Kaca:Kajawen 01 1928-01-04.pdf/16

Saka Wikisumber
Menyang navigasi Menyang panggolèkan
Kaca iki durung katitiwaca

ꦮꦲꦺꦴꦱꦤ꧀ꦭꦫꦺ​

꧋ꦢꦺꦴꦔꦺꦁ​ꦢꦺꦮꦶ​ꦩꦼꦟꦸꦂꦱꦼꦠ​꧉

I. ​ ꧋ꦩꦶꦪꦺꦴꦱ꧀ꦱꦼ​ꦢꦺꦮꦶ​ꦩꦼꦟꦸꦂꦱꦼꦠ​꧉

꧄ ꦧ꧀ꦕ ꧄ ꦥꦔꦫꦁ​ꦔꦼ​ꦭꦪꦁ​ꦕꦿꦶꦠ​ꦲꦶꦏꦶ꧈​ꦠꦤ꧀ꦥ​ꦩꦤꦶꦱ꧀ꦩꦸꦁ​ꦱꦱꦠ꧀ꦒꦚ꧀ꦕꦂꦫꦤ꧀꧈​ꦭꦺꦴꦮꦸꦁ​ꦏꦁ​ꦒꦺꦴ​ꦠꦸꦤ꧀ꦠꦸꦤꦤ꧀ꦤꦼ꧈​ꦧꦺꦴꦕꦃ​ꦱꦶꦁ​ꦲꦉꦥ꧀ꦮꦼꦫꦸꦃ꧈​ꦲꦶꦁ​ꦕꦫꦤꦼ​ꦮꦺꦴꦁ​ꦔꦁ​ꦒꦶꦠ꧀ꦲꦁ​ꦒꦶꦠ꧀꧈​ꦕꦫꦶꦠ​ꦔꦁ​ꦒꦺꦴ​ꦠꦼꦩ꧀ꦧꦁ​꧈​ꦧꦺꦴꦏ꧀ꦩꦤꦮ​ꦧꦼꦱꦸꦏ꧀꧈​ꦲꦠꦶꦤꦼ​ꦧꦶꦱ​ꦏꦼꦧꦸꦏ꧈​ꦲꦶꦁ​ꦩꦸꦭꦤꦼ​ꦏꦲꦤꦤꦼ​ꦭꦪꦁ​ꦲꦶꦏꦶ꧈​ꦩꦸꦁ​ꦢꦶꦒꦮꦼ​ꦥꦿꦱꦗ꧉​ ꧄ ꦏꦺꦴꦕꦥ꧀ꦧꦶꦪꦺꦤ꧀ꦲꦤ​ꦫꦠꦸ​ꦭꦸꦮꦶꦃ꧈​ꦔꦼꦫꦺꦃ​ꦩꦼꦚꦁ​ꦥꦥꦝꦤꦶꦁ​ꦫꦗ꧈​ꦤꦒꦫꦤꦼ​ꦭꦸꦮꦶꦃ​ꦒꦼꦝꦼ꧈​ꦏꦧꦺꦃ​ꦱꦶꦁ​ꦥꦝ​ꦠꦼꦭꦸꦏ꧀꧈​ꦲꦺꦴꦫ​ꦱꦿꦤ​ꦒꦮꦼ​ꦥꦥꦠꦶ꧈​ꦠꦼꦠꦼꦭꦤꦼ​ꦩꦸꦁ​ꦱꦏ꧈​ꦲꦩ꧀ꦧꦼꦒ꧀ꦒꦼ​ꦯꦁ​ꦦꦿꦧꦸ꧈​ꦧꦶꦱ​ꦔꦼꦤꦏꦶ​ꦱꦥꦝ꧈​ꦭꦤ꧀ꦒꦭꦶꦃꦲꦼ​ꦮꦼꦭꦱ꧀ꦱꦤ꧀ꦱꦱꦩꦶ​ꦱꦩꦶ꧈​ꦭꦸꦩꦸꦃ​ꦥꦁ​ꦒꦮꦼ​ꦲꦭ꧉​ ꧄ ꦏꦸꦕꦶꦮꦤꦼ​ꦯꦁ​ꦦꦿꦧꦸ​ꦱꦲꦶꦏꦶ꧈​ꦪꦸꦱ꧀ꦮꦤꦼ​ꦩꦺꦃ​ꦚꦤ꧀ꦝꦏ꧀ꦱꦸꦮꦶꦢꦏ꧀ꦏꦤ꧀꧈​ꦩꦸꦁ​ꦢꦸꦫꦸꦁ​ꦲꦤ​ꦥꦸꦠꦿꦤꦼ꧈​ꦏꦺꦴꦕꦥ​ꦏꦁ​ꦗꦼꦁ​ꦫꦠꦸ꧈​ꦏꦠꦺꦴꦤ꧀ꦧꦔꦼꦠ꧀ꦲꦁ​ꦒꦺꦴꦤ꧀ꦤꦼ​ꦱꦼꦝꦶꦃ꧈​ꦫꦶꦤ​ꦮꦼꦔꦶ​ꦏꦼꦒꦒꦱ꧀꧈​ꦥꦿꦶꦪꦼ​ꦠꦼꦩ꧀ꦧꦼ​ꦧꦼꦱꦸꦏ꧀꧈​ꦤꦸꦗꦸ​ꦱꦮꦶꦗꦶꦤꦶꦁ​ꦢꦶꦤ꧈​ꦏꦁ​ꦗꦼꦁ​ꦫꦠꦸ​ꦊꦁ​ꦒꦃ​ꦲꦶꦗꦺꦤ꧀ꦠꦤ꧀ꦥ​ꦏꦤ꧀ꦛꦶ꧈​ꦱꦩ꧀ꦧꦶ​ꦔꦱ꧀ꦠ​ꦢꦺꦴꦤ꧀ꦢꦺꦴꦩ꧀ꦩꦤ꧀꧉​ ꧄ ꦝꦺꦏ꧀ꦱꦩꦤ​ꦲꦸꦢꦤ꧀ꦫꦶꦮꦶꦱꦿꦶꦮꦶꦱ꧀꧈​ꦱꦫꦸꦥꦤꦼ​ꦏꦼꦩ꧀ꦧꦁ​ꦲꦶꦁ​ꦠꦩꦤ꧀ꦤꦤ꧀꧈​ꦏꦪ​ꦱꦺꦁ​ꦏ꧀ꦭꦺꦃ​ꦒꦺꦴꦝꦺꦴꦁ​ꦔꦤꦼ꧈​ꦫꦸꦥꦤꦼ​ꦥꦝ​ꦧ꧀ꦭꦮꦸꦱ꧀꧈​ꦥꦥꦝꦁ​ꦔꦼ​ꦲꦶꦁ​ꦫꦶꦤ​ꦔꦤ꧀ꦠꦶ꧈​ꦏꦪ​ꦩꦸꦁ​ꦫꦩꦾꦁ​ꦫꦩꦾꦁ​꧈​ꦩꦸꦭ​ꦏꦁ​ꦗꦼꦁ​ꦫꦠꦸ꧈​ꦥꦶꦤ꧀ꦝꦃ​ꦕꦼꦝꦏ꧀ꦭꦤ꧀ꦗꦤ꧀ꦝꦼꦭ꧈​ꦲꦸꦔꦏ꧀ꦲꦸꦔꦏ꧀ꦲꦱ꧀ꦠꦤꦼ​ꦏꦫꦺꦴ​ꦚꦼꦚꦩ꧀ꦧꦶ꧈​ꦒꦺꦴꦤꦼ​ꦔꦱ꧀ꦠ​ꦢꦺꦴꦤ꧀ꦢꦺꦴꦩ꧀ꦩꦤ꧀꧉​ ꧄ ꦲꦶꦁ​ꦮꦸꦱꦤ​ꦏꦒꦺꦠ꧀ꦲꦶꦁ​ꦥꦁ​ꦒꦭꦶꦃ꧈​ꦏꦿꦱ​ꦭꦫ​ꦲꦱ꧀ꦠꦤꦼ​ꦱꦶꦁ​ꦏꦶꦮ꧈​ꦱꦸꦩꦼꦁ​ꦏꦿꦁ​ꦩꦼꦠꦸ​ꦒꦼꦠꦶꦃꦲꦼ꧈​ꦢꦼꦤꦼ​ꦚꦠꦤꦼ​ꦲꦶꦏꦸ꧈​ꦏꦼꦕꦺꦴꦕꦺꦴꦒ꧀ꦝꦺꦴꦩ꧀ꦝꦺꦏ꧀ꦲꦤ꧀ꦢꦺꦴꦤ꧀ꦢꦺꦴꦩ꧀ꦩꦶ꧈​ꦠꦺꦠꦺꦱ꧀ꦱꦶꦁ​ꦒꦼꦠꦶꦃ​ꦠꦶꦧ꧈​ꦲꦤ​ꦏꦼꦩ꧀ꦧꦁ​ꦩꦼꦤꦸꦂ꧈​ꦫꦸꦥꦤꦼ​ꦢꦢꦶ​ꦱꦼꦩꦸ​ꦧꦁ​꧈​ꦭꦃ​ꦲꦶꦁ​ꦏꦺꦴꦤꦺꦴ​ꦏꦼꦮꦶꦪꦺꦴꦱ꧀ꦫꦲꦺꦴꦱ꧀ꦱꦶꦁ​ꦒꦭꦶꦃ꧈​ꦔꦤ꧀ꦢꦶꦏ​ꦥꦶꦪꦩ꧀ꦧꦏ꧀ꦏꦤ꧀꧉​ ꧄ ꦲꦸꦥꦩꦤꦼ​ꦄꦭ꧀ꦭꦃ​ꦚꦼꦩ꧀ꦧꦢꦤꦶ꧈​ꦲꦶꦁ​ꦱꦸꦤ꧀ꦤꦸꦭꦶ​ꦧꦶꦱ​ꦲꦥꦼꦥꦸꦠꦿ꧈​ꦮꦢꦺꦴꦤ꧀ꦱꦶꦁ​ꦲꦪꦸ​ꦫꦸꦥꦤꦼ꧈​ꦏꦸꦭꦶꦠꦼ​ꦥꦸꦠꦶꦃ​ꦩꦼꦤ꧀ꦛꦸꦂ꧈​ꦩꦶꦫꦶꦧ꧀ꦏꦪ​ꦩꦼꦤꦸꦂ​ꦱꦶꦁ​ꦥꦸꦠꦶꦃ꧈​ꦥꦶꦥꦶꦤꦼ​ꦫꦢ​ꦲꦧꦁ​꧈​ꦱꦶꦁ​ꦏꦪ​ꦒꦼꦠꦶꦃꦏꦸ꧈​ꦝꦱꦂ​ꦫꦩ꧀ꦧꦸꦠ꧀ꦲꦶꦉꦁ​ꦥꦚ꧀ꦗꦁ​꧈​ꦩꦩꦤꦶꦱ꧀ꦱꦼ​ꦔꦱꦺꦴꦂꦏꦼ​ꦊꦒꦶꦤꦶꦁ​ꦒꦼꦤ꧀ꦝꦶꦱ꧀꧈​ꦧꦸꦔꦃꦏꦸ​ꦲꦶꦧ​ꦲꦶꦧ꧉​ ꧄ ꦔꦤ꧀ꦢꦶꦏꦤꦼ​ꦏꦁ​ꦗꦼꦁ​ꦥꦿꦩꦺꦱ꧀ꦮꦫꦶ꧈​ꦮꦶꦱ꧀ꦢꦶꦭꦭꦃ​ꦢꦢꦶ​ꦭꦭꦤ꧀ꦠꦂꦫꦤ꧀꧈​ꦏꦱꦼꦩ꧀ꦧꦢꦤꦶꦁ​ꦏꦂꦱꦤꦼ꧈​ꦏꦺꦴꦤꦺꦴ​ꦤꦸꦭꦶ​ꦏꦼꦠꦼꦩꦸ꧈​ꦏꦁ​ꦗꦼꦁ​ꦫꦠꦸ​ꦥꦼꦥꦸꦠꦿ​ꦥꦸꦠꦿꦶ꧈​ꦕꦲꦾꦤꦼ​ꦱꦱꦠ꧀ꦏꦪ꧈​ꦭꦶꦤ꧀ꦠꦁ​ꦥꦚ꧀ꦗꦼꦂ​ꦲꦺꦱꦸꦏ꧀꧈​ꦲꦶꦁ​ꦏꦁ​ꦫꦩ​ꦧꦔꦼꦠ꧀ꦉꦤ꧈​ꦥꦸꦠꦿꦶ​ꦩꦲꦸ​ꦏꦥꦉꦁ​ꦔꦼ​ꦢꦶꦥꦫꦧꦶ꧈​ꦱꦁ​ꦢꦺꦮꦶ​ꦩꦼꦟꦸꦂꦱꦼꦠ꧉ ꧄ ​ꦫꦶꦤ​ꦮꦼꦔꦶ​ꦥꦶꦗꦼꦂ​ꦢꦶꦠꦼꦁ​ꦒꦤꦶ꧈​ꦫꦩ​ꦲꦶꦧꦸ​ꦠꦤ꧀ꦱꦃ​ꦲꦔꦼꦔꦸꦢꦁ​꧈​ꦧꦼꦱꦸꦏ꧀ꦏꦿꦩ​ꦫꦠꦸ​ꦒꦼꦝꦼ꧈​ꦲꦤꦔꦶꦁ​ꦲꦺꦴꦫ​ꦠꦸꦭꦸꦱ꧀꧈​ꦧꦉꦁ​ꦲꦺꦴꦭꦺꦃ​ꦮꦠꦫ​ꦱꦱꦶ꧈​ꦏꦁ​ꦲꦶꦧꦸ​ꦤꦸꦭꦶ​ꦒꦼꦫꦃ꧈​ꦩꦢꦭ꧀ꦲꦶꦁ​ꦥꦶꦠꦸꦭꦸꦁ​꧈​ꦏꦧꦺꦃ​ꦝꦸꦏꦸꦤ꧀ꦠꦤ꧀ꦥ​ꦒꦸꦤ꧈​ꦲꦶꦁ​ꦮꦸꦱꦤ​ꦱꦼꦢ​ꦏꦁ​ꦗꦼꦁ​ꦥꦿꦩꦺꦱ꧀ꦮꦫꦶ꧈​ꦲꦤꦶꦭꦂ​ꦩꦼꦟꦸꦂꦱꦼꦠ꧉​ ꧄ ꦯꦁ​ꦦꦿꦧꦸ​ꦫꦶꦧꦼꦢ꧀ꦲꦶꦁ​ꦥꦁ​ꦒꦭꦶꦃ꧈​ꦲꦺꦔꦼꦠ꧀ꦩꦼꦚꦁ​ꦢꦺꦮꦶ​ꦩꦼꦟꦸꦂꦱꦼꦠ꧈​ꦢꦼꦤꦼ​ꦢꦶꦠꦶꦭꦂ​ꦲꦶꦧꦸꦤꦼ꧈​ꦧꦺꦴꦕꦃꦲꦼ​ꦲꦶꦱꦶꦃ​ꦤꦸꦱꦸ꧈​ꦧꦉꦁ​ꦔꦺꦴꦤꦺꦴ​ꦱꦁ​ꦥꦿꦧꦸ​ꦤꦸꦭꦶ꧈​ꦏꦒꦸꦁ​ꦔꦤ꧀ꦏꦂꦱ​ꦏꦿꦩ꧈​ꦧꦺꦴꦏ꧀ꦩꦤꦮ​ꦲꦶꦏꦸ꧈​ꦱꦶꦁ​ꦧꦶꦱ​ꦲꦔꦼꦩꦺꦴꦁ​ꦔꦤ꧈​ꦲꦶꦁ​ꦥꦸꦠꦿꦤꦼ​ꦱꦶꦁ​ꦧꦔꦼꦠ꧀ꦩꦩꦼꦭꦱ꧀ꦲꦱꦶꦃ꧈​ꦔꦤ꧀ꦠꦶ​ꦒꦼꦝꦼꦤꦶꦁ​ꦥꦸꦠꦿ꧉ ​꧄ .