Kaca:Kajawen 01 1928-01-04.pdf/13

Saka Wikisumber
Menyang navigasi Menyang panggolèkan
Kaca iki durung katitiwaca

ꦉꦩ꧀ꦧꦒ꧀ꦒꦶꦥꦸꦤ꧀꧈​ꦯꦼꦩꦂ꧈​ꦓꦫꦺꦁ​ꦭꦤ꧀ ​ꦦꦺꦠꦿꦸꦏ꧀

꧋ꦧꦧ꧀ ꦮꦮꦠꦼꦏꦤ꧀ꦤꦶꦥꦸꦤ꧀ꦠꦶꦪꦁ​ꦚꦩ꧀ꦧꦸꦠ꧀ꦢꦩꦼꦭ꧀

꧋ꦯꦼꦩꦂ​꧇ ​ꦲꦔꦸꦤꦤ꧀ꦢꦶꦏ꧇​ꦌ꧈​ꦠꦏ꧀ꦥꦶꦏꦶꦂ​ꦥꦶꦏꦶꦂ​ꦩꦸꦭ​ꦪ​ꦠꦼꦩꦼꦤ꧀ꦤꦤ꧀꧈​ꦮꦺꦴꦁ​ꦲꦸꦫꦶꦥ꧀ꦏꦸꦮꦶ​ꦲꦺꦴꦫ​ꦏꦼꦤ​ꦲꦁ​ꦒꦼꦝꦺꦏ꧀ꦲꦏꦺ​ꦏꦩꦸꦏ꧀ꦠꦺꦤ꧀꧈​ꦏꦸꦢꦸ​ꦔꦺꦔꦺꦃ​ꦔꦺꦔꦺꦃ​ꦱꦶꦁ​ꦧꦸꦫꦶ꧈​ꦲꦮꦶꦠ꧀ꦮꦺꦴꦁ​ꦱꦶꦁ​ꦢꦸꦮꦺ​ꦠꦸꦫꦸꦤ꧀꧈​ꦏꦸꦮꦶ​ꦏꦸꦢꦸ​ꦲꦺꦭꦶꦁ​ꦩꦫꦁ​ꦲꦸꦫꦶꦥ꧀ꦥꦺ꧉​ꦩꦸꦁ​ꦒꦸꦃ​ꦕꦺꦴꦤ꧀ꦠꦺꦴꦤꦺ​ꦩꦸꦭ​ꦲꦶꦪ​ꦥꦶꦫꦁ​ꦥꦶꦫꦁ​꧇​ꦮꦺꦴꦁ​ꦱꦶꦁ​ꦲꦩ꧀ꦧꦸꦫꦸ​ꦏꦱꦼꦤꦼꦁ​ꦔꦤ꧀ꦭꦤ꧀ꦏꦩꦸꦏ꧀ꦠꦺꦤ꧀ꦤꦺ​ꦝꦺꦮꦺ꧈​ꦲꦺꦴꦫ​ꦔꦺꦭꦶꦁ​ꦔꦶ​ꦩꦫꦁ​ꦥꦼꦩ꧀ꦧꦸꦫꦶꦤꦺ꧈​ꦏꦸꦮꦶ​ꦲꦤꦏ꧀ꦠꦸꦫꦸꦤꦺ​ꦱꦶꦁ​ꦲꦏꦺꦃ​ꦲꦶꦪ​ꦧꦚ꧀ꦗꦸꦂ​ꦥꦝ​ꦲꦺꦴꦫ​ꦏꦫꦸꦮꦤ꧀꧉​ꦠꦠ​ꦭꦲꦶꦫꦺ​ꦧꦲꦺ​ꦫꦏ꧀ꦮꦸꦱ꧀ꦏꦼꦚꦠꦲꦤ꧀꧈​ꦱꦥ​ꦮꦺꦴꦁ​ꦔꦺ​ꦲꦩ꧀ꦧꦸꦫꦸ​ꦏꦱꦼꦤꦼꦁ​ꦔꦤ꧀ꦤꦺ​ꦝꦺꦮꦺ꧈​ꦏꦸꦮꦶ​ꦲꦶꦪ​ꦲꦺꦴꦫ​ꦔꦫꦸꦃꦲꦏꦺ​ꦩꦼꦚꦁ​ꦲꦤꦏ꧀ꦏꦺ꧈​ꦲꦥ​ꦲꦤꦏ꧀ꦏꦺ​ꦱꦼꦏꦺꦴꦭꦃ​ꦲꦸꦠꦮ​ꦩ꧀ꦭꦶꦚ꧀ꦕꦸꦂ꧈​ꦲꦶꦪ​ꦲꦺꦴꦫ​ꦮꦼꦫꦸꦃ​ꦲꦸꦠꦮ​ꦲꦺꦴꦫ​ꦲꦩ꧀ꦧꦶꦭ꧀ꦏꦼꦥꦭ​ꦥꦸꦱꦶꦁ​꧉​ꦲꦤꦏꦺ​ꦤꦏꦭ꧀ꦲꦸꦠꦮ​ꦲꦺꦴꦫ꧈​ꦲꦶꦪ​ꦲꦺꦴꦫ​ꦲꦩ꧀ꦧꦶꦭ꧀ꦥꦼꦂꦝꦸꦭꦶ꧉​ꦮꦶꦱ꧀ꦩꦼꦱ꧀ꦛꦶ​ꦠ​ꦪꦺꦤ꧀ꦲꦤꦏ꧀ꦏꦺ​ꦮꦸꦱꦤꦤꦺ​ꦲꦶꦪ​ꦧꦚ꧀ꦗꦸꦂ​ꦢꦢꦶ​ꦏꦥꦶꦫꦤ꧀ꦏꦥꦶꦫꦸꦤ꧀꧉​ꦱꦺꦗꦺ​ꦏꦫꦺꦴ​ꦮꦺꦴꦁ​ꦱꦶꦁ​ꦩꦶꦏꦶꦂ​ꦚꦁ​ꦲꦸꦫꦶꦥ꧀ꦥꦺ꧈​ꦏꦸꦮꦶ​ꦲꦤꦏ꧀ꦠꦸꦫꦸꦤꦺ​ꦩꦼꦱ꧀ꦛꦶ​ꦥꦝ​ꦢꦢꦶ꧈​ꦲꦮꦶꦠ꧀ꦱꦧꦼꦤ꧀ꦢꦶꦤ​ꦠꦤ꧀ꦱꦃ​ꦩꦶꦏꦶꦂ​ꦭꦤ꧀ꦩꦿꦶꦲꦠꦶꦤ꧀ꦤꦏꦺ꧉​ꦲꦥ​ꦱꦧꦧ꧀ꦧꦺ꧈​ꦢꦺꦤꦺ​ꦲꦤꦏ꧀ꦲꦤꦏ꧀ꦏꦸ꧇​ꦓꦫꦺꦁ​ꦭꦤ꧀ꦦꦺꦠꦿꦸꦏ꧀꧈​ꦥꦝ​ꦢꦢꦶ​ꦱꦩ꧀ꦠꦼꦤꦂ​ꦱꦩ꧀ꦠꦼꦤꦂ꧈​ꦲꦺꦴꦫ​ꦭꦶꦪ​ꦱꦏ​ꦒꦼꦝꦺꦤꦺ​ꦥꦿꦶꦲꦠꦶꦤ꧀ꦏꦸ꧈​ꦭꦒꦶ​ꦤꦫꦪꦤꦤꦺ​ꦭꦏꦸꦏꦸ​ꦩꦸꦭ​ꦲꦶꦪ​ꦲꦧꦺꦴꦠ꧀ꦠꦼꦩꦼꦤ꧀ꦤꦤ꧀꧈​ꦮꦺꦴꦁ​ꦩꦔꦤ꧀ꦒꦺꦴꦝꦺꦴꦁ​ꦒꦤ꧀ꦝꦸꦭ꧀ꦛꦺꦴꦏ꧀ꦧꦲꦺ​ꦭꦮꦱ꧀ꦱꦺ​ꦏꦺꦴꦏ꧀ꦔꦤ꧀ꦠꦶ​ 40 ​ꦢꦶꦤ꧈​ꦪ​ꦧꦼꦤꦼꦂ​ꦱꦗꦼꦫꦺꦴꦤꦺ​ꦩꦔꦤ꧀ꦒꦺꦴꦝꦺꦴꦁ​ꦒꦤ꧀ꦝꦸꦭ꧀ꦩꦲꦸ​ꦱꦺꦴꦏ꧀ꦏꦠꦸꦠ꧀ꦠꦤ꧀ꦱꦼꦒ​ꦠꦼꦭꦸꦁ​ꦥꦶꦫꦶꦁ​ꦭꦤ꧀ꦱꦩ꧀ꦧꦼꦭ꧀ꦱꦭꦪꦃ꧈​ꦲꦤꦔꦶꦁ...

​꧋ꦓꦫꦺꦁ​꧇​ ꦮꦝꦸꦃ꧈​ꦩꦼꦁ​ꦏꦺꦴꦤꦺꦴ​ꦏꦸꦮꦶ​ꦠꦶꦫꦏꦠ꧀ꦩꦸ꧈​ꦩ꧈​ꦱꦥ​ꦧꦲꦺ​ꦲꦶꦪ​ꦩꦼꦱ꧀ꦛꦶ​ꦧꦼꦠꦃꦲꦺ꧈​ꦧꦺꦴꦏ꧀ꦲꦶꦪ​ꦲꦗ​ꦔꦸꦤꦺꦏ꧀ꦲꦏꦺ​ꦒꦺꦴꦝꦺꦴꦁ​ꦒꦤ꧀ꦝꦸꦭ꧀ꦛꦺꦴꦏ꧀꧈​ꦧꦺꦴꦏ꧀ꦲꦶꦪ​ꦩꦸꦤꦶ​ꦧꦲꦺ​ꦩꦔꦤ꧀ꦱꦼꦒ​ꦭꦭꦧ꧀ꦧꦺ​ꦒꦺꦴꦝꦺꦴꦁ​ꦒꦤ꧀ꦝꦸꦭ꧀꧈​ꦏꦛꦶꦏ꧀ꦢꦶꦪꦸꦧꦁ​ꦲꦸꦧꦼꦁ​ꦲꦺꦴꦫ​ꦲꦸꦫꦸꦱ꧀ꦔꦺꦴꦤꦺꦴ꧉​

꧋ꦦꦺꦠꦿꦸꦏ꧀꧇ ​ꦭꦺꦴ꧈​ꦲꦗ​ꦏꦒꦺꦠ꧀꧈​ꦫꦺꦁ​꧈​ꦮꦶꦱ꧀ꦩꦼꦁ​ꦏꦺꦴꦤꦺꦴ​ꦮꦠꦼꦏ꧀ꦏꦺ​ꦱꦶ​ꦫꦩ꧈​ꦩꦫ​ꦠꦏꦺꦴꦤ꧀ꦤꦤ​ꦱꦧꦧ꧀ꦧꦺ​ꦲꦥ​ꦫꦩ​ꦱꦧꦼꦤ꧀ꦧꦼꦔꦶ​ꦠꦤ꧀ꦱꦃ​ꦝꦺꦴꦩꦶꦤꦺꦴ​ꦧꦲꦺ꧈​ꦩꦼꦁ​ꦏꦺꦴ​ꦮꦁ​ꦱꦸꦭ꧀ꦭꦤꦺ​ꦫꦏ꧀ꦏꦁ​ꦒꦺꦴ​ꦤꦶꦫꦏꦠ꧀ꦠꦏꦺ​ꦲꦤꦏ꧀ꦏꦺ​ꦲꦸꦠꦮ​ꦱꦸꦥꦪ​ꦲꦤꦏ꧀ꦏꦺ​ꦥꦝ​ꦥꦿꦶꦲꦠꦶꦤ꧀꧈​ꦗꦫꦺꦤꦺ​ꦲꦼꦭꦺꦏ꧀ꦏꦺ​ꦩꦲꦸ​ꦢꦶꦥꦫꦶꦁ​ꦔꦏꦺ​ꦚꦁ​ꦲꦤꦏ꧀ꦥꦸꦠꦸꦤꦺ꧈​ꦢꦺꦤꦺ​ꦲꦁ​ꦒꦺꦴꦤ꧀ꦤꦺ​ꦝꦺꦴꦩꦶꦤꦺꦴ​ꦩꦲꦸ​ꦱꦸꦥꦪ​ꦧꦤ꧀ꦝꦤꦺ​ꦲꦺꦁ​ꦒꦭ꧀ꦭ​ꦲꦼꦤ꧀ꦠꦺꦏ꧀꧈​ꦲꦮꦶꦠ꧀ꦪꦺꦤ꧀ꦧꦤ꧀ꦝꦤꦺ​ꦠꦤ꧀ꦱꦃ​ꦭꦸꦩ꧀ꦥꦸꦏ꧀꧈​ꦲꦶꦁ​ꦠꦼꦩ꧀ꦧꦺ​ꦧꦸꦫꦶꦤꦺ​ꦩꦸꦤ꧀ꦝꦏ꧀ꦲꦤ꧀ꦢꦢꦺꦏ꧀ꦲꦏꦺ​ꦥꦱꦸꦭꦪꦤꦺ​ꦲꦤꦏ꧀ꦥꦸꦠꦸꦤꦺ꧉​

꧋ꦯꦼꦩꦂ​꧇ ​ꦌ꧈​ꦲꦤꦏ꧀ꦭꦤꦁ​ꦭꦺꦴꦫꦺꦴ​ꦏꦛꦶꦏ꧀ꦥꦝ​ꦮꦤꦶ​ꦮꦤꦶ​ꦏꦫꦺꦴ​ꦮꦺꦴꦁ​ꦠꦸꦮ꧈​ꦏꦪ​ꦏꦪ​ꦲꦁ​ꦒꦺꦴꦤ꧀ꦏꦸ​ꦚꦏꦺꦴꦭꦃꦲꦏꦺ​ꦲꦶꦪ​ꦲꦺꦴꦫ​ꦏꦲꦶꦤꦤ꧀꧈​ꦱꦼꦏꦺꦴꦭꦃꦲꦺ​ꦩ꧀ꦭꦪꦸ​ꦲꦶꦪ​ꦮꦶꦱ꧀ꦠꦸꦠꦸꦒ꧀꧈​ꦠꦤ꧀ꦝꦤꦺ​ꦝꦺꦏ꧀ꦚꦼꦧꦿꦺꦴꦠ꧀ꦗꦫꦶꦠ꧀ꦤꦁ​ꦥꦱꦂ​ꦢꦶꦪꦺꦴꦪꦏ꧀ꦲꦸꦥꦱ꧀ꦥꦶꦫꦁ​ꦥꦶꦫꦁ​ꦲꦺꦴꦫ​ꦏꦼꦕꦤ꧀ꦝꦏ꧀꧉​

꧋ꦓꦫꦺꦁ​꧇​ꦲꦫ꧈​ꦏꦺꦴꦏ꧀ꦧꦚ꧀ꦗꦸꦂ​ꦏꦼꦢ꧀ꦭꦫꦸꦁ​ꦢ꧀ꦭꦫꦸꦁ​꧈​ꦮꦶꦱ꧀꧈​ꦩ꧈​ꦲꦸꦮꦶꦱ꧀꧈​ꦠꦼꦏꦏꦸ​ꦏꦫꦺꦴ​ꦱꦶ​ꦦꦺꦠꦿꦸꦏ꧀ꦫꦺꦤꦺ