Kaca:Kajawen 05 1928-01-18.pdf/19

Saka Wikisumber
Kaca iki durung katitiwaca

ꦮꦼ​ꦱꦸꦢꦶ꧈​ꦱꦶ​ꦩꦼꦟꦸꦂꦱꦼꦠ​ꦗꦼꦤꦼꦁ​ꦏꦸ꧈​ꦲꦏꦸ​ꦲꦶꦪ​ꦏꦼꦢꦸꦒ꧈​ꦲꦔ꧀ꦭꦏꦺꦴꦤ꧀ꦤꦶ​ꦲꦥ​ꦱꦥꦏꦺꦴꦤ꧀ꦩꦸ​ꦩꦲꦸ꧈​ꦩꦸꦒ​ꦩꦸꦒ​ꦏꦼꦭꦏꦺꦴꦤ꧀ꦤ꧈​ꦲꦏꦸ​ꦧꦶꦱ​ꦲꦔ꧀ꦭꦢꦺꦤ꧀ꦤꦶ꧉꧄ ꦲꦶꦁꦱꦲꦶꦏꦶꦩꦼꦟꦸꦂꦱꦼꦠ꧈ꦲꦸꦮꦶꦱ꧀ꦠꦼꦤ꧀ꦠꦽꦩ꧀ꦏꦤ꧀ꦛꦶꦱꦼꦤꦼꦁ​ꦔꦶꦁ​ꦲꦠꦶ꧈​ꦫꦸꦩꦱ​ꦲꦺꦴꦭꦺꦃ​ꦥꦶꦠꦸꦭꦸꦁ​꧈​ꦩꦁ​ꦒꦺꦴꦤ꧀ꦲꦶꦁ​ꦥꦔꦸꦁ​ꦱꦼꦤ꧀ꦤꦤ꧀꧈​ꦲꦢꦺꦴꦃ​ꦱꦏ​ꦲꦤꦤꦼ​ꦧꦪ​ꦥꦏꦼꦮꦸꦃ꧈​ꦤꦢꦾꦤ꧀ꦱꦱꦠ꧀ꦠꦤ꧀ꦥ​ꦏꦺꦴꦚ꧀ꦕ꧈​ꦩꦸꦁ​ꦚꦠꦤꦼ​ꦱꦸꦒꦶꦃ​ꦏꦤ꧀ꦛꦶ꧉

ꦏꦧꦂꦮꦂꦤꦶꦮꦂꦤꦶ

꧋ꦥꦼꦛꦶꦏ꧀ꦏꦤ꧀ꦱꦏꦶꦁꦱꦼꦫꦠ꧀ꦱꦼꦫꦠ꧀ꦏꦧꦂꦱꦤꦺꦱ꧀꧉

꧋ꦄꦱꦶꦱ꧀ꦠꦺꦤ꧀ꦮꦢꦤꦲꦶꦁꦕꦶꦤ꧀ꦞꦒꦨꦚꦸꦩꦱ꧀꧈ꦔ꧀ꦭꦥꦸꦂꦫꦏꦼꦤ꧀ꦝꦠꦼꦁ​ꦥꦔꦒꦼꦁ​꧈​ꦧꦶꦭꦶꦃ​ꦥꦗꦠꦺꦤ꧀ꦲꦶꦁ​ꦩꦤ꧀ꦝꦶꦫꦚ꧀ꦕꦁ​꧈​ꦡꦸꦩꦶꦪꦁ​ꦠꦸꦮꦶꦤ꧀ꦒꦩ꧀ꦧꦂꦱꦫꦶ​ꦱꦩꦶ​ꦏꦠꦿꦗꦁ​ꦲꦶꦁ​ꦲꦩ​ꦮꦭꦁ​꧈​ꦲꦶꦁ​ꦏꦁ​ꦢꦶꦥꦸꦤ꧀ꦮꦱ꧀ꦠꦤ꧀ꦤꦶ​ꦮꦭꦁ​ꦗꦠꦶ꧈​ꦮꦭꦁ​ꦥꦸꦤꦶꦏ​ꦔꦿꦶꦱꦏ꧀ꦮꦶꦠ꧀ꦮꦶꦠ꧀ꦠꦤ꧀ꦠꦸꦮꦶꦤ꧀ꦠꦠꦤꦼꦩ꧀ꦩꦤ꧀ꦲꦶꦁ​ꦥꦝꦸꦱꦸꦤ꧀ꦤꦤ꧀ꦮꦲꦸ꧉​

꧋ꦩꦡꦫꦩ꧀ꦩꦂꦠꦺꦴꦱ꧀ꦱꦏꦼꦤ꧀꧈ꦎꦠꦺꦴ​ꦥꦺꦴꦭꦶꦏ꧀ꦭꦶꦤꦶꦏ꧀ꦲꦶꦁ​ꦏꦁ​ꦤꦺꦴꦩꦼꦂ​ꦏꦭꦶꦃ꧈ꦒꦝꦃꦲꦤ꧀ꦤꦶꦥꦸꦤ꧀ Petronella-hospitaal ꦲꦶꦁꦔꦪꦺꦴꦓꦾ꧈ꦱꦩ꧀ꦥꦸꦤ꧀ꦏꦧꦶꦝꦭ꧀ꦭꦏꦼꦤ꧀ꦩꦭꦶꦃ꧈ꦲꦶꦁꦏꦁꦢꦶꦥꦸꦤ꧀ꦝꦠꦼꦁ​ꦔꦶ꧇​ꦝꦸꦱꦸꦤ꧀ꦏꦼꦗꦪꦤ꧀꧈​ꦩꦓꦸꦮ꧈​ꦏꦼꦟꦪꦤ꧀꧈​ꦔꦼꦩ꧀ꦥꦭ꧀꧈​ꦓꦿꦺꦴꦒꦺꦴꦭ꧀ꦭꦤ꧀꧈​ꦨꦼꦢꦺꦴꦪꦺꦴ​ꦠꦸꦮꦶꦤ꧀ꦧꦤ꧀ꦢꦫꦂꦗ꧉​ꦭꦩ꧀ꦥꦃꦲꦶꦁ​ꦎꦠꦺꦴ​ꦲꦶꦁ​ꦏꦁ​ꦫꦸꦩꦶꦪꦶꦤ꧀ꦏꦛꦃ​ꦱꦔꦼꦠ꧀ꦲꦁ​ꦒꦺꦤ꧀ꦤꦶꦥꦸꦤ꧀ꦩꦶꦠꦸꦭꦸꦁ​ꦔꦶ​ꦠꦶꦪꦁ​ꦱꦏꦶꦠ꧀꧈​ꦲꦶꦁ​ꦱꦧꦼꦤ꧀ꦢꦶꦤ꧀ꦠꦼꦤ꧀ꦔꦤ꧀ꦠꦺꦴꦱ꧀ꦲꦁ​ꦱꦭ꧀ꦠꦶꦪꦁ​ꦲꦠꦸꦱ꧀ꦱꦤ꧀꧉

꧋ꦏꦭꦢꦶꦤ꧀ꦠꦼꦤ꧀ꦏꦼꦩꦶꦱ꧀ꦏꦼꦥꦼꦁꦏꦼꦂꦱꦼꦠꦺꦩ꧀ꦏꦤ꧀ꦠꦺꦴꦂ​ꦠꦸꦩꦿꦥ꧀ꦥꦿꦺꦴꦥꦶꦤ꧀ꦱꦶ​ꦪꦊꦤ꧀ꦫꦢ꧀ꦲꦢꦩꦼꦭ꧀ꦥꦉꦥꦠ꧀ꦠꦤ꧀꧈​ꦠꦸꦮꦤ꧀ꦱꦸꦢꦂꦠ​ꦩꦁ​ꦏꦸꦱꦸꦧꦿꦠ꧈​ꦭꦶꦢ꧀ꦲꦶꦁ​ꦏꦁ​ꦏꦠꦼꦠꦼꦥ꧀ꦥꦏꦼꦤ꧀ꦲꦺꦁ​ꦒꦭ꧀꧈​ꦲꦶꦁ​ꦏꦁ​ꦲꦁ​ꦒꦼꦤ꧀ꦠꦺꦴꦱ꧀ꦱꦶ​ꦏꦁ​ꦗꦼꦁ​ꦧꦸꦥꦠꦶ​ꦕꦽꦨꦺꦴꦤ꧀꧈​ꦧꦺꦴꦠꦼꦤ꧀ꦱꦒꦼꦢ꧀ꦲꦤꦩ꧀ꦥꦺꦤ꧀ꦤꦶ​ꦥꦢꦩꦼꦭ꧀ꦭꦤ꧀ꦮꦲꦸ꧈​ꦲꦩꦂꦒꦶ​ꦥꦚ꧀ꦗꦼꦤꦼꦁ​ꦔꦤ꧀ꦤꦶꦥꦸꦤ꧀ꦏꦥꦶꦤ꧀ꦝꦃ​ꦩꦼꦢꦭ꧀ꦱꦏꦶꦁ​ꦮꦼꦮꦼꦁ​ꦏꦺꦴꦤ꧀ꦥꦿꦺꦴꦥꦺꦤ꧀ꦱꦶ꧉​ꦲꦶꦁ​ꦱꦥꦸꦤꦶꦏ​ꦱꦩ꧀ꦥꦸꦤ꧀ꦤꦼꦠꦼꦥ꧀ꦥꦏꦼꦤ꧀ꦭꦶꦢ꧀ꦩꦭꦶꦃ꧈​ꦩꦶꦤꦺꦴꦁ​ꦏ​ꦒꦼꦒꦼꦤ꧀ꦠꦺꦴꦱ꧀ꦱꦶꦥꦸꦤ꧀꧈​ꦲꦶꦁ​ꦒꦶꦃ​ꦥꦸꦤꦶꦏ​ꦫꦢꦺꦤ꧀ꦩꦸꦲꦩ꧀ꦩꦢ꧀ꦄꦂꦱꦶꦠꦺꦏ꧀ B.O.W. ꦩꦁꦒꦺꦤ꧀ꦲꦶꦁꦯꦶꦤ꧀ꦝꦁꦭꦲꦸꦠ꧀꧈ꦕꦽꦨꦺꦴꦤ꧀꧉

꧋ꦏꦮꦂꦠꦺꦴꦱ꧀ꦱꦏꦼꦤ꧀ꦲꦶꦁ​ꦨꦠꦮꦶ​ꦩꦼꦤ꧀ꦠꦱ꧀ꦮꦺꦴꦤ꧀ꦠꦼꦤ꧀ꦥꦿꦲꦫ​ꦲꦒꦼꦁ​꧈​ꦤꦿꦗꦁ​ꦲꦶꦁ​ꦝꦸꦱꦸꦤ꧀ꦥꦸꦭꦺꦴ​ꦧꦩ꧀ꦧꦸ꧈​ꦏꦼꦦꦸꦃ꧈​ꦦꦸꦭꦺꦴ​ꦏꦼꦕꦶꦭ꧀ꦠꦸꦮꦶꦤ꧀ꦏꦡꦶꦩꦲ꧈​ꦲꦢꦩꦼꦭ꧀ꦏꦫꦶꦱꦏ꧀ꦏꦤ꧀ꦏꦛꦃ꧈​ꦒꦿꦶꦪ​ꦒꦿꦶꦪ​ꦠꦸꦮꦶꦤ꧀ꦒꦸꦧꦸꦒ꧀ꦲꦶꦁ​ꦏꦁ​ꦲꦩ꧀ꦧꦿꦸꦏ꧀꧈​ꦕꦕꦃ​ꦮꦸꦮꦸꦁ​ꦮꦺꦴꦤ꧀ꦠꦼꦤ꧀ꦒꦶꦃ 50꧉ꦮꦶꦠ꧀ꦮꦶꦠ꧀ꦠꦤ꧀ꦲꦶꦁꦏꦁꦱꦩꦶꦱꦺꦴꦭ꧀ꦲꦶꦁꦏꦛꦃ꧈ꦠꦸꦩ꧀ꦥꦸꦏ꧀ꦏꦤ꧀ꦮꦶꦗꦶ​ꦥꦤ꧀ꦠꦸꦤ꧀ꦏꦠꦸꦠ꧀ꦏꦧꦸꦂ​ꦩꦺꦴꦮꦠ꧀ꦩꦮꦸꦠ꧀꧉​ꦏꦱꦁ​ꦱꦫꦤ꧀ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀꧉

꧋ꦗꦭꦂꦫꦤ꧀ꦱꦏꦶꦁꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦥꦏꦧꦂꦫꦤ꧀ꦲꦶꦁꦏꦼꦁ​ꦥꦺꦴ​ꦠꦁ​ꦒꦭ꧀ 13 ꦱꦼꦥ꧀ꦠꦺꦩ꧀ꦧꦼꦂꦏꦥꦼꦁꦏꦼꦂ꧈ꦲꦶꦁꦏꦁꦏꦼꦔꦶꦁꦉꦱ꧀ꦝꦼꦭꦶꦏ꧀꧉ꦠꦸꦮꦤ꧀ꦠꦶꦪꦺꦴ​ꦧꦸꦤ꧀ꦲꦶꦤ꧀ꦏꦠꦼꦠꦼꦥ꧀ꦥꦏꦼꦤ꧀ꦏꦊꦥꦠ꧀ꦠꦤ꧀꧈​ꦲꦁ​ꦒꦶꦪꦂꦫꦏꦼꦤ꧀ꦥꦏꦧꦂꦫꦤ꧀ꦲꦶꦁ​ꦏꦁ​ꦱꦸꦫꦲꦺꦴꦱ꧀ꦔꦮꦺꦴꦤ꧀ꦲꦮꦺꦴꦤ꧀ꦠꦶꦪꦁ​꧉​ꦠꦸꦮꦤ꧀ꦮꦲꦸ​ꦏꦲꦸꦏꦸꦩ꧀ꦝꦼꦤ꧀ꦝ f 50,-ꦲꦸꦠꦮꦶꦲꦔ꧀ꦭꦩ꧀ꦥꦃꦲꦶꦲꦸꦏꦸꦩ꧀ꦧꦢꦤ꧀ 20 ꦤ꧀ꦠꦼꦤ꧀꧉

꧋ꦱꦮꦼꦤꦺꦃꦲꦶꦁꦏꦸꦭꦶꦲꦶꦁꦏꦁꦚꦩ꧀ꦧꦸꦠ꧀ꦢꦩꦼꦭ꧀ꦮꦺꦴꦤ꧀ꦠꦼꦤ꧀ꦲꦶꦁ​Scheepswerf ꦲꦶꦁꦦꦱꦂꦲꦶꦏꦤ꧀꧈ꦨꦠꦮꦶ꧈ꦝꦮꦃꦱꦏꦶꦁꦧꦲꦶꦠꦩꦺꦴꦠꦺꦴꦂ Hendrik ꦏꦼꦕꦼꦩ꧀ꦥ꧀ꦭꦸꦁꦭꦺꦥꦺꦤ꧀ꦲꦶꦁꦏꦁꦱꦤ꧀ꦠꦼ꧉ꦠꦶꦪꦁꦔꦶꦥꦸꦤ꧀ꦠꦼꦫꦸꦱ꧀ꦲꦶꦕꦭ꧀꧈​ꦱꦥꦿꦶꦏꦶ​ꦩꦪꦶꦠ꧀ꦠꦶꦥꦸꦤ꧀ꦢꦺꦫꦺꦁ​ꦥꦶꦤꦁ​ꦒꦶꦃ꧉​

꧋ꦏꦮꦿꦠ꧀ꦲꦶꦁꦧꦼꦱ꧀ꦭꦶꦠ꧀ꦒꦸꦥꦼꦂꦩꦺꦤ꧀ꦱꦼꦠꦠ꧀ꦱꦼꦧ꧀ꦭꦢ꧀ 1919 No. 231 ꦲꦶꦁꦧꦧ꧀ꦥꦔꦸꦥꦏꦫꦭꦲꦤ꧀ꦤꦤ꧀ꦲꦶꦁꦒꦿꦶꦪꦱꦏꦶꦠ꧀ꦩꦶꦭꦶꦠꦺꦂꦠꦩꦿꦥ꧀ꦩꦸꦫꦶꦢ꧀ꦩꦸꦫꦶꦢ꧀ꦱꦼꦏꦺꦴꦭꦃꦲꦤ꧀ voortgezet Inlandsch onderwijs ꦮꦶꦮꦶꦠ꧀ꦠꦁꦒꦭ꧀ 1 ꦗꦸꦭꦶ 1927 ꦏꦮꦮꦲꦤ꧀ꦠꦸꦩꦿꦥ꧀ꦩꦸꦫꦶꦢ꧀ Mulo ꦲꦶꦁꦏꦁꦧꦝꦼꦝꦠꦼꦁꦥꦩꦸꦭꦔꦤ꧀ Osvia꧈ꦠꦸꦮꦶꦤ꧀ꦩꦸꦫꦶꦢ꧀ Openbare Holl꧉ Inlandsche Kweekschool ​ꦲꦶꦁꦔꦩ꧀ꦧꦺꦴꦤ꧉

꧋Pait ꦩꦂꦠꦺꦴꦱ꧀ꦱꦏꦼꦤ꧀꧈ꦧꦶꦭꦶꦃꦩꦱ꧀ꦄꦧ꧀ꦢꦸꦭ꧀ꦏꦩꦶꦢ꧀꧈ꦲꦺꦊꦥ꧀ꦥꦺꦴꦱ꧀ꦏꦺꦴꦩ꧀ꦩꦶꦱ꧀ꦲꦶꦁ​ꦦꦒꦤ꧀ꦝꦺꦴꦤ꧀꧈​ꦏꦺꦴꦤꦁ​ꦔꦤ꧀ꦲꦁ​ꦒꦺꦤ꧀ꦤꦶꦥꦸꦤ꧀ꦔꦁ​ꦒꦼ​ꦲꦂꦠ​ꦲꦶꦁ​ꦏꦁ​ꦢꦢꦺꦴꦱ꧀ꦠꦠꦁ​ꦒꦼꦭ꧀ꦭꦤ꧀ꦤꦶꦥꦸꦤ꧀ꦒꦸꦁ​ꦒꦸꦁ​ f 1500 ꦱꦲꦭꦗꦼꦁꦏꦼꦱꦃ꧉ꦠꦶꦪꦁꦒꦝꦃꦔꦶꦤ꧀ꦠꦼꦤ꧀ꦧꦶꦭꦶꦃꦥꦶꦪꦩ꧀ꦧꦏ꧀ꦏꦶꦥꦸꦤ꧀ꦲꦸꦩ꧀ꦥꦼꦠ꧀ꦠꦤ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦦꦏꦭꦺꦴꦁ​ꦔꦤ꧀꧈​ꦯꦸꦫꦏꦂꦠ​ꦲꦸꦠꦮꦶ​ꦗꦸꦮꦟ꧈​ꦲꦸꦒꦶ​ꦱꦩ꧀ꦥꦸꦤ꧀ꦢꦶꦥꦸꦤ꧀ꦥꦢꦺꦴꦱ꧀ꦱꦶ​ꦝꦠꦼꦁ​ꦠꦶꦒꦁ​ꦥꦁ​ꦒꦼꦤ꧀ꦤꦤ꧀ꦮꦲꦸ꧈​ꦤꦔꦶꦁ​ꦢꦺꦫꦺꦁ​ꦮꦺꦴꦤ꧀ꦠꦼꦤ꧀ꦥꦮꦂꦠꦺꦴꦱ꧀ꦱꦶꦥꦸꦤ꧀ꦥꦸꦤꦥ​ꦥꦸꦤꦥ꧉​

꧋ꦲꦮꦶꦠ꧀ꦱꦏꦶꦁꦒꦼꦊꦁꦔꦶꦁꦉꦩ꧀ꦧꦒ꧀ꦒꦶꦁꦧꦼꦱ꧀ꦠꦶꦂ Ardjoenaschoolvereeniging ꦲꦶꦁꦨꦚ꧀ꦗꦤꦒꦫ꧈ꦧꦼꦚ꧀ꦗꦶꦁꦮꦶꦮꦶꦠ꧀ꦮꦸꦭꦤ꧀ꦗꦸꦭꦶ 1928 ꦧꦝꦼꦲꦩ꧀ꦧꦶꦏꦏ꧀ꦕꦧꦁ꧈ꦲꦶꦁꦒꦶꦃꦥꦸꦤꦶꦏ꧈ Frobelschool 1꧈ onderbouw Muloschool 1 ꦠꦸꦮꦶꦤ꧀ Schakelschool 1꧉ꦲꦢꦼꦒ꧀ꦒꦶꦁꦱꦼꦏꦺꦴꦭꦃꦲꦤ꧀ꦠꦶꦠꦶꦒꦮꦲꦸ꧈ꦲꦶꦁꦒꦶꦃꦧꦝꦼꦢꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦤꦏꦼꦤ꧀ꦒꦿꦶꦪ​ꦥꦩꦺꦴꦤ꧀ꦝꦺꦴꦏ꧀ꦏꦤ꧀꧈​ꦤꦩ​ꦥꦤ꧀ꦠꦶ​ꦱꦶꦱ꧀ꦮ꧈​ꦧꦝꦼ​ꦩꦮꦶ​ꦢꦶꦥꦸꦤ꧀ꦲꦮꦠ꧀ꦲꦮꦠ꧀ꦠꦶ​ꦲꦶꦁ​ꦒꦸꦫꦸ꧈​ꦠꦸꦮꦶꦤ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦔꦿꦶꦏꦸ​ꦧꦝꦼ​ꦢꦶꦥꦸꦤ꧀ꦮꦸꦭꦁ​ꦥꦢꦩꦼꦭ꧀ꦭꦤ꧀ꦒꦿꦶꦪ​ꦱꦂꦠ​ꦚꦼꦥꦼꦁ​ꦏꦧꦼꦠꦃꦲꦤ꧀ꦤꦶꦁ​ꦧꦊ​ꦒꦿꦶꦪ꧉​ꦱꦲ​ꦲꦸꦒꦶ​ꦧꦝꦼ​ꦢꦩꦼꦭ꧀ Ambachtsschool ꦥꦿꦶꦧꦸꦩꦶ꧈ꦧꦝꦼꦏꦁꦒꦼꦤꦩ꧀ꦥꦺꦤ꧀ꦤꦶꦭꦉꦮꦼꦢꦭ꧀ꦭꦤ꧀ꦱꦏꦶꦁꦥꦩꦸꦭꦁ​ꦔꦤ꧀ꦎꦁ​ꦏ​ 2꧉

꧋ꦲꦶꦁꦦꦸꦂꦮꦺꦴꦏꦼꦂꦠꦧꦝꦼꦢꦶꦥꦸꦤ꧀ꦲꦼꦢꦼꦒ꧀ꦒꦶ Cooperatie-bank ꦢꦼꦤꦶꦁ S.G.B. ꦢꦶꦥꦸꦤ꧀ꦤꦩꦏ꧀ꦲꦏꦼꦤ꧀꧇ ꦢ꧀ꦮꦶꦗꦱꦫꦪ꧉ꦥꦶꦏꦗꦼꦁꦔꦤ꧀ꦤꦶꦥꦸꦤ꧀ꦧꦝꦼꦩꦶꦠꦸꦭꦸꦁꦔꦶꦲꦂꦠ​ꦝꦠꦼꦁ​ꦥꦫ​ꦒꦸꦫꦸ​ꦥꦿꦶꦧꦸꦩꦶ꧈​ꦲꦶꦁ​ꦏꦁ​ꦢꦢꦺꦴꦱ꧀ꦮꦂꦒꦤꦶꦁ​ꦥꦏꦼꦩ꧀ꦥꦭ꧀ꦭꦤ꧀꧉​ꦲꦶꦁ​ꦏꦁ​ꦩꦔꦒꦼꦁ​ꦔꦶ​ꦠꦸꦮꦤ꧀ꦢꦂꦩꦯꦶꦱ꧀ꦮꦪ꧈​ꦒꦸꦫꦸ​ꦤꦺꦴꦂꦩꦭ꧀ꦱꦼꦏꦸꦭ꧀ꦲꦶꦁ​ꦦꦸꦂꦮꦏꦼꦂꦠ꧉​