Kaca:Kajawen 09 1928-02-01.pdf/11

Saka Wikisumber
Kaca iki durung katitiwaca

ꦥꦩ꧀ꦧꦒꦶꦤꦶꦥꦸꦤ꧀ꦱꦶꦠꦶꦱꦶꦠꦶ꧈​ꦲꦶꦁ​ꦏꦁ​ꦱꦸꦮꦲꦸ​ꦢꦢꦺꦴꦱ꧀ꦒꦝꦃꦲꦤ꧀ꦤꦶꦥꦸꦤ꧀ꦥꦫ​ꦭꦸꦲꦸꦂ​ꦲꦶꦁ​ꦏꦁ​ꦱꦩꦶ​ꦲꦁ​ꦒꦝꦃꦲꦶ​ꦱꦶꦠꦶ​ꦮꦶꦪꦂꦮꦶꦪꦂ꧈​ꦝꦠꦼꦁ​ꦏꦲꦸꦩ꧀ꦠꦤꦶ꧉​ꦱꦢꦺꦫꦺꦁ​ꦔꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦒꦼꦒꦼꦂꦫꦤ꧀꧈​ꦥꦫ​ꦭꦸꦲꦸꦂ​ꦮꦲꦸ​ꦱꦩꦶ​ꦚꦼꦮꦏ꧀ꦲꦏꦼꦤ꧀ꦱꦶꦠꦶꦤꦶꦥꦸꦤ꧀ꦝꦠꦼꦁ​ꦥꦫ​ꦠꦤꦶ꧈​ꦲꦁ​ꦱꦭ꧀ꦲꦁ​ꦱꦭ꧀ꦭꦤ꧀ꦤꦶꦁ​ꦥꦤꦼꦤ꧀ꦤꦤ꧀ꦤꦶꦥꦸꦤ꧀ꦱꦧꦒꦶꦪꦤ꧀ꦲꦒꦼꦁ​ꦏꦼꦢꦃ​ꦏꦲꦠꦸꦂꦫꦏꦼꦤ꧀ꦝꦠꦼꦁ​ꦲꦶꦁ​ꦏꦁ​ꦏꦒꦸꦁ​ꦔꦤ꧀ꦱꦶꦠꦶ​ꦮꦲꦸ​ꦩꦶꦤꦺꦴꦁ​ꦏ​ꦱꦼꦮꦤꦶꦥꦸꦤ꧀꧈​ꦏꦗꦮꦶ​ꦥꦸꦤꦶꦏ​ꦠꦏ꧀ꦱꦶꦃ​ꦮꦺꦴꦤ꧀ꦠꦼꦤ꧀ꦠꦶꦫꦃꦲꦤ꧀ꦤꦶꦥꦸꦤ꧀ꦮꦂꦤꦶꦮꦂꦤꦶ​ꦩꦼꦁ​ꦒꦃꦲꦶꦁ​ꦥꦢꦩꦼꦭ꧀ꦭꦤ꧀ꦉꦚ꧀ꦕꦁ​ꦠꦸꦩ꧀ꦧꦱ꧀ꦱꦤ꧀꧈​ꦲꦶꦁ​ꦏꦁ​ꦱꦪꦼꦏ꧀ꦠꦺꦴꦱ꧀ꦱꦶꦥꦸꦤ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦁ​ꦉꦚ꧀ꦕꦁ​ꦠꦸꦩ꧀ꦧꦱ꧀ꦱꦤ꧀ꦮꦲꦸ​ꦱꦩ꧀ꦥꦸꦤ꧀ꦏꦱꦸꦮꦏ꧀ꦏꦭ​ꦲꦶꦁ​ꦠꦲꦸꦤ꧀ 1869꧈ꦲꦶꦁꦏꦁꦩꦏꦠꦼꦤ꧀ꦮꦲꦸꦥꦫꦠꦤꦶꦲꦱꦿꦶꦁꦏ꧀ꦏꦥꦼꦏ꧀ꦱꦢꦼꦤꦶꦁꦥꦔꦿꦺꦃꦲꦶꦥꦸꦤ꧀ꦱꦸꦥꦢꦺꦴꦱ꧀ꦚꦩ꧀ꦧꦸꦠ꧀ꦢꦩꦼꦭ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦥꦱꦧꦶꦤ꧀ꦤꦤ꧀ꦤꦶꦥꦸꦤ꧀ꦥꦫ​ꦲꦶꦁ​ꦏꦁ​ꦏꦒꦸꦁ​ꦔꦤ꧀ꦱꦶꦠꦶ​ꦮꦲꦸ꧈​ꦲꦶꦁ​ꦏꦁ​ꦥꦸꦤꦶꦏ​ꦥꦤꦺꦤ꧀ꦤꦶꦥꦸꦤ꧀ꦥꦶꦪꦩ꧀ꦧꦏ꧀ꦲꦶꦁ​ꦏꦁ​ꦱꦺꦴꦏ꧀ꦭꦗꦼꦁ​ꦫꦶꦱꦏ꧀ꦧꦧꦂꦥꦶꦱꦤ꧀꧉

꧋ꦠꦸꦩꦿꦥ꧀ꦠꦤꦃꦠꦤꦃꦏꦢꦺꦴꦱ꧀ꦢꦺꦤꦺꦲꦶꦁꦲꦶꦤ꧀ꦝꦶꦪ꧈ꦲꦶꦁ​ꦏꦁ​ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦠꦶꦪꦁ​ꦔꦶꦥꦸꦤ꧀ꦲꦶꦁ​ꦏꦁ​ꦲꦁ​ꦒꦝꦃꦲꦶ​ꦱꦶꦠꦶ​ꦲꦶꦁ​ꦏꦁ​ꦮꦶꦪꦂꦮꦶꦪꦂ꧈​ꦥꦸꦤꦶꦏ​ꦥꦩ꧀ꦧꦒꦶꦤꦶꦁ​ꦱꦶꦠꦶ​ꦝꦠꦼꦁ​ꦠꦶꦪꦁ​ꦠꦤꦶ​ꦧꦺꦴꦠꦼꦤ꧀ꦏꦼꦔꦶꦁ​ꦏꦁ​ꦒꦼ​ꦥꦿꦺꦴꦥꦒꦤ꧀ꦝꦤꦶꦁ​ꦏꦺꦴꦩ꧀ꦩꦸꦤꦶꦱ꧀꧈​ꦲꦩꦶꦭ​ꦭꦗꦼꦁ​ꦩꦶꦒꦸꦤꦏ꧀ꦲꦏꦼꦤ꧀ꦲꦏꦭ꧀ꦱꦤꦺꦱ꧀꧈​ꦲꦶꦁ​ꦒꦶꦃ​ꦥꦸꦤꦶꦏ​ꦥꦫ​ꦠꦶꦪꦁ​ꦝꦸꦱꦸꦤ꧀ꦢꦶꦥꦸꦤ꧀ꦱꦏꦼꦕꦤꦶ​ꦲꦶꦁ​ꦉꦩ꧀ꦧꦒ꧀꧈​ꦩꦤꦮꦶ​ꦲꦶꦤ꧀ꦝꦶꦪ​ꦔꦿꦶꦏꦶ​ꦏꦧꦮꦃ​ꦲꦶꦁ​ꦥꦥꦽꦤ꧀ꦠꦃꦲꦤ꧀ꦏꦺꦴꦩ꧀ꦩꦸꦤꦶꦱ꧀꧈​ꦥꦫ​ꦠꦤꦶ​ꦧꦝꦼ​ꦭꦶꦤꦸꦮꦂꦫꦤ꧀ꦱꦏꦶꦁ​ꦲꦁ​ꦒꦺꦤ꧀ꦤꦶꦥꦸꦤ꧀ꦲꦩ꧀ꦧꦪꦂ​ꦥꦲꦺꦴꦱ꧀꧉​

꧋ꦲꦶꦁꦏꦁꦩꦏꦠꦼꦤ꧀ꦮꦲꦸꦧꦺꦴꦠꦼꦤ꧀ꦊꦉꦱ꧀ꦧꦧꦂꦥꦶꦱꦤ꧀꧉

꧋ꦏꦺꦴꦱꦺꦴꦏ꧀ꦮꦁꦱꦸꦭ꧀ꦭꦶꦥꦸꦤ꧀꧈ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦥꦲꦺꦴꦱ꧀ꦲꦶꦁ​ꦤꦒꦫꦶ​ꦫꦸꦱ꧀ꦲꦶꦁ​ꦱꦩꦁ​ꦏꦼ꧈​ꦥꦸꦤꦶꦏ​ꦭꦁ​ꦏꦸꦁ​ꦲꦶꦁ​ꦒꦶꦭ꧀ꦠꦶꦤꦶꦩ꧀ꦧꦁ​ꦏꦭꦤꦶꦥꦸꦤ꧀ꦢꦺꦫꦺꦁ​ꦮꦺꦴꦤ꧀ꦠꦼꦤ꧀ꦒꦼꦒꦼꦂꦫꦤ꧀꧈​ꦲꦶꦁ​ꦒꦶꦃ​ꦥꦸꦤꦶꦏ​ꦲꦤ꧀ꦠꦮꦶꦱ꧀ꦱꦶꦥꦸꦤ꧀ 3% ꦏꦭꦶꦪꦤ꧀ 20% ꦱꦏꦶꦁꦲꦁꦱꦭ꧀ꦲꦁꦭ꧀ꦭꦤ꧀ꦤꦶꦁꦱꦶꦠꦶꦲꦶꦁꦏꦁꦢꦺꦫꦺꦁꦱꦶꦏ꧀꧈ꦩꦶꦠꦸꦫꦸꦠ꧀ꦏꦛꦃꦲꦶꦁ​ꦒꦫꦥ꧀ꦥꦤ꧀ꦱꦧꦶꦤ꧀꧉​ꦫꦢꦶꦤ꧀ꦫꦢꦶꦤ꧀ꦤꦶꦥꦸꦤ꧀ꦢꦶꦥꦸꦤ꧀ꦥꦲꦺꦴꦱ꧀ꦱꦶ​ 7% ꦱꦏꦶꦁꦲꦁꦱꦭ꧀ꦲꦁꦱꦭ꧀ꦭꦤ꧀ꦤꦶꦁꦥꦩꦼꦢꦭ꧀ꦭꦶꦥꦸꦤ꧀ꦱꦶꦠꦶ꧈ꦲꦶꦁ​ꦒꦶꦃ​ꦥꦸꦤꦶꦏ​ꦲꦶꦁ​ꦏꦁ​ꦏꦠꦸꦂ​ꦤꦒꦫꦶ꧈​ꦢꦺꦤꦺꦏꦶꦤ꧀ꦠꦼꦤ꧀ꦏꦶꦤ꧀ꦠꦼꦤ꧀ꦱꦥꦭꦶꦃꦲꦶꦥꦸꦤ꧀ꦔꦶꦁ​ꦒꦶꦭ꧀ꦮꦲꦸ​ꦏꦁ​ꦒꦼ​ꦲꦩ꧀ꦧꦪꦂ​ꦥꦲꦺꦴꦱ꧀ꦲꦶꦤ꧀ꦛꦶꦭ꧀ꦭꦤ꧀ꦠꦸꦩꦿꦥ꧀ꦥꦁ​ꦒꦼꦤ꧀ꦤꦤ꧀ꦥꦁ​ꦒꦼꦤ꧀ꦤꦤ꧀꧈​ꦢꦢꦺꦴꦱ꧀ꦒꦸꦁ​ꦒꦸꦁ​ꦔꦶꦁ​ꦥꦲꦺꦴꦱ꧀ꦱꦢꦪ​ꦮꦺꦴꦤ꧀ꦠꦼꦤ꧀ 11% ꦱꦏꦶꦁꦥꦩꦼꦢꦭ꧀ꦭꦶꦥꦸꦤ꧀ꦱꦶꦠꦶ꧇ꦭꦤ꧀ 9/10 ꦤꦶꦁꦥꦏꦂꦪꦤ꧀ꦤꦶꦥꦸꦤ꧀ꦥꦫꦠꦤꦶꦥꦸꦤꦶꦏꦮꦶꦪꦂꦫꦶꦥꦸꦤ꧀ꦢꦶꦤ꧀ꦫꦢꦶꦤ꧀ꦲꦶꦁ​ꦒꦶꦃ​ꦱꦩꦤ꧀ꦠꦼꦤ꧀꧈​ꦢꦢꦺꦴꦱ꧀ꦫꦢꦶꦤ꧀ꦫꦢꦶꦤꦶꦥꦸꦤ꧀ꦲꦶꦁ​ꦒꦶꦃ​ꦱꦪꦼꦏ꧀ꦠꦺꦴꦱ꧀ꦔꦺꦔꦶꦁ​ꦔꦶ​ꦝꦠꦼꦁ​ꦱꦏꦛꦃꦲꦶꦁ​ꦥꦫ​ꦠꦤꦶ꧉​ꦱꦩꦤ꧀ꦠꦼꦤ꧀ꦮꦲꦸ​ꦏꦊꦧꦼꦠ꧀ꦱꦩ꧀ꦥꦸꦤ꧀ꦲꦶꦁ​ꦒꦶꦭ꧀ꦱꦔꦼꦠ꧀꧈​ꦩꦤꦮꦶ​ꦲꦔꦺꦔꦼꦠ꧀ꦠꦶ​ꦧꦶꦭꦶꦃ​ꦲꦁ​ꦱꦭ꧀ꦲꦁ​ꦱꦭ꧀ꦭꦤ꧀ꦤꦶꦁ​ꦥꦩꦼꦢꦭ꧀ꦱꦶꦠꦶ​ꦲꦶꦁ​ꦠꦤꦃ​ꦫꦸꦱ꧀ꦥꦸꦤꦶꦏ​ꦱꦏꦼꦝꦶꦏ꧀ꦱꦔꦼꦠ꧀꧉​

꧋ꦱꦏꦶꦁꦱꦢꦪꦲꦁꦱꦭ꧀ꦲꦁꦱꦭ꧀ꦭꦤ꧀ꦤꦶꦁꦥꦩꦼꦢꦭ꧀ꦭꦶꦥꦸꦤ꧀ꦱꦶꦠꦶ​ꦲꦶꦁ​ꦏꦁ​ꦏꦠꦼꦝ​ꦥꦶꦪꦩ꧀ꦧꦏ꧀ꦮꦺꦴꦤ꧀ꦠꦼꦤ꧀ 4/5 ꦭꦶꦥꦸꦤ꧀꧈ꦢꦢꦺꦴꦱ꧀ꦲꦶꦁꦏꦁꦏꦱꦝꦶꦪꦏ꧀ꦲꦏꦼꦤ꧀ꦏꦁꦒꦼꦢꦶꦥꦸꦤ꧀ꦱꦢꦼ​ꦤꦩꦸꦁ​ꦮꦺꦴꦤ꧀ꦠꦼꦤ꧀ 1/5 ꦭꦶꦥꦸꦤ꧀꧈ꦢꦢꦺꦴꦱ꧀ꦠꦶꦠꦶꦫꦃꦲꦤ꧀ꦤꦶꦥꦸꦤ꧀꧈ꦲꦶꦁꦏꦁꦥꦚ꧀ꦕꦺꦤ꧀ꦤꦶꦥꦸꦤ꧀ꦏꦼꦢꦃ​ꦏꦁ​ꦒꦼ​ꦠꦸꦠꦸꦩ꧀ꦧꦱ꧀ꦥꦔꦁ​ꦒꦼ꧈​ꦥꦶꦫꦤ꧀ꦠꦺꦴꦱ꧀ꦲꦁ​ꦒꦫꦥ꧀ꦱꦧꦶꦤ꧀ꦭꦤ꧀ꦱꦱꦩꦶꦤꦶꦥꦸꦤ꧀꧈​ꦥꦸꦤꦶꦏ​ꦭꦁ​ꦏꦸꦁ​ꦱꦏꦶꦁ​ꦱꦥꦭꦶꦃꦲꦶꦥꦸꦤ꧀ꦏꦼꦢꦃ​ꦏꦧꦪꦂꦫꦏꦼꦤ꧀ꦥꦲꦺꦴꦱ꧀꧉​

꧋ꦥꦩꦸꦥꦸꦤꦶꦥꦸꦤ꧀ꦲꦂꦠꦥꦲꦺꦴꦱ꧀ꦠꦠꦤꦺꦤ꧀꧈ꦥꦸꦤꦶꦏꦭꦗꦼꦁ​ꦔꦤ꧀ꦏꦼꦩꦮꦺꦴꦤ꧀ꦱꦧꦶꦧꦂꦫꦶꦥꦸꦤ꧀ꦥꦲꦺꦴꦱ꧀꧉​ꦭꦤ꧀ꦱꦢꦺꦫꦺꦁ​ꦔꦶꦥꦸꦤ꧀ꦮꦸꦭꦤ꧀ꦗꦤꦸꦮꦫꦶ​ꦥꦲꦺꦴꦱ꧀ꦱꦲꦶꦤ꧀ꦢꦼꦁ​ꦔꦶꦁ​ꦤꦒꦫꦶ​ꦠꦸꦩꦿꦥ꧀ꦠꦲꦸꦤ꧀ꦔꦗꦼꦁ​ꦔꦶꦥꦸꦤ꧀ꦩꦭꦶꦃ​ꦏꦼꦢꦃ​ꦱꦩ꧀ꦥꦸꦤ꧀ꦭꦸꦩꦼꦧꦼꦠ꧀ꦱꦢꦪ꧉​

꧋ꦠꦼꦭꦱ꧀ꦠꦼꦭꦱ꧀ꦱꦤ꧀ꦤꦶꦁꦮꦸꦭꦤ꧀ꦤꦺꦴꦥꦺꦩ꧀ꦧꦼꦂꦠꦶꦪꦁꦱꦩ꧀ꦥꦸꦤ꧀ꦱꦒꦼꦢ꧀ꦩꦲꦺꦴꦱ꧀ꦲꦶꦁ​ꦱꦼꦫꦠ꧀ꦱꦼꦫꦠ꧀ꦏꦧꦂ​ꦫꦸꦱ꧀꧈​ꦧꦶꦭꦶꦃ​ꦥꦲꦺꦴꦱ꧀ꦲꦺꦁ​ꦒꦭ꧀ꦔꦿꦶꦏ​ꦔꦿꦶꦏꦶ​ꦱꦩ꧀ꦥꦸꦤ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦏꦁ​ꦥꦸꦤ꧀ꦝꦠ꧀꧉

(ꦧꦝꦼꦏꦱꦩ꧀ꦧꦼꦠ꧀ꦠꦤ꧀)