Kaca:Kajawen 09 1928-02-01.pdf/17

Saka Wikisumber
Kaca iki durung katitiwaca

ꦤ꧉​꧅ꦪꦺꦤ꧀ꦲꦶꦁ​ꦮꦸꦗꦸꦢ꧀ꦲꦺꦴꦫ​ꦥꦶꦱꦤ꧀ꦏꦼꦠꦺꦴꦏ꧀ꦱꦸꦫꦸꦠ꧀꧈​ꦲꦶꦱꦶꦃ​ꦩꦤ꧀ꦛꦼꦂ​ꦲꦧꦁ​꧈​ꦩꦭꦃ​ꦲꦪꦸꦤꦼ​ꦔ꧀ꦭꦸꦮꦶꦃꦲꦶ꧈​ꦒꦼꦧꦾꦂ​ꦒꦼꦧꦾꦂ​ꦏꦪ​ꦥꦫꦢ​ꦧꦶꦤꦧꦂ꧉​꧄ꦧꦉꦁ​ꦲꦺꦱꦸꦏ꧀ꦮꦺꦴꦁ​ꦭꦶꦭꦶꦩ​ꦥꦠꦶꦁ​ꦛꦽꦔꦸꦏ꧀꧈​ꦥꦝ​ꦲꦉꦥ꧀ꦩꦁ​ꦏꦠ꧀꧈​ꦤꦔꦶꦁ​ꦧꦺꦴꦠ꧀ꦧꦺꦴꦠ꧀ꦠꦼꦤ꧀ꦲꦶꦁ​ꦲꦠꦶ꧈​ꦮꦶꦱ꧀ꦱꦼ​ꦲꦮꦤ꧀ꦥꦝ​ꦩꦁ​ꦏꦠ꧀ꦒ꧀ꦭꦶꦪꦏ꧀ꦒꦪꦏ꧀꧉​꧄ꦏꦫꦺꦴ​ꦩꦶꦏꦸꦭ꧀ꦮꦺꦴꦁ​ꦭꦶꦩ​ꦥꦠꦶꦁ​ꦝꦽꦏꦸꦏꦸꦭ꧀꧈​ꦭꦸꦩꦏꦸ​ꦭꦺꦴꦤ꧀ꦭꦺꦴꦤ꧀ꦤꦤ꧀꧈​ꦢꦶꦒꦮ​ꦚꦁ​ꦒꦺꦴꦤꦼ​ꦩꦼꦭꦶꦏ꧀꧈​ꦮꦶꦱ꧀ꦱꦼ​ꦠꦼꦏꦤ꧀ꦢꦶꦱꦺꦭꦺꦃ​ꦲꦭꦺꦴꦤ꧀ꦲꦭꦺꦴꦤ꧀ꦤꦤ꧀꧈꧄ꦧꦚ꧀ꦗꦸꦂ​ꦩꦸꦁ​ꦏꦸꦭ꧀ꦒꦺꦴꦤꦼ​ꦚꦩ꧀ꦧꦸꦠ꧀ꦒꦮꦼ​ꦏꦸꦩ꧀ꦥꦸꦭ꧀꧈​ꦚꦤ꧀ꦝꦶꦁ​ꦥꦼꦛꦶ​ꦏꦕ꧈​ꦏꦁ​ꦲꦶꦁ​ꦗꦼꦫꦺꦴ​ꦲꦶꦱꦶ​ꦩꦪꦶꦠ꧀꧈​ꦲꦺꦴꦫ​ꦠꦼꦒ​ꦤꦶꦁ​ꦒꦭ꧀ꦠꦤ꧀ꦱꦃ​ꦏꦩ꧀ꦧꦁ​ꦏꦩ꧀ꦧꦁ​꧉​

ꦏꦧꦂꦮꦂꦤꦶꦮꦂꦤꦶ

꧋ꦥꦼꦛꦶꦏ꧀ꦏꦤ꧀ꦱꦏꦶꦁꦱꦼꦫꦠ꧀ꦱꦼꦫꦠ꧀ꦏꦧꦂꦱꦤꦺꦱ꧀꧈

ꦲꦶꦤ꧀ꦝꦶꦪ

꧋ꦏꦭꦠꦁꦒꦭ꧀ 27 ꦮꦚ꧀ꦕꦶꦗꦩ꧀ 4.30 ꦲꦺꦚ꧀ꦗꦶꦁ꧈ꦲꦶꦁꦦꦝꦁꦫꦲꦺꦴꦱ꧀ꦮꦺꦴꦤ꧀ꦠꦼꦤ꧀ꦭꦶꦤ꧀ꦝꦸ꧉ꦭꦮꦔ꧀ꦭꦮꦁ​ꦔꦤ꧀ꦠꦺꦴꦱ꧀ꦲꦼꦧꦃ​ꦱꦼꦫꦸ꧉​

꧋ꦧꦼꦚ꧀ꦗꦶꦁꦮꦸꦭꦤ꧀ꦗꦸꦭꦶꦔꦗꦼꦁꦥꦸꦤꦶꦏ꧈ꦲꦶꦁꦨꦲꦿꦮꦧꦝꦼ​ꦢꦶꦥꦸꦤ꧀ꦢꦼꦒ꧀ꦒꦶ​ Katholieke Mulo ꦢꦭꦃ​ꦒꦿꦶꦪ​ꦥꦩꦺꦴꦤ꧀ꦝꦺꦴꦏ꧀ꦏꦤ꧀ꦤꦶꦥꦸꦤ꧀꧉​

꧋ꦱꦩ꧀ꦥꦸꦤ꧀ꦚꦠꦧꦶꦭꦶꦃꦠꦸꦮꦤ꧀ de Jonge Oudraat ꦔꦗꦭ꧀ꦗꦭꦂꦫꦤ꧀ꦱꦏꦶꦠ꧀ꦏꦺꦴꦊꦫꦃ꧉​ꦧꦧ꧀ꦥꦸꦤꦶꦏ​ꦢꦶꦥꦸꦤ꧀ꦲꦁ​ꦒꦼꦥ꧀ꦧꦺꦴꦠꦼꦤ꧀ꦲꦩ꧀ꦧꦼꦧꦪꦤ꧀ꦤꦶ​ꦝꦠꦼꦁ​ꦠꦶꦪꦁ​ꦱꦤꦺꦱ꧀꧉​

꧋ꦠꦸꦮꦤ꧀ Dr. Kraemer ꦲꦶꦁ​ꦏꦁ​ꦩꦼꦤ꧀ꦠꦱ꧀ꦮꦁ​ꦱꦸꦭ꧀ꦱꦏꦶꦁ​ꦥꦸꦭꦺꦴ​ꦯꦔꦶ꧈​ꦱꦏꦶꦁ​ꦔ꧀ꦭꦩ꧀ꦥꦃꦲꦶ​ꦲꦪꦲꦤ꧀ꦤꦶꦁ​ꦦꦩꦉꦤ꧀ꦠꦃ꧈​ꦲꦩꦿꦠꦼꦭꦏ꧀ꦲꦏꦼꦤ꧀ꦲꦶꦁ​ꦧꦧ꧀ꦠꦸꦮꦸꦃꦲꦶꦁ​ꦥꦱꦸꦭꦪꦤ꧀ꦤꦶꦁ​ꦱꦺꦤ꧀ꦝꦼꦁ​ꦏꦭꦶꦪꦤ꧀ꦱꦺꦊꦥ꧀ꦧꦼꦱ꧀ꦠꦶꦂ꧈​ꦗꦭꦂꦫꦤ꧀ꦱꦏꦶꦁ​ꦠꦶꦠꦶꦪꦁ​ꦱꦶꦠꦶ​ꦏꦿꦶꦱ꧀ꦠꦼꦤ꧀ꦲꦶꦁ​ꦔꦿꦶꦏꦸ꧈​ꦧꦺꦴꦠꦼꦤ꧀ꦥꦸꦫꦸꦤ꧀ꦠꦸꦩꦸꦠ꧀ꦲꦸꦂꦩꦠ꧀ꦧꦼꦏ꧀ꦱ꧈​ꦲꦶꦁ​ꦏꦁ​ꦢꦶꦥꦸꦤ꧀ꦮꦱ꧀ꦠꦤ꧀ꦤꦶ​ꦏꦧꦼꦱꦂꦫꦤ꧀ꦤꦭꦶꦏ​ꦤꦩ꧀ꦥꦺꦤꦶ​ꦉꦱꦶꦝꦺꦤ꧀ꦩꦼꦤꦝꦺꦴ​ꦲꦺꦁ​ꦒꦭ꧀꧉​ꦤꦔꦶꦁ​ꦲꦶꦁ​ꦱꦥꦸꦤꦶꦏ​ꦱꦩ꧀ꦥꦸꦤ꧀ꦫꦸꦏꦸꦤ꧀꧉

꧋ꦄꦥ꧀ꦝꦺꦭꦶꦁ P.P.P.H. ꦲꦶꦁ​ꦔꦪꦺꦴꦓꦾ꧈​ꦩꦶꦭꦶꦃ​ꦠꦸꦮꦤ꧀ꦕꦏꦿ​ꦲꦩꦶꦤꦠꦢꦢꦺꦴꦱ꧀ꦏꦤ꧀ꦝꦶꦝꦠ꧀ꦲꦸꦥ꧀ꦧꦼꦱ꧀ꦠꦶꦂ꧈​ꦠꦼꦠꦼꦥ꧀ꦥꦶꦁ​ꦥꦩꦶꦭꦶꦃ​ꦧꦝꦼ​ꦏꦠꦶꦤ꧀ꦢꦏ꧀ꦲꦏꦼꦤ꧀ꦧꦼꦚ꧀ꦗꦶꦁ​ꦥꦉꦥꦠ꧀ꦠꦤ꧀ꦲꦶꦁ​ꦠꦁ​ꦒꦭ꧀ 3 ꦥꦺꦧꦿꦸꦮꦫꦶ꧉

꧋ꦥꦉꦥꦠ꧀ꦠꦤ꧀ꦠꦲꦸꦤ꧀ꦤꦤ꧀ꦱꦼꦥꦸꦂꦤ꧀ꦠꦶꦠꦶꦪꦁꦱꦶꦠꦶꦩꦼꦤ꧀ꦠꦱ꧀ꦥꦶꦭꦶꦃꦲꦤ꧀ꦥꦔꦿꦺꦃ꧈​ꦢꦸꦩꦸꦒꦶ​ꦱꦥꦸꦤꦶꦏ​ꦕꦕꦃꦲꦶꦁ​ꦮꦂꦒ​ꦮꦺꦴꦤ꧀ꦠꦼꦤ꧀ 3500꧈ꦲꦶꦁꦏꦁ 3000 ꦒꦺꦴꦭꦺꦴꦁ​ꦔꦤ꧀ S.S.꧉

꧋ꦏꦮꦂꦠꦺꦴꦱ꧀ꦱꦏꦼꦤ꧀꧈​ꦧꦶꦭꦶꦃ​ꦫꦤ꧀ꦠꦩ꧀ꦩꦤ꧀ꦮꦫꦒꦢ꧀ꦥꦿꦗ​ꦲꦶꦁ​ꦠꦲꦸꦤ꧀ 1927 ꦮꦺꦴꦤ꧀ꦠꦼꦤ꧀ꦠꦶꦫꦃꦲꦤ꧀ꦲꦂꦠꦏꦛꦃ꧈ꦏꦢꦺꦴꦱ꧀ꦠꦏꦶꦁ producten 28 ꦪꦸꦠꦫꦸꦥꦶꦪꦃ꧈ꦢꦺꦤꦺꦠꦸꦩꦿꦥ꧀ꦲꦶꦁꦧꦧ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀꧈​ꦊꦧꦼꦠ꧀ꦠꦶꦁ​ꦲꦂꦠ​ꦭꦁ​ꦏꦸꦁ​ꦏꦛꦃ​ꦠꦶꦤꦶꦩ꧀ꦧꦁ​ꦮꦼꦢꦭ꧀ꦭꦶꦥꦸꦤ꧀꧉​ꦥꦢꦒꦁ​ꦔꦤ꧀ꦥꦿꦗ​ꦧꦺꦴꦠꦼꦤ꧀ꦤꦶꦫꦃꦲꦏꦼꦤ꧀ꦲꦂꦠ꧈​ꦧꦺꦴꦠꦼꦤ꧀ꦔꦶꦫꦁ​ꦔꦏꦼꦤ꧀꧉​ꦒꦸꦔꦸꦁ​ꦔꦶꦁ​ꦫꦤ꧀ꦠꦩ꧀ꦩꦤ꧀ꦮꦫꦒꦢ꧀ꦠꦲꦸꦤ꧀ 1927 ꦮꦺꦴꦤ꧀ꦠꦼꦤ꧀ꦱꦔꦤ꧀ꦝꦥ꧀ꦥꦶꦁꦠꦲꦸꦤ꧀ 1926꧉

꧋ꦮꦺꦴꦤ꧀ꦠꦼꦤ꧀ꦮꦂꦠꦺꦴꦱ꧀꧈ꦦꦩꦉꦤ꧀ꦠꦃꦧꦝꦼꦔꦮꦺꦴꦤ꧀ꦠꦼꦤ꧀ꦤꦏꦼꦤ꧀ꦥꦱꦶꦤꦲꦺꦴꦤ꧀ꦥꦸꦁ​ꦒꦮ​ꦥꦏꦸꦚ꧀ꦗꦫꦤ꧀ midmiddelbaar꧈ꦥꦔꦒꦼꦁꦔꦶꦁ Gevangeniswezen ꦱꦩ꧀ꦥꦸꦤ꧀ꦲꦔ꧀ꦭꦼꦩ꧀ꦥꦏ꧀ꦲꦏꦼꦤ꧀ handleiding ꦏꦁ​ꦒꦼ​ꦥꦔꦗꦫꦤ꧀ꦤꦶꦥꦸꦤ꧀꧉

꧋ꦲꦶꦁꦦꦺꦴꦤ꧀ꦠꦼꦪꦤꦏ꧀ꦮꦺꦴꦤ꧀ꦠꦼꦤ꧀ꦱꦼꦫꦠ꧀ꦏꦧꦂꦲꦺꦁꦒꦭ꧀ꦤꦩ​ Oetoesan Borneo꧈​ꦯꦶꦤꦸꦲꦸꦤ꧀ꦱꦸꦭ꧀ꦠꦤ꧀ꦭꦁ​ꦏꦠ꧀ꦫꦮꦸꦃ​ꦲꦶꦁ​ꦏꦤ꧀ꦠꦺꦴꦂꦫꦶꦥꦸꦤ꧀ꦱꦼꦫꦠ꧀ꦏꦧꦂ​ꦮꦲꦸ꧉​

꧋ꦲꦶꦁꦱꦥꦸꦤꦶꦏꦱꦢꦪꦥꦸꦁꦒꦮꦝꦼꦥꦂꦠꦼꦩꦺꦤ꧀ꦥꦔꦗꦂꦫꦤ꧀ꦢꦫꦤ꧀ꦢꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦤꦶ​ꦏꦸꦤ꧀ꦝꦶꦱꦶ​ꦱꦼꦠꦠ꧀꧈​ꦠꦸꦮꦶꦤ꧀ꦢꦶꦥꦸꦤ꧀ꦠꦩ꧀ꦠꦺꦴꦏ꧀ꦲꦏꦼꦤ꧀꧈​ꦏꦸꦤ꧀ꦝꦶꦱꦶ​ꦱꦼꦠꦠ꧀ꦮꦲꦸ​ꦏꦼꦢꦃ​ꦏꦠꦼꦢꦃꦒꦏꦼꦤ꧀ꦝꦠꦼꦁ​ꦥꦸꦁ​ꦒꦮ​ꦲꦶꦁ​ꦏꦁ​ꦢꦶꦥꦸꦤ꧀ꦠꦶꦩ꧀ꦧꦁ​꧈​ꦲꦶꦁ​ꦧꦧ꧀ꦲꦮꦺꦴꦤ꧀ꦱꦲꦼꦤꦶꦁ​ꦥꦢꦩꦼꦭ꧀ꦭꦤ꧀ꦤꦶꦥꦸꦤ꧀꧉​

꧋ꦧꦼꦚ꧀ꦗꦶꦁꦫꦮꦸꦃꦲꦶꦥꦸꦤ꧀ꦱꦿꦶꦤꦠꦲꦶꦁꦯꦶꦪꦼꦩ꧀ꦲꦶꦁꦮꦸꦭꦤ꧀ꦗꦸꦭꦶ​ꦠꦲꦸꦤ꧀ꦥꦸꦤꦶꦏ꧈​ꦲꦺꦴꦠꦺꦭ꧀ꦝꦶꦪꦺꦁꦧꦝꦼꦢꦶꦥꦸꦤ꧀ꦱꦼꦮ꧈ꦏꦒꦼꦩ꧀ꦱꦿꦶꦤꦠꦱꦥꦤ꧀ꦝꦺꦫꦺꦏ꧀ꦏꦶꦥꦸꦤ꧀꧉​ꦏꦺꦴꦤ꧀ꦱꦸꦭ꧀ꦗꦼꦤ꧀ꦢꦿꦭ꧀ꦯꦶꦪꦼꦩ꧀ꦱꦩ꧀ꦥꦸꦤ꧀ꦝꦠꦼꦁ​ꦲꦶꦁ​ꦮꦤꦱꦧ​ꦔꦽꦩ꧀ꦧꦒ꧀ꦧꦧ꧀ꦥꦸꦤꦶꦏ꧉

꧋ꦩꦶꦠꦸꦫꦸꦠ꧀ꦕꦛꦼꦠ꧀ꦠꦤ꧀ꦲꦶꦁꦏꦤ꧀ꦠꦺꦴꦂ Central Statistiek꧈​ꦒꦸꦁ​ꦒꦸꦁ​ꦔꦶꦁ​ꦲꦸꦮꦺꦴꦱ꧀ꦲꦶꦁ​ꦏꦁ​ꦭꦸꦩꦼꦧꦼꦠ꧀ꦝꦠꦼꦁ​ꦠꦤꦃ​ꦗꦮꦶ​ꦠꦸꦮꦶꦤ꧀ꦩꦢꦸꦫ​ꦲꦶꦁ​ꦮꦸꦭꦤ꧀ꦝꦼꦱꦺꦩ꧀ꦧꦼꦂ​ꦏꦼꦥꦼꦁ​ꦏꦼꦂ​ꦮꦺꦴꦤ꧀ꦠꦼꦤ꧀ 15.000 ꦠꦺꦴꦤ꧀ꦉꦱꦶꦏ꧀꧈​ꦲꦸꦠꦮꦶ​ 240.000 ꦥꦶꦏꦸꦭ꧀꧉​

꧋ꦲꦶꦁꦨꦠꦮꦶꦧꦝꦼꦮꦺꦴꦤ꧀ꦠꦼꦤ꧀ꦲꦶꦁꦏꦁꦔꦼꦢꦼꦒ꧀ꦒꦏꦼꦤ꧀ Nationale Indonesische Bank꧈ ꦥꦮꦶꦠꦤ꧀ꦤꦶꦥꦸꦤ꧀ꦱꦫꦤ​ꦏꦧꦒꦼ​ꦲꦶꦁ​ꦲꦤ꧀ꦝꦶꦭ꧀꧈​ꦉꦒꦶ​f.10꧉

꧋ꦩꦶꦠꦸꦫꦸꦠ꧀ꦱꦼꦫꦠ꧀ꦏꦧꦂꦯꦼꦢꦾꦠꦩ꧈ꦱꦊꦧꦼꦠ꧀ꦠꦶꦥꦸꦤ꧀ꦯꦁ​ꦤꦠ​ꦲꦶꦁ​ꦯꦶꦪꦼꦩ꧀꧈​6 ꦢꦶꦤ꧀ꦠꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦔꦪꦺꦴꦓꦾꦏꦂꦠ꧈ꦫꦚ꧀ꦕꦔꦤ꧀ꦤꦶꦥꦸꦤ꧀ꦩꦏꦠꦼꦤ꧀꧇​ ꦝꦲꦂꦏꦼꦩ꧀ꦧꦸꦭ꧀ꦲꦶꦁꦏꦿꦠꦺꦴꦤ꧀ꦱꦶꦤꦩ꧀ꦧꦶꦩꦿꦶꦏ꧀ꦱꦤ꧀ꦤ​ꦫꦶꦁ​ꦒꦶꦠ꧀ꦠꦶꦪꦁ​꧈​ꦝꦠꦼꦁ​ꦦꦏꦸꦲꦄꦭꦩ꧀ꦩꦤ꧀ꦱꦼꦒꦲꦤ꧀ꦤꦶꦥꦸꦤ꧀ꦫꦶꦁ​ꦒꦶꦠ꧀ꦮꦕꦸꦕꦭ꧀꧉​ꦩꦸꦧꦼꦁ​ꦏꦶꦛ​ꦩꦮꦶ​ꦩꦿꦶꦏ꧀ꦱꦤ꧀ꦤꦶ​ A.M.S.꧉ꦏ꧀ꦭꦶꦤꦶꦏ꧀ꦏꦶꦥꦸꦤ꧀ꦝꦺꦴꦏ꧀ꦠꦼꦂ​ꦪꦥ꧀꧈​ꦒꦿꦶꦪ​ꦱꦏꦶꦠ꧀ꦥꦼꦠꦿꦺꦴꦤꦼꦭꦃ꧈​ꦠꦩꦤ꧀ꦱꦫꦶ꧈​ꦏꦶꦛ​ꦲꦒꦼꦁ​꧈​ꦩꦿꦶꦏ꧀ꦱꦤ꧀ꦤꦶ​ꦕꦤ꧀ꦝꦶ​ꦕꦤ꧀ꦝꦶ​ꦧꦫꦧꦸꦢꦸꦂ꧈​ꦥꦿꦩ꧀ꦧꦤꦤ꧀꧈​ꦭꦤ꧀ꦱꦲꦸꦫꦸꦠ꧀ꦠꦶꦥꦸꦤ꧀꧈​ꦱꦲꦸꦫꦸ