Kaca:Iki Tjarita Satus Papat.pdf/285

ꦔꦸꦭꦸꦁꦔꦏꦺꦪꦺꦯꦸꦱ꧀꧈ꦧꦉꦁꦮꦼꦫꦸꦃꦪꦺꦤ꧀ꦏꦥꦠꦿꦥ꧀ꦥꦤ꧀ꦏ꦳ꦸꦏꦸꦩ꧀ꦥꦠꦶ꧈ꦧꦚ꧀ꦗꦸꦂꦏꦢꦸꦮꦸꦁ꧈ꦠꦸꦩꦸꦭꦶꦲꦩ꧀ꦧꦭꦺꦏ꧀ꦲꦏꦺꦮꦁꦱꦭꦏꦠꦼꦭꦸꦁꦥꦸꦭꦸꦃꦩꦲꦸ꧈ꦩꦫꦁꦆꦩꦩ꧀ꦒꦼꦣꦺꦭꦤ꧀ꦥꦫꦥꦶꦤ꧀ꦤꦶꦠꦸꦮ꧈ꦲꦠꦸꦂꦫꦺ꧈ꦏꦸꦭꦱꦩ꧀ꦥꦸꦤ꧀ꦲꦢꦩꦼꦭ꧀ꦥꦶꦲꦮꦺꦴꦤ꧀꧈ꦢꦺꦤ꧀ꦤꦺꦏꦸꦭꦲꦔꦸꦭꦸꦁꦔꦏꦼꦤ꧀ꦫꦃꦉꦱꦶꦏ꧀꧉ꦮꦁꦱꦸꦭ꧀ꦭꦤ꧀ꦤꦺ꧈ꦲꦏꦸꦲꦺꦴꦫꦥꦼꦂꦢꦸꦭꦶ꧈ꦲꦶꦏꦸꦥꦿꦏꦫꦩꦸꦣꦺꦮꦺ꧉ꦪꦸꦢꦱ꧀ꦠꦸꦩꦸꦭꦶꦲꦔꦸꦚ꧀ꦕꦭ꧀ꦭꦏꦺꦮꦁꦱꦭꦏꦩꦲꦸꦩꦫꦁꦲꦶꦁꦩꦼꦱ꧀ꦗꦶꦢ꧀꧈ꦧꦚ꧀ꦗꦸꦂꦭꦸꦔꦱꦂꦠꦲꦔ꧀ꦭꦮꦺꦲꦮꦏ꧀ꦏꦺꦣꦺꦮꦺ꧈ꦩꦺꦴꦁꦏꦆꦩꦩ꧀ꦒꦼꦣꦺꦲꦚ꧀ꦗꦸꦏꦸꦏ꧀ꦮꦁꦱꦭꦏꦲꦶꦏꦸ꧈ꦥꦔꦸꦕꦥ꧀ꦥꦺ꧈ꦲꦺꦴꦫꦥꦠꦸꦠ꧀ꦪꦺꦤ꧀ꦢꦶꦊꦧꦺꦴꦏ꧀ꦏꦼꦤ꧀ꦤꦲꦶꦁꦥꦼꦛꦶꦢꦤ꧈ꦱꦧꦧ꧀ꦲꦶꦏꦸꦥꦠꦸꦏꦺꦴꦤ꧀ꦤꦶꦁꦒꦼꦠꦶꦃ꧉ꦠꦸꦩꦸꦭꦶꦥꦣꦫꦶꦤ꧀ꦤꦼꦩ꧀ꦧꦸꦒ꧀ꦲꦉꦥ꧀ꦠꦶꦤꦸꦏꦺꦴꦏ꧀ꦲꦏꦺꦥꦊꦩꦃꦲꦤ꧀ꦤꦶꦁꦏꦸꦟ꧀ꦝꦶ꧈ꦒꦶꦤ꧀ꦤꦮꦺꦥꦗꦫꦠ꧀ꦠꦤ꧀ꦤꦺꦮꦺꦴꦁꦤꦼꦤꦼꦏ꧈ꦩꦸꦭꦤ꧀ꦤꦺꦊꦩꦃꦲꦶꦏꦸꦢꦶꦲꦫꦤ꧀ꦤꦶꦥꦊꦩꦃꦲꦤ꧀ꦒꦼꦠꦶꦃ꧉꧉

---

꧓꧒꧈
꧋ꦪꦺꦯꦸꦱ꧀ꦲꦤꦔꦉꦥ꧀ꦥꦺꦦꦶꦭꦡꦸꦱ꧀ꦭꦤ꧀ꦲꦺꦫꦺꦴꦣꦼꦱ꧀꧉

꧋ꦲꦤꦢꦺꦤ꧀ꦤꦺꦪꦺꦯꦸꦱ꧀ꦗꦸꦩꦼꦤ꧀ꦤꦼꦁꦲꦤꦔꦉꦥ꧀ꦥꦶꦁꦨꦸꦦꦡꦶ꧈ꦩꦺꦴꦁꦏꦨꦸꦦꦡꦶꦥꦶꦠꦏꦺꦴꦤ꧀ꦩꦫꦁꦪꦺꦯꦸꦱ꧀꧈ꦏꦺꦴꦮꦺꦲꦶꦏꦸꦲꦥꦫꦡꦸꦤ꧀ꦤꦺꦮꦺꦴꦁꦪꦲꦸꦢꦶ꧈ꦮꦁꦱꦸꦭ꧀ꦭꦤ꧀ꦤꦺꦪꦺꦯꦸꦱ꧀꧈ꦏꦫꦠꦺꦴꦤ꧀ꦏꦸꦲꦺꦴꦫꦱꦏꦲꦶꦁꦗꦒꦢ꧀ꦲꦶꦏꦶ꧈ꦭꦩꦸꦤ꧀ꦏꦫꦠꦺꦴꦤ꧀ꦏꦸꦱꦏꦲꦶꦁꦗꦒꦢ꧀ꦲꦶꦏꦶ꧈ꦲꦩꦼꦰ꧀ꦛꦶꦲꦧ꧀ꦢꦶꦏꦸꦥꦣꦲꦔ꧀ꦭꦮꦤ꧀꧈ꦱꦸꦥꦪꦲꦏꦸꦲꦗꦢꦶꦲꦸꦭꦸꦁꦔꦏꦺꦩꦫꦁꦮꦺꦴꦁꦪꦲꦸꦢꦶ꧉ꦥꦔꦸꦕ