Kaca:Dongèngané wit katès.pdf/21

Saka Wikisumber
Menyang navigasi Menyang panggolèkan
Kaca iki wis dikorèksi

Kancil karo baya

dèkné ora ijèn nang kriki kono, nanging ènèng baya pirang-pirang pada ngupengi dèkné.

Kancil mikir: “ Saiki wis bar aku iki!”

Baya sing mauné diapusi karo Kancil terus ngomong: “Saiki kowé wis kenèng tenan Cil. Kowé wis ora bisa lunga nang endi-endi!”

Kancil terus semaur: “Aku iya ora mikir arep mblayu lunga apa kepriyé! Menawa waé pancèn wis pestiku aku kudu dipangan baya, iya kepriyé menèh, mosok bodo kowé kono saiki!”

Kabèh terus amleng. Kancil terus takon karo Baya: “Lah kowé kok nggawa kanca semono okèhé? Apa perluné?”

“Kanca-kancaku iki tak kumpulké arep tak jak mangan bebarengan!”

“Ora apik iku Baya, iku mengko wis genah maraké gègèran. Ora apik nèk kowé mengko pada tukaran rebutan aku. Aku luwung dipangan kowé