ꦉꦩ꧀ꦧꦒꦶꦥꦸꦤ꧀ꦯꦼꦩꦂ꧈ꦓꦫꦺꦁꦭꦤ꧀ ꦦꦼꦠꦿꦸꦏ꧀
꧋ꦧꦧ꧀꧈ꦮꦮꦠꦼꦏꦤꦶꦥꦸꦤ꧀ꦠꦶꦪꦁꦚꦩ꧀ꦧꦸꦠ꧀ꦢꦩꦼꦭ꧀꧉(ꦕꦤ꧀ꦝꦏꦶꦥꦸꦤ꧀ꦑꦗꦮꦺꦤ꧀ ꦎꦁꦏ 2)
꧋ꦓꦫꦺꦁ꧇ ꦩ꧈ꦩ꧈ꦧꦼꦤꦼꦉꦔꦺꦴꦤꦺꦴꦲꦏꦸꦲꦶꦪꦩꦛꦸꦏ꧀ꦩꦸꦁꦒꦸꦃꦉꦩ꧀ꦧꦸꦒ꧀ꦩꦸꦲꦶꦁꦧꦧ꧀ꦥꦿꦠꦶꦏꦼꦊꦮꦺꦴꦁꦢꦢꦶꦉꦉꦲꦤ꧀ꦏꦸꦮꦶ꧈ꦩꦸꦁꦧꦲꦼꦱꦶꦁꦢꦢꦶꦥꦤ꧀ꦝꦸꦮꦸꦂꦱꦺꦴꦏ꧀ꦲꦺꦴꦫꦧꦶꦱꦲꦩ꧀ꦧꦼꦢꦏꦏꦼꦲꦤ꧀ꦠꦫꦤꦼꦝꦶꦤꦼꦱ꧀ꦏꦫꦺꦴꦥꦂꦠꦶꦏꦸꦭꦶꦫꦤ꧀꧈ꦲꦩꦫꦥꦶꦏꦶꦉꦤ꧀꧈ꦩ꧈ꦲꦏꦸꦢꦸꦮꦼꦱꦢꦸꦭꦸꦂꦏꦁꦩꦲꦸꦤꦼꦢꦢꦶꦲꦱ꧀ꦠꦺꦤ꧀꧈ꦢꦸꦩꦺꦃꦲꦺꦴꦫꦒꦼꦊꦩ꧀ꦲꦔ꧀ꦭꦢꦺꦤꦶꦩꦲꦶꦤ꧀ꦚꦁꦥꦁꦒꦼꦝꦼꦧꦲꦼ꧈ꦧꦚ꧀ꦗꦸꦂꦢꦶꦱꦼꦔꦶꦠ꧀ꦭꦤ꧀ꦢꦶꦒꦺꦴꦭꦺꦏꦶꦱꦭꦲꦼ꧉ꦲꦥꦏꦸꦮꦶꦲꦫꦤꦼꦲꦺꦴꦫꦏꦺꦴꦗꦸꦂꦱꦠꦼꦔꦃꦩꦺꦴꦢꦂꦠꦼꦩꦼꦤꦤ꧀꧉ ꧋ꦦꦼꦠꦿꦸꦏ꧀꧇ ꦥꦚ꧀ꦕꦺꦤ꧀ꦲꦶꦪꦱꦺꦴꦏ꧀ꦩꦼꦁꦏꦺꦴꦤꦺꦴ꧈ꦠꦤ꧀ꦝꦤꦼꦲꦏꦸꦢꦸꦮꦼꦠꦼꦥꦸꦔꦤ꧀ꦱꦶꦁꦥꦶꦤ꧀ꦠꦼꦂꦠꦸꦂꦩꦼꦩ꧀ꦥꦼꦁꦥꦒꦮꦼꦪꦤꦼ꧈ꦲꦺꦮꦢꦼꦤꦼꦩꦼꦏ꧀ꦱꦢꦶꦱꦼꦔꦶꦠ꧀ꦏꦫꦺꦴꦥꦁꦒꦼꦝꦼꦤꦼ꧈ꦗꦭꦫꦤꦼꦲꦺꦴꦫꦭꦶꦪꦩꦂꦒꦢꦺꦤ꧀ꦲꦪꦸꦤꦼꦲꦺꦴꦫꦕꦺꦴꦕꦺꦴꦒ꧀ꦏꦫꦺꦴꦧꦺꦴꦗꦺꦴꦤꦼꦠꦼꦥꦸꦔꦤꦏꦸꦩꦲꦸ꧈ꦗꦉꦤꦼ꧈ꦧꦺꦴꦗꦺꦴꦤꦼꦠꦼꦥꦸꦔꦤꦏꦸꦏꦸꦮꦶꦤꦺꦏ꧀ꦏꦧꦼꦤꦼꦂꦩꦫꦏ꧀꧈ꦲꦺꦴꦫꦒꦼꦊꦩ꧀ꦔꦁꦒꦺꦴꦏ꧀ꦭꦩ꧀ꦧꦶꦒꦸꦭꦺꦴꦤ꧀ꦲꦶꦉꦁꦭꦤ꧀ꦲꦺꦴꦫꦒꦼꦊꦩ꧀ꦒꦼꦭꦸꦔꦤ꧀ꦠꦼꦏꦸꦏ꧀꧈ꦲꦥꦩꦤꦺꦃꦫꦢꦒꦼꦩꦶꦚꦁꦱꦼꦩ꧀ꦧꦲꦼ꧉ꦲ꧈ꦩꦫ꧈ꦲꦥꦲꦺꦴꦫꦕꦏ꧀ꦭꦠ꧀ꦪꦺꦤ꧀ꦩꦁꦏꦺꦴꦤꦺꦴꦏꦸꦮꦶ꧉ꦣꦢꦶꦱꦭꦲꦼꦱꦶꦁꦮꦢꦺꦴꦤ꧀꧈ꦤꦺꦏ꧀ꦲꦺꦴꦫꦏꦏꦼꦤꦼꦂꦧꦶꦱꦩ꧀ꦭꦼꦧꦸꦚꦁꦭꦪꦁꦏꦺꦴꦤ꧀ꦝꦶꦠꦼ꧉ ꧋ꦯꦼꦩꦂ꧇ ꦲꦶꦪꦧꦼꦤꦼꦂ꧈ꦥꦚ꧀ꦕꦺꦤ꧀ꦲꦶꦪꦲꦶꦱꦶꦃꦲꦤꦊꦭꦏꦺꦴꦤ꧀ꦱꦶꦁꦩꦁꦏꦺꦴꦤꦺꦴꦏꦸꦮꦶ꧈ꦩꦸꦭꦤꦼꦱꦶꦁꦢꦢꦶꦔꦶꦱꦺꦴꦂꦲꦶꦪꦏꦸꦢꦸꦱꦶꦁꦲꦮꦱ꧀꧈ꦱꦶꦁꦧꦶꦱꦲꦁꦒꦺꦴꦤꦼꦲꦚꦿꦠꦺꦤꦶꦥꦁꦒꦼꦝꦼꦤꦼ꧈ꦭꦒꦶꦢꦢꦶꦲꦱꦺꦴꦂꦏꦶꦱꦶꦁꦒꦼꦝꦼꦥꦤꦿꦶꦩꦤꦼꦝꦶꦱꦶꦏ꧀꧉ꦌꦮꦢꦼꦤꦼꦪꦺꦤ꧀ꦮꦺꦴꦁꦏꦼꦥꦼꦔꦶꦤ꧀ꦢꦶꦪꦫꦤꦶꦥꦁꦒꦼꦝꦼꦏꦁꦲꦸꦠꦩ꧈ꦏꦸꦮꦶꦏꦸꦢꦸꦤꦼꦲꦶꦪꦔꦼꦁꦒꦺꦴꦤꦶꦠꦼꦭꦸꦁꦥꦿꦏꦫ꧈ꦪꦲꦶꦏꦸ꧇ I. ꦔꦁꦒꦼꦥ꧀ꦲꦤꦏ꧀꧈ II. ꦔꦁꦒꦼꦥ꧀ꦩꦶꦠꦿ꧈ꦭꦤ꧀ III. ꦔꦁꦒꦼꦥ꧀ꦩꦸꦁꦱꦸꦃ꧉ ꧋ꦓꦫꦺꦁ꧇ ꦮꦶꦪꦃ꧈ꦲꦶꦪꦲꦺꦴꦫꦩꦺꦩ꧀ꦥꦼꦂꦧꦧꦂꦥꦶꦱꦤ꧀꧈ꦔꦼꦤ꧀ꦢꦶꦲꦤꦥꦁꦒꦼꦝꦼꦒꦼꦊꦩ꧀ꦲꦔꦁꦒꦼꦥ꧀ꦲꦤꦏ꧀ꦩꦼꦚꦁꦧꦮꦲꦼ꧈ꦗꦉꦤꦼꦉꦉꦲꦤ꧀ꦏꦸꦮꦶꦤꦺꦏ꧀ꦢꦶꦱꦤꦏ꧀ꦱꦛꦶꦛꦶꦏ꧀ꦧꦲꦼ꧈ꦱꦺꦴꦏ꧀ꦧꦚ꧀ꦗꦸꦂꦱꦼꦩ꧀ꦧꦿꦤ꧈ꦩꦭꦃꦱꦺꦴꦏ꧀ꦧꦚ꧀ꦗꦸꦂꦒꦼꦊꦩ꧀ꦤꦸꦁꦏꦏ꧀ꦏꦿꦩ꧈ꦲꦥꦩꦤꦺꦃꦲꦸꦥꦩꦔꦤ꧀ꦠꦶꦢꦶꦪꦁꦒꦼꦥ꧀ꦲꦤꦏ꧀꧈ꦲꦺꦴꦫꦲꦕ꧀ꦭꦸꦛꦏ꧀꧉ ꧋ꦦꦼꦠꦿꦸꦏ꧀꧇ ꦪꦃ꧈ꦏꦺꦴꦏ꧀ꦏꦪꦲꦱꦸꦢꦶꦪꦫꦤꦶꦕ꧀ꦭꦸꦛꦏ꧀꧈ꦏꦗꦧꦏꦸꦮꦶꦪꦺꦤ꧀ꦲꦤꦥꦁꦒꦼꦝꦼꦔꦁꦒꦼꦥ꧀ꦩꦶꦠꦿꦏꦫꦺꦴꦉꦉꦲꦤꦼ꧈ꦫꦏ꧀ꦲꦶꦪꦧꦚ꧀ꦗꦸꦂꦲꦺꦴꦫꦏꦗꦺꦤ꧀꧈ꦩꦫꦥꦶꦏꦶꦉꦤ꧀ꦧꦲꦼꦠ꧈ꦤꦺꦏ꧀ꦉꦉꦲꦤꦼꦔꦤ꧀ꦠꦶꦮꦼꦫꦸꦃꦪꦺꦤ꧀ꦢꦶꦪꦁꦒꦼꦥ꧀ꦩꦶꦠꦿꦏꦫꦺꦴꦥꦁꦒꦼꦝꦼꦤꦼꦫꦏ꧀ꦲꦶꦪꦧꦚ꧀ꦗꦸꦂꦒꦼꦩꦩ꧀ꦥꦁ꧈ꦠꦼꦒꦼꦱꦼ꧇ꦪꦺꦤ꧀ꦲꦤꦱꦭꦲꦼꦥꦒꦮꦼꦪꦤꦼ꧈ꦲꦺꦴꦫꦢꦸꦮꦼꦮꦼꦢꦶꦲꦸꦠꦮꦥꦿꦶꦲꦠꦶꦤ꧀꧈ꦫꦸꦩꦱꦤꦼ꧈ꦩꦱꦧꦏꦭꦢꦢꦶꦱꦧꦧ꧀꧈ꦲꦏꦸꦠꦺꦴꦃꦱꦺꦴꦧꦠ꧀ꦏꦫꦺꦴꦥꦁꦒꦼꦝꦼꦏꦸ꧉ꦪꦺꦤ꧀ꦏꦼꦤ꧀ꦝꦶꦊꦏꦧꦼꦤꦼꦂꦩꦼꦁꦏꦸꦉꦧ꧀꧈ꦮꦤꦶꦔꦿꦶꦏꦶꦠꦶꦏꦱ꧀ꦱꦶꦁꦢꦢꦶꦠꦼꦠꦁꦒꦸꦔꦤꦼ꧈ꦗꦉꦤꦼ꧇ꦩꦁꦱꦔꦤ꧀ꦠꦶꦢꦢꦶꦪꦥꦿꦏꦫ꧈ꦲꦏꦸꦠꦺꦴꦃꦮꦶꦱ꧀ꦩꦼꦩꦶꦠꦿꦤ꧀ꦏꦫꦺꦴꦭꦸꦫꦃꦏꦸ꧉ꦲꦫꦲꦥꦏꦸꦮꦶꦲꦥꦶꦏ꧀꧈ꦫꦏ꧀ꦲꦶꦪꦲꦺꦴꦫ꧈ꦠ꧉ꦩꦼꦁꦏꦺꦴꦤꦺꦴꦲꦸꦒꦪꦺꦤ꧀ꦥꦁꦒꦼꦝꦼꦔꦁꦒꦼꦥ꧀ꦩꦸꦁꦱꦸꦃꦏꦫꦺꦴꦥꦸꦁꦒꦮꦤꦼ꧈ꦱꦪꦲꦺꦴꦫꦲꦥꦶꦏ꧀ꦧꦔꦼꦠ꧀꧉ꦯꦧꦧ꧀ꦥꦸꦁꦒꦮꦤꦼꦠꦤ꧀ꦱꦃꦧꦚ꧀ꦗꦸꦂꦒꦶꦭꦥꦼ
