Kaca:De Boeken des Ouden Verbonds in de Javaansche Taal deel 1.pdf/328

ꦔꦏꦺꦲꦶꦁꦥꦭꦁ꧈ꦏꦁꦥꦣꦒꦶꦤ꧀ꦤꦮꦺꦲꦼꦩꦱ꧀꧈ꦲꦥꦩꦤ꧀ꦤꦺꦃꦥꦭꦁꦥꦣꦧꦶꦤ꧀ꦤꦭꦺꦴꦁꦱꦺꦴꦁꦲꦶꦁꦔꦼꦩꦱ꧀꧉
꧓꧕꧈ꦠꦸꦩꦸꦭꦶꦲꦒꦮꦺꦒꦸꦧꦃꦭꦮꦺꦧꦶꦫꦸ꧈ꦭꦤ꧀ꦲꦧꦁꦩꦶꦮꦃꦗꦶꦁꦒ꧈ꦲꦸꦠꦮꦥꦸꦠꦶꦃꦥꦶꦤꦸꦤ꧀ꦠꦸ꧈ꦥꦁꦒꦮꦺꦃꦲꦤ꧀ꦤꦺꦮꦺꦴꦁꦮꦱꦶꦱ꧀꧈ꦏꦶꦤ꧀ꦤꦺꦴꦟ꧀ꦛꦫꦸꦥꦏꦼꦫꦸꦧ꧀꧉
꧓꧖꧈ꦠꦸꦩꦸꦭꦶꦥꦶꦤ꧀ꦤꦱꦁꦲꦤꦲꦶꦁꦱꦏꦒꦸꦫꦸꦥꦥꦠ꧀ꦏꦪꦸꦕꦼꦟ꧀ꦝꦤ꧈ꦩꦺꦴꦁꦏꦱꦏꦲꦶꦏꦸꦥꦣꦧꦶꦤ꧀ꦤꦭꦺꦴꦁꦱꦺꦴꦁꦲꦶꦁꦔꦼꦩꦱ꧀꧈ꦱꦂꦠꦥꦏꦸꦤ꧀ꦤꦺꦲꦼꦩꦱ꧀꧈ꦲꦥꦢꦺꦤ꧀ꦤꦺꦱꦏꦥꦥꦠ꧀ꦠꦶꦏꦸꦢꦶꦤ꧀ꦤꦺꦴꦏꦺꦴꦏ꧀ꦏꦤ꧀ꦲꦸꦩ꧀ꦥꦏ꧀ꦥꦥꦠ꧀ꦱꦼꦭꦏꦱꦶꦔꦺꦤ꧀꧉
꧓꧗꧈ꦠꦸꦩꦸꦭꦶꦲꦒꦮꦺꦲꦭꦶꦁꦔꦭꦶꦁꦭꦮꦁꦔꦶꦁꦠꦫꦸꦧ꧀꧈ꦏꦁꦒꦶꦤ꧀ꦤꦮꦺꦭꦮꦺꦧꦶꦫꦸ꧈ꦭꦤ꧀ꦲꦧꦁꦩꦶꦮꦃꦗꦶꦁꦒ꧈ꦲꦸꦠꦮꦥꦸꦠꦶꦃꦏꦁꦥꦶꦤꦸꦤ꧀ꦠꦸ꧈ꦥꦁꦒꦮꦺꦃꦲꦤ꧀ꦤꦺꦮꦺꦴꦁꦚꦺꦴꦁꦏꦺꦠ꧀꧉
꧓꧘꧈ꦥꦶꦤ꧀ꦤꦱꦁꦲꦤꦱꦏꦭꦶꦭꦶꦩ꧈ꦢꦶꦲꦼꦠꦿꦥ꧀ꦥꦏꦺꦲꦶꦁꦥꦏꦸꦤ꧀ꦤꦺ꧈ꦢꦺꦤ꧀ꦤꦺꦥꦸꦕꦸꦏ꧀ꦏꦶꦁꦱꦏꦭꦶꦭꦶꦩꦲꦶꦏꦸꦥꦣꦥꦶꦤ꧀ꦤꦺꦴꦟ꧀ꦛꦁꦝꦁꦔꦼꦩꦱ꧀꧈ꦭꦤ꧀ꦮꦠꦺꦴꦤ꧀ꦤꦶꦁꦔꦭꦶꦁꦔꦭꦶꦁꦔꦶꦏꦸ꧈ꦏꦁꦒꦶꦤ꧀ꦤꦮꦺꦲꦼꦩꦱ꧀꧈ꦤꦔꦶꦁꦲꦸꦩ꧀ꦥꦏ꧀ꦏꦺꦱꦏꦭꦶꦭꦶꦩꦲꦶꦏꦸ꧈ꦏꦁꦒꦶꦤ꧀ꦤꦮꦺꦠꦼꦩ꧀ꦧꦒ꧉꧉

---

꧋ꦧꦧ꧀ꦏꦥꦶꦁꦠꦼꦭꦸꦁꦥꦸꦭꦸꦃꦥꦶꦠꦸ꧉

ꦒ꧀​ꦠꦸꦩꦸꦭꦶꦧꦼꦱꦭꦺꦄꦭ꧀ꦲꦒꦮꦺꦥꦼꦛꦶꦏꦪꦸꦕꦼꦟ꧀ꦝꦤ꧈ꦢꦮꦤ꧀ꦤꦺꦠꦼꦭꦸꦠꦼꦁꦔꦃꦲꦱ꧀ꦠ꧈ꦭꦤ꧀ꦲꦩ꧀ꦧꦤ꧀ꦤꦺꦏꦫꦺꦴꦠꦼꦁꦔꦃꦲꦱ꧀ꦠ꧈ꦩꦶꦮꦃꦣꦸꦮꦸꦂꦫꦺꦏꦫꦺꦴꦠꦼꦁꦔꦃꦲꦱ꧀ꦠ꧉
꧒꧈ꦢꦺꦤ꧀ꦤꦺꦥꦼꦛꦶꦲꦶꦏꦸꦧꦶꦤ꧀ꦤꦭꦺꦴꦁꦱꦺꦴꦁꦲꦶꦁꦔꦼꦩꦱ꧀ꦱꦢꦶ꧈ꦲꦶꦁꦗꦼꦂꦫꦺꦴꦭꦤ꧀ꦲꦶꦁꦗꦧ꧈ꦭꦤ꧀ꦥꦶꦤ꧀ꦤꦭꦶꦱꦶꦂꦫꦤ꧀ꦩꦱ꧀ꦲꦶꦁꦱꦲꦸꦧꦼꦁꦔꦺ꧉
꧓꧈ꦠꦸꦩꦸꦭꦶꦲꦤ꧀ꦤꦶꦁꦔꦶꦒꦼꦭꦁꦩꦱ꧀ꦥꦥꦠ꧀꧈ꦥꦶꦤ꧀ꦤꦱꦁꦥꦺꦴꦗꦺꦴꦏ꧀ꦏꦤ꧀ꦤꦶꦁꦥꦼꦛꦶꦥꦥꦠ꧀꧈ꦒꦼꦭꦁꦏꦁꦱꦗꦺꦴꦣꦺꦴꦥꦽꦤ꧀ꦤꦃꦲꦺꦲꦤꦲꦶꦫꦶꦁꦔꦤ꧀ꦏꦁꦱꦱꦶꦱꦶꦃ꧈ꦒꦼꦭꦁꦏꦁꦱꦗꦺꦴꦣꦺꦴꦥꦽꦤ꧀ꦤꦃꦲꦺꦲꦤꦲꦶꦫꦶꦁꦔꦤ꧀ꦱꦶꦱꦶꦪꦺ꧉
꧔꧈ꦠꦸꦩꦸꦭꦶꦲꦒꦮꦺꦥꦶꦏꦸꦭ꧀ꦭꦤ꧀ꦏꦪꦸ