Gurit Climen
Unggah-Ungguh Jawa
Dening: Fandy Aprianto Rohman
Unggah-ungguh Jawa, tata krama minulya
Mulangaké suba sita saben ing tembungé
Micara alus, kebak kurmat lan tresna
Marang wong tuwa, kang tansah anteng
Tansah dhungkluk nalika ketemu
Tandha kurmat marang kanca lan mitra
Èsem lan sapa aruh ora naté kendhat
Ya kuwi urip kang kebak tresna
Marang wong tuwa, micara kang ati-ati
Ngurmati kanthi andhap asor
Asta ing ngarep, ngemu patrap tata krama
Unggah-ungguh iki gawé tentreming ati sarta batin
Sinau unggah-ungguh, aja lumuh
Urip dadi tentrem, ora ana padudon
Tansah ngurmati marang sapepadha
Budaya Jawa iki pancen nomer siji
Ayo kita jaga lan terus disinaoni
Supaya unggah-ungguh ora bakal sirna
Kanthi tulus eklas karumat bebarengan
Budaya Jawa kanggo kita sedaya
Kadang Taruna
8
