Kaca:Kajawen 03 1928-01-11.pdf/5

Saka Wikisumber
Kaca iki durung katitiwaca

ꦏꦧꦂꦱꦤꦺꦱ꧀ꦥꦿꦗ

꧋ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦏꦫꦗꦤ꧀꧈ꦩꦫꦺꦴꦑꦺꦴ꧉

꧋ꦩꦤꦮꦶꦧꦝꦼꦲꦚꦫꦶꦪꦺꦴꦱ꧀ꦱꦏꦼꦤ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤꦫꦗꦤ꧀ꦩꦫꦺꦴꦑꦺꦴ꧈​ꦠꦼꦩ꧀ꦠꦸꦤꦶꦥꦸꦤ꧀ꦲꦤ꧀ꦠꦮꦶꦱ꧀ꦱꦶꦁ​ꦥꦫ​ꦩꦲꦺꦴꦱ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦏꦁ​ꦭꦗꦼꦁ​ꦲꦺꦔꦼꦠ꧀ꦝꦠꦼꦁ​ꦯꦁ​ꦄꦧ꧀ꦢꦸꦭ꧀ꦏꦫꦶꦩ꧀꧈​ꦲꦶꦁ​ꦒꦶꦃ​ꦥꦸꦤꦶꦏ​ꦤꦩꦤꦶꦁ​ꦱꦠꦸꦁ​ꦒꦶꦭ꧀ꦭꦶꦥꦸꦤ꧀ꦱꦼꦤꦥꦠꦶ꧈​ꦲꦶꦁ​ꦏꦁ​ꦢꦺꦫꦺꦁ​ꦢꦔꦸ​ꦥꦸꦤꦶꦏ​ꦱꦩ꧀ꦥꦸꦤ꧀ꦏꦸꦩꦮꦤꦶ​ꦲꦩ꧀ꦧꦊꦭ​ꦱꦲ​ꦲꦤꦸꦮꦸꦃꦲꦏꦼꦤ꧀ꦥꦥꦿꦁ​ꦔꦤ꧀ꦲꦒꦼꦁ​꧈​ꦮꦸꦱꦤꦤꦶꦥꦸꦤ꧀ꦭꦗꦼꦁ​ꦏꦭꦶꦤ꧀ꦝꦶꦃ​ꦲꦶꦁ​ꦥꦿꦁ​ꦔꦶꦥꦸꦤ꧀ꦱꦂꦠ​ꦭꦗꦼꦁ​ꦢꦢꦺꦴꦱ꧀ꦠꦮꦤꦤ꧀ꦤꦶꦥꦸꦤ꧀ꦥꦿꦗꦸꦫꦶꦠ꧀ꦲꦶꦁ​ꦥꦿꦱ꧀ꦩꦤ꧀꧉​ꦲꦤꦔꦶꦁ​ꦲꦶꦁ​ꦏꦗꦮꦺꦤ꧀ꦔꦿꦶꦏꦶ​ꦧꦺꦴꦠꦼꦤ꧀ꦧꦝꦼ​ꦲꦔꦤ꧀ꦝꦂꦫꦏꦼꦤ꧀ꦏꦮꦺꦴꦤ꧀ꦠꦼꦤꦤ꧀ꦤꦶꦁ​ꦥꦥꦿꦁ​ꦔꦤ꧀ꦮꦲꦸ꧈​ꦤꦩꦸꦁ​ꦧꦝꦼ​ꦚꦫꦶꦪꦺꦴꦱ꧀ꦱꦏꦼꦤ꧀ꦩꦼꦁ​ꦒꦃ​ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦤꦒꦫꦶ​ꦩꦫꦺꦴꦑꦺꦴ​ꦱꦮꦠꦮꦶꦱ꧀ꦠꦸꦮꦶꦤ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀ꦲꦶꦁ​ꦏꦁ​ꦥꦽꦭꦸ​ꦏꦱꦸꦩꦼꦉꦥ꧀ꦥꦤ꧀ꦲꦶꦁ​ꦠꦶꦪꦁ​ꦏꦛꦃ꧉​

꧋ꦟꦠ​ꦩꦫꦺꦴꦑꦺꦴ​ꦲꦺꦁ​ꦒꦭ꧀꧈​ꦦꦿꦧꦸ​ꦯꦶꦞꦶꦲꦄꦩꦝ꧉ (foto)

꧋ꦤꦒꦫꦶꦩꦫꦺꦴꦑꦺꦴꦥꦸꦤꦶꦏꦱꦠꦸꦁꦒꦶꦭ꧀ꦭꦶꦁꦏꦱꦸꦭ꧀ꦠꦤꦤ꧀ꦲꦶꦁ​ꦠꦤꦃ​ꦄꦥꦿꦶꦏꦃ​ꦱꦶꦱꦶꦃ​ꦭꦺꦂ꧉​ꦱꦤꦗꦤ꧀ꦩꦫꦺꦴꦑꦺꦴ​ꦥꦸꦤꦶꦏ​ꦏꦼꦔꦶꦁ​ꦏꦮꦱ꧀ꦠꦤ꧀ꦤꦤ꧀ꦤꦒꦫꦶ​ꦩꦤ꧀ꦝꦶꦫꦶ꧈​ꦲꦤꦔꦶꦁ​ꦱꦪꦼꦏ꧀ꦠꦺꦴꦱ꧀ꦱꦶꦥꦸꦤ꧀ꦏꦤ꧀ꦛꦶ​ꦢꦶꦥꦸꦤ꧀ꦲꦮꦠ꧀ꦲꦮꦠ꧀ꦠꦶ​ꦢꦼꦤꦶꦁ​ꦥꦿꦗ​ꦌꦫꦺꦴꦥꦃ​ꦏꦏꦭꦶꦃ꧈​ꦲꦶꦁ​ꦒꦶꦃ​ꦥꦸꦤꦶꦏ​ꦥꦿꦗ​ꦦꦿꦱ꧀ꦩꦤ꧀ꦭꦤ꧀ꦥꦿꦗ​ꦯꦼꦥꦚꦸꦭ꧀꧉​ꦲꦶꦁ​ꦏꦁ​ꦩꦢꦼꦒ꧀ꦤꦠ​ꦱꦩꦁ​ꦏꦼ​ꦥꦸꦤꦶꦏ​ꦯꦁ​ꦯꦸꦭ꧀ꦠꦤ꧀ꦯꦶꦞꦶꦲꦄꦩꦝ​ꦪꦸꦱ꧀ꦮꦤꦶꦥꦸꦤ꧀ꦱꦮꦼꦒ꧀ 15 ꦠꦲꦸꦤ꧀꧈ꦱꦂꦠꦗꦸꦩꦼꦤꦼꦁꦔꦶꦥꦸꦤ꧀ꦤꦠꦲꦶꦁꦒꦶꦃꦩꦤ꧀ꦠꦼꦱ꧀ꦏꦼꦩꦮꦺꦴꦤ꧀꧈​ꦲꦶꦁ​ꦒꦩ꧀ꦧꦂ​ꦲꦶꦁ​ꦏꦁ​ꦏꦕꦼꦛ​ꦱꦶꦱꦶꦃ​ꦥꦸꦤꦶꦏ꧈​ꦲꦩꦿꦠꦼꦭꦏ꧀ꦲꦏꦼꦤ꧀ꦏꦭꦤꦶꦥꦸꦤ꧀ꦱꦁ​ꦤꦠ​ꦠꦼꦝꦏ꧀ꦝꦠꦼꦁ​ꦏꦶꦛ​ꦫꦨꦠ꧀ꦥꦽꦭꦸ​ꦲꦩꦁ​ꦒꦶꦃꦲꦶ​ꦗꦼꦤ꧀ꦢꦿꦭꦶꦁ​ꦥꦿꦗꦸꦫꦶꦠ꧀ꦥꦿꦱ꧀ꦩꦤ꧀ꦲꦶꦁ​ꦏꦶꦛ​ꦔꦿꦶꦏꦸ꧈​ꦫꦮꦸꦃꦲꦶꦥꦸꦤ꧀ꦱꦁ​ꦯꦸꦭ꧀ꦠꦤ꧀ꦏꦶꦤꦸꦂꦩꦠꦤ꧀ꦥꦿꦗꦸꦫꦶꦠ꧀ꦥꦿꦱ꧀ꦩꦤ꧀ꦠꦸꦮꦶꦤ꧀ꦥꦿꦗꦸꦫꦶꦠ꧀ꦠꦶꦪꦁ​ꦩꦫꦺꦴꦑꦺꦴ꧉

꧋ꦩꦼꦁꦒꦃꦠꦶꦠꦶꦪꦁꦔꦶꦥꦸꦤ꧀ꦲꦶꦁꦤꦒꦫꦶꦩꦫꦺꦴꦑꦺꦴꦥꦸꦤꦶꦏ​ꦏꦼꦔꦶꦁ​ꦏꦧꦒꦶ​ꦢꦢꦺꦴꦱ꧀ꦏꦭꦶꦃ​ꦒꦺꦴꦭꦺꦴꦁ​ꦔꦤ꧀ꦲꦶꦁ​ꦏꦁ​ꦲꦒꦼꦁ​꧈​ꦲꦶꦁ​ꦒꦶꦃ​ꦥꦸꦤꦶꦏ​ꦧꦺꦴꦁ​ꦱ​ꦨꦺꦂꦧꦼꦂ​ꦭꦤ꧀ꦧꦺꦴꦁ​ꦱ​ꦄꦫꦧ꧀꧈​ꦏꦭꦶꦃ​ꦧꦺꦴꦁ​ꦱ​ꦮꦲꦸ​ꦏꦼꦉꦥ꧀ꦱꦔꦼꦠ꧀ꦕꦩ꧀ꦥꦸꦂ​ꦢꦢꦺꦴꦱ꧀ꦱꦠꦸꦁ​ꦒꦭ꧀꧉​ꦏꦗꦮꦶ​ꦧꦺꦴꦁ​ꦱ​ꦏꦏꦭꦶꦃ​ꦥꦸꦤꦶꦏ꧈​ꦲꦶꦁ​ꦩꦫꦺꦴꦑꦺꦴ​ꦲꦸꦒꦶ​ꦏꦛꦃ​ꦧꦁ​ꦱꦤꦶꦥꦸꦤ꧀ꦪꦲꦸꦢꦶ​ꦭꦤ꧀ꦧꦁ​ꦱ​ꦄꦥꦿꦶꦏꦃ​(ꦏꦸꦭꦶꦠ꧀ꦕꦼꦩꦼꦁ​)꧉​ꦥꦔꦸꦥꦗꦶꦮꦤꦶꦥꦸꦤ꧀ꦠꦶꦪꦁ​ꦄꦫꦧ꧀ꦲꦶꦁ​ꦔꦿꦶꦏꦸ​ꦲꦶꦁ​ꦏꦁ​ꦏꦛꦃ​ꦱꦩꦶ​ꦔꦶꦔꦃ​ꦫꦗꦏꦪ꧈​ꦲꦁ​ꦒꦺꦤ꧀ꦤꦶꦥꦸꦤ꧀ꦒꦼꦒꦿꦶꦪ​ꦱꦩꦶ​ꦮꦺꦴꦤ꧀ꦠꦼꦤ꧀ꦲꦶꦁ​ꦥꦏꦸꦮꦺꦴꦤ꧀꧉​ꦢꦺꦤꦺꦠꦶꦪꦁ​ꦨꦺꦂꦧꦼꦂ​ꦥꦸꦤꦶꦏ​ꦱꦩꦶ​ꦒꦼꦒꦿꦶꦪ​ꦠꦼꦠꦼꦥ꧀꧈​ꦱꦲ​ꦲꦶꦁ​ꦏꦁ​ꦏꦛꦃ​ꦱꦩꦶ​ꦢꦢꦺꦴꦱ꧀ꦠꦤꦶ​ꦭꦤ꧀ꦠꦸꦏꦁ​꧉​ꦩꦼꦁ​ꦒꦃ​ꦲꦒꦩꦶꦤꦶꦥꦸꦤ꧀ꦠꦶꦪꦁ​ꦩꦫꦺꦴꦑꦺꦴ​ꦥꦸꦤꦶꦏ​ꦲꦒꦩꦶ​ꦆꦱ꧀ꦭꦩ꧀꧈​ꦥꦩꦼꦢꦭ꧀ꦭꦶꦥꦸꦤ꧀ꦱꦶꦠꦶ꧇​ꦒꦤ꧀ꦢꦸꦩ꧀꧈​ꦗꦸꦮꦮꦸꦠ꧀꧈​ꦗꦒꦸꦁ​꧈​ꦏꦼꦝꦼꦊ꧈​ꦏꦼꦤ꧀ꦛꦁ​꧈​ꦱꦠ​ꦭꦤ꧀ꦮꦺꦴꦮꦺꦴꦃꦲꦤ꧀ꦮꦂꦤꦶ​ꦮꦂꦤꦶ꧈​ꦏꦢꦺꦴꦱ꧀ꦠ꧇​ꦲꦩꦤ꧀ꦝꦼꦭ꧀꧈​ꦮꦺꦴꦃ​ꦲꦁ​ꦒꦸꦂ​ꦭꦤ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀꧉​ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦫꦗꦏꦪ꧈​ꦲꦶꦁ​ꦒꦶꦃ​ꦥꦸꦤꦶꦏ꧇​ꦩꦼꦤ꧀ꦢ꧈​ꦊꦩ꧀ꦧꦸ꧈​ꦏꦸꦭ꧀ꦢꦶ꧈​ꦏꦥꦭ꧀꧈​ꦠꦸꦮꦶꦤ꧀ꦥꦶꦠꦶꦏ꧀ꦲꦶꦮꦺꦤ꧀꧉​ꦏꦗꦮꦶ​ꦥꦸꦤꦶꦏ​ꦠꦶꦠꦶꦪꦁ​ꦔꦿꦶꦏꦸ​ꦱꦩꦶ​ꦩꦶꦱꦪ​ꦲꦸꦭꦩ꧀꧈​ꦲꦮꦶꦠ꧀ꦲꦶꦁ​ꦱꦒꦤ꧀ꦠꦼꦤ꧀ꦠꦼꦥꦶꦱ꧀ꦮꦶꦫꦶꦁ​ꦔꦶꦥꦸꦤ꧀ꦩꦫꦺꦴꦑꦺꦴ​ꦥꦸꦤꦶꦏ​ꦏꦛꦃ​ꦱꦔꦼꦠ꧀ꦲꦸꦭꦩꦶꦥꦸꦤ꧀ꦭꦺꦴꦃ꧉​