Kaca:De Boeken des Ouden Verbonds in de Javaansche Taal deel 1.pdf/72

꧙꧈ꦧꦉꦁꦮꦸꦱ꧀ꦠꦸꦩꦼꦏꦲꦤꦲꦶꦁꦥꦁꦒꦺꦴꦤ꧀ꦤꦤ꧀꧈ꦏꦁꦮꦸꦱ꧀ꦢꦶꦥꦔꦤ꧀ꦢꦶꦏꦏ꧀ꦲꦏꦺꦢꦺꦤ꧀ꦤꦶꦁꦄꦭ꧀ꦭꦃ꧈ꦆꦨꦿꦲꦶꦩ꧀ꦧꦚ꧀ꦗꦸꦂꦲꦪꦱꦩꦶꦱ꧀ꦧꦾꦃꦲꦤꦲꦶꦁꦏꦺꦴꦤ꧀ꦤꦺꦴ꧈ꦭꦤ꧀ꦲꦤ꧀ꦤꦠꦏꦪꦸꦤ꧀ꦤꦺ꧈ꦱꦮꦸꦱ꧀ꦱꦺꦲꦤ꧀ꦤꦭꦺꦤ꧀ꦤꦶꦩꦫꦁꦆꦱ꧀ꦏ꦳ꦏ꧀ꦥꦸꦠꦿꦤ꧀ꦤꦺ꧈ꦧꦚ꧀ꦗꦸꦂꦠꦶꦤꦸꦩ꧀ꦥꦁꦔꦏꦺꦲꦤꦲꦶꦁꦩꦶꦱ꧀ꦧꦾꦃꦱꦣꦸꦮꦸꦂꦫꦶꦁꦏꦪꦸ꧉
꧑꧐꧈ꦠꦸꦩꦸꦭꦶꦆꦨꦿꦲꦶꦩ꧀ꦲꦩꦸꦭꦸꦁꦲꦱ꧀ꦠꦤ꧀ꦤꦺꦭꦤ꧀ꦲꦔꦥꦺꦏ꧀ꦭꦢꦶꦁ꧈ꦧꦏꦭ꧀ꦲꦤ꧀ꦚꦩ꧀ꦧꦼꦭꦺꦃꦩꦫꦁꦥꦸꦠꦿꦤ꧀ꦤꦺ꧉
꧑꧑꧈ꦩꦺꦴꦁꦏꦩꦭꦲꦺꦏꦠ꧀ꦠꦶꦁꦦꦔꦺꦫꦤ꧀ꦲꦔꦸꦮꦸꦃꦲꦸꦮꦸꦃꦩꦫꦁꦆꦨꦿꦲꦶꦩ꧀ꦱꦏꦲꦶꦁꦯ꧀ꦮꦂꦓ꧈ꦥꦔꦤ꧀ꦢꦶꦏꦤ꧀ꦤꦺ꧈ꦲꦺꦃꦆꦨꦿꦲꦶꦩ꧀꧈ꦆꦨꦿꦲꦶꦩ꧀꧈ꦮꦁꦱꦸꦭ꧀ꦭꦤ꧀ꦤꦺꦭꦃꦏꦮꦸꦭ꧉
꧑꧒꧈ꦠꦸꦩꦸꦭꦶꦩꦭꦲꦺꦏꦠ꧀ꦲꦔꦤ꧀ꦢꦶꦏ꧈ꦲꦗꦱꦶꦫꦔꦸꦭꦸꦁꦔꦏꦺꦠꦔꦤ꧀ꦤꦶꦫꦩꦫꦁꦧꦺꦴꦕꦃꦲꦶꦏꦸ꧈ꦭꦤ꧀ꦲꦗꦱꦶꦫꦏꦥꦏ꧀ꦏꦥꦏ꧀ꦲꦏꦺ꧈ꦱꦧꦧ꧀ꦱꦲꦶꦏꦶꦲꦶꦁꦯꦸꦤ꧀ꦮꦸꦱ꧀ꦮꦼꦂꦫꦸꦃ꧈ꦪꦺꦤ꧀ꦱꦶꦫꦲꦶꦏꦸꦮꦼꦢꦶꦩꦫꦶꦁꦄꦭ꧀ꦭꦃ꧈ꦭꦤ꧀ꦱꦶꦫꦮꦸꦱ꧀ꦲꦺꦴꦫꦲꦔꦸꦏꦸꦃꦲꦶꦲꦤ꧀ꦤꦏ꧀ꦏꦶꦫꦲꦺꦴꦤ꧀ꦠꦁꦔꦤ꧀ꦠꦶꦁ꧈ꦏꦁꦲꦶꦁꦯꦸꦤ꧀ꦥꦸꦟ꧀ꦝꦸꦠ꧀꧉
꧑꧓꧈ꦆꦨꦿꦲꦶꦩ꧀ꦠꦸꦩꦸꦭꦶꦠꦸꦩꦼꦁꦔꦱꦂꦠꦲꦤ꧀ꦤꦺꦴꦭꦺꦃꦲꦶꦁꦧꦸꦫꦶꦤ꧀ꦤꦺꦲꦤꦮꦼꦣꦸꦱ꧀ꦭꦤ꧀ꦤꦁ꧈ꦱꦸꦔꦸꦤ꧀ꦤꦺꦏꦱꦁꦱꦁꦔꦤ꧀ꦧꦺꦴꦟ꧀ꦝꦺꦴꦠ꧀꧈ꦆꦨꦿꦲꦶꦩ꧀ꦧꦚ꧀ꦗꦸꦂꦲꦩꦫꦤ꧀ꦤꦶꦭꦤ꧀ꦲꦔꦭꦥ꧀ꦮꦼꦣꦸꦱ꧀ꦱꦶꦏꦸ꧈ꦤꦸꦭꦶꦒꦶꦤ꧀ꦤꦮꦺꦏꦸꦂꦧꦤ꧀ꦠꦸꦤ꧀ꦤꦺꦴꦤ꧀꧈ꦭꦶꦭꦶꦫꦺꦴꦤ꧀ꦤꦶꦁꦥꦸꦠꦿꦤ꧀ꦤꦺ꧉
꧑꧔꧈ꦲꦤꦢꦺꦤ꧀ꦤꦺꦥꦁꦒꦺꦴꦤ꧀ꦤꦤ꧀ꦤꦶꦏꦸꦆꦨꦿꦲꦶꦩ꧀ꦲꦚ꧀ꦗꦼꦤ꧀ꦤꦼꦁꦔꦏꦺ꧈ꦦꦔꦺꦫꦤ꧀ꦲꦔꦠꦶꦔꦭ꧀ꦭꦏꦺ꧈ꦩꦸꦭꦤ꧀ꦤꦺꦏꦺꦴꦁꦱꦶꦠꦸꦩꦼꦏꦲꦶꦁꦢꦶꦤ꧀ꦤꦲꦶꦏꦶꦏꦱꦼꦧꦸꦠ꧀꧈ꦲꦶꦁꦒꦸꦤꦸꦁꦦꦔꦺꦫꦤ꧀ꦏꦠꦶꦔꦭ꧀ꦭꦤ꧀꧉
꧑꧕꧈ꦠꦸꦩꦸꦭꦶꦩꦭꦲꦺꦏꦠ꧀ꦠꦶꦁꦦꦔꦺꦫꦤ꧀ꦲꦔꦸꦮꦸꦃꦲꦸꦮꦸꦃꦏꦥꦶꦁꦥꦶꦟ꧀ꦝꦺꦴꦤ꧀ꦤꦺꦩꦫꦁꦆꦨꦿꦲꦶꦩ꧀ꦱꦏꦲꦶꦁꦯ꧀ꦮꦂꦓ꧉
꧑꧖꧈ꦣꦮꦸꦃꦲꦺ꧈ꦲꦶꦁꦯꦸꦤ꧀ꦱꦸꦥꦠꦢꦼꦩꦶꦲꦶꦁꦯꦸꦤ꧀ꦥꦿꦶꦧꦢꦶ꧈ꦥꦔꦤ꧀ꦢꦶꦏꦤ꧀ꦤꦶꦁꦦꦔꦺꦫꦤ꧀꧈ꦱꦫꦺꦃꦤꦶꦁꦱꦶꦫꦮꦸꦱ꧀ꦲꦔ꧀ꦭꦏꦺꦴꦤ꧀ꦤꦶꦥꦁꦒꦮꦺꦲꦶꦏꦸ꧈ꦭꦤ꧀ꦮꦸꦱ꧀ꦲꦺꦴꦫꦲꦔꦸꦏꦸꦃꦲꦶꦲꦤ꧀ꦤꦏ꧀ꦏꦶꦫꦲꦺꦴꦤ꧀ꦠꦁꦔꦤ꧀ꦠꦶꦁ꧉
꧑꧗꧈ꦲ