Kaca iki wis dikorèksi
Gurit Climen
Gobag Sodor
Dening: Erlyndita Setyawardani
Ayo dolanan, ayo dijajal
Gobag sodor kang nengsemaké
Mlayu cukat mrana-mréné
Ucul saka kang jaga, ayo digolèki!
Ing lapangan cilik, ana garis-garis
Mlayu kanthi semangat, aja nangis!
Kang jaga siyaga ngadhangi dalan
Lumpatana, aja mandheg
Ana kang jaga, ana kang mlayu
Gobag sodor kebak réka-réka
Sapa kang lincah, sapa kang cukat
Mesthi menang, ora kesisih!
Kanca padha bengok, “Ayo cepet!”
Sadurunge kang jaga saya semangat
Kanthi jangkah alon, ati-ati
Nuju garis pungkasan, bisa enggal menang!
Gobag sodor pancen nyenengaké
Gawé kita sentosa lan luwih prigel
Gegulan kakendelan lan uga guyonan
Kadang Taruna
12
