Kaca:Kajawen 06 1928-01-21.pdf/7

Saka Wikisumber
Menyang navigasi Menyang panggolèkan
Kaca iki durung katitiwaca

꧋ꦠꦶꦪꦁ​ꦱꦩ꧀ꦥꦸꦤ꧀ꦭꦶꦩꦿꦃ​ꦱꦒꦼꦢ꧀ꦕꦫꦶꦪꦺꦴꦱ꧀꧈​ꦩꦤꦮꦶ​ꦲꦁ​ꦒꦺꦤ꧀ꦤꦶꦥꦸꦤ꧀ꦠꦶꦊꦩ꧀ꦲꦔ꧀ꦭꦼꦂ꧈​ꦠꦤ꧀ꦥ​ꦔ꧀ꦭꦶꦱꦶꦏ꧀꧈​ꦠꦼꦒꦼꦱ꧀ꦱꦶꦥꦸꦤ꧀ꦱꦏꦼꦕ꧉​ꦠꦸꦮꦶꦤ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦏꦁ​ꦕꦫꦶꦪꦺꦴꦱ꧀ꦩꦤꦮꦶ​ꦲꦁ​ꦒꦺꦤ꧀ꦤꦶꦥꦸꦤ꧀ꦠꦶꦊꦩ꧀꧈​ꦱꦢꦭꦸ​ꦠꦤ꧀ꦱꦃ​ꦏ꧀ꦭꦶꦱꦶꦏ꧀ꦏꦤ꧀꧈​ꦱꦥꦸꦤꦶꦏ​ꦔꦿꦲꦺꦴꦱ꧀ꦱꦏꦼꦤ꧀ꦲꦫꦶꦥ꧀꧉​ꦲꦶꦁ​ꦏꦁ​ꦩꦏꦠꦼꦤ꧀ꦥꦸꦤꦶꦏ​ꦱꦩ꧀ꦥꦸꦤ꧀ꦢꦢꦺꦴꦱ꧀ꦠꦺꦴꦤ꧀ꦝ​ꦱꦏ꧀ꦱꦶ꧈​ꦧꦶꦭꦶꦃ​ꦠꦶꦊꦩ꧀ꦠꦸꦮꦸꦏ꧀ꦥꦸꦤꦶꦏ​ꦢꦢꦺꦴꦱ꧀ꦗꦩ꧀ꦥꦶ꧈​ꦠꦸꦮꦶꦤ꧀ꦏꦶꦫꦁ​ꦠꦶꦊꦩ꧀ꦥꦸꦤꦶꦏ​ꦢꦢꦺꦴꦱ꧀ꦱꦧꦧ꧀꧉​

꧋ꦱꦫꦺꦃꦤꦶꦁꦱꦥꦸꦤꦶꦏꦱꦩ꧀ꦥꦸꦤ꧀ꦕꦼꦛꦏꦢꦺꦴꦱ꧀ꦩꦏꦠꦼꦤ꧀꧈​ꦏꦢꦺꦴꦱ꧀ꦥꦿꦪꦺꦴꦒꦶ​ꦧꦶꦭꦶꦃ​ꦠꦶꦪꦁ​ꦤꦠ​ꦝꦠꦼꦁ​ꦠꦶꦊꦩ꧀ꦩꦶꦥꦸꦤ꧀ꦩꦸꦫꦶꦃ​ꦩꦁ​ꦒꦶꦃ​ꦏꦱꦫꦱ꧀ꦱꦤ꧀꧈​ꦲꦮꦶꦠ꧀ꦠꦶꦊꦩ꧀ꦥꦸꦤꦶꦏ​ꦱꦤꦢꦾꦤ꧀ꦤꦩ​ꦥꦤ꧀ꦢꦩꦼꦭ꧀ꦒꦩ꧀ꦥꦶꦭ꧀꧈​ꦤꦔꦶꦁ​ꦩꦤꦮꦶ​ꦢꦺꦫꦺꦁ​ꦱꦒꦼꦢ꧀ꦔꦗꦼꦒ꧀ꦒꦏꦼꦤ꧀꧈​ꦲꦶꦁ​ꦒꦶꦃ​ꦲꦔꦺꦭ꧀꧈​ꦭꦤ꧀ꦏꦺꦴꦱꦺꦴꦏ꧀ꦮꦁ​ꦱꦸꦭ꧀ꦭꦶꦥꦸꦤ꧀ꦩꦤꦮꦶ​ꦱꦩ꧀ꦥꦸꦤ꧀ꦏꦸꦭꦶꦤ꧈​ꦒꦩ꧀ꦥꦶꦭ꧀ꦱꦔꦼꦠ꧀ꦲꦁ​ꦒꦺꦤ꧀ꦤꦶꦁ​ꦩꦽꦤꦃꦲꦏꦼꦤ꧀ꦔꦤ꧀ꦠꦸꦏ꧀ꦏꦶꦥꦸꦤ꧀꧉​

꧋ꦩꦶꦫꦶꦢ꧀ꦱꦺꦴꦱꦺꦴꦫꦃꦲꦶꦥꦸꦤ꧀ꦠꦶꦪꦁꦲꦶꦁꦏꦁꦲꦃꦭꦶꦝꦠꦼꦁ​ꦏꦱꦫꦱ꧀ꦱꦤ꧀꧈​ꦠꦸꦩꦿꦥ꧀ꦠꦶꦪꦁ​ꦱꦼꦥꦸꦃ꧈​ꦠꦶꦊꦩ꧀ꦲꦶꦁ​ꦮꦚ꧀ꦕꦶ​ꦢꦭꦸ​ꦥꦶꦠꦸꦁ​ꦗꦩ꧀ꦥꦸꦤꦶꦏ​ꦱꦩ꧀ꦥꦸꦤ꧀ꦕꦼꦏꦥ꧀ꦥꦤ꧀꧈​ꦮꦶꦮꦶꦠ꧀ꦩꦥꦤ꧀ꦗꦩ꧀ꦱꦢꦱ꧈​ꦗꦩ꧀ꦒꦁ​ꦱꦭ꧀ꦱꦩ꧀ꦥꦸꦤ꧀ꦠꦔꦶ꧉​ꦮꦚ꧀ꦕꦶ​ꦠꦶꦊꦩ꧀ꦱꦩꦤ꧀ꦠꦼꦤ꧀ꦮꦲꦸ​ꦏꦗꦮꦶ​ꦱꦩ꧀ꦥꦸꦤ꧀ꦚꦼꦏꦥ꧀ꦥꦶ꧈​ꦲꦸꦒꦶ​ꦲꦔꦼꦁ​ꦒꦺꦤ꧀ꦤꦶ​ꦩꦺꦴꦁ​ꦱ​ꦠꦼꦤ꧀ꦠꦽꦩ꧀ꦩꦶꦥꦸꦤ꧀ꦲꦶꦁ​ꦮꦚ꧀ꦕꦶ​ꦢꦭꦸ꧈​ꦲꦮꦶꦠ꧀ꦮꦚ꧀ꦕꦶ​ꦗꦩ꧀ꦱꦢꦱ​ꦥꦸꦤꦶꦏ​ꦱ꧀ꦮꦫꦤꦶꦁ​ꦭꦉ​ꦱꦩ꧀ꦥꦸꦤ꧀ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀꧈​ꦠꦸꦮꦶꦤ꧀ꦱ꧀ꦮꦫ​ꦠꦸꦩꦤ꧀ꦢꦁ​ꦔꦶꦁ​ꦠꦶꦪꦁ​ꦩꦼꦭꦺꦏ꧀ꦲꦶꦁ​ꦒꦶꦃ​ꦱꦩ꧀ꦥꦸꦤ꧀ꦏꦺꦤ꧀ꦢꦼꦭ꧀꧉​ꦢꦺꦤꦺꦗꦩ꧀ꦒꦁ​ꦱꦭ꧀ꦲꦺꦚ꧀ꦗꦶꦁ​ꦥꦸꦤꦶꦏ​ꦮꦚ꧀ꦕꦶꦤꦶꦥꦸꦤ꧀ꦠꦸꦩꦥꦏ꧀ꦏꦶꦁ​ꦱꦸꦮꦫ꧈​ꦮꦚ꧀ꦕꦶ​ꦠꦸꦁ​ꦠꦸꦩ꧀ꦩꦶꦁ​ꦲꦮ​ꦉꦱꦶꦏ꧀ꦲꦶꦁ​ꦏꦁ​ꦢꦩꦼꦭ꧀ꦱꦼꦒꦼꦂꦫꦶꦁ​ꦧꦢꦤ꧀꧈​ꦩꦤꦮꦶ​ꦢꦶꦥꦸꦤ꧀ꦥꦥꦒ꧀ꦒꦒꦼꦤ꧀ꦲꦶꦁ​ꦠꦔꦶꦤꦶꦥꦸꦤ꧀ꦠꦶꦪꦁ​ꦠꦶꦊꦩ꧀꧈​ꦭꦗꦼꦁ​ꦲꦤ꧀ꦢꦪꦤꦶ​ꦢꦩꦼꦭ꧀ꦏꦱꦫꦱ꧀ꦱꦤ꧀꧈​ꦩꦏꦠꦼꦤ꧀ꦩꦭꦶꦃ​ꦩꦼꦁ​ꦒꦃꦲꦶꦁ​ꦕꦫꦤꦶꦥꦸꦤ꧀ꦠꦶꦪꦁ​ꦠꦔꦶ​ꦲꦺꦚ꧀ꦗꦶꦁ​꧈​ꦥꦸꦤꦶꦏ​ꦔꦿꦲꦺꦴꦱ꧀ꦩꦁ​ꦒꦶꦃ​ꦩꦺꦴꦁ​ꦱ​ꦏꦺꦴꦧꦺꦠ꧀ꦏꦁ​ꦒꦼ​ꦲꦩ꧀ꦧꦸꦕꦭ꧀ꦠꦧꦼꦠ꧀ꦠꦶꦁ​ꦫꦲꦺꦴꦱ꧀ꦠꦶꦊꦩ꧀꧈​ꦢꦸꦩꦸꦒꦶꦤꦶꦁ​ꦧꦾꦂ​ꦥꦝꦁ​ꦧꦢꦤ꧀ꦱꦩ꧀ꦥꦸꦤ꧀ꦏꦫꦲꦺꦴꦱ꧀ꦮꦫꦱ꧀ꦮꦶꦫꦶꦱ꧀꧉​

꧋ꦤꦔꦶꦁꦩꦼꦁꦒꦃꦭꦩ꧀ꦥꦃꦲꦶꦁꦠꦶꦊꦩ꧀ꦥꦸꦤꦶꦏꦮꦂꦤꦶꦮꦂꦤꦶ꧈​ꦩꦤꦸꦠ꧀ꦲꦶꦁ​ꦥꦏꦸꦭꦶꦤꦤ꧀ꦤꦶꦥꦸꦤ꧀ꦥꦶꦪꦩ꧀ꦧꦏ꧀ꦥꦶꦪꦩ꧀ꦧꦏ꧀꧈​ꦮꦺꦴꦤ꧀ꦠꦼꦤ꧀ꦲꦶꦁ​ꦏꦁ​ꦥꦛꦺꦴꦏ꧀ꦏꦤ꧀ꦩꦤꦮꦶ​ꦱꦩ꧀ꦥꦸꦤ꧀ꦔꦤ꧀ꦠꦸꦏ꧀꧈​ꦲꦮꦶꦠ꧀ꦱꦏꦼꦕꦤꦶꦥꦸꦤ꧀ꦠꦶꦪꦁ​ꦠꦶꦊꦩ꧀ꦥꦸꦤꦶꦏ​ꦩꦤꦮꦶ​ꦱꦩ꧀ꦥꦸꦤ꧀ꦔꦤ꧀ꦠꦸꦏ꧀꧈​ꦲꦸꦥꦩꦶꦤꦶꦥꦸꦤ꧀ꦠꦶꦪꦁ​ꦤꦼꦝ​ꦤꦩ​ꦱꦩ꧀ꦥꦸꦤ꧀ꦏꦿꦲꦺꦴꦱ꧀ꦭꦸꦮꦼ꧉​ꦲꦸꦗꦂ​ꦩꦏꦠꦼꦤ꧀ꦮꦲꦸ​ꦊꦉꦱ꧀ꦱꦔꦼꦠ꧀꧈​ꦢꦢꦺꦴꦱ꧀ꦩꦛꦸꦏ꧀ꦏꦭꦶꦪꦤ꧀ꦥꦿꦤꦠꦤꦶꦁ​ꦠꦶꦪꦁ​ꦠꦶꦊꦩ꧀ꦲꦗꦼꦒ꧀ꦲꦶꦁ​ꦏꦁ​ꦔꦼꦁ​ꦒꦺꦤ꧀ꦤꦶ​ꦮꦚ꧀ꦕꦶ꧈​ꦩꦤꦮꦶ​ꦱꦩ꧀ꦥꦸꦤ꧀ꦝꦮꦃꦲꦶꦁ​ꦮꦚ꧀ꦕꦶ​ꦠꦩ꧀ꦠꦸ​ꦲꦶꦁ​ꦒꦶꦃ​ꦭꦗꦼꦁ​ꦔꦤ꧀ꦠꦸꦏ꧀꧉​

꧋ꦠꦶꦪꦁꦲꦶꦁꦏꦁꦱꦩ꧀ꦥꦸꦤ꧀ꦱꦒꦼꦢ꧀ꦩꦿꦤꦠꦠꦶꦊꦩ꧀ꦩꦶꦥꦸꦤ꧀꧈​ꦥꦸꦤꦶꦏ​ꦲꦸꦒꦶ​ꦤꦩ​ꦱꦩ꧀ꦥꦸꦤ꧀ꦱꦒꦼꦢ꧀ꦔꦗꦺꦤ꧀ꦤꦶ​ꦝꦠꦼꦁ​ꦏꦱꦫꦱ꧀ꦱꦤ꧀꧈​ꦠꦸꦮꦶꦤ꧀ꦱꦫꦺꦃꦤꦶꦁ​ꦤꦩ​ꦢꦢꦺꦴꦱ꧀ꦗꦭꦂꦫꦤ꧀ꦤꦶꦁ​ꦱꦫꦱ꧀꧈​ꦥꦿꦪꦺꦴꦒꦶꦤꦶꦥꦸꦤ꧀ꦲꦶꦁ​ꦒꦶꦃ​ꦏꦼꦢꦃ​ꦚꦸꦩꦼꦉꦥ꧀ꦥꦶ​ꦝꦠꦼꦁ​ꦫꦁ​ꦏꦼꦥ꧀ꦥꦤ꧀ꦤꦶꦥꦸꦤ꧀꧈​ꦲꦶꦁ​ꦒꦶꦃ​ꦥꦸꦤꦶꦏ​ꦏꦼꦢꦃ​ꦩꦥꦤ꧀ꦲꦶꦁ​ꦥꦠꦶꦊꦩ꧀ꦩꦤ꧀ꦲꦶꦁ​ꦏꦁ​ꦥꦿꦪꦺꦴꦒꦶ꧉​ꦏꦗꦼꦁ​ꦔꦶꦁ​ꦥꦠꦶꦊꦩ꧀ꦩꦤ꧀ꦲꦶꦁ​ꦏꦁ​ꦥꦿꦪꦺꦴꦒꦶ꧈​ꦧꦺꦴꦠꦼꦤ꧀ꦏꦼꦢꦃ​ꦏꦺꦴꦏ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦏꦛꦶꦭ꧀ꦠꦺꦴꦱ꧀ꦱꦤ꧀꧈​ꦧꦤ꧀ꦠꦭ꧀ꦩꦏꦼꦤ꧀ꦝꦸꦁ​ꦏꦼꦤ꧀ꦝꦸꦁ​꧈​ꦲꦏ꧀ꦭꦩ꧀ꦧꦸ​ꦔꦔꦿꦁ​ꦔꦤ꧀ꦲꦶꦁ​ꦏꦁ​ꦱꦲꦼ꧉​ꦢꦺꦤꦺꦏꦗꦼꦁ​ꦔꦶꦥꦸꦤ꧀ꦤꦩꦸꦁ​ꦩꦸꦫꦶꦃ​ꦩꦥꦤ꧀ꦲꦶꦁ​ꦥꦁ​ꦒꦼꦤ꧀ꦤꦤ꧀ꦲꦶꦁ​ꦏꦁ​ꦉꦱꦶꦏ꧀꧈​ꦧꦺꦴꦠꦼꦤ꧀ꦏꦔꦶꦤ꧀ꦤꦤ꧀꧈​ꦧꦺꦴꦠꦼꦤ꧀ꦢꦶꦥꦸꦤ꧀ꦕꦏꦺꦴꦠ꧀ꦠꦶ​ꦲꦶꦁ​ꦊꦩꦸꦠ꧀꧉​ꦥꦸꦤꦶꦏ​ꦱꦢꦪ​ꦏꦼꦔꦶꦁ​ꦢꦶꦥꦸꦤ꧀ꦭꦩ꧀ꦥꦃꦲꦶ​ꦤꦩꦸꦁ​ꦏꦤ꧀ꦛꦶ​ꦮꦫꦒꦢ꧀ꦱꦏꦼꦝꦶꦏ꧀ꦠꦸꦮꦶꦤ꧀ꦥꦠꦿꦥ꧀ꦉꦱꦶꦏ꧀ꦏꦤ꧀꧉​ꦲꦮꦶꦠ꧀ꦩꦼꦁ​ꦒꦃꦲꦶꦁ​ꦠꦶꦪꦁ​ꦠꦶꦊꦩ꧀꧈​ꦒꦩ꧀ꦥꦶꦭ꧀ꦱꦔꦼꦠ꧀ꦏꦼꦔꦶꦁ​ꦔꦶꦥꦸꦤ꧀ꦒꦺꦴꦝ​ꦲꦶꦁ​ꦏꦁ​ꦲꦚ꧀ꦗꦭꦂꦫꦶ​ꦤꦸꦮꦸꦃꦲꦏꦼꦤ꧀ꦱꦏꦶꦠ꧀꧈​ꦲꦶꦁ​ꦒꦶꦃ​ꦥꦸꦤꦶꦏ​ꦏꦠꦩꦤ꧀ꦲꦶꦁ​ꦱꦧꦧ꧀ꦲꦶꦁ​ꦏꦁ​ꦧꦺꦴꦠꦼꦤ꧀ꦱꦸꦩꦼꦉꦥ꧀꧈​ꦏꦢꦺꦴꦱ꧀ꦠ​ꦏꦔꦶꦤ꧀ꦤꦤ꧀꧈​ꦢꦶꦥꦸꦤ꧀ꦕꦏꦺꦴꦠ꧀ꦲꦶꦁ​ꦊꦩꦸꦠ꧀ꦠꦸꦮꦶꦤ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀꧉​

꧋ꦢꦺꦤꦺꦩꦼꦁꦒꦃꦲꦶꦁꦲꦔꦺꦭ꧀ꦭꦶꦁꦠꦶꦪꦁꦠꦶꦊꦩ꧀꧈ꦥꦸꦤꦶꦏ​ꦧꦺꦴꦠꦼꦤ꧀ꦱꦤꦺꦱ꧀ꦤꦩꦸꦁ​ꦗꦭꦂꦫꦤ꧀ꦱꦏꦶꦁ​ꦩꦼꦏ꧀ꦱ​ꦠꦶꦊꦩ꧀ꦲꦶꦁ​ꦏꦁ​ꦠꦤ꧀ꦥ​ꦥꦿꦤꦠꦤ꧀꧈​ꦢꦺꦫꦺꦁ​ꦮꦚ꧀ꦕꦶ​ꦠꦶꦊꦩ꧀ꦱꦩ꧀ꦥꦸꦤ꧀ꦩꦥꦤ꧀꧈​ꦱꦉꦁ​ꦮꦺꦴꦤ꧀ꦠꦼꦤ꧀ꦲꦶꦁ​ꦥꦠꦶꦊꦩ꧀ꦩꦤ꧀ꦥꦶꦏꦶꦫꦤ꧀ꦤꦶꦥꦸꦤ꧀ꦠꦏ꧀ꦱꦶꦃ​ꦏꦠꦸꦠ꧀ꦠꦤ꧀ꦥꦶꦏꦶꦂꦫꦤ꧀ꦲꦶꦁ​ꦏꦁ​ꦔꦗꦏ꧀ꦩꦼꦭꦺꦏ꧀꧈​