Kaca iki wis dikorèksi
Gurit Climen
Gamelan Nuswantara
Dening: Fandy Aprianto Rohman
Klonèng gamelan kaprungu alus
Swara-swara éndah teka ketemu
Gong lan saron, kendhang lan bonang
Laras nyawiji unining keprungu
Gamelan unining lirih ing talingan
Angiring beksan, uga carita bangsa
Saka Jawa, Sundha, Bali, kabèh ana
Unining gamelan kang kebak makna
Nyawang ibu lan bapa beksan kanthi luwes
Ngetutaké irama kang kebak laras
Gamelan mulangaké kita guyub
Urip rukun, kebak irama bagya mulya
Unining alunan, mawisik supeket
Warisan adi luhung leluhur
Ayo kita jaga, kita rumat bebarengan
Supaya unining gamelan ora sirna ing donya
Gamelan Nuswantara, swaraning kita sami
Ngrabuk tresna, tentrem, lan suka cita
Kanthi ati bingah kita unèkaké ing saben wanci
Kadang Taruna
6
