Kaca:Kajawen 06 1928-01-21.pdf/17

Saka Wikisumber
Kaca iki durung katitiwaca

ꦭꦲꦶꦏꦶ꧈ꦩꦼꦱ꧀ꦛꦶꦱꦶꦁꦢꦢꦶꦗꦭꦂꦫꦤ꧀꧈ꦕꦸꦤ꧀ꦝꦸꦏ꧀ꦗꦸꦁꦏꦠ꧀ꦏꦕꦼꦥ꧀ꦏꦸꦭꦶꦠ꧀꧈​ꦱꦮꦶꦱ꧀ꦱꦼ​ꦢꦶꦕꦺꦴꦥꦺꦴꦠ꧀ꦏꦼꦤ꧈​ꦧꦚ꧀ꦗꦸꦂ​ꦢꦶꦏꦿꦩꦱ꧀ꦱꦶ​ꦉꦱꦶꦏ꧀꧉​꧄ꦲꦶꦁꦱꦤꦭꦶꦏꦱꦶꦁꦏꦤ꧀ꦠꦸ꧈ꦧꦚ꧀ꦗꦸꦂꦏꦿꦸꦒꦼꦠ꧀ꦏꦿꦸꦒꦼꦠ꧀ꦲꦺꦭꦶꦁ​꧈​ꦏꦧꦺꦃ​ꦥꦝ​ꦔꦿꦱ​ꦧꦸꦔꦃ꧈​ꦏꦫꦺꦴ​ꦲꦭꦺꦴꦤ꧀ꦲꦤꦏꦺꦴꦤ꧀ꦤꦶ꧈​ꦝꦸꦏ꧀ꦒꦼꦤ꧀ꦝꦸꦏ꧀ꦱꦶꦁ​ꦉꦤꦼ​ꦱꦥ꧈​ꦮꦶꦱ꧀ꦏꦺꦴꦤ꧀ꦝꦲ​ꦲꦗ​ꦮꦼꦢꦶ꧉​꧄ꦢꦺꦮꦶꦩꦼꦟꦸꦂꦱꦼꦠꦕ꧀ꦭꦛꦸ꧈ꦱꦼꦩꦸꦱꦗꦏ꧀ꦫꦶꦔꦶꦏꦿꦶꦔꦶꦏ꧀꧈​ꦩꦲꦸ​ꦲꦤ​ꦥꦫ​ꦠꦼꦏ꧈​ꦠꦮ​ꦧꦫꦁ​ꦥꦺꦤꦶ​ꦥꦺꦤꦶ꧈​ꦧꦚ꧀ꦗꦸꦂ​ꦲꦚꦸꦤ꧀ꦝꦸꦏ꧀ꦏꦶ​ꦗꦸꦁ​ꦏꦠ꧀꧈​ꦱꦧꦕꦸꦠ꧀ꦠꦼ​ꦲꦺꦴꦫ​ꦲꦺꦭꦶꦁ​꧉​꧅ꦏꦧꦺꦃꦥꦝꦩꦤ꧀ꦛꦸꦏ꧀ꦩꦤ꧀ꦛꦸꦏ꧀꧈ꦲꦤꦱꦶꦗꦶꦱꦶꦁꦤꦸꦠꦸꦂꦫꦶ꧈​ꦮꦶꦱ꧀ꦪ​ꦝꦸꦏ꧀ꦱꦲꦶꦏꦶ​ꦥꦺꦴꦩ꧈​ꦏꦺꦴꦮꦼ​ꦲꦗ​ꦮꦤꦶ​ꦮꦤꦶ꧈​ꦏꦼꦠꦼꦏꦤ꧀ꦤ​ꦱꦥ​ꦱꦥ꧈​ꦲꦗ​ꦔꦤ꧀ꦠꦶ​ꦏꦺꦴꦠꦼꦩꦺꦴꦤ꧀ꦤꦶ꧉ ꧄ꦏꦺꦴꦮꦼꦮꦼꦫꦸꦃꦲꦪꦒꦼꦤ꧀ꦝꦸꦏ꧀꧈ꦧꦺꦴꦏ꧀ꦩꦤꦮꦮꦺꦴꦁꦔꦥꦸꦱ꧀ꦱꦶ꧈​ꦪ​ꦲꦉꦥ꧀ꦥ​ꦲꦥ​ꦲꦥ꧈​ꦲꦼꦠꦺꦴꦒ꧀ꦒꦼꦤ​ꦧꦲꦼ​ꦲꦸꦮꦶꦱ꧀꧈​ꦪꦺꦤ꧀ꦲꦺꦴꦫ​ꦲꦔꦺꦴꦤꦺꦴ​ꦩꦸꦤ꧀ꦝꦏ꧀꧈​ꦥꦶꦗꦼꦂ​ꦩꦼꦝꦺꦴꦠ꧀ꦩꦼꦝꦺꦴꦠ꧀ꦥꦶꦏꦶꦂ꧉​

ꦏꦧꦂ​ꦮꦂꦤꦶ​ꦮꦂꦤꦶ​

꧋ꦥꦼꦛꦶꦏ꧀ꦏꦤ꧀ꦱꦏꦶꦁꦱꦼꦫꦠ꧀ꦱꦼꦫꦠ꧀ꦏꦧꦂꦱꦤꦺꦱ꧀ꦓꦸ

꧋ꦢꦶꦥꦸꦤ꧀ꦠꦼꦠꦼꦥ꧀ꦥꦏꦼꦤ꧀ꦢꦢꦺꦴꦱ꧀ꦝꦺꦴꦏ꧀ꦠꦼꦂꦥꦼꦂꦩꦺꦤ꧀꧈​ꦩꦁ​ꦒꦺꦤ꧀ C.B.Z. ꦯꦸꦫꦧꦪꦠꦸꦮꦤ꧀ꦎꦆꦯ꧀ꦮꦶꦥꦸꦤ꧀ꦭꦤ꧀ꦯꦸꦩꦢꦶ꧉ꦲꦶꦁꦯꦼꦩꦫꦁ꧇ ꦠꦸꦮꦤ꧀ꦱꦸꦏꦢꦶꦱ꧀ꦠꦶꦂꦠꦢꦂꦩ꧈ꦠꦸꦮꦤ꧀ꦎꦱ꧀ꦩꦤ꧀ꦱꦭꦺꦃꦒꦼꦭꦂ​ꦯꦸꦠꦤ꧀ꦠꦼꦩꦼꦁ​ꦒꦸꦁ​꧉​ꦲꦶꦁ​C.B.Z꧉ꦮꦺꦭ꧀ꦠꦼꦦꦿꦺꦝꦼꦤ꧀꧈ꦫꦢꦺꦤ꧀ꦥꦸꦂꦮꦱꦸꦢꦂꦩ꧉

꧋ꦥꦢꦸꦏꦠꦸꦮꦤ꧀ꦲꦁ J.K. Onnen꧈ꦥꦺꦴꦏꦿꦸꦭ꧀ꦗꦼꦤ꧀ꦢꦿꦭ꧀ꦲꦶꦁꦏꦁꦗꦸꦩꦼꦤꦼꦁꦲꦺꦁꦒꦭ꧀꧈ꦒꦼꦤꦱ꧀ꦱꦶ​ꦥꦢꦸꦏ​ꦠꦸꦮꦤ꧀ Mr. H.G.P. Duyfjes ꦥꦺꦴꦏꦿꦸꦭ꧀ꦗꦼꦤ꧀ꦢꦿꦭ꧀ꦲꦶꦁꦏꦁꦗꦸꦩꦼꦤꦼꦁꦢ꧀ꦫꦢ꧀ꦲꦶꦤ꧀ꦝꦶꦪ꧉

꧋ꦧꦝꦼꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦏꦺꦴꦁꦒꦿꦺꦱ꧀ꦄꦭ꧀ꦆꦱ꧀ꦭꦩ꧀ꦲꦶꦁ​ꦔꦪꦺꦴꦓꦾ​ꦮꦶꦮꦶꦠ꧀ꦠꦁ​ꦒꦭ꧀ 26 ꦢꦸꦩꦸꦒꦶ 29 ꦮꦸꦭꦤ꧀ꦥꦸꦤꦶꦏ꧈ꦏꦗꦮꦶꦲꦶꦁꦧ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀꧈ꦲꦸꦒꦶ​ꦧꦝꦼ​ꦢꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦤꦏꦼꦤ꧀ꦱꦺꦴꦱꦺꦴꦫꦃ​ꦏꦩꦗꦼꦁ​ꦔꦤ꧀ꦤꦶꦥꦸꦤ꧀ P.S.I. ꦤꦼꦠꦼꦥ꧀ꦥꦏꦼꦤ꧀ꦱꦼꦠꦠꦸꦠꦼꦤ꧀꧈ꦏꦼꦩ꧀ꦥꦭ꧀ꦭꦶꦁꦥꦫꦔꦸꦭꦩ꧈ꦠꦸꦮꦶꦤ꧀ꦥꦢꦩꦼꦭ꧀ꦭꦤ꧀ꦤꦶꦥꦸꦤ꧀꧉​ꦔꦽꦩ꧀ꦧꦒ꧀ꦲꦶꦁ​ꦧꦧ꧀ꦲꦢꦼꦒ꧀ꦒꦶꦥꦸꦤ꧀ꦏꦼꦩ꧀ꦥꦭ꧀ꦭꦶꦁ​ꦥꦫ​ꦔꦸꦭꦩ꧈​ꦱꦺꦴꦱꦺꦴꦫꦃ​ S.I.꧉ꦎꦤ꧀ꦢꦼꦂꦮꦶꦱ꧀꧈ꦥꦸꦤꦥꦢꦼꦤꦼꦥꦿꦺꦴꦥꦒꦤ꧀ꦝꦃꦧꦧ꧀ꦠꦶꦪꦁꦩꦶꦁ​ꦒꦃ​ꦏꦗꦶ​ꦝꦠꦼꦁ​ꦩꦼꦏꦃ꧉​

꧋ꦧꦼꦱ꧀ꦠꦶꦂꦫꦶꦁꦥꦺꦴꦭꦶꦏ꧀ꦭꦶꦤꦶꦏ꧀ꦩꦸꦲꦩ꧀ꦩꦢ꧀ꦢꦶꦪꦃꦲꦶꦁ​ꦯꦸꦫꦧꦪ꧈​ꦠꦩ꧀ꦥꦶ​ꦢꦂꦩ​ꦲꦂꦠ​ꦱꦏꦶꦁ​ Jaarmarkt Vereeniging ꦯꦸꦫꦧꦪꦏꦛꦃꦲꦶꦥꦸꦤ꧀ f 560.03꧈ꦢꦂꦩꦮꦲꦸꦏꦠꦩ꧀ꦥꦶꦏꦤ꧀ꦛꦶꦒꦼꦁꦔꦶꦁꦤꦸꦮꦸꦤ꧀꧉

꧋ꦏꦮꦂꦠꦺꦴꦱ꧀ꦱꦏꦼꦤ꧀꧈ꦧꦶꦭꦶꦃꦧꦼꦚ꧀ꦗꦶꦁꦱꦊꦧꦼꦠ꧀ꦠꦶꦥꦸꦤ꧀ꦮꦸꦭꦤ꧀ꦩꦺꦲꦶ​ꦔꦗꦼꦁ​ꦥꦸꦤꦶꦏ꧈​ꦏꦁ​ꦗꦼꦁ​ꦠꦸꦮꦤ꧀ꦲꦶꦁ​ꦏꦁ​ꦮꦶꦕꦏ꧀ꦱꦤ​ꦧꦝꦼ​ꦫꦮꦸꦃ​ꦲꦶꦁ​ꦯꦸꦫꦏꦂꦠ​ꦠꦸꦮꦶꦤ꧀ꦔꦪꦺꦴꦓꦾꦏꦂꦠ꧈​ꦩꦫ​ꦠꦩꦸ​ꦝꦠꦼꦁ​ꦏꦫꦠꦺꦴꦤ꧀ꦏꦏꦭꦶꦃ​ꦲꦸꦠꦮꦶ​ꦝꦠꦼꦁ​ꦩꦁ​ꦏꦸꦟꦒꦫꦤ꧀ꦠꦸꦮꦶꦤ꧀ꦥꦏꦸꦲꦄꦭꦩ꧀ꦩꦤ꧀꧈​ꦲꦩꦊꦱ꧀ꦱꦶ​ꦲꦁ​ꦒꦺꦤ꧀ꦤꦶꦥꦸꦤ꧀ꦥꦫ​ꦲꦒꦸꦁ​ꦱꦏꦮꦤ꧀ꦮꦲꦸ​ꦱꦩ꧀ꦥꦸꦤ꧀ꦤꦠꦼ​ꦲꦠꦸꦠꦸꦮꦶ​ꦲꦶꦁ​ꦏꦁ​ꦗꦼꦁ​ꦠꦸꦮꦤ꧀ꦲꦶꦁ​ꦏꦁ​ꦮꦶꦕꦏ꧀ꦱꦟ꧉​ꦭꦩꦶꦤꦶꦁ​ꦠꦶꦤ꧀ꦢꦏ꧀ꦢꦊꦩ꧀ꦮꦲꦸ​ꦧꦝꦼ​ꦤꦼꦩ꧀ꦢꦶꦤ꧀ꦠꦼꦤ꧀꧉

꧋ꦱꦩ꧀ꦧꦼꦠ꧀ꦏꦭꦶꦪꦤ꧀ꦲꦁꦒꦺꦤ꧀ꦤꦶꦁ B.O.꧉ꦒꦝꦃꦏꦗꦼꦁꦧꦝꦼꦩꦤꦸꦁꦒꦶꦭ꧀ꦝꦠꦼꦁ P.P.P.K.I.꧉ꦥꦸꦤꦶꦏꦧꦝꦼꦔꦼꦮꦃꦲꦶꦱꦼꦠꦠꦸꦠꦼꦤ꧀꧉ꦲꦺꦮꦃꦲꦶꦁꦠꦠꦸꦠꦼꦤ꧀ꦮꦲꦸ​ꦭꦗꦼꦁ​ꦔꦼꦢꦼꦒ꧀ꦒꦏꦼꦤ꧀ꦱꦠꦸꦁ​ꦒꦶꦭ꧀ꦭꦶꦁ​ꦏꦸꦩꦶꦱꦶ꧈​ꦲꦶꦁ​ꦏꦁ​ꦢꦶꦥꦸꦤ꧀ꦥꦔꦒꦼꦁ​ꦧ꧀ꦒꦶ​ꦲꦶꦁ​ꦥꦚ꧀ꦗꦼꦤꦼꦁ​ꦔꦤ꧀ꦤꦶꦥꦸꦤ꧀ꦫꦢꦺꦤ꧀ꦩꦱ꧀ꦲꦢꦶꦦꦠꦶ​ꦲꦂꦪ​ꦏꦸꦯꦸꦩ​ꦲꦸꦠꦪ꧈​ꦩꦶꦤꦺꦴꦁ​ꦏ​ꦥꦸꦂꦱꦶꦠꦼꦂ꧉​ꦲꦶꦁ​ꦏꦁ​ꦢꦢꦺꦴꦱ꧀ꦏꦸꦩꦶꦱꦶ​ꦫꦢꦺꦤ꧀ꦠꦸꦩꦼꦁ​ꦒꦸꦁ​ꦗꦏ꧀ꦱꦢꦶꦦꦸꦫ꧈​ꦱꦼꦠꦸꦝꦺꦤ꧀ꦥꦩꦸꦭꦁ​ꦔꦤ꧀ꦥꦔꦢꦶꦭ꧀ꦭꦤ꧀ꦭꦸꦲꦸꦂ​ꦠꦸꦮꦶꦤ꧀ꦫꦢꦺꦤ꧀ꦱꦸꦠꦥ​ꦮꦤꦧꦪ꧈​ꦥꦸꦤꦥꦢꦼꦤꦼ​ꦥꦿꦶꦪꦤ꧀ꦠꦸꦤ꧀ꦲꦶꦁ​ꦨꦠꦮꦶ​ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀꧈​ꦩꦁ​ꦒꦺꦤ꧀ꦲꦶꦁ​ꦨꦠꦮꦶ꧉​

꧋ꦥꦩꦉꦤ꧀ꦠꦃꦧꦝꦼꦥꦫꦶꦁꦏꦫꦩ꧀ꦥꦸꦁꦔꦤ꧀ꦲꦤꦼꦠꦼꦥ꧀ꦥꦏꦼꦤ꧀ꦮꦸꦭꦁ​ꦔꦤ꧀ꦧꦱ​ꦡꦶꦪꦺꦴꦁꦲ꧀ꦮ​꧈​ꦱꦤꦺꦱ꧀ꦕꦶꦁ​ꦲꦶꦩ꧀꧈​ꦮꦺꦴꦤ꧀ꦠꦼꦤ꧀ꦲꦶꦁ​ Holl. Chineesche Kweekschool꧉ꦲꦶꦁꦩꦺꦱ꧀ꦠꦼꦂꦏꦺꦴꦂꦤꦺꦭꦶꦱ꧀꧉