Kaca:Kajawen 05 1928-01-18.pdf/15

ꦉꦩ꧀ꦧꦒꦶꦥꦸꦤ꧀ꦯꦼꦩꦂ꧈​ꦓꦫꦺꦁ​꧈​ꦭꦤ꧀ꦦꦼꦠꦿꦸꦏ꧀

꧋ꦧꦧ꧀ ꦮꦮꦠꦼꦏ꧀ꦏꦤ꧀ꦤꦶꦥꦸꦤ꧀ꦠꦶꦪꦁꦚꦩ꧀ꦧꦸꦠ꧀ꦢꦩꦼꦭ꧀꧉(ꦕꦤ꧀ꦝꦏ꧀ꦏꦶꦥꦸꦤ꧀ꦏꦗꦮꦺꦤ꧀ꦎꦁ​ꦏ​ 4)

꧋ꦯꦼꦩꦂ​꧇​ ꦏꦪꦏꦪꦲꦁꦒꦺꦴꦤ꧀ꦏꦸꦚꦿꦶꦠꦏ꧀ꦲꦏꦼꦩꦸꦁꦒꦸꦃꦲꦶꦁꦮꦮꦠꦼꦏ꧀ꦏꦤ꧀ꦤꦼ​ꦟꦏꦸꦭ​ꦯꦢꦼꦮ꧈​ꦭꦤ꧀ꦲꦂꦗꦸꦟ꧈​ꦮꦶꦱ꧀ꦒꦩ꧀ꦧ꧀ꦭꦁ​꧈​ꦱꦲꦶꦏꦶ​ꦠꦏ꧀ꦮꦶꦮꦶꦠ꧀ꦠꦤ꧀ꦤꦼ​ꦔꦤ꧀ꦝꦂꦫꦏꦼ​ꦮꦮꦠ꧀ꦠꦼꦏꦤ꧀ꦤꦼ​ꦫꦢꦺꦤ꧀ꦨꦿꦠꦱꦼꦤ꧉​

꧋ꦓꦫꦺꦁ꧇ ꦮꦶꦪꦃ꧈ꦤꦺꦏ꧀ꦏꦁꦒꦺꦴꦤꦼꦗꦩꦤ꧀ꦱꦲꦶꦏꦶ꧈ꦱꦤꦢꦾꦤ꧀ꦠꦗꦉꦤꦼꦱꦲꦶꦏꦶ​ꦏꦶꦪꦶ​ꦢꦶꦪꦸꦤꦺꦏ꧀ꦲꦏꦼ​ꦗꦩꦤ꧀꧇​ ꦱꦩꦫꦱꦱꦩꦫꦠ꧈ꦲꦤꦔꦶꦁꦪꦺꦤ꧀ꦲꦺꦴꦫꦢꦸꦮꦼꦲꦸꦁꦒꦃꦲꦸꦁ​ꦒꦸꦃ꧈​ꦲꦺꦴꦫ​ꦮꦼꦫꦸꦃ​ꦠꦠ꧈​ꦲꦺꦴꦫ​ꦧꦶꦱ​ꦝꦺꦴꦝꦺꦴꦏ꧀ꦏꦪ​ꦫꦢꦺꦤ꧀ꦨꦿꦠꦱꦼꦤ꧈​ꦠꦼꦩ꧀ꦠꦸꦤꦼ​ꦱꦤꦢꦾꦤ꧀ꦭꦲꦶꦂꦫꦼ​ꦲꦺꦴꦫ​ꦢꦶꦪꦫꦸ​ꦧꦶꦫꦸ​ꦲꦶꦁ​ꦮꦺꦴꦁ​꧈​ꦲꦤꦔꦶꦁ​ꦧꦠꦶꦤ꧀ꦤꦼ​ꦫꦏ꧀ꦲꦶꦪ​ꦢꦶꦒꦿꦸꦤ꧀ꦢꦼꦭ꧀ꦭꦶ​ꦱꦱꦪꦃꦲꦶꦫ꧈​ꦏꦪ​ꦠ꧇​ ꦲꦺꦤ꧀ꦢꦃꦲꦺꦤ꧀ꦢꦃꦮꦺꦴꦁꦧꦸꦢꦲꦺꦴꦫꦔꦽꦠꦶꦠꦠ꧈ꦲꦼꦤ꧀ꦝꦱ꧀ꦱꦼ​ꦱꦊꦒꦼꦂ꧈​ꦫꦸꦩꦱꦤꦼ​ꦥꦸꦠꦿꦤꦼ​ꦱꦶꦁ​ꦩꦝꦼꦥ꧀ꦔꦼꦠꦤ꧀꧉​ꦲꦫ꧈​ꦲꦥ​ꦏꦸꦮꦶ​ꦏꦼꦥꦼꦤꦏ꧀ꦲꦫꦤ꧀ꦤꦼ꧉​ꦩꦺꦴꦁ​ꦏ​ꦗꦉꦤꦼ꧈​ꦮꦺꦴꦁ​ꦏꦸꦮꦶ​ꦤꦺꦏ꧀ꦲꦉꦥ꧀ꦏꦗꦺꦤ꧀꧈​ꦏꦸꦢꦸ​ꦔꦗꦺꦤ꧀ꦤꦶ​ꦲꦶꦁ​ꦭꦶꦪꦤ꧀꧉​ꦲꦩꦫ꧈​ꦲꦥ​ꦫꦢꦺꦤ꧀ꦨꦿꦤ꧀ꦠꦱꦼꦤ​ꦏꦸꦮꦶ​ꦒꦼꦊꦩ꧀ꦔꦗꦺꦤ꧀ꦤꦶ​ꦲꦶꦁ​ꦭꦶꦪꦤ꧀꧈​ꦫꦏ꧀ꦲꦶꦪ​ꦲꦺꦴꦫ​꧉

꧋ꦦꦼꦠꦿꦸꦏ꧀꧇ꦲꦤꦥꦫꦶꦧꦱꦤ꧀ꦮꦭꦺꦴꦤ꧀ꦢꦏꦁꦲꦸꦤꦶꦤꦼꦩꦁ​ꦏꦼꦤꦼ꧇​ꦱꦥ​ꦱꦶꦁ​ꦲꦺꦴꦫ​ꦮꦼꦒꦃ​ꦠꦤ꧀ꦱꦃ​ꦚꦼꦏꦼꦭ꧀ꦭꦶ​ꦠꦺꦴꦥꦶꦤꦼ​ꦲꦶꦁ​ꦠꦔꦤ꧀ꦤꦼ꧈​ꦱꦥꦫꦤ꧀ꦥꦫꦤ꧀ꦲꦶꦪ​ꦲꦺꦴꦫ​ꦧꦏꦭ꧀ꦏꦥꦶꦂꦫꦤ꧀꧉​ꦢꦢꦶ​ꦠꦼꦒꦼꦱ꧀ꦱꦼ꧇​ꦮꦺꦴꦁ​ꦏꦸꦮꦶ​ꦪꦺꦤ꧀ꦲꦺꦴꦫ​ꦮꦼꦒꦃ​ꦠꦤ꧀ꦱꦃ​ꦲꦮꦺꦃ​ꦲꦸꦂꦩꦠ꧀ꦲꦶꦁ​ꦭꦶꦪꦤ꧀꧈​ꦮꦶꦱ꧀ꦩꦼꦱ꧀ꦛꦶ​ꦲꦶꦪ​ꦧꦏꦭ꧀ꦏꦥꦼꦤꦏ꧀꧈​ꦕꦼꦏꦏ꧀ꦏꦼ​ꦮꦺꦴꦁ​ꦏꦸꦮꦶ​ꦢꦢꦶ​ꦏꦸꦢꦸ​ꦱꦶꦁ​ꦲꦤ꧀ꦝꦥ꧀ꦲꦱꦺꦴꦂ꧉​ꦲꦶꦁ​ꦩꦺꦴꦁ​ꦏ​ꦨꦿꦠꦱꦼꦤ​ꦏꦶ​ꦧꦁ​ꦱꦤꦼ​ꦧꦼꦁ​ꦏꦲꦸꦏ꧀꧈​ꦩꦺꦴꦃ​ꦧꦱ​ꦚꦁ​ꦥꦝꦤꦼ​ꦩꦤꦸꦱ꧈​ꦱꦥ​ꦱꦥ​ꦲꦶꦪ​ꦲꦉꦥ꧀ꦢꦶꦗꦮꦢꦶꦥ꧈​ꦪꦏ꧀꧈​ꦤꦺꦏ꧀ꦲꦏꦸ​ꦲꦶꦪ​ꦲꦺꦴꦫ​ꦪꦲꦎꦏ꧀꧉​

꧋ꦯꦼꦩꦂ꧇ ꦭꦺꦴ꧈ꦏꦺꦴꦮꦼꦲꦗꦏ꧀ꦭꦶꦫꦸꦠꦺꦴꦩ꧀ꦥ꧇ꦓꦫꦺꦁꦲꦸꦠꦮꦦꦼꦠꦿꦸꦏ꧀꧉​ꦲꦁ​ꦒꦺꦴꦤꦼ​ꦫꦢꦺꦤ꧀ꦨꦿꦠꦱꦼꦤ​ꦢꦶꦒꦩ꧀ꦧꦂ​ꦲꦺꦴꦫ​ꦧꦶꦱ​ꦝꦺꦴꦝꦺꦴꦏ꧀ꦭꦤ꧀ꦲꦺꦴꦫ​ꦧꦶꦱ​ꦧꦱ꧈​ꦏꦸꦮꦶ​ꦏꦉꦥ꧀ꦥꦼ​ꦱꦶꦁ​ꦔꦁ​ꦒꦶꦠ꧀ꦮꦪꦁ​꧈​ꦲꦉꦥ꧀ꦩꦿꦠꦼꦭꦏ꧀ꦲꦏꦼ꧈​ꦪꦺꦤ꧀ꦱꦮꦶꦗꦶ​ꦮꦶꦗꦶꦤꦶꦁ​ꦮꦺꦴꦁ​ꦏꦁ​ꦧꦼꦤꦼꦂ​ꦭꦏꦸꦤꦼ꧈​ꦲꦺꦴꦫ​ꦥꦽꦭꦸ​ꦢꦸꦮꦼ​ꦮꦼꦢꦶ​ꦏꦫꦺꦴ​ꦱꦥꦝꦤꦼ꧈​ꦲꦮꦶꦠ꧀ꦏꦧꦺꦃ​ꦏꦧꦼꦃ​ꦩꦲꦸ​ꦫꦏ꧀ꦱꦥꦝꦤꦼ​ꦠꦶꦠꦃ꧈​ꦢꦢꦶ​ꦏꦉꦥ꧀ꦥꦼ꧇​ ꦏꦧꦺꦃꦲꦸꦮꦺꦴꦁ꧈ꦲꦶꦪꦧꦺꦴꦁꦱꦲꦭꦸꦲꦸꦂꦲꦸꦠꦮꦧꦺꦴꦁ​ꦱ​ꦕꦶꦭꦶꦏ꧀꧈​ꦏꦸꦮꦶ​ꦧꦶꦱ​ꦲꦸꦁ​ꦒꦸꦭ꧀꧈​ꦧꦶꦱ​ꦲꦱꦺꦴꦂ꧈​ꦧꦶꦱ​ꦱꦸꦒꦶꦃ꧈​ꦧꦶꦱ​ꦩ꧀ꦭꦫꦠ꧀꧈​ꦧꦶꦱ​ꦩꦸꦭꦾ꧈​ꦧꦶꦱ​ꦤꦶꦱ꧀ꦛ꧈​ꦭꦤ꧀ꦱꦥꦝꦤꦼ꧉​ꦢꦢꦶ​ꦪꦺꦤ꧀ꦏꦺꦴꦮꦼ​ꦠꦼꦩꦼꦤ꧀ꦤꦤ꧀ꦲꦺꦴꦫ​ꦢꦸꦮꦼ​ꦏꦭꦸꦥꦸꦠ꧀ꦠꦤ꧀ꦲꦥ​ꦲꦥ꧈​ꦕꦼꦏꦏ꧀ꦏꦼ​ꦭꦏꦸꦤꦼ​ꦲꦠꦶꦩꦸ​ꦧꦼꦤꦼꦂ꧈​ꦢꦢꦶ​ꦲꦶꦪ​ꦲꦺꦴꦫ​ꦥꦽꦭꦸ​ꦮꦼꦢꦶ​ꦏꦫꦺꦴ​ꦱꦥꦝꦤꦼ​ꦩꦤꦸꦱ꧉​

꧋ꦓꦫꦺꦁ꧇ ꦩ꧈ꦱꦶꦁꦢꦶꦪꦫꦤ꧀ꦤꦶꦭꦏꦸꦧꦼꦤꦼꦂꦏꦸꦮꦶꦏꦼꦥꦿꦶꦪꦼ꧈ꦠ꧈ꦏꦪꦏꦪ​ꦱꦧꦼꦤ꧀ꦢꦶꦤ​ꦲꦠꦶꦏꦸ​ꦲꦶꦪ​ꦠꦤ꧀ꦱꦃ​ꦠꦏ꧀ꦗꦒ꧈​ꦱꦸꦥꦪ​ꦭꦏꦸꦏꦸ​ꦧꦶꦱ​ꦧꦼꦤꦼꦂ꧈​ꦏꦪ​ꦠ꧇​ ꦤꦺꦏ꧀ꦥꦶꦠꦶꦏ꧀ꦏꦼꦠꦁꦒꦤꦼꦏꦧꦼꦤꦼꦂꦭꦒꦶꦱꦧ꧈ꦲꦺꦴꦫꦲꦺꦴꦫꦤꦼ​ꦧꦏꦭ꧀ꦠꦏ꧀ꦧꦼꦝꦺꦴꦒ꧀꧈​ꦩꦤꦮ​ꦏꦶꦫ​ꦏꦶꦫꦤꦼ​ꦱꦶꦁ​ꦢꦸꦮꦼ​ꦧꦏꦭ꧀ꦮꦼꦫꦸꦃ꧉

꧋ꦯꦼꦩꦂ꧇ ꦭꦭꦏꦺꦴꦤ꧀ꦩꦸꦱꦶꦁꦩꦼꦁꦏꦺꦴꦤꦺꦴꦏꦸꦮꦶꦲꦺꦴꦫ