ꦮꦮꦲꦺꦴꦱ꧀ꦱꦤ꧀
꧋ꦱꦸꦱꦸꦥꦼꦲꦒꦼꦩ꧀ꦩꦶꦥꦸꦤ꧀ꦫꦗꦥꦸꦠꦿꦶꦲꦶꦁꦯꦼꦧ
꧇꧑꧑꧇
꧋ꦥꦿꦺꦴꦥꦼꦱꦺꦴꦂ Higgs ꦲꦩ꧀ꦧꦼꦧꦼꦝꦒ꧀
꧋ꦥꦿꦺꦴꦥꦼꦱꦺꦴꦂ Higgs ꦒꦽꦤꦼꦁꦔꦤ꧀꧇ ꦗꦗꦭ꧀꧈ꦧꦺꦴꦏ꧀ꦧꦼꦝꦶꦊꦤ꧀ꦏꦲꦼ꧉ꦲꦏꦸꦧꦶꦱꦲꦸꦒꦭꦸꦥꦸꦠ꧀ꦥꦩ꧀ꦧꦼꦝꦶꦭ꧀ꦏꦸ꧈ꦭꦤ꧀ꦏꦼꦮꦤ꧀ꦏꦼꦮꦤ꧀ꦩꦲꦸꦧꦚ꧀ꦗꦸꦂꦥꦝꦭꦸꦩꦪꦸ꧉ꦱꦏꦶꦁꦲꦒꦼꦁꦔꦶꦁꦥꦤꦭꦁꦱꦤꦶꦥꦸꦤ꧀꧈ꦥꦿꦺꦴꦥꦼꦱꦺꦴꦂ Higgs ꦩꦭꦃꦭꦗꦼꦁꦢꦢꦺꦴꦱ꧀ꦲꦱꦺꦴꦂ꧉ꦏꦤ꧀ꦛꦶꦲꦭꦺꦴꦤ꧀ꦲꦭꦺꦴꦤ꧀ꦤꦤ꧀ Orme ꦭꦤ꧀ꦏꦸꦭꦭꦗꦼꦁꦠꦔꦶꦱꦲꦗꦺꦁꦏꦺꦁꦔꦼꦔꦏ꧀ꦲꦏꦼꦔꦏ꧀ꦲꦏꦼꦤ꧀ꦥ꧀ꦭꦠꦸꦏ꧀ꦏꦶꦁꦱꦚ꧀ꦗꦠ꧉ꦏꦗꦮꦶꦤꦩꦸꦁꦱꦠꦸꦁꦒꦭ꧀꧈ꦏꦼꦮꦤ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀ꦱꦩ꧀ꦥꦸꦤ꧀ꦱꦩꦶꦭꦁꦏꦸꦁ꧈ꦭꦤ꧀ꦏꦼꦮꦤ꧀ꦲꦶꦁꦏꦁꦱꦠꦸꦁꦒꦭ꧀ꦮꦲꦸꦭꦩ꧀ꦥꦃꦲꦶꦥꦸꦤ꧀ꦏꦶꦤ꧀ꦠꦼꦤ꧀ꦏꦶꦤ꧀ꦠꦼꦤ꧀ꦏꦭꦶꦃꦢꦱꦩꦺꦠꦼꦂꦠꦼꦧꦶꦃꦲꦶꦥꦸꦤ꧀ꦱꦏꦶꦁꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀꧉Orme ꦭꦗꦼꦁꦤꦫꦶꦏ꧀ꦥ꧀ꦭꦠꦸꦏ꧀ꦏꦶꦁꦱꦤ꧀ꦠꦗꦮꦲꦸ꧈ꦲꦤꦔꦶꦁꦧꦺꦴꦠꦼꦤ꧀ꦩꦸꦔꦼꦭ꧀꧉ꦲꦶꦁꦮꦶꦁꦏꦶꦁꦔꦶꦥꦸꦤ꧀ꦏꦸꦭꦱꦢꦪꦚꦸꦩꦼꦉꦥ꧀ꦥꦶ꧈ꦧꦶꦭꦶꦃꦱꦚ꧀ꦗꦠꦤꦶꦥꦸꦤ꧀ꦏꦼꦊꦧꦼꦠ꧀ꦠꦤ꧀ꦥꦱꦶꦂ꧉
꧋ꦏꦸꦭꦲꦶꦁꦒꦶꦃꦔꦶꦚ꧀ꦕꦼꦁ꧈ꦲꦤꦔꦶꦁꦩꦿꦶꦥꦠ꧀ꦏꦸꦭꦢꦢꦺꦴꦱ꧀ꦧꦺꦴꦠꦼꦤ꧀ꦥꦿꦩꦤ꧈ꦭꦤ꧀ꦠꦔꦤ꧀ꦏꦸꦭꦗꦶꦩ꧀ꦥꦼꦱꦔꦼꦠ꧀꧉ꦩꦏꦠꦼꦤ꧀ꦩꦭꦶꦃꦮꦺꦴꦤ꧀ꦠꦼꦤ꧀ꦲꦶꦁꦒꦒꦱ꧀ꦱꦤ꧀꧈ꦧꦶꦭꦶꦃꦒꦼꦱꦁꦏꦸꦭꦱꦢꦪꦥꦸꦤꦶꦏ꧈ꦒꦸꦩꦤ꧀ꦠꦸꦁꦝꦠꦼꦁꦩꦶꦩꦶꦱ꧀ꦮꦲꦸ꧈ꦥꦸꦤꦶꦏꦲꦢꦩꦼꦭ꧀ꦧꦶꦔꦸꦁꦔꦶꦁꦩꦤꦃꦏꦸꦭ꧈ꦲꦤꦔꦶꦁꦲꦶꦁꦒꦶꦃꦏꦼꦢꦃꦏꦠꦶꦤ꧀ꦢꦏ꧀ꦲꦏꦼꦤ꧀ꦱꦥꦸꦤꦶꦏꦲꦸꦒꦶ꧈ꦲꦸꦠꦮꦶꦧꦺꦴꦠꦼꦤ꧀ꦧꦧꦂꦥꦶꦱꦤ꧀꧉ꦠꦏ꧀ꦱꦶꦃꦠꦶꦒꦁꦥꦼꦕꦏ꧀ꦩꦭꦶꦃ꧈ꦏꦼꦮꦤ꧀ꦮꦲꦸꦲꦶꦁꦒꦶꦃꦭꦗꦼꦁꦮꦺꦴꦤ꧀ꦠꦼꦤ꧀ꦱꦮꦶꦁꦏꦶꦁꦔꦶꦁꦉꦢꦶ꧉
꧋ꦏꦸꦭꦭꦗꦼꦁꦚꦚ꧀ꦗꦠ꧈ꦲꦤꦔꦶꦁꦏꦸꦭꦏꦿꦲꦺꦴꦱ꧀꧈ꦧꦶꦭꦶꦃꦥꦚꦚ꧀ꦗꦠꦏꦸꦭꦥꦸꦤꦶꦏꦊꦥꦠ꧀꧈ꦏꦼꦮꦤ꧀ꦤꦶꦥꦸꦤ꧀ꦩꦚ꧀ꦕꦺꦴꦭꦺꦴꦠ꧀ꦩꦗꦼꦁꦱꦏꦼꦝꦶꦏ꧀꧉ꦲꦤꦔꦶꦁꦱꦫꦺꦃꦤꦶꦁꦏꦼꦮꦤ꧀ꦮꦲꦸꦢꦺꦫꦺꦁꦤꦠꦼꦩꦶꦉꦁꦱ꧀ꦮꦫꦤꦶꦁꦱꦚ꧀ꦗꦠ꧈ꦭꦗꦼꦁꦏꦺꦤ꧀ꦢꦼꦭ꧀ꦱꦼꦩꦸꦒꦸꦩꦸꦤ꧀꧈ꦱꦂꦠꦭꦗꦼꦁꦤꦶꦔꦭ꧀ꦭꦶꦲꦼꦤꦼꦂꦏꦸꦭꦱꦢꦪꦮꦲꦸ꧉
꧋ꦱꦏꦶꦁꦲꦒꦼꦁꦔꦶꦁꦏꦸꦮꦠꦺꦴꦱ꧀ꦏꦸꦭ꧈ꦏꦸꦭꦭꦗꦼꦁꦚꦚ꧀ꦗꦠꦩꦭꦶꦃꦥꦿꦱꦱꦠ꧀ꦧꦺꦴꦠꦼꦤ꧀ꦩꦮꦶꦔꦶꦚ꧀ꦕꦼꦁ꧉ꦲꦤꦔꦶꦁꦱꦥꦶꦱꦤ꧀ꦥꦸꦤꦶꦏꦭꦩ꧀ꦥꦃꦲꦶꦁꦩꦶꦩꦶꦱ꧀ꦔꦺꦔꦶꦁꦔꦶꦗꦤ꧀ꦠꦸꦁꦊꦉꦱ꧀꧉ꦏꦸꦭꦱꦢꦪꦭꦗꦼꦁꦧꦧꦿꦁꦏꦁꦔꦤ꧀ꦲꦩꦸꦫꦸꦒ꧀ꦒꦶ꧉ꦠꦸꦩꦿꦥ꧀ꦏꦸꦭꦱꦢꦪꦧꦼꦒ꧀ꦗꦱꦔꦼꦠ꧀꧈ꦢꦺꦤꦺꦏꦼꦮꦤ꧀ꦮꦲꦸꦩꦼꦤ꧀ꦠꦱ꧀ꦏꦼꦩꦮꦺꦴꦤ꧀ꦔꦺꦴꦩ꧀ꦧꦼ꧉ꦕꦫꦕꦫꦤꦶꦁꦥꦤꦼꦝꦏꦸꦭꦱꦢꦪꦝꦠꦼꦁꦏꦼꦮꦤ꧀ꦮꦲꦸ꧈ꦩꦤꦮꦶꦏꦸꦭꦱꦥꦸꦤꦶꦏꦏꦺꦔꦼꦠ꧀ꦠꦤ꧀꧈ꦏꦸꦭꦱꦢꦪꦫꦸꦩꦲꦺꦴꦱ꧀ꦩꦼꦁꦏꦶꦫꦶꦒ꧀꧉
꧋ꦱꦱꦩ꧀ꦥꦸꦤ꧀ꦤꦶꦥꦸꦤ꧀ꦏꦸꦭꦱꦢꦪꦤꦼꦝꦲꦶꦁꦏꦁꦧꦺꦴꦠꦼꦤ꧀ꦥꦤ꧀ꦠꦼꦱ꧀ꦮꦲꦸ꧈ꦏꦸꦭꦱꦢꦪꦫꦸꦩꦲꦺꦴꦱ꧀ꦏꦛꦃꦱꦼꦒꦼꦂꦫꦶꦥꦸꦤ꧀꧈ꦱꦲꦭꦗꦼꦁꦱꦩꦶꦠꦶꦊꦩ꧀ꦱꦮꦠꦮꦶꦱ꧀꧉ꦩꦶꦠꦸꦫꦸꦠ꧀ꦥꦼꦠꦁꦔꦤ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦁꦭꦶꦤ꧀ꦠꦁꦏꦭꦥꦸꦤꦶꦏ꧈ꦢꦸꦤꦸꦁꦔꦶꦁꦝꦸꦱꦸꦤ꧀ꦮꦺꦴꦤ꧀ꦠꦼꦤ꧀ꦱꦏꦶꦢꦸꦭ꧀ꦏꦸꦭ꧉ꦏꦸꦭꦱꦢꦪꦭꦗꦼꦁꦔꦶꦫꦶꦱ꧀ꦱꦶꦢꦒꦶꦁꦔꦶꦁꦏꦼꦮꦤ꧀ꦮꦲꦸꦱꦲꦱꦸꦩꦼꦢꦾꦏꦁꦒꦼꦱꦔꦸꦭꦸꦩꦩ꧀ꦥꦃ꧉ꦱꦊꦧꦼꦠ꧀ꦠꦶꦥꦸꦤ꧀ꦱꦢꦭꦸꦩꦸꦥꦸꦠ꧀꧈ꦏꦸꦭꦱꦢꦪꦭꦸꦩꦩ꧀ꦥꦃꦭꦗꦼꦁ꧈ꦱꦗꦏ꧀ꦏꦶꦥꦸꦤ꧀ꦭꦫꦶꦏ꧀ꦭꦫꦶꦏꦤ꧀ꦤꦶꦁꦒꦸꦩꦸꦏ꧀ꦒꦸꦩꦸꦏ꧀ꦥꦸꦤꦶꦏꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦥꦸꦁꦏꦱ꧀ꦱꦤ꧀ꦤꦶꦥꦸꦤ꧀꧉ꦲꦺꦚ꧀ꦗꦶꦁꦔꦶꦥꦸꦤ꧀ꦏꦸꦭꦱꦢꦪꦱꦩꦶꦤꦼꦝꦢꦒꦶꦁꦩꦼꦤ꧀ꦠꦃꦱꦲꦔꦺꦴꦩ꧀ꦧꦼꦠꦶꦫꦃꦲꦤ꧀ꦤꦶꦁꦠꦺꦴꦪꦲꦶꦁꦏꦁꦤꦩꦸꦁꦱꦮꦠꦮꦶꦱ꧀ꦠꦺꦠꦺꦱ꧀ꦮꦲꦸ꧉
꧋ꦢꦔꦸꦢꦔꦸꦭꦩ꧀ꦥꦃꦏꦸꦭꦱꦢꦪꦢꦸꦩꦸꦒꦶꦥꦥꦤ꧀ꦫꦢꦶꦤ꧀ꦲꦝꦼꦝꦱꦂꦱꦼꦭ꧈ꦭꦤ꧀ꦱꦸꦏꦸꦤꦶꦁꦉꦢꦶꦱꦗꦏ꧀ꦏꦶꦥꦸꦤ꧀ꦱꦩ꧀ꦥꦸꦤ꧀ꦕꦏꦼꦠ꧀꧈ꦱꦤꦢꦾꦤ꧀ꦠꦠꦼꦧꦶꦃꦲꦶꦥꦸꦤ꧀ꦠꦏ꧀ꦱꦶꦃꦥꦶꦤ꧀ꦠꦼꦤ꧀ꦥꦶꦤ꧀ꦠꦼꦤ꧀ꦥꦭ꧀ꦱꦏꦶꦁꦔꦿꦶꦏꦸ꧈ꦱꦪꦢꦔꦸꦏꦶꦏꦶꦪꦠ꧀ꦠꦤ꧀ꦏꦸꦭꦱꦪꦠꦼꦭꦱ꧀꧈ꦱꦒꦼꦢ꧀ꦢꦶꦥꦸꦤ꧀ꦩꦗꦼꦁꦏꦤ꧀ꦛꦶꦉꦏꦲꦺꦴꦱ꧀ꦱꦔꦼꦠ꧀꧉ꦱꦤꦢꦾꦤ꧀ꦲꦶꦁꦔꦿꦶꦏꦔꦿꦶꦏꦶꦮꦺꦴꦤ꧀ꦠꦼꦤ꧀ꦮꦤꦤꦶꦥꦸꦤ꧀꧈ꦲꦤꦔꦶꦁꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦠꦺꦴꦪꦤꦶꦥꦸꦤ꧀ꦧꦧꦂꦥꦶꦱꦤ꧀꧉ꦏꦸꦭꦱꦢꦪꦱꦩꦶꦚꦼꦧꦿꦺꦴꦠ꧀ꦠꦶꦒꦺꦴꦒꦺꦴꦝꦺꦴꦁꦔꦤ꧀ꦤꦶꦁꦮꦶꦠ꧀ꦮꦶꦠ꧀ꦠꦤ꧀꧈ꦭꦗꦼꦁꦱꦩꦶꦢꦶꦥꦸꦤ꧀ꦱꦼꦱꦼꦥ꧀ꦱꦼꦱꦼꦥ꧀꧈ꦲꦤꦔꦶꦁꦫꦲꦺꦴꦱ꧀ꦱꦶꦥꦸꦤ꧀ꦲꦔꦸꦤꦼꦒ꧀ꦲꦸꦤꦼꦒ꧀ꦒꦶ꧉ꦏꦸꦭꦠꦶꦠꦶꦒꦮꦲꦸ꧈ꦥꦿꦺꦴꦥꦼꦱꦺꦴꦂ Higgs ꦲꦶꦁꦏꦁꦧꦺꦴꦠꦼꦤ꧀ꦏꦶꦪꦠ꧀ꦥꦶꦪꦩ꧀ꦧꦏ꧀꧈ꦲꦩꦶꦭꦲꦶꦁꦒꦶꦃꦥꦶꦪꦩ꧀ꦧꦏ꧀ꦏꦶꦥꦸꦤ꧀ꦲꦶꦁꦏꦁꦫꦸꦩꦶꦪꦶꦤ꧀ꦥꦶꦪꦩ꧀ꦧꦏ꧀꧈ꦧꦺꦴꦠꦼꦤ꧀ꦱꦒꦼꦢ꧀ꦲꦔ꧀ꦭꦗꦼꦁꦔꦏꦼꦤ꧀ꦭꦩ꧀ꦥꦃꦲꦶꦥꦸꦤ꧀꧉ꦱꦚ꧀ꦗꦠꦤꦶꦥꦸꦤ꧀ꦱꦩ꧀ꦥꦸꦤ꧀ꦏꦧꦸꦕꦭ꧀ꦫꦸꦩꦶꦪꦶꦤꦿꦸꦩꦶꦪꦶꦤ꧀꧈ꦗꦭꦂꦫꦤ꧀ꦥꦶꦪꦩ꧀ꦧꦏ꧀ꦏꦶꦥꦸꦤ꧀ꦱꦩ꧀ꦥꦸꦤ꧀ꦧꦺꦴꦠꦼꦤ꧀ꦏꦺꦴꦔꦤ꧀ꦲꦩ꧀ꦧꦼꦏ꧀ꦠ꧈ꦲꦤꦔꦶꦁꦏꦭꦥꦸꦤꦶꦏꦏꦸꦭꦱꦢꦪꦧꦺꦴꦠꦼꦤ꧀ꦲꦩꦶꦒꦠꦺꦴꦱ꧀ꦱꦏꦼꦤ꧀꧉ꦱꦭꦗꦼꦁꦔꦶꦥꦸꦤ꧀ꦏꦸꦭꦏꦭꦶꦪꦤ꧀ Orme ꦭꦗꦼꦁꦲꦤ꧀ꦝꦧꦾꦁ Higgs꧉
꧋ꦏꦶꦤ꧀ꦠꦼꦤ꧀ꦏꦶꦤ꧀ꦠꦼꦤ꧀ꦊꦠ꧀ꦱꦠꦼꦔꦃꦗꦩ꧀ꦩꦭꦶꦃꦭꦗꦼꦁꦏꦸꦭꦲꦶꦁꦏꦁꦧꦺꦴꦠꦼꦤ꧀ꦱꦒꦼꦢ꧀ꦲꦔ꧀ꦭꦗꦼꦁꦔꦏꦼꦤ꧀ꦭꦩ꧀ꦥꦃ꧈ꦭꦤ꧀ꦏꦸꦭꦭꦗꦼꦁꦒꦝꦃꦉꦩ꧀ꦧꦒ꧀꧈ꦩꦸꦫꦶꦃꦏꦠꦶꦭꦂꦮꦺꦴꦤ꧀ꦠꦼꦤ꧀ꦲꦶꦁꦔꦿꦶꦏꦸꦏꦼꦩꦮꦺꦴꦤ꧀꧉ꦩꦶꦤꦺꦴꦁꦏꦮꦁꦱꦸꦭ꧀ꦭꦤ꧀ꦤꦶꦥꦸꦤ꧀ Orme ꦤꦩꦸꦁꦔꦸꦭꦸꦁꦔꦏꦼꦤ꧀ꦠꦔꦤ꧀ꦤꦶꦥꦸꦤ꧀ꦏꦶꦮ꧉ꦱꦤꦢꦾꦤ꧀ꦱꦁꦱꦫꦤꦶꦥꦸꦤ꧀ꦩꦏꦠꦼꦤ꧀꧈ꦲꦤꦔꦶꦁꦒꦼꦱꦁꦥꦸꦤꦶꦏꦱꦏꦼꦕ꧈ꦲꦩꦶꦭꦏꦸꦭꦲꦶꦁꦒꦶꦃꦭꦗꦼꦁꦲꦚꦤ꧀ꦝꦏ꧀ꦠꦔꦤ꧀ꦲꦶꦁꦏꦁꦢꦶꦥꦸꦤ꧀ꦲꦸꦭꦸꦁꦔꦏꦼꦤ꧀ꦮꦲꦸ꧉
꧋ꦩꦏꦠꦼꦤ꧀ꦭꦩ꧀ꦥꦃꦏꦸꦭꦱꦢꦪꦱꦮꦠꦮꦶꦱ꧀꧈ꦔꦺꦩ꧀ꦥꦼꦂꦫꦶꦠꦶꦠꦶꦪꦁꦩꦼꦤ꧀ꦢꦼꦩ꧀ꦏꦏꦭꦶꦃ꧈ꦲꦶꦁꦏꦁꦗꦶꦤꦒꦶꦲꦶꦁꦠꦶꦪꦁꦱꦠꦸꦁꦒꦭ꧀ꦲꦶꦁꦏꦁꦧꦺꦴꦠꦼꦤ꧀ꦩꦼꦤ꧀ꦢꦼꦩ꧀꧈ꦱꦸꦥꦢꦺꦴꦱ꧀ꦧꦺꦴꦠꦼꦤ꧀ꦏꦕꦼꦥꦼꦁꦲꦶꦁꦥꦸꦭꦶꦱꦶ꧉Orme ꦥꦸꦤꦶꦏꦠꦩ꧀ꦠꦸꦤꦶꦥꦸꦤ꧀ꦱꦠꦸꦁꦒꦶꦭ꧀ꦭꦶꦁꦠꦶꦪꦁꦲꦶꦁꦏꦏꦶꦪꦠ꧀ꦱꦔꦼꦠ꧀꧈ꦲꦤꦔꦶꦁꦲꦸꦗꦸꦒ꧀ꦲꦸꦗꦸꦒ꧀ꦥꦶꦪꦩ꧀ꦧꦏ꧀ꦏꦶꦥꦸꦤ꧀ꦠꦼꦏꦭꦗꦼꦁꦝꦮꦃ꧈ꦏꦢꦺꦴꦱ꧀ꦠꦶꦪꦁꦲꦶꦁꦏꦁꦏꦼꦔꦶꦁꦩꦶꦩꦶꦱ꧀ꦱꦶꦁꦱꦚ꧀ꦗꦠ꧉ꦢꦺꦤꦺꦥꦿꦺꦴꦥꦼꦱꦺꦴꦂ Higgs ꦱꦤꦢꦾꦤ꧀ꦠꦏ꧀ꦱꦶꦃꦲꦺꦔꦼꦠ꧀꧈ꦤꦔꦶꦁꦱꦩ꧀ꦥꦸꦤ꧀ꦥꦼꦠꦼꦁꦥꦤ꧀ꦢꦸꦭꦸꦤꦶꦥꦸꦤ꧀꧉ꦱꦏꦼꦝꦥ꧀ꦥꦶꦪꦩ꧀ꦧꦏ꧀ꦏꦶꦥꦸꦤ꧀ꦒꦝꦃꦥꦔꦶꦤ꧀ꦠꦼꦤ꧀꧈ꦧꦶꦭꦶꦃꦏꦸꦭꦥꦸꦤꦶꦏꦱꦠꦸꦁꦒꦶꦭ꧀ꦭꦶꦁꦥꦤ꧀ꦝꦶꦠ꧈ꦱꦲꦥꦶꦪꦩ꧀ꦧꦏ꧀ꦏꦶꦥꦸꦤ꧀ꦭꦗꦼꦁꦲꦔꦏꦼꦤ꧀ꦤꦶꦢꦺꦴꦱꦤꦶꦥꦸꦤ꧀ꦝꦠꦼꦁꦏꦸꦭ꧈ꦧꦧ꧀ꦥꦿꦏꦮꦶꦱ꧀ꦒꦒꦝꦃꦲꦤ꧀ꦤꦶꦥꦸꦤ꧀ꦧꦫꦁꦏꦶꦤ꧈ꦲꦶꦁꦏꦁꦲꦱꦭ꧀ꦭꦶꦥꦸꦤ꧀ꦮꦲꦸꦧꦺꦴꦠꦼꦤ꧀ꦲꦧ꧀ꦱꦃ꧉
꧋ꦩꦸꦫꦶꦃꦥꦶꦪꦩ꧀ꦧꦏ꧀ꦏꦶꦥꦸꦤ꧀ꦱꦒꦼꦢꦲꦱꦺꦴ꧈ꦗꦭꦂꦫꦤ꧀ꦏꦸꦭꦏꦸꦮꦠꦺꦴꦱ꧀ꦩꦤꦮꦶꦱꦒꦼꦢ꧀ꦢꦢꦺꦴꦱ꧀ꦲꦺꦮꦃ꧈ꦏꦸꦭꦭꦗꦼꦁꦱꦸꦏꦥꦔꦥꦸꦤ꧀ꦠꦼꦤ꧀ꦱꦕꦤ꧀ꦝꦏ꧀ꦕꦤ꧀ꦝꦏ꧀ꦏꦶꦥꦸꦤ꧀ꦏꦼꦩꦮꦺꦴꦤ꧀꧈ꦱꦭꦗꦼꦁꦔꦶꦥꦸꦤ꧀꧈ꦥꦿꦺꦴꦥꦼꦱꦺꦴꦂꦭꦗꦼꦁꦝꦮꦃꦏꦤ꧀ꦛꦶꦊꦒꦩꦤꦃꦲꦶꦥꦸꦤ꧀꧈ꦭꦤ꧀ꦥꦔ꧀ꦒ꧀ꦭꦼꦛꦏ꧀ꦏꦶꦥꦸꦤ꧀ꦗꦺꦗꦺꦂꦏꦭꦶꦪꦤ꧀ Orme ꦧꦺꦴꦠꦼꦤ꧀ꦚꦸꦮꦫꦧꦧꦂꦥꦶꦱꦤ꧀꧉ꦭꦗꦼꦁꦥꦸꦤꦥꦢꦪꦏꦸꦭꦲꦶꦁꦱꦩꦁꦏꦼ꧈ꦩꦶꦠꦿꦏꦸꦭꦲꦶꦁꦏꦁꦱꦼꦠꦾꦱꦩ꧀ꦥꦸꦤ꧀ꦒꦸꦩ꧀ꦭꦼꦛꦏ꧀ꦲꦶꦁꦔꦿꦶꦏꦸꦥꦼꦗꦃ꧈ꦲꦸꦠꦮꦶꦲꦶꦁꦒꦶꦃꦱꦩ꧀ꦥꦸꦤ꧀ꦊꦁꦒꦺꦏ꧀ꦊꦁꦒꦺꦏ꧀꧈ꦩꦏꦠꦼꦤ꧀ꦲꦸꦒꦶꦭꦉꦤꦼꦤꦼꦩ꧀ꦩꦤ꧀ꦗꦼꦗꦼꦂꦫꦤꦶ
