ​ꦱꦤꦺꦱ꧀ꦥꦤ꧀ꦢꦩꦼꦭ꧀ꦭꦤ꧀ꦤꦶꦥꦸꦤ꧀ꦱꦲ​ꦧꦺꦴꦠꦼꦤ꧀ꦒꦝꦃ​ꦝꦱꦂ꧉​

꧋ꦱꦢꦺꦫꦺꦁ​ꦔꦶꦥꦸꦤ꧀ꦚꦩ꧀ꦧꦸꦠ꧀ꦢꦩꦼꦭ꧀꧈​ꦥꦿꦪꦺꦴꦒꦶ​ꦲꦩꦤꦃꦲ​ꦫꦸꦩꦶꦪꦶꦤ꧀ꦥꦤ꧀ꦢꦩꦼꦭ꧀ꦭꦤ꧀ꦥꦸꦤꦥ​ꦲꦶꦁ​ꦏꦁ​ꦢꦶꦥꦸꦤ꧀ꦱꦼꦤꦼꦁ​ꦔꦶ꧈​ꦩꦤꦮꦶ​ꦱꦩ꧀ꦥꦸꦤ꧀ꦱꦭꦫꦱ꧀ꦏꦭꦶꦪꦤ꧀ꦩꦤꦃꦲꦶꦥꦸꦤ꧀꧈​ꦭꦗꦼꦁ​ꦏꦭꦩ꧀ꦥꦃꦲꦤ꧈​ꦱꦩ꧀ꦥꦸꦤ꧀ꦩꦮꦶ​ꦩꦭꦁ​ꦠꦸꦩꦺꦴꦭꦶꦃ꧈​(ꦲꦮꦁ​ꦲꦮꦁ​ꦔꦼꦤ꧀)꧈​ꦢꦺꦤꦺ​ꦧꦧ꧀ꦏꦮꦿꦸꦃ​ꦩꦁ​ꦏꦺ​ꦱꦒꦼꦢ꧀ꦏꦠꦸꦤ꧀ꦠꦸꦤ꧀ꦮꦺꦴꦤ꧀ꦠꦼꦤ꧀ꦱꦊꦧꦼꦠ꧀ꦠꦶꦁ​ꦥꦤ꧀ꦢꦩꦼꦭ꧀ꦭꦤ꧀꧉​ꦏꦗꦮꦶ​ꦥꦸꦤꦶꦏ​ꦱꦩ꧀ꦥꦸꦤ꧀ꦔꦤ꧀ꦠꦺꦴꦱ꧀ꦒꦝꦃ​ꦫꦲꦺꦴꦱ꧀ꦭꦶꦁ​ꦱꦼꦩ꧀꧈​ꦢꦸꦥꦺꦃ​ꦥꦤ꧀ꦢꦩꦼꦭ꧀ꦭꦤ꧀ꦤꦶꦥꦸꦤ꧀ꦏꦲꦁ​ꦒꦼꦥ꧀ꦲꦱꦺꦴꦂ꧉​ꦔꦢꦠ꧀ꦠꦶꦥꦸꦤ꧀ꦠꦶꦪꦁ​ꦲꦔ꧀ꦭꦩ꧀ꦥꦃꦲꦶ​ꦥꦤ꧀ꦢꦩꦼꦭ꧀ꦭꦤ꧀ꦒꦝꦃ​ꦫꦲꦺꦴꦱ꧀ꦭꦶꦁ​ꦱꦼꦩ꧀꧈​ꦥꦸꦤꦶꦏ​ꦥꦶꦤꦁ​ꦒꦶꦃ​ꦮꦺꦴꦤ꧀ꦠꦼꦤ꧀ꦠꦶꦪꦁ​ꦲꦶꦁ​ꦏꦁ​ꦱꦩ꧀ꦥꦸꦤ꧀ꦤꦠꦺ​ꦩꦸꦏ꧀ꦠꦶ​ꦲꦸꦠꦮꦶ​ꦲꦶꦁ​ꦏꦁ​ꦫꦸꦩꦲꦺꦴꦱ꧀ꦲꦶꦁ​ꦒꦶꦭ꧀ꦢꦫꦗꦠ꧀ꦠꦶꦥꦸꦤ꧀꧈​ꦝꦸꦩꦮꦃꦲꦶꦁ​ꦲꦥꦼꦱ꧀ꦏꦥꦼꦏ꧀ꦱ​ꦲꦔ꧀ꦭꦩ꧀ꦥꦃꦲꦶ​ꦥꦤ꧀ꦢꦩꦼꦭ꧀ꦭꦤ꧀ꦲꦶꦁ​ꦏꦁ​ꦏꦲꦁ​ꦒꦼꦥ꧀ꦲꦱꦺꦴꦂ​ꦮꦲꦸ꧉​ꦥꦚ꧀ꦕꦺꦤ꧀ꦤꦶꦥꦸꦤ꧀ꦗꦫꦒ꧀ꦒꦤ꧀ꦱꦩ꧀ꦥꦸꦤ꧀ꦢꦶꦥꦸꦤ꧀ꦤꦶꦪꦠ꧀ꦠꦶ​ꦚꦩ꧀ꦧꦸꦠ꧀ꦢꦩꦼꦭ꧀ꦥꦸꦤꦶꦏ​ꦏꦼꦢꦃ​ꦧꦺꦴꦠꦼꦤ꧀ꦭꦶꦁ​ꦱꦼꦩ꧀꧈​ꦲꦩꦂꦒꦶ​ꦚꦩ꧀ꦧꦸꦠ꧀ꦢꦩꦼꦭ꧀ꦥꦸꦤꦶꦏ​ꦩꦼꦱ꧀ꦛꦶ​ꦱꦱꦿꦮꦸꦁ​ꦔꦤ꧀ꦏꦭꦶꦪꦤ꧀ꦠꦶꦪꦁ​꧈​ꦢꦢꦺꦴꦱ꧀ꦢꦶꦥꦸꦤ꧀ꦫꦺꦏꦲ​ꦏꦢꦺꦴꦱ꧀ꦥꦸꦤꦥ꧈​ꦩꦼꦱ꧀ꦛꦶ​ꦏꦮꦔꦸꦂꦫꦤ꧀ꦲꦶꦁ​ꦠꦶꦪꦁ​ꦱꦲ​ꦠꦤ꧀ꦥ​ꦢꦩꦼꦭ꧀꧉​ꦕꦼꦏꦏ꧀ꦏꦶꦥꦸꦤ꧀꧈​ꦠꦶꦪꦁ​ꦲꦶꦁ​ꦏꦁ​ꦩꦏꦠꦼꦤ꧀ꦮꦲꦸ​ꦧꦝꦺ​ꦉꦏꦲꦺꦴꦱ꧀ꦲꦶꦁ​ꦱꦩꦸꦢꦪꦤꦶꦥꦸꦤ꧀꧈​ꦉꦏꦲꦺꦴꦱ꧀ꦝꦠꦼꦁ​ꦩꦤꦃ꧈​ꦉꦏꦲꦺꦴꦱ꧀ꦥꦤꦶꦤ꧀ꦢꦏ꧀ꦏꦶꦥꦸꦤ꧀ꦚꦩ꧀ꦧꦸꦠ꧀ꦢꦩꦼꦭ꧀꧈​ꦱꦲ​ꦉꦏꦲꦺꦴꦱ꧀ꦲꦁ​ꦱꦭꦁ​ꦱꦭ꧀ꦭꦤ꧀ꦤꦶꦥꦸꦤ꧀ꦲꦂꦠ꧉​

꧋ꦲꦸꦠꦩꦶꦤꦶꦥꦸꦤ꧀ꦠꦶꦪꦁ​ꦥꦸꦤꦶꦏ​ꦩꦭꦃ​ꦏꦥꦫ​ꦲꦔ꧀ꦭꦸꦲꦸꦂꦫꦏꦼꦤ꧀ꦝꦠꦼꦁ​ꦥꦤ꧀ꦢꦩꦼꦭ꧀ꦭꦤ꧀ꦤꦶꦥꦸꦤ꧀꧈​ꦱꦩ꧀ꦥꦸꦤ꧀ꦔꦤ꧀ꦠꦺꦴꦱ꧀ꦚꦥꦺꦭꦺꦑꦏꦼꦤ꧀꧈​ꦱꦲ​ꦲꦁ​ꦒꦝꦃꦲꦤ​ꦫꦸꦩꦲꦺꦴꦱ꧀ꦧꦶꦭꦶꦃ​ꦥꦤ꧀ꦢꦩꦼꦭ꧀ꦭꦤ꧀ꦤꦶꦥꦸꦤ꧀ꦥꦸꦤꦶꦏ꧈​ꦤꦩ​ꦩꦶꦠꦸꦭꦸꦁ​ꦔꦶ​ꦝꦠꦼꦁ​ꦲꦢꦼꦒ꧀ꦒꦶꦁ​ꦒꦼꦱꦁ​ꦔꦶꦥꦸꦤ꧀ꦠꦶꦪꦁ​ꦲꦶꦁ​ꦔꦭꦩ꧀ꦢꦺꦴꦚ꧈​ꦏꦢꦺꦴꦱ꧀ꦠ꧇​ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦠꦶꦪꦁ​ꦱꦒꦼꦢ꧀ꦤꦼꦝ​ꦱꦼꦏꦸꦭ꧀꧈​ꦥꦸꦤꦶꦏ​ꦱꦏꦶꦁ​ꦥꦶꦠꦸꦭꦸꦁ​ꦔꦤ꧀ꦤꦶꦥꦸꦤ꧀ꦠꦶꦪꦁ​ꦠꦤꦶ꧈​ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦠꦶꦪꦁ​ꦱꦒꦼꦢ꧀ꦢꦩꦼꦭ꧀ꦒꦿꦶꦪ​ꦱꦏꦶꦁ​ꦥꦶꦠꦸꦭꦸꦁ​ꦔꦤ꧀ꦤꦶꦥꦸꦤ꧀ꦠꦸꦏꦁ​ꦏꦗꦼꦁ​꧈​ꦩꦏꦠꦼꦤ꧀ꦱꦥꦶꦠꦸꦫꦸꦠꦶꦥꦸꦤ꧀꧉​

(ꦧꦝꦺ​ꦏꦱꦩ꧀ꦧꦼꦠ꧀ꦠꦤ꧀)