Gurit Climen
Lurik Ngayogyakarta
Dening: Iwan Dwi Aprianto
Kain lurik lan bathik karantam éndah
Rasukan Ngayogyakarta, èdi lan pèni
Karasuk kanthi becik, kebak makna
Warisan leluhur kang kebak carita
Ana blangkon kanggo para priya
Iket cara Jawa, kanggo rerenggan mustaka
Kain bathik mulet ing awak kang manis
Awèh sengsem sopan, alus, lan tresna
Kebaya alus kanggo para wanodya
Kajait kanthi rasa tresna, warna kang muncar
Karasuk kanthi èsem kang tulus lan bungah
Nggawa hawa suka sajroning jangkah wening
Dudu mung rasukan, nanging ajining urip
Nuduhaké suba sita, tata krama, lan susila
Mulangaké tansah tepa slira
Lumantar rasukan tradhisi kang ngemu basa
Ayo kita uri-uri bebarengan
Aja nganti ilang, rumaten selawasé
Kanthi bombong dianggo, dijaga, lan dirumat
Supaya budaya Jawa tetep sentosa lan lestari
Kadang Taruna
7
