Kaca:De Boeken des Ouden Verbonds in de Javaansche Taal deel 1.pdf/74

ꦲꦶꦩ꧀ꦠꦸꦩꦸꦭꦶꦔꦢꦼꦒ꧀ꦱꦏꦔꦉꦥ꧀ꦥꦤ꧀ꦤꦶꦁꦭꦪꦺꦴꦤ꧀ꦤꦺ꧈ꦭꦤ꧀ꦲꦸꦩꦠꦸꦂꦩꦫꦁꦠꦸꦫꦸꦤ꧀ꦤꦺꦏ꦳ꦺꦠ꧀꧈ꦲꦠꦸꦂꦫꦺ꧉
꧔꧈ꦏꦸꦭꦥꦸꦤ꧀ꦤꦶꦏꦱꦫꦺꦃ ꦤꦶꦁꦠꦶꦪꦁꦲꦺꦁꦒꦭ꧀ꦩꦁꦒꦺꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦠꦼꦁꦔꦃꦱꦩ꧀ꦥꦺꦪꦤ꧀꧈ꦱꦩ꧀ꦥꦺꦪꦤ꧀ꦩꦸꦒꦶꦲꦩꦫꦶꦁꦔꦤꦣꦠꦼꦁꦏꦸꦭꦲꦁꦒꦣꦃꦲꦶꦥꦏꦸꦧꦸꦂꦫꦤ꧀ꦲꦶꦁꦠꦤ꧀ꦤꦃꦱꦩ꧀ꦥꦺꦪꦤ꧀꧈ꦱꦸꦥꦢꦺꦴꦱ꧀ꦏꦸꦭꦱꦒꦼꦢ꧀ꦢꦩꦼꦠꦏ꧀ꦭꦪꦺꦴꦤ꧀ꦱꦁꦏꦶꦁꦔꦗꦼꦁꦔꦤ꧀ꦏꦸꦭ꧉
꧕꧈ꦲꦤꦢꦺꦤ꧀ꦤꦺꦠꦸꦫꦸꦤ꧀ꦤꦺꦏ꦳ꦺꦠ꧀ꦥꦣꦲꦩꦁꦱꦸꦭ꧀ꦭꦶꦲꦠꦸꦂꦩꦫꦁꦆꦨꦿꦲꦶꦩ꧀꧉
꧖꧈ꦲꦺꦃꦠꦸꦮꦤ꧀꧈ꦱꦩ꧀ꦥꦺꦪꦤ꧀ꦲꦩꦶꦪꦂꦰꦏ꧀ꦏꦼꦤ꧀ꦤꦣꦠꦼꦁꦲꦠꦸꦂꦏꦸꦭ꧈ꦱꦩ꧀ꦥꦺꦪꦤ꧀ꦥꦸꦤ꧀ꦤꦶꦏꦤꦪꦏꦤ꧀ꦤꦶꦁꦄꦭ꧀ꦭꦃꦮꦺꦴꦤ꧀ꦠꦼꦤ꧀ꦲꦶꦁꦠꦼꦁꦔꦃꦏꦸꦭ꧈ꦭꦪꦺꦴꦤ꧀ꦱꦩ꧀ꦥꦺꦪꦤ꧀ꦥꦸꦤ꧀ꦤꦶꦏꦱꦩ꧀ꦥꦺꦪꦤ꧀ꦥꦼꦠꦏ꧀ꦝꦠꦼꦁꦥꦏꦸꦧꦸꦂꦫꦤ꧀ꦏꦸꦭ꧈ꦥꦸꦤ꧀ꦢꦶꦲꦶꦁꦏꦁꦱꦩ꧀ꦥꦺꦪꦤ꧀ꦥꦶꦭꦶꦃ꧈ꦏꦢꦺꦴꦱ꧀ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦠꦶꦪꦁꦲꦶꦁꦏꦁꦲꦩꦭꦁꦔꦤꦥꦏꦸꦧꦸꦂꦫꦤ꧀ꦤꦶꦥꦸꦤ꧀ꦝꦠꦼꦁꦱꦩ꧀ꦥꦺꦪꦤ꧀꧈ꦱꦩ꧀ꦥꦺ ꦪꦤ꧀ꦩꦼꦠꦏ꧀ꦏꦭꦪꦺꦴꦤ꧀ꦱꦩ꧀ꦥꦺꦪꦤ꧀꧉
꧗꧈ꦩꦺꦴꦁꦏꦆꦨꦿꦲꦶꦩ꧀ꦔꦢꦼ ꦒ꧀​ꦠꦸꦩꦸꦭꦶꦲꦟ꧀ꦝꦼꦏꦸꦩꦫꦁꦮꦺꦴꦁꦨꦸꦩꦶꦠꦸꦫꦸꦤ꧀ꦤꦺꦏ꦳ꦺꦠ꧀꧉
꧘꧈ꦏꦁꦱꦂ ꦠꦲꦸꦩꦠꦸꦂ꧈ꦩꦼꦤ꧀ꦤꦮꦶꦮꦺꦴꦤ꧀ꦠꦼꦤ꧀ꦏꦂꦰꦱꦩ꧀ꦥꦺꦪꦤ꧀꧈ꦪꦺꦤ꧀ꦏꦸꦭꦩꦼꦠꦏ꧀ꦭꦪꦺꦴꦤ꧀ꦱꦏꦶꦁꦔꦗꦼꦁꦔꦤ꧀ꦏꦸꦭ꧈ꦱꦩ꧀ꦥꦺꦪꦤ꧀ꦩꦸꦒꦶꦲꦩꦶꦪꦂꦰꦏ꧀ꦏꦼꦤ꧀ꦤꦣꦠꦼꦁꦲꦠꦸꦂꦏꦸꦭ꧈ꦩꦸꦒꦶꦱꦩ꧀ꦥꦺꦪꦤ꧀ꦲꦔꦠꦸꦂꦉꦤ꧀ꦤꦥꦤꦸꦮꦸꦤ꧀ꦏꦸꦭꦣꦠꦼꦁꦌꦥ꦳ꦿꦺꦴꦤꦤ꧀ꦥꦸꦠꦿꦤ꧀ꦤꦶꦥꦸꦤ꧀ꦱꦺꦴꦏ꦳ꦂ꧉
꧙꧈ꦲꦶꦁꦏꦁꦥꦸꦤ꧀ꦤꦶꦏꦩꦸꦒꦶꦲꦩꦫꦶꦁꦔꦼꦤ꧀ꦤꦣꦸꦩꦠꦼꦁꦏꦸꦭꦏꦒꦸꦁꦔꦤ꧀ꦤꦶꦥꦸꦤ꧀ꦒꦸꦮꦩꦏ꧀ꦥꦺꦭꦃ꧈ꦥꦽꦤ꧀ꦤꦃꦲꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦥꦺꦴꦗꦺꦴꦏ꧀ꦥꦒꦼꦂꦱꦶꦠꦶꦤ꧀ꦤꦶꦥꦸꦤ꧀꧈ꦏꦥꦫꦶꦁꦔꦼꦤ꧀ꦤꦣꦠꦼꦁꦏꦸꦭ꧈ꦩꦮꦶꦪꦪꦠꦿꦱꦥꦶꦤ꧀ꦠꦼꦤ꧀ꦤꦥꦔꦲꦺꦴꦱ꧀ꦱꦶꦥꦸꦤ꧀꧈ꦢꦢꦺꦴꦱ꧀ꦱꦒꦣꦃꦲꦤ꧀ꦏꦸꦭꦥꦏꦸꦧꦸꦂꦫꦤ꧀ꦲꦶꦁꦠꦼꦁꦔꦃꦱꦩ꧀ꦥꦺꦪꦤ꧀꧉
꧑꧐꧈ꦲꦤꦢꦺꦤ꧀ꦤꦺꦌꦥ꦳ꦿꦺꦴꦤ꧀ꦲꦩꦉꦁꦔꦶꦭꦸꦁꦒꦸꦃꦲꦤꦲꦶꦁꦱꦠꦼꦁꦔꦃꦲꦺꦠꦸꦫꦸꦤ꧀ꦤꦺꦏ꦳ꦺꦠ꧀꧈ꦢꦺꦤ꧀ꦤꦺꦌꦥ꦳ꦿꦺꦴꦤ꧀ꦮꦺꦴꦁꦏ꦳ꦶꦠꦶꦲꦤ꧀ꦤꦩ꧀ꦧꦸꦁꦔꦶ