Kaca:Kajawen 06 1928-01-21.pdf/4

Saka Wikisumber
Menyang navigasi Menyang panggolèkan
Kaca iki durung katitiwaca

ꦯꦁ​ꦤꦠ​ꦯꦶꦪꦼꦩ꧀ꦲꦸꦒꦶ​ꦱꦩ꧀ꦥꦸꦤ꧀ꦤꦠꦼ​ꦫꦮꦸꦃ​ꦲꦶꦁ​ꦠꦤꦃ​ꦗꦮꦶ꧈​ꦩꦤꦮꦶ​ꦧꦺꦴꦠꦼꦤ꧀ꦏꦭꦶꦤ꧀ꦠꦸ​ꦏꦢꦺꦴꦱ꧀ꦏꦢꦺꦴꦱ꧀ꦲꦶꦁ​ꦏꦁ​ꦲꦺꦪꦁ​ꦤꦠ​ꦯꦶꦪꦼꦩ꧀ꦲꦶꦁ​ꦏꦁ​ꦧꦝꦼ​ꦫꦮꦸꦃ​ꦲꦶꦁ​ꦮꦸꦭꦤ꧀ꦗꦸꦤꦶ​ꦔꦗꦼꦁ​ꦥꦸꦤꦶꦏ꧉​ꦏꦭ​ꦫꦮꦸꦃꦲꦶꦥꦸꦤ꧀ꦱꦁ​ꦤꦠ​ꦲꦶꦁ​ꦯꦶꦪꦼꦩ꧀ꦲꦶꦁ​ꦏꦁ​ꦫꦸꦩꦶꦪꦶꦤ꧀꧈​ꦲꦩꦼꦂꦭꦺꦴꦏ꧀ꦲꦏꦼꦤ꧀ꦩꦫ​ꦠꦩꦸ​ꦲꦶꦁ​ꦔꦂꦱ​ꦢꦊꦩ꧀ꦱꦩ꧀ꦥꦼꦪꦤ꧀ꦢꦊꦩ꧀ꦲꦶꦁ​ꦏꦁ​ꦯꦶꦤꦸꦲꦸꦤ꧀ꦲꦶꦁ​ꦯꦸꦫꦏꦂꦠ꧉​ꦏꦧꦂꦫꦶꦥꦸꦤ꧀ꦱꦁ​ꦤꦠ​ꦲꦶꦁ​ꦯꦶꦪꦼꦩ꧀ꦱꦢꦔꦸꦤꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦯꦸꦫꦏꦂꦠ꧈​ꦲꦤ꧀ꦝꦮꦃꦲꦏꦼꦤ꧀ꦥꦔꦤ꧀ꦢꦶꦏ​ꦮꦂꦤꦶ​ꦮꦂꦤꦶ꧈​ꦏꦢꦺꦴꦱ꧀ꦠ​ꦲꦔꦿꦲꦺꦴꦱ꧀ꦱꦶ꧈​ꦧꦶꦭꦶꦃ​ꦕꦤ꧀ꦝꦶ​ꦱꦺꦮꦸ​ꦥꦸꦤꦶꦏ​ꦲꦱ꧀ꦭꦶ​ꦱꦏꦶꦁ​ꦠꦼꦩ꧀ꦧꦸꦁ​ꦯꦶꦮꦃ꧈​ꦥꦿꦩ꧀ꦧꦤꦤ꧀꧈​ꦱꦏꦶꦁ​ꦨꦿꦃꦩ꧉​ꦏꦭ​ꦯꦁ​ꦤꦠ​ꦢꦶꦥꦸꦤ꧀ꦭꦢꦺꦴꦱ꧀ꦱꦶ​ꦢꦼꦤꦶꦁ​ꦱꦭꦃ​ꦱꦠꦸꦁ​ꦒꦶꦭ꧀ꦭꦶꦁ​ꦱꦤ꧀ꦠꦤ​ꦢꦊꦩ꧀ꦥꦚ꧀ꦗꦶ꧈​ꦗꦭꦂꦫꦤ꧀ꦱꦏꦶꦁ​ꦧꦼꦢꦤꦶꦁ​ꦥꦔꦁ​ꦒꦼꦤ꧀ꦤꦶꦥꦸꦤ꧀ꦥꦁ​ꦏꦠ꧀ꦥꦚ꧀ꦗꦶ​ꦮꦲꦸ꧈​ꦯꦁ​ꦤꦠ​ꦭꦗꦼꦁ​ꦩꦸꦤ꧀ꦝꦸꦠ꧀ꦏꦠꦿꦁ​ꦔꦤ꧀ꦤꦩꦤꦶꦁ​ꦥꦔꦏ꧀ꦠꦶꦥꦸꦤ꧀ꦥꦿꦶꦪꦤ꧀ꦠꦸꦤ꧀ꦲꦶꦁ​ꦏꦁ​ꦭꦭꦢꦺꦴꦱ꧀꧈​ꦱꦉꦁ​ꦲꦸꦤꦶꦁ​ꦔ​ꦧꦶꦭꦶꦃ​ꦤꦩꦤꦶꦁ​ꦥꦿꦶꦪꦤ꧀ꦠꦸꦤ꧀ꦮꦲꦸ​ꦥꦚ꧀ꦗꦶ꧈​ꦯꦁ​ꦤꦠ​ꦱꦼꦩꦸ​ꦏꦒꦺꦠ꧀꧈​ꦱꦂꦠ​ꦭꦗꦼꦁ​ꦲꦔꦤ꧀ꦢꦶꦏꦏ꧀ꦲꦏꦼꦤ꧀ꦧꦶꦭꦶꦃ​ꦲꦶꦁ​ꦯꦶꦪꦼꦩ꧀ꦲꦸꦒꦶ​ꦮꦺꦴꦤ꧀ꦠꦼꦤ꧀ꦠꦼꦩ꧀ꦧꦸꦁ​ꦥꦚ꧀ꦗꦶ​ꦥꦸꦤꦶꦏ꧉​ꦥꦔꦤ꧀ꦢꦶꦏꦤꦶꦥꦸꦤ꧀ꦱꦁ​ꦤꦠ​ꦲꦶꦁ​ꦯꦶꦪꦼꦩ꧀ꦲꦶꦁ​ꦏꦁ​ꦩꦏꦠꦼꦤ꧀ꦮꦲꦸ꧈​ꦱꦠꦸꦁ​ꦒꦶꦭ꧀ꦭꦶꦁ​ꦥꦱꦼꦏ꧀ꦱꦺꦤ꧀꧈​ꦧꦶꦭꦶꦃ​ꦲꦶꦁ​ꦏꦭ​ꦏꦶꦤꦤꦶꦥꦸꦤ꧀ꦱꦗꦏ꧀ꦮꦺꦴꦤ꧀ꦠꦼꦤ꧀ꦒꦒꦪꦸꦠ꧀ꦠꦤ꧀ꦤꦶꦥꦸꦤ꧀ꦲꦤ꧀ꦠꦮꦶꦱ꧀ꦱꦶꦁ​ꦠꦤꦃ​ꦗꦮꦶ​ꦭꦤ꧀ꦯꦶꦪꦼꦩ꧀꧉

꧋ꦟꦠꦯꦶꦪꦼꦩ꧀ꦩꦲꦦꦿꦧꦸ Chulalonkorn ꦲꦶꦁꦏꦁꦱꦩ꧀ꦥꦸꦤ꧀ꦠꦶꦒꦁꦢꦱꦠꦲꦸꦤ꧀ꦱꦥꦿꦶꦏꦶꦩꦫꦠꦩꦸꦩꦫ​ꦠꦩꦸ​ꦝꦠꦼꦁ​ꦏꦫꦠꦺꦴꦤ꧀ꦲꦶꦁ​ꦯꦸꦫꦏꦂꦠ꧉​ (foto)

꧋ꦮꦺꦴꦤ꧀ꦠꦼꦤ꧀ꦩꦭꦶꦃꦲꦶꦁꦏꦁꦩꦂꦠꦺꦴꦱ꧀ꦱꦏꦼꦤ꧀꧈ꦧꦶꦭꦶꦃ​ꦯꦁ​ꦤꦠ​ꦲꦶꦁ​ꦯꦶꦪꦼꦩ꧀ꦲꦶꦁ​ꦏꦁ​ꦫꦮꦸꦃ​ꦲꦶꦁ​ꦯꦸꦫꦏꦂꦠ​ꦏꦭ​ꦫꦸꦩꦶꦪꦶꦤ꧀꧈​ꦥꦸꦤꦶꦏ​ꦮꦺꦴꦤ꧀ꦠꦼꦤ꧀ꦝꦝꦲꦂꦫꦤ꧀ꦗꦮꦶ​ꦲꦶꦁ​ꦏꦁ​ꦢꦶꦥꦸꦤ꧀ꦱꦼꦥ꧀ꦠꦤꦶ꧈​ꦲꦶꦁ​ꦒꦶꦃ​ꦥꦸꦤꦶꦏ​ꦲꦶꦁ​ꦏꦁ​ꦢꦶꦥꦸꦤ꧀ꦮꦱ꧀ꦠꦤ꧀ꦤꦶ꧇​ꦱꦼꦏꦸꦭ꧀ꦥꦽꦕꦶꦠ꧈​ꦲꦶꦁ​ꦒꦶꦃ​ꦥꦸꦤꦶꦏ​ꦮꦂꦤꦶꦤꦶꦁ​ꦱꦼꦏꦸꦭ꧀ꦲꦶꦁ​ꦏꦁ​ꦭꦭꦮꦸꦃꦲꦤ꧀ꦤꦶꦥꦸꦤ꧀ꦱꦩ꧀ꦥꦸꦤ꧀ꦢꦶꦥꦸꦤ꧀ꦫꦕꦶꦏ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦔꦶꦁ​ꦒꦶꦭ꧀ꦭꦶꦥꦸꦤ꧀꧉​ꦱꦼꦏꦸꦭ꧀ꦩꦏꦠꦼꦤ꧀ꦮꦲꦸ​ꦮꦺꦴꦤ꧀ꦠꦼꦤ꧀ꦲꦸꦒꦶ​ꦠꦶꦪꦁ​ꦲꦶꦁ​ꦏꦁ​ꦩꦱ꧀ꦠꦤ꧀ꦤꦶ꧇​ꦱꦼꦏꦸꦭ꧀ꦭꦁ​ꦒꦶ꧉​ꦏꦗꦮꦶ​ꦥꦸꦤꦶꦏ꧈​ꦏꦭ​ꦯꦁ​ꦤꦠ​ꦲꦶꦁ​ꦯꦶꦪꦼꦩ꧀ꦫꦮꦸꦃ​ꦲꦶꦁ​ꦯꦸꦫꦏꦂꦠ꧈​ꦠꦶꦒꦁ​ꦢꦱ​ꦠꦲꦸꦤ꧀ꦤꦤ꧀ꦱ