Kaca:Kajawen 04 1928-01-14.pdf/15

Saka Wikisumber
Kaca iki durung katitiwaca

ꦤ꧀ꦏꦥꦼꦂꦭꦸꦮꦤ꧀꧈​ꦱꦺꦴꦏ꧀ꦭꦗꦼꦁ​ꦩꦶꦒꦸꦤꦏꦏꦼꦤ꧀ꦠꦼꦠꦼꦩ꧀ꦧꦸꦔꦤ꧀ꦲꦶꦁ​ꦏꦁ​ꦧꦺꦴꦠꦼꦤ꧀ꦢꦶꦥꦸꦤ꧀ꦩꦔꦽꦠꦺꦴꦱꦶ​ꦢꦼꦤꦶꦁ​ꦠꦶꦠꦶꦪꦁ​ꦗꦮꦶ​ꦱꦤꦺꦱ꧀꧈​ꦩꦏꦠꦼꦤ꧀ꦲꦸꦒꦶ​ꦱꦺꦴꦏ꧀ꦮꦺꦴꦤ꧀ꦠꦼꦤ꧀ꦠꦶꦪꦁ​ꦑꦭꦁ​ꦲꦶꦁ​ꦏꦁ​ꦱꦸꦮꦫꦤꦶꦥꦸꦤ꧀ꦧꦺꦴꦠꦼꦤ꧀ꦱꦏꦼꦕ꧈​ꦧꦼꦢ​ꦏꦭꦶꦪꦤ꧀ꦱꦸꦮꦫꦤꦶꦥꦸꦤ꧀ꦠꦶꦪꦁ​ꦗꦮꦶ​ꦭꦶꦩꦿꦃ꧉​ꦑꦗꦮꦶ​ꦏꦭꦶꦃ​ꦥꦿꦏꦮꦶꦱ꧀ꦮꦲꦸ​ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦧꦼꦢꦤꦶꦥꦸꦤ꧀ꦩꦭꦶꦃ꧈​ꦲꦶꦁ​ꦒꦶꦃ​ꦠꦸꦩꦿꦥ꧀ꦲꦶꦁ​ꦲꦒꦩꦶꦤꦶꦥꦸꦤ꧀꧈​ꦲꦸꦠꦮꦶ​ꦭꦶꦪ​ꦭꦶꦪꦤꦶꦥꦸꦤ꧀꧈​ꦩꦭꦃ​ꦏꦢꦺꦴꦱ꧀ꦲꦶꦁ​ꦒꦶꦃ​ꦱꦩ꧀ꦥꦸꦤ꧀ꦏꦛꦃ​ꦠꦶꦠꦶꦪꦁ​ꦑꦭꦁ​ꦲꦶꦁ​ꦏꦁ​ꦱꦩꦶ​ꦢꦢꦺꦴꦱ꧀ꦲꦗꦶ꧉​ꦱꦤꦗꦤ꧀ꦩꦶꦠꦸꦫꦸꦠ꧀ꦏꦠꦿꦔꦤ꧀ꦲꦶꦁ​ꦔꦶꦁ​ꦒꦶꦭ꧀ꦥꦸꦤꦶꦏ꧈​ꦕꦼꦛ​ꦮꦼꦭ​ꦮꦼꦭ꧈​ꦧꦶꦭꦶꦃ​ꦠꦶꦠꦶꦪꦁ​ꦑꦭꦁ​ꦥꦿꦱꦱꦠ꧀ꦧꦺꦴꦠꦼꦤ꧀ꦧꦼꦢ​ꦧꦧꦂꦥꦶꦱꦤ꧀ꦏꦭꦶꦲꦤ꧀ꦠꦶꦠꦶꦪꦁ​ꦗꦮꦶ꧈​ꦲꦺꦮꦱꦩꦤ꧀ꦠꦼꦤ꧀ꦲꦶꦁ​ꦒꦶꦃ​ꦩꦼꦏ꧀ꦱ​ꦠꦏ꧀ꦱꦶꦃ​ꦮꦺꦴꦤ꧀ꦠꦼꦤ꧀ꦠꦶꦠꦶꦪꦁ​ꦗꦮꦶ꧈​ꦲꦶꦁ​ꦏꦁ​ꦲꦁ​ꦒꦝꦲꦶ​ꦒꦒꦱꦤ꧀ꦲꦶꦁ​ꦏꦁ​ꦧꦺꦴꦠꦼꦤ꧀ꦱꦲꦼ​ꦱꦲꦼ​ꦠꦸꦩꦿꦥ꧀ꦲꦶꦁ​ꦠꦶꦠꦶꦪꦁ​ꦑꦭꦁ​꧈​ꦩꦭꦃ​ꦕꦫꦶꦪꦺꦴꦱ꧀ꦕꦫꦶꦪꦺꦴꦱ꧀ꦲꦶꦁ​ꦏꦁ​ꦩꦿꦠꦼꦭꦏꦏꦼꦤ꧀꧈​ꦧꦶꦭꦶꦃ​ꦠꦶꦠꦶꦪꦁ​ꦑꦭꦁ​ꦥꦸꦤꦶꦏ​ꦲꦁ​ꦒꦝꦲꦶ​ꦧꦸꦤ꧀ꦠꦸꦠ꧀꧈​ꦢꦸꦩꦸꦒꦶꦤꦶꦁ​ꦱꦩꦁ​ꦏꦼ​ꦲꦶꦁ​ꦒꦶꦃ​ꦠꦏ꧀ꦱꦶꦃ​ꦮꦺꦴꦤ꧀ꦠꦼꦤ꧀ꦠꦶꦠꦶꦪꦁ​ꦗꦮꦶ​ꦲꦶꦁ​ꦏꦁ​ꦥꦶꦠꦢꦺꦴꦱ꧀꧉​

꧋ꦩꦶꦠꦸꦫꦸꦠ꧀ꦱꦏꦛꦲꦶꦁꦥꦮꦂꦠꦺꦴꦱ꧀꧈ꦧꦺꦴꦠꦼꦤ꧀ꦔꦼꦩꦸꦔꦏꦼꦤ꧀ꦥꦫ​ꦠꦶꦠꦶꦪꦁ​ꦑꦭꦁ​ꦲꦶꦁ​ꦔꦪꦺꦴꦓꦾꦏꦂꦠ​ꦏꦼꦩꦮꦺꦴꦤ꧀ꦲꦶꦁ​ꦏꦁ​ꦱꦩꦁ​ꦏꦼ​ꦱꦩ꧀ꦥꦸꦤ꧀ꦕꦩ꧀ꦥꦸꦂ​ꦏꦭꦶꦪꦤ꧀ꦠꦶꦠꦶꦪꦁ​ꦗꦮꦶ꧈​ꦱꦤꦗꦤ꧀ꦠꦶꦠꦶꦪꦁ​ꦑꦭꦁ​ꦲꦶꦁ​ꦱꦤꦺꦱ꧀ꦱꦤꦺꦱ꧀ꦥꦁ​ꦒꦼꦤꦤ꧀ꦩꦏꦠꦼꦤ꧀ꦲꦸꦒꦶ꧉​ꦲꦶꦁ​ꦔꦔꦤ꧀ꦝꦥ꧀ꦥꦸꦤꦶꦏꦥꦼꦛꦶꦏꦤ꧀ꦏꦫꦔꦤꦶꦥꦸꦤ꧀ꦠꦸꦮꦤ꧀ Te Mechelen ꦱꦮꦠꦮꦶꦱ꧀ꦩꦼꦁꦒꦃꦏꦮꦺꦴꦤ꧀ꦠꦼꦤꦤꦶꦥꦸꦤ꧀ꦠꦶꦠꦶꦪꦁꦑꦭꦁꦲꦶꦁꦯꦸꦫꦏꦂꦠ꧉​

꧋ꦏꦭꦫꦸꦩꦶꦪꦶꦤ꧀ꦤꦭꦶꦏꦯꦩ꧀ꦥꦼꦪꦤ꧀ꦣꦊꦩ꧀ꦲꦶꦁꦏꦁꦯꦶꦤꦸꦲꦸꦤ꧀ꦲꦶꦁ​ꦯꦸꦫꦏꦂꦠ​ꦠꦏ꧀ꦱꦶꦃ​ꦏꦒꦸꦔꦤ꧀ꦥꦔꦸꦮꦲꦺꦴꦱ꧀ꦠꦸꦩꦿꦥꦶꦁ​ꦏꦗꦼꦁ​ꦏꦗꦼꦁ​ꦲꦶꦁ​ꦮꦤ꧈​ꦲꦶꦁ​ꦏꦁ​ꦏꦥꦱꦿꦲꦤ꧀ꦲꦤꦼꦒꦺꦴꦂ​ꦱꦲ​ꦲꦔꦸꦱꦸꦁ​ꦏꦗꦼꦁ​ꦏꦗꦼꦁ​ꦮꦲꦸ​ꦝꦠꦼꦁ​ꦏꦫꦠꦺꦴꦤ꧀꧈​ꦲꦶꦁ​ꦒꦶꦃ​ꦥꦫ​ꦠꦶꦠꦶꦪꦁ​ꦑꦭꦁ​꧈​ꦠꦶꦠꦶꦪꦁ​ꦮꦲꦸ​ꦏꦤꦩꦺꦏꦏꦼꦤ꧀꧇​ꦲꦧ꧀ꦢꦶ​ꦢꦊꦩ꧀ꦤꦫꦮꦽꦏ꧀ꦱ​ꦭꦤ꧀ꦲꦧ꧀ꦢꦶ​ꦢꦊꦩ꧀ꦑꦭꦁ​꧉​ꦲꦤꦔꦶꦁ​ꦱꦉꦁ​ꦥꦔꦸꦮꦱ​ꦢꦊꦩ꧀ꦮꦤ​ꦮꦲꦸ​ꦱꦩ꧀ꦥꦸꦤ꧀ꦏꦥꦱꦿꦲꦏꦼꦤ꧀ꦝꦠꦼꦁ​ꦓꦸꦥꦼꦂꦩꦺꦤ꧀꧈​ꦥꦫ​ꦲꦧ꧀ꦢꦶ​ꦢꦊꦩ꧀ꦏꦭꦶꦃ​ꦒꦺꦴꦭꦺꦴꦔꦤ꧀ꦮꦲꦸ​ꦤꦸꦤ꧀ꦠꦼꦤ꧀ꦏꦢꦢꦺꦴꦱꦏꦼꦤ꧀ꦱꦠꦸꦁ​ꦒꦭ꧀꧈​ꦱꦲ​ꦭꦗꦼꦁ​ꦏꦮꦱ꧀ꦠꦤꦤ꧀꧇​ꦑꦭꦁ​꧉​ꦢꦢꦺꦴꦱ꧀ꦱꦭꦗꦼꦔꦶꦥꦸꦤ꧀ꦑꦭꦁ​ꦮꦲꦸ​ꦱꦤꦺꦱ꧀ꦤꦩꦤꦶꦁ​ꦧꦺꦴꦁ​ꦱ꧈​ꦲꦤꦔꦶꦁ​ꦤꦩꦤꦶꦁ​ꦲꦧ꧀ꦢꦶ​ꦢꦊꦩ꧀꧉​ꦲꦧ꧀ꦢꦶ​ꦢꦊꦩ꧀ꦑꦭꦁ​ꦮꦲꦸ​ꦢꦢꦺꦴꦱ꧀ꦤꦩꦤꦶꦁ​ꦲꦧ꧀ꦢꦶ​ꦢꦊꦩ꧀ꦮꦶꦮꦶꦠ꧀ꦥꦁ​ꦏꦠ꧀ꦲꦶꦁ​ꦒꦶꦭ꧀ꦔꦤ꧀ꦠꦺꦴꦱ꧀ꦢꦸꦩꦸꦒꦶꦤꦶꦁ​ꦔꦤ꧀ꦝꦥ꧀ꦱꦲ​ꦢꦶꦥꦸꦤ꧀ꦥꦔꦒꦼꦔꦶ​ꦢꦼꦤꦶꦁ​ꦱꦠꦸꦁ​ꦒꦶꦭꦶꦁ​ꦧꦸꦥꦠꦶ꧈​ꦲꦶꦁ​ꦏꦁ​ꦏꦥꦶꦗꦶ​ꦲꦤꦶꦠꦶꦥꦿꦶꦏ꧀ꦱ​ꦝꦠꦼꦁ​ꦥꦤꦶꦤ꧀ꦢꦏꦶꦁ​ꦥꦢꦩꦼꦭꦤ꧀ꦲꦸꦤ꧀ꦝꦒꦶ꧉​ꦲꦶꦁ​ꦔꦿꦶꦏꦸ​ꦢꦢꦺꦴꦱ꧀ꦱꦩ꧀ꦥꦸꦤ꧀ꦕꦼꦛ​ꦧꦶꦭꦶꦃ​ꦑꦭꦁ​ꦮꦲꦸ​ꦢꦺꦫꦺꦁ​ꦏꦶꦤꦤ꧀ꦠꦼꦤ꧀꧈​ꦩꦤꦮꦶ​ꦠꦸꦫꦸꦤꦶꦁ​ꦧꦺꦴꦁ​ꦱ​ꦑꦭꦁ​꧈​ꦥꦸꦤꦥ​ꦩꦭꦶꦃ​ꦲꦶꦁ​ꦏꦁ​ꦢꦢꦺꦴꦱ꧀ꦧꦸꦥꦠꦶ​ꦑꦭꦁ​꧈​ꦠꦼꦠꦼꦭ​ꦩꦤꦮꦶ​ꦱꦤꦺꦱ꧀ꦠꦸꦫꦸꦤꦶꦥꦸꦤ꧀ꦠꦶꦠꦶꦪꦁ​ꦑꦭꦁ​꧉​

꧋ꦩꦶꦠꦸꦫꦸꦠ꧀ꦏꦫꦔꦤꦶꦥꦸꦤ꧀ꦱ꧀ꦮꦂꦒꦶꦠꦸꦮꦤ꧀ Roorda ꦮꦺꦴꦤ꧀ꦠꦼꦤ꧀ꦠꦶꦠꦶꦪꦁꦑꦭꦁꦲꦶꦁꦏꦁꦱꦩꦶꦩꦁꦒꦤ꧀ꦮꦺꦴꦤꦤ꧀ꦲꦶꦁ​꧇​ꦑꦭꦶꦮꦸꦔꦸ꧈​ꦣꦼꦩꦏ꧀꧈​ꦭꦤ꧀ꦑꦼꦤ꧀ꦝꦭ꧀꧉​ꦲꦤꦔꦶꦁ​ꦮꦸꦱꦤꦤꦶꦥꦸꦤ꧀꧈​ꦮꦺꦴꦤ꧀ꦠꦼꦤ꧀ꦲꦶꦁ​ꦏꦁ​ꦲꦤꦼꦫꦔꦏꦼꦤ꧀꧈​ꦧꦶꦭꦶꦃ​ꦲꦶꦁ​ꦧꦮꦃ​ꦑꦼꦤ꧀ꦝꦭ꧀ꦩꦶꦭ​ꦊꦉꦱ꧀ꦮꦺꦴꦤ꧀ꦠꦼꦤ꧀ꦝꦸꦱꦸꦤ꧀ꦲꦶꦁ​ꦏꦁ​ꦏꦮꦱ꧀ꦠꦤꦤ꧀꧇​ꦝꦸꦱꦸꦤ꧀ꦑꦭꦁ​꧈​ꦲꦤꦔꦶꦁ​ꦠꦶꦠꦶꦪꦁ​ꦔꦿꦶꦏꦸ​ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦏꦁ​ꦱꦒꦼꦢ꧀ꦚꦫꦶꦪꦺꦴꦱꦏꦼꦤ꧀꧈​ꦧꦶꦭꦶꦃ​ꦲꦶꦁ​ꦔꦿꦶꦏꦸ​ꦮꦺꦴꦤ꧀ꦠꦼꦤ꧀ꦱꦠꦸꦁ​ꦒꦶꦭ꧀ꦭꦶꦁ​ꦧꦺꦴꦁ​ꦱ​ꦑꦭꦁ​꧈​ꦲꦸꦠꦮꦶ​ꦱꦠꦸꦁ​ꦒꦶꦭꦶꦁ​ꦧꦺꦴꦁ​ꦱ​ꦲꦶꦁ​ꦏꦁ​ꦏꦮꦺꦴꦤ꧀ꦠꦼꦤꦤ꧀ꦱꦲ​ꦕꦫ​ꦕꦫꦤꦶꦥꦸꦤ꧀ꦧꦼꦢ​ꦏꦭꦶꦪꦤ꧀ꦠꦶꦠꦶꦪꦁ​ꦗꦮꦶ​ꦭꦶꦩꦿꦃ꧉​ꦩꦏꦠꦼꦤ꧀ꦲꦸꦒꦶ​ꦏꦕꦫꦶꦪꦺꦴꦱꦏꦼꦤ꧀꧈​ꦧꦶꦭꦶꦃ​ꦲꦶꦁ​ꦨꦒꦼꦭꦺꦤ꧀ꦲꦸꦠꦮꦶ​ꦲꦶꦁ​ꦨꦚꦸꦩꦱ꧀ꦲꦶꦁ​ꦒꦶꦃ​ꦮꦺꦴꦤ꧀ꦠꦼꦤ꧀ꦠꦶꦪꦔꦶꦥꦸꦤ꧀ꦑꦭꦁ​꧉​ꦲꦸꦥꦩꦶ​ꦕꦫꦶꦪꦺꦴꦱ꧀ꦥꦸꦤꦶꦏ​ꦱꦪꦼꦏ꧀ꦠꦺꦴꦱ꧀꧈​ꦏꦶꦤ꧀ꦠꦼꦤ꧀ꦏꦶꦤ꧀ꦠꦼꦤ꧀ꦠꦶꦠꦶꦪꦁ​ꦑꦭꦁ​ꦲꦶꦁ​ꦏꦁ​ꦮꦺꦴꦤ꧀ꦠꦼꦤ꧀ꦲꦶꦁ​ꦔꦿꦶꦏꦸ​ꦮꦲꦸ꧈​ꦱꦢꦪꦤꦶꦥꦸꦤ꧀ꦲꦶꦁ​ꦒꦶꦃ​ꦧꦺꦴꦠꦼꦤ꧀ꦒꦺꦱꦺꦃ​ꦧꦧꦂꦥꦶꦱꦤ꧀ꦏꦭꦶꦪꦤ꧀ꦠꦶꦠꦶꦪꦁ​ꦗꦮꦶ​ꦭꦶꦩꦿꦃ꧉​ꦲꦶꦁ​ꦏꦁ​ꦩꦏꦠꦼꦤ꧀ꦮꦲꦸ​ꦠꦸꦩꦿꦥ꧀ꦠꦶꦪꦁ​ꦱꦤꦺꦱ꧀꧈​ꦠꦼꦩ꧀ꦠꦸ​ꦲꦶꦁ​ꦒꦶꦃ​ꦧꦺꦴꦠꦼꦤ꧀ꦧꦝꦼ​ꦱꦒꦼꦢ꧀ꦱꦸꦩꦼꦉꦥ꧀ꦪꦼꦏ꧀ꦠꦺꦴꦱ꧀꧈​ꦩꦼꦁ​ꦒꦲꦶꦁ​ꦲꦱꦭ꧀ꦲꦸꦱꦸꦭꦶꦥꦸꦤ꧀ꦠꦶꦪꦁ​ꦑꦭꦁ​ꦮꦲꦸ꧉​