Kaca:Kajawen 02 1928-01-07.pdf/8

Saka Wikisumber
Kaca iki durung katitiwaca

ꦒꦼꦧꦾꦺꦴꦒ꧀ꦢꦶꦥꦸꦤ꧀ꦲꦸꦏꦶꦂ​ꦲꦸꦏꦶꦂ​ꦲꦔꦼꦫꦮꦶꦠ꧀ꦱꦲꦼ​ꦱꦔꦼꦠ꧀꧈​ꦩꦶꦫꦶꦢ꧀ꦮꦸꦗꦸꦢ꧀ꦢꦶꦥꦸꦤ꧀ꦲꦸꦏꦶꦂ​ꦲꦸꦏꦶꦂꦫꦤ꧀꧈​ꦤꦤ꧀ꦝꦏ꧀ꦲꦏꦼꦤ꧀ꦧꦶꦭꦶꦃ​ꦲꦶꦁ​ꦏꦶꦤ​ꦠꦶꦠꦶꦪꦁ​ꦗꦮꦶ​ꦱꦩ꧀ꦥꦸꦤ꧀ꦏꦸꦭꦶꦤ​ꦔꦸꦏꦶꦂ꧉​

꧋ꦲꦶꦁ​ꦱꦗꦮꦶꦤꦶꦁ​ꦕꦥꦸꦫꦶ​ꦮꦺꦴꦤ꧀ꦠꦼꦤ꧀ꦥꦼꦥꦼꦛꦤ꧀ꦗꦺꦴꦭꦺꦤ꧀꧈​ꦲꦶꦁ​ꦏꦁ​ꦢꦶꦥꦸꦤ꧀ꦮꦱ꧀ꦠꦤ꧀ꦤꦶ​ꦧꦊ​ꦫꦤ꧀ꦠꦼ꧉​ꦱꦏꦶꦁ​ꦒꦺꦴꦠꦺꦏ꧀ꦏꦶꦥꦸꦤ꧀ꦲꦶꦁ​ꦏꦁ​ꦫꦸꦩꦼꦏ꧀ꦱ​ꦲꦶꦁ​ꦔꦿꦶꦏꦸ꧈​ꦧꦊ​ꦫꦤ꧀ꦠꦼ​ꦮꦲꦸ​ꦲꦱ꧀ꦭꦶ​ꦱꦏꦶꦁ​ꦩꦗꦦꦲꦶꦠ꧀꧈​ꦢꦢꦺꦴꦱ꧀ꦥꦊꦁ​ꦒꦃꦲꦤ꧀ꦤꦠ꧉​ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦤꦩ​ꦧꦊ​ꦫꦤ꧀ꦠꦼ꧈​ꦲꦮꦶꦠ꧀ꦕꦒꦏ꧀ꦏꦶꦁ​ꦧꦊ​ꦮꦲꦸ​ꦏꦗꦼꦁ​ꦏꦲꦸꦏꦶꦂ​ꦏꦮꦔꦸꦤ꧀ꦫꦤ꧀ꦠꦼ​ꦲꦺꦴꦤ꧀ꦠꦼ​ꦲꦺꦴꦤ꧀ꦠꦼꦪꦤ꧀꧉​ꦩꦼꦁ​ꦒꦃ​ꦲꦭꦸꦱ꧀ꦱꦶꦁ​ꦒꦫꦥ꧀ꦥꦤ꧀ꦱꦪ​ꦲꦔꦼꦫꦩ꧀ꦲꦺꦫꦩ꧀ꦩꦏꦼꦤ꧀꧉​ꦩꦤꦮꦶ​ꦏꦥꦶꦫꦶꦢ꧀ꦢꦏꦼꦤ꧀ꦥꦸꦤꦶꦏ꧈​ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦏꦒꦸꦤꦤ꧀ꦔꦸꦏꦶꦂ​ꦲꦶꦁ​ꦗꦦꦫ​ꦥꦸꦤꦶꦏ꧈​ꦤꦩ​ꦠꦏ꧀ꦱꦶꦃ​ꦤꦭꦸꦂꦫꦶ​ꦝꦠꦼꦁ​ꦏꦒꦸꦤꦤ꧀ꦗꦮꦶ​ꦏꦭ​ꦗꦩꦤ꧀ꦱꦩꦤ꧀ꦠꦼꦤ꧀꧉

꧋​ꦲꦶꦁ​ꦱꦱꦩ꧀ꦥꦸꦤ꧀ꦤꦶꦁ​ꦏꦼꦠꦶꦔꦭ꧀ꦲꦶꦁ​ꦧꦧ꧀ꦲꦭꦸꦱ꧀ꦱꦶꦁ​ꦒꦫꦥ꧀ꦥꦤ꧀꧈​ꦲꦶꦁ​ꦱꦥꦸꦤꦶꦏ​ꦮꦁ​ꦱꦸꦭ꧀ꦔꦿꦲꦺꦴꦱ꧀ꦱꦶ​ꦝꦠꦼꦁ​ꦲꦭꦸꦱ꧀ꦱꦶꦁ​ꦫꦲꦺꦴꦱ꧀ꦩꦭꦶꦃ꧉​ꦱꦗꦠꦺꦴꦱ꧀ꦱꦶꦥꦸꦤ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦲꦶꦁ​ꦔꦿꦶꦏꦸ​ꦥꦸꦤꦶꦏ꧈​ꦱꦏꦶꦁ​ꦕꦫꦶꦪꦺꦴꦱ꧀ꦱꦶꦥꦸꦤ꧀ꦲꦶꦁ​ꦏꦁ​ꦗꦒꦶ꧈​ꦱꦢꦪ​ꦩꦺꦃ​ꦲꦶꦱꦶ​ꦕꦤ꧀ꦢꦿꦱꦁ​ꦏꦭ꧈​ꦲꦶꦁ​ꦏꦁ​ꦲꦝꦥꦸꦂ​ꦱꦁ​ꦏꦭ​ꦩꦼꦩꦼꦠ꧀꧈​ꦏꦢꦺꦴꦱ꧀ꦠ꧇​ꦕꦕꦃꦲꦶꦁ​ꦏꦺꦴꦫꦶ​ꦮꦶꦮꦶꦠ꧀ꦱꦏꦶꦁ​ꦗꦮꦶ​ꦢꦸꦩꦸꦒꦶ​ꦥꦸꦁ​ꦏꦱ꧀ꦱꦤ꧀꧈​ꦥꦸꦤꦶꦏ​ꦲꦶꦁ​ꦒꦶꦃ​ꦱꦩ꧀ꦥꦸꦤ꧀ꦱꦁ​ꦏꦭꦤ꧀꧉​ꦲꦶꦁ​ꦏꦺꦴꦫꦶ​ꦱꦼꦭ​ꦲꦸꦒꦶ​ꦮꦺꦴꦤ꧀ꦠꦼꦤ꧀ꦱꦁ​ꦏꦭꦤ꧀ꦤꦶꦥꦸꦤ꧀꧈​ꦤꦔꦶꦁ​ꦱꦩ꧀ꦥꦸꦤ꧀ꦫꦒꦶ​ꦚꦩꦂ꧈​ꦲꦮꦶꦠ꧀ꦒꦩ꧀ꦧꦂꦫꦶꦁ​ꦥꦼꦥꦼꦛꦤ꧀ꦱꦁ​ꦏꦭꦤ꧀ꦱꦩ꧀ꦥꦸꦤ꧀ꦱꦩꦶ​ꦫꦶꦱꦏ꧀꧉​

꧋ꦢꦺꦤꦺ​ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦁ​ꦱꦁ​ꦏꦭꦤ꧀ꦲꦶꦁ​ꦏꦁ​ꦕꦼꦛ​ꦥꦶꦤꦁ​ꦒꦶꦃ​ꦮꦺꦴꦤ꧀ꦠꦼꦤ꧀ꦲꦶꦁ​ꦔꦿꦶꦏꦸ꧈​ꦮꦺꦴꦤ꧀ꦠꦼꦤ꧀ꦏꦭꦶꦃ꧈​ꦱꦠꦸꦁ​ꦒꦭ꧀ꦩꦁ​ꦒꦺꦤ꧀ꦲꦶꦁ​ꦠꦼꦩ꧀ꦧꦺꦴꦏ꧀ꦏꦶꦁ​ꦥꦱꦉꦪꦤ꧀ꦱꦶꦱꦶꦃ​ꦏꦶꦭꦺꦤ꧀꧈​ꦲꦮꦂꦤꦶ​ꦒꦩ꧀ꦧꦂ​ꦱꦒꦤ꧀ꦠꦼꦤ꧀(ꦩꦶꦫꦶꦢ꧀ꦱꦏꦶꦁ​ꦥꦼꦥꦼꦛꦤ꧀ꦤꦶꦁ​ꦲꦺꦴꦩ꧀ꦧꦏ꧀)ꦱꦔꦶꦁ​ꦒꦶꦭ꧀ꦭꦶꦁ​ꦱꦒꦤ꧀ꦠꦼꦤ꧀ꦮꦺꦴꦤ꧀ꦠꦼꦤ꧀ꦒꦩ꧀ꦧꦂꦫꦶꦥꦸꦤ꧀ꦗꦼꦩ꧀ꦥꦂꦫꦶꦁ​꧉​ꦲꦁ​ꦒꦺꦤ꧀ꦤꦶꦥꦸꦤ꧀ꦤꦼꦒꦼꦱ꧀ꦱꦶ꧇ ​ꦱꦒꦫ​ꦩꦸꦩ꧀ꦧꦸꦭ꧀ꦥꦶꦤꦤꦃ​ꦠꦸꦁ​ꦒꦭ꧀ = 1504​꧉​ꦱꦠꦸꦁ​ꦒꦭ꧀ꦭꦶꦥꦸꦤ꧀ꦮꦸꦗꦸꦢ꧀ꦱꦼꦫꦠ꧀ꦠꦤ꧀ꦗꦮꦶ​ꦮꦔꦸꦤ꧀ꦏꦶꦤ꧈​ꦠꦠꦃꦲꦤ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦏꦗꦼꦁ​ꦏꦥꦽꦤꦃ​ꦱꦔꦶꦁ​ꦒꦶꦭ꧀ꦭꦶꦁ​ꦭꦮꦁ​꧈​ꦲꦸꦔꦼꦭ꧀ꦭꦶꦥꦸꦤ꧀꧇​ꦩꦸꦭꦾ​ꦒꦸꦤ​ꦥꦚ꧀ꦕ​ꦮꦏ꧀ꦠꦸ ​= 1531​꧉

​꧋ꦩꦶꦫꦶꦢ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦮꦲꦸ​ꦱꦼꦥꦸꦃ​ꦠꦼꦩ꧀ꦧꦺꦴꦏ꧀ꦏꦶꦥꦸꦤ꧀ꦠꦶꦤꦶꦩ꧀ꦧꦁ​ꦭꦮꦁ​ꦔꦶꦥꦸꦤ꧀꧈​ꦢꦼꦤꦼ​ꦱꦢꦪ​ꦮꦲꦸ​ꦩꦤꦮꦶ​ꦏꦥꦶꦫꦶꦢ꧀ꦢꦏꦼꦤ꧀ꦏꦭꦶꦪꦤ꧀ꦗꦩꦤ꧀ꦱꦸꦒꦼꦁ​ꦔꦶꦥꦸꦤ꧀ꦲꦶꦁ​ꦏꦁ​ꦱꦸꦩꦉ꧈​ꦥꦶꦤꦁ​ꦒꦶꦃ​ꦮꦺꦴꦤ꧀ꦠꦼꦤ꧀ꦲꦶꦁ​ꦲꦏꦶꦂꦫꦶꦥꦸꦤ꧀ꦗꦩꦤ꧀ꦢꦼꦩꦏ꧀꧈​ꦩꦶꦭ​ꦲꦶꦁ​ꦒꦶꦃ​ꦩꦺꦩ꧀ꦥꦼꦂ​ꦧꦶꦭꦶꦃ​ꦲꦸꦔꦼꦭ꧀ꦭꦶꦁ​ꦱꦁ​ꦏꦭꦤ꧀ꦱꦼꦫꦠ꧀ꦠꦤ꧀ꦮꦲꦸ​ꦩꦮꦶ​ꦲꦁ​ꦒꦼꦥꦺꦴꦏ꧀ꦏꦲꦶꦱ꧀ꦭꦩ꧀ꦩꦤ꧀꧉

꧋​ꦢꦢꦺꦴꦱ꧀ꦩꦼꦁ​ꦒꦃꦲꦶꦁ​ꦏꦮꦺꦴꦤ꧀ꦠꦼꦤ꧀ꦤꦤ꧀ꦗꦮꦶ꧈​ꦥꦸꦤꦶꦏ​ꦧꦺꦴꦠꦼꦤ꧀ꦱꦃ​ꦠꦤ꧀ꦱꦃ​ꦒꦒꦪꦸꦠ꧀ꦠꦤ꧀ꦏꦭꦶꦪꦤ꧀ꦫꦲꦺꦴꦱ꧀꧉​

ꦗꦒꦢ꧀ꦢꦶꦁ​ꦮꦤꦶꦠ​

꧋ꦧꦧ꧀ꦝꦸꦏꦸꦤ꧀ꦏꦩ꧀ꦥꦸꦁ​꧉

꧋ꦏꦼꦉꦥ꧀ꦱꦔꦼꦠ꧀ꦮꦺꦴꦤ꧀ꦠꦼꦤ꧀ꦉꦩ꧀ꦧꦒ꧀ꦲꦶꦁ​ꦧꦧ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦝꦸꦏꦸꦤ꧀ꦧꦪꦶ​ꦲꦶꦁ​ꦥꦏꦩ꧀ꦥꦸꦁ​ꦔꦤ꧀꧈​ꦲꦶꦁ​ꦏꦁ​ꦭꦶꦩꦿꦃꦲꦶꦥꦸꦤ꧀ꦭꦗꦼꦁ​ꦢꦶꦥꦸꦤ꧀ꦮꦱ꧀ꦠꦤ꧀ꦤꦶ​ꦝꦸꦏꦸꦤ꧀ꦏꦩ꧀ꦥꦸꦁ​꧉​ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦠꦤ꧀ꦱꦃ​ꦢꦢꦺꦴꦱ꧀ꦥꦩꦤꦃꦲꦤ꧀꧈​ꦢꦼꦤꦶꦁ​ꦏꦼꦉꦥ꧀ꦥꦶꦤꦁ​ꦒꦶꦃ​ꦲꦶꦁ​ꦧꦧ꧀ꦝꦸꦏꦸꦤ꧀ꦲꦁ​ꦒꦺꦤ꧀ꦤꦶꦥꦸꦤ꧀ꦩꦶꦠꦸꦭꦸꦁ​ꦔꦶ​ꦠꦶꦪꦁ​ꦩꦤꦏ꧀ꦢꦢꦺꦴꦱ꧀ꦱꦧꦧ꧀꧈​ꦠꦸꦮꦶꦤ꧀ꦲꦶꦁ​ꦧꦧ꧀ꦠꦶꦤ꧀ꦢꦏ꧀ꦏꦶꦁ​ꦥꦔꦸꦥꦏꦫ​ꦝꦠꦼꦁ​ꦠꦶꦪꦁ​ꦲꦶꦁ​ꦏꦁ​ꦩꦼꦤ꧀ꦠꦱ꧀ꦩꦤꦏ꧀꧈​ꦥꦸꦤꦥꦢꦼꦤꦼ​ꦝꦠꦼꦁ​ꦥꦸꦤ꧀ꦗꦧꦁ​ꦧꦪꦶ꧈​ꦏꦼꦠꦶꦔꦭ꧀ꦲꦁ​ꦒꦺꦤ꧀ꦤꦶꦥꦸꦤ꧀ꦠꦤ꧀ꦱꦃ​ꦢꦩꦼꦭ꧀ꦏꦱꦩꦂꦫꦤ꧀꧈​ꦲꦮꦶꦠ꧀ꦏꦠꦶꦔꦭ꧀ꦭꦶꦁ​ꦠꦶꦤ꧀ꦢꦏ꧀ꦠꦤ꧀ꦢꦸꦏ꧀ꦏꦶꦥꦸꦤ꧀ꦤꦩꦸꦁ​ꦱꦂꦮ​ꦲꦁ​ꦒꦼꦒ​ꦏꦗꦼꦁ​ꦔꦶꦥꦸꦤ꧀ꦥꦶꦪꦩ꧀ꦧꦏ꧀꧉​ꦠꦸꦩꦿꦥ꧀ꦥꦶꦥꦸꦤ꧀ꦲꦶꦁ​ꦗꦩꦤ꧀ꦱꦥꦸꦤꦶꦏ꧈​ꦥꦠꦿꦥ꧀ꦲꦶꦁ​ꦏꦁ​ꦏꦢꦺꦴꦱ꧀ꦩꦏꦠꦼꦤ꧀ꦮꦲꦸ​ꦥꦤ꧀ꦠꦼꦱ꧀ꦢꦢꦺꦴꦱ꧀ꦥꦩꦤꦃꦲꦤ꧀ꦤꦶꦥꦸꦤ꧀ꦠꦶꦪꦁ​ꦏꦛꦃ꧈​ꦠꦸꦮꦶꦤ꧀ꦩꦔꦽ