Kaca:Kajawen 06 1928-01-21.pdf/2

Saka Wikisumber
Kaca iki durung katitiwaca

ꦫꦲꦺꦴꦱ꧀ꦗꦮꦶ​

꧋ꦭꦸꦩꦸꦃꦲꦤ꧀

꧋ꦠꦼꦩ꧀ꦧꦸꦁꦭꦸꦩꦸꦃꦥꦸꦤꦶꦏꦒꦝꦃꦏꦗꦼꦁꦧꦺꦴꦠꦼꦤ꧀ꦥꦸꦫꦸꦤ꧀ꦲꦔ꧀ꦭꦩ꧀ꦥꦃꦲꦶ​ꦝꦠꦼꦁ​ꦱꦮꦼꦤꦺꦃꦲꦶꦁ​ꦧꦧ꧀ꦲꦸꦠꦮꦶ​ꦥꦢꦩꦼꦭ꧀ꦭꦤ꧀꧈​ꦲꦸꦒꦶ​ꦒꦝꦃ​ꦠꦼꦒꦼꦱ꧀ꦱꦲꦼ​ꦲꦸꦠꦮꦶ​ꦲꦮꦺꦴꦤ꧀꧈​ꦲꦶꦁ​ꦏꦁ​ꦱꦲꦼ​ꦩꦤꦮꦶ​ꦥꦶꦏꦤ꧀ꦠꦸꦏ꧀ꦏꦶꦥꦸꦤ꧀ꦲꦔꦼꦩꦺꦴꦃꦲꦶ​ꦝꦠꦼꦁ​ꦥꦤ꧀ꦢꦩꦼꦭ꧀ꦲꦮꦺꦴꦤ꧀꧈​ꦢꦼꦤꦼ​ꦲꦶꦁ​ꦏꦁ​ꦲꦮꦺꦴꦤ꧀ꦩꦤꦮꦶ​ꦔꦼꦩꦺꦴꦃꦲꦶ​ꦝꦠꦼꦁ​ꦥꦤ꧀ꦢꦩꦼꦭ꧀ꦱꦲꦼ꧉​ꦢꦢꦺꦴꦱ꧀ꦤꦩꦸꦁ​ꦏꦺꦴꦱꦺꦴꦏ꧀ꦮꦁ​ꦱꦸꦭ꧀ꦧꦊꦗꦼꦢ꧀꧈​ꦭꦤ꧀ꦩꦭꦶꦃ​ꦠꦶꦪꦁ​ꦠꦩ꧀ꦠꦸ​ꦠꦤ꧀ꦱꦃ​ꦲꦔ꧀ꦭꦩ꧀ꦥꦃꦲꦶ​ꦲꦸꦠꦮꦶ​ꦩꦼꦛꦸꦏ꧀ꦏꦶ​ꦧꦧ꧀ꦮꦲꦸ꧉​

꧋ꦠꦶꦪꦁꦭꦸꦩꦸꦃꦝꦠꦼꦁꦥꦤ꧀ꦢꦩꦼꦭ꧀ꦲꦮꦺꦴꦤ꧀꧈ꦥꦸꦤꦶꦏꦏꦼꦒꦺꦴꦭꦺꦴꦁ​ꦠꦶꦪꦁ​ꦱꦩ꧀ꦥꦸꦤ꧀ꦔꦼꦔꦩ꧀ꦧꦃ​ꦲꦶꦁ​ꦩꦂꦒꦶ​ꦊꦉꦱ꧀꧈​ꦠꦸꦮꦶꦤ꧀ꦱꦼꦢꦾꦤꦶꦥꦸꦤ꧀ꦠꦶꦪꦁ​ꦲꦶꦁ​ꦒꦶꦃ​ꦤꦩꦸꦁ​ꦧꦝꦼ​ꦔꦩ꧀ꦧꦃ​ꦲꦶꦁ​ꦔꦿꦶꦏꦸ꧈​ꦢꦺꦤꦺꦲꦁ​ꦒꦺꦤ꧀ꦤꦶꦥꦸꦤ꧀ꦚꦁ​ꦏꦤ꧀ꦤꦶ​ꦥꦢꦺꦴꦱ꧀ꦱꦏꦶꦁ​ꦗꦭꦂꦫꦤ꧀ꦮꦂꦤꦶ​ꦮꦂꦤꦶ꧉​ꦤꦔꦶꦁ​ꦲꦁ​ꦒꦺꦤ꧀ꦤꦶꦁ​ꦧꦝꦼ​ꦔꦩ꧀ꦧꦃ​ꦮꦲꦸ​ꦱꦺꦴꦏ꧀ꦭꦗꦼꦁ​ꦏꦠꦸꦠ꧀ꦠꦤ꧀ꦲꦶꦁ​ꦠꦼꦩ꧀ꦧꦸꦁ​ꦭꦸꦩꦸꦃ꧈​ꦏꦢꦺꦴꦱ꧀ꦠ꧇​

꧋ꦧꦺꦴꦠꦼꦤ꧀ꦥꦸꦫꦸꦤ꧀ꦢꦶꦥꦸꦤ꧀ꦮꦱ꧀ꦠꦤ꧀ꦤꦶꦧꦺꦴꦝꦺꦴ(ꦠꦼꦒꦼꦱ꧀ꦱꦶꦥꦸꦤ꧀ꦭꦸꦩꦸꦃ)꧈​ꦥꦸꦤꦶꦏ​ꦱꦗꦠꦺꦴꦱ꧀ꦱꦶꦥꦸꦤ꧀ꦤꦩꦸꦁ​ꦒꦝꦃ​ꦥꦩꦸꦫꦶꦃ​ꦢꦶꦥꦸꦤ꧀ꦮꦱ꧀ꦠꦤ꧀ꦤꦤ​ꦥꦶꦤ꧀ꦠꦼꦂ꧈​ꦤꦔꦶꦁ​ꦩꦤꦮꦶ​ꦢꦶꦥꦸꦤ꧀ꦲꦸꦒꦼꦩ꧀ꦩꦶ​ꦪꦼꦏ꧀ꦠꦺꦴꦱ꧀꧈​ꦥꦸꦤꦥ​ꦧꦺꦴꦠꦼꦤ꧀ꦲꦢꦩꦼꦭ꧀ꦏꦥꦶꦠꦸꦤꦤ꧀ꦤꦶꦥꦸꦤ꧀ꦥꦶꦪꦩ꧀ꦧꦏ꧀꧈​ꦲꦮꦶꦠ꧀ꦠꦶꦪꦁ​ꦲꦶꦁ​ꦏꦁ​ꦱꦩ꧀ꦥꦸꦤ꧀ꦔꦿꦸꦩꦲꦺꦴꦱ꧀ꦱꦶ​ꦥꦶꦤ꧀ꦠꦼꦂ꧈​ꦲꦝꦏ꧀ꦏꦤꦶꦥꦸꦤ꧀ꦱꦺꦴꦏ꧀ꦭꦸꦩꦸꦃ​ꦲꦠꦠꦏꦺꦤ꧀ꦝꦠꦼꦁ​ꦭꦶꦪꦤ꧀꧈​ꦩꦺꦴꦁ​ꦏ​ꦱꦪꦼꦏ꧀ꦠꦺꦴꦱ꧀ꦱꦶꦥꦸꦤ꧀ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦠꦶꦪꦁ​ꦲꦩꦸꦩ꧀ꦥꦸꦤ꧀ꦤꦶ​ꦝꦠꦼꦁ​ꦱꦩꦸꦧꦫꦁ​ꦏꦮꦿꦸꦃ꧈​ꦢꦢꦺꦴꦱ꧀ꦱꦲꦸꦥꦩꦶ​ꦥꦸꦫꦸꦤ꧀ꦲꦔꦼꦮꦃꦲꦶ​ꦱꦏꦼꦝꦶꦏ꧀꧈​ꦧꦶꦭꦶꦃ​ꦧꦺꦴꦝꦺꦴ​ꦥꦸꦤꦶꦏ​ꦲꦠꦼꦒꦼꦱ꧀ꦏꦶꦏꦶꦫꦁ​ꦔꦤ꧀ꦏꦮꦿꦸꦃ꧈​ꦲꦶꦁ​ꦒꦶꦃ​ꦭꦗꦼꦁ​ꦫꦒꦶ​ꦱꦏꦼꦕ​ꦲꦁ​ꦒꦺꦤ꧀ꦤꦶꦥꦸꦤ꧀ꦤꦶꦤ꧀ꦢꦏ꧀ꦲꦏꦼꦤ꧀꧈​ꦲꦮꦶꦠ꧀ꦏꦶꦏꦶꦫꦔꦤꦶꦥꦸꦤ꧀ꦭꦗꦼꦁ​ꦥꦸꦫꦸꦤ꧀ꦤꦏꦺꦏ꧀ꦲꦏꦼꦤ꧀ꦝꦠꦼꦁ​ꦭꦶꦪꦤ꧀꧈​ꦮꦼꦏꦱ꧀ꦱꦤ꧀ꦩꦭꦃ​ꦭꦗꦼꦁ​ꦧꦛꦶ​ꦲꦁ​ꦱꦭ꧀ꦲꦶꦤ꧀ꦝꦏ꧀ꦏꦤ꧀ꦏꦮꦿꦸꦃ꧈​ꦧꦼꦢ​ꦏꦭꦶꦪꦤ꧀ꦲꦶꦁ​ꦏꦁ​ꦭꦸꦩꦸꦃ​ꦮꦲꦸ꧈​ꦩꦭꦃ​ꦱꦪ​ꦲꦔꦸꦒꦼꦩ꧀ꦩꦶ​ꦝꦠꦼꦁ​ꦥꦸꦒꦸꦃꦲꦶꦁ​ꦩꦤꦃꦲꦶꦥꦸꦤ꧀꧈​ꦏꦼꦧꦼꦏ꧀ꦠ​ꦱꦏꦶꦁ​ꦗꦭꦂꦫꦤ꧀ꦮꦂꦤꦶ​ꦮꦂꦤꦶ꧈​ꦏꦢꦺꦴꦱ꧀ꦠ꧇​ꦱꦏꦶꦁ​ꦗꦭꦂꦫꦤ꧀ꦩꦼꦤꦁ​ꦔꦸꦩꦸꦂ꧈​ꦭꦸꦩꦸꦃ​ꦠꦠꦏꦺꦤ꧀ꦝꦠꦼꦁ​ꦲꦶꦁ​ꦏꦁ​ꦲꦤꦺꦩ꧀꧈​ꦱꦪ​ꦠꦸꦩꦿꦥ꧀ꦠꦶꦪꦁ​ꦲꦶꦁ​ꦏꦁ​ꦒꦝꦃ​ꦥꦔꦸꦮꦱ꧈​ꦭꦸꦩꦸꦃ​ꦏꦱꦺꦴꦂꦫꦤ꧀ꦝꦠꦼꦁ​ꦏꦉꦉꦃꦲꦤ꧀ꦤꦶꦥꦸꦤ꧀꧈​ꦮꦼꦏꦱ꧀ꦱꦤ꧀ꦭꦗꦼꦁ​ꦒꦩ꧀ꦥꦶꦭ꧀ꦤꦸꦮꦸꦃꦲꦏꦼꦤ꧀ꦠꦶꦤ꧀ꦢꦏ꧀ꦩꦼꦤꦁ​꧉​

꧋ꦭꦸꦩꦸꦃꦲꦮꦺꦴꦤ꧀ꦏꦼꦢꦃꦱꦲꦼ꧈ꦥꦸꦤꦶꦏꦩꦤꦮꦶꦧꦺꦴꦠꦼꦤ꧀ꦢꦶꦥꦸꦤ꧀ꦩꦤꦃ​ꦥꦚ꧀ꦗꦁ​꧈​ꦱꦩ꧀ꦥꦸꦤ꧀ꦊꦉꦱ꧀ꦱꦔꦼꦠ꧀꧈​ꦱꦶꦤ꧀ꦠꦼꦤ꧀ꦠꦶꦪꦁ​ꦲꦶꦁ​ꦏꦁ​ꦧꦺꦴꦠꦼꦤ꧀ꦤꦼꦢꦾ​ꦱꦲꦼ꧈​ꦤꦔꦶꦁ​ꦱꦲꦼ​ꦲꦶꦁ​ꦏꦁ​ꦠꦼꦒꦼꦱ꧀ꦱꦶꦥꦸꦤ꧀ꦭꦸꦩꦸꦃ​ꦲꦮꦺꦴꦤ꧀꧈​ꦩꦭꦃ​ꦲꦝꦏ꧀ꦏꦤ꧀ꦔꦩ꧀ꦧꦃ​ꦲꦶꦁ​ꦲꦮꦺꦴꦤ꧀꧈​ꦲꦮꦶꦠ꧀ꦱꦼꦢꦾꦤꦶꦥꦸꦤ꧀ꦱꦲꦼ​ꦏꦼꦠꦶꦔꦭ꧀ꦢꦶꦥꦸꦤ꧀ꦥꦔꦫꦃꦲꦏꦼꦤ꧀꧈​ꦭꦤ꧀ꦩꦭꦶꦃ​ꦱꦲꦼ​ꦲꦶꦁ​ꦏꦁ​ꦱꦗꦠꦶ​ꦥꦸꦤꦶꦏ​ꦏꦼꦠꦶꦔꦭ꧀ꦭꦶꦥꦸꦤ꧀ꦧꦺꦴꦠꦼꦤ꧀ꦱꦏꦶꦁ​ꦢꦶꦥꦸꦤ꧀ꦏꦼꦠꦶꦔꦭ꧀ꦏꦼꦠꦶꦔꦭ꧀ꦭꦏꦼꦤ꧀꧈​ꦥꦸꦤꦶꦏ​ꦧꦝꦼ​ꦠꦸꦮꦸꦃ​ꦱꦏꦶꦁ​ꦥꦚꦮꦁ​ꦔꦶꦁ​ꦠꦶꦪꦁ​ꦱꦤꦺꦱ꧀꧉​ꦩꦏꦠꦼꦤ꧀ꦩꦭꦶꦃ​ꦩꦼꦁ​ꦒꦃꦲꦶꦁ​ꦠꦶꦪꦁ​ꦲꦶꦁ​ꦏꦁ​ꦒꦝꦃ​ꦮꦠꦼꦏ꧀ꦭꦸꦩꦸꦃ​ꦲꦭ꧈​ꦥꦸꦤꦶꦏ​ꦩꦤꦮꦶ​ꦚꦠ​ꦥꦶꦤꦁ​ꦒꦶꦃ​ꦲꦮꦺꦴꦤ꧀ꦤꦶꦥꦸꦤ꧀꧈​ꦪꦺꦤ꧀ꦔꦤ꧀ꦠꦺꦴꦱ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦏꦁ​ꦔꦺꦴꦱꦶꦏ꧀ꦲꦏꦼꦤ꧀꧈​ꦠꦩ꧀ꦠꦸ​ꦭꦗꦼꦁ​ꦩꦸꦫꦶꦁ​ꦩꦸꦫꦶꦁ​꧈​ꦒꦝꦃ​ꦮꦠꦏ꧀ꦩꦸꦤ꧀ꦢꦸꦂ​ꦲꦶꦱꦶꦤ꧀꧈​ꦲꦮꦶꦠ꧀ꦲꦶꦁ​ꦒꦶꦃ​ꦥꦸꦤꦶꦏ​ꦮꦲꦸ꧈​ꦱꦏꦶꦁ​ꦫꦸꦩꦲꦺꦴꦱ꧀ꦩꦤꦮꦶ​ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦤꦩꦸꦁ​ꦱꦲꦼ​ꦛꦺꦴꦏ꧀꧉​ꦠꦶꦪꦁ​ꦲꦶꦁ​ꦏꦁ​ꦏꦢꦺꦴꦱ꧀ꦩꦏꦠꦼꦤ꧀ꦮꦲꦸ꧈​ꦩꦤꦮꦶ​ꦢꦶꦥꦸꦤ꧀ꦱꦮꦁ​ꦏꦤ꧀ꦛꦶ​ꦥꦿꦩꦤꦤꦶꦁ​ꦥꦤ꧀ꦢꦸꦭꦸ꧈​ꦏꦠꦶꦔꦭ꧀ꦲꦮꦸꦗꦸꦢ꧀ꦩꦼꦩꦼꦭꦱ꧀꧉​

꧋ꦠꦶꦪꦁꦲꦶꦁꦏꦁꦭꦸꦩꦸꦃꦲꦱꦺꦴꦂꦏꦸꦢꦸꦲꦸꦁꦒꦸꦭ꧀꧈ꦥꦸꦤꦶꦏ​ꦱꦩ꧀ꦥꦸꦤ꧀ꦏꦮꦿꦠ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦱꦼꦫꦠ꧀ꦮꦼꦢ꧀ꦝꦠꦩ꧈​ꦲꦁ​ꦒꦶꦠ꧀ꦠꦤ꧀ꦤꦶꦥꦸꦤ꧀ꦢꦊꦩ꧀ꦱꦸꦮꦂꦒꦶ​ꦏꦁ​ꦗꦼꦁ​ꦓꦸꦱ꧀ꦠꦶ​ꦦꦔꦼꦫꦤ꧀ꦲꦢꦶꦦꦠꦶ​ꦲꦂꦪ​ꦩꦁ​ꦏꦸꦟꦒꦫ​ IV ꦲꦶꦁ​ꦯꦸꦫꦏꦂꦠ​ꦩꦏꦠꦼꦤ꧀꧇​ ꧄ꦱꦺꦴꦕꦤꦶꦁꦗꦶꦮꦁꦒꦤꦶꦫ꧈ꦗꦼꦂꦏꦠꦫꦭꦩꦸꦤ꧀ꦏꦺꦴꦕꦥ꧀ꦥꦱ꧀ꦛꦶ꧈​ꦭꦸꦩꦸꦃ​ꦲꦱꦺꦴꦂ​ꦏꦸꦢꦸ​ꦲꦸꦁ​ꦒꦸꦭ꧀꧈​ꦱꦸꦩꦸꦔꦃ​ꦱꦼ