Kaca:De Boeken des Ouden Verbonds in de Javaansche Taal deel 1.pdf/296

ꦩꦁꦩꦲꦸꦠꦤ꧀ꦱꦃꦲꦤꦲꦧꦛꦸꦏ꧀ꦏꦺꦄꦫꦸꦤ꧀꧈ꦱꦸꦥꦪꦦꦔꦺꦫꦤ꧀ꦲꦤ꧀ꦤꦫꦶꦩꦲꦥꦶꦱꦸꦁꦱꦸꦁꦩꦲꦸ꧉
꧓꧙꧈​ꦲꦥꦩꦤ꧀ꦤꦺꦃꦱꦶꦫꦲꦒꦮꦺꦪꦏꦺꦴꦠꦁꦩꦺꦴꦫꦶꦥꦸꦠꦶꦃ꧈ꦭꦤ꧀ꦱꦼꦂꦧꦤ꧀ꦲꦶꦪꦒꦮꦺꦤ꧀ꦤꦼꦤ꧀ꦩꦺꦴꦫꦶꦥꦸꦠꦶꦃ꧈ꦩꦶꦮꦃꦱꦧꦸꦏ꧀ꦥꦁꦒꦮꦺꦃꦲꦤ꧀ꦤꦺꦮꦺꦴꦁꦚꦺꦴꦁꦏꦺꦠ꧀꧉
꧔꧐꧈​ꦭꦤ꧀ꦩꦤ꧀ꦤꦶꦁꦔꦺꦲꦤ꧀ꦤꦏ꧀ꦏꦺꦄꦫꦸꦤ꧀ꦱꦶꦫꦒꦮꦺꦏ꧀ꦏꦼꦤ꧀ꦤꦏꦺꦴꦠꦁ꧈ꦲꦸꦠꦮꦱꦧꦸꦏ꧀ꦩꦶꦮꦃꦏꦼꦛꦸ꧈ꦲꦶꦏꦸꦩꦶꦤ꧀ꦤꦺꦴꦁꦏꦢꦢꦶꦪꦏꦩꦸꦭꦾꦤ꧀ꦤꦺꦩꦶꦮꦃꦏꦲꦺꦤ꧀ꦢꦃꦲꦤ꧀ꦤꦺ꧉
꧔꧑꧈ꦲꦤꦢꦺꦤ꧀ꦤꦺꦄꦫꦸꦤ꧀ꦏꦏꦁꦔꦶꦫꦱꦲꦤ꧀ꦤꦏ꧀ꦏꦺꦥꦣꦱꦶꦫꦥꦿꦧꦺꦴꦠ꧀ꦠꦤꦱꦂꦠꦗꦼꦧꦢ꧀ꦢꦤ꧈ꦭꦤ꧀ꦠꦔꦤ꧀ꦤꦺꦥꦣꦒꦮꦤ꧀ꦤꦤ꧈ꦥꦣꦥꦶꦗꦶꦤ꧀ꦤꦼꦤ꧀ꦒꦺꦴꦤ꧀ꦤꦺꦲꦔꦶꦩꦤ꧀ꦤꦏꦺꦩꦫꦁꦔꦶꦁꦯꦸꦤ꧀꧉
꧔꧒꧈ꦭꦤ꧀ꦩꦤ꧀ꦤꦶꦁꦔꦺꦱꦶꦫꦲꦒꦮꦺꦪꦏꦛꦺꦴꦏ꧀ꦭꦮꦺꦴꦤ꧀꧈ꦒꦶꦤ꧀ꦤꦮꦺꦲꦤꦸꦠꦸꦥ꧀ꦥꦶꦏꦮꦶꦫꦁꦔꦤ꧀ꦤꦺ꧈ꦮꦶꦮꦶꦠ꧀ꦱꦏꦲꦶꦁꦕꦼꦛꦶꦏ꧀ꦠꦸꦩꦼꦏꦲꦲꦶꦁꦥꦸꦥꦸꦔꦶꦱꦺꦴꦂ꧉
꧔꧓꧈ꦩꦺꦴꦁꦏꦲꦶꦏꦸꦥꦿꦧꦺꦴꦠ꧀ꦠꦺꦄꦫꦸꦤ꧀ꦱꦲꦤ꧀ꦤꦏ꧀ꦏꦺ꧈ꦪꦺꦤ꧀ꦥꦤꦸꦗꦸꦭꦸꦩꦼꦧꦸꦲꦶꦁꦠꦫꦸꦧ꧀ꦥꦱꦩꦸꦮꦤ꧀꧈ꦲꦸꦠꦮꦪꦺꦤ꧀ꦥꦤꦸꦗꦸꦲꦸꦩꦉꦏ꧀ꦩꦫꦁꦩꦶꦱ꧀ꦧꦾꦃ꧈ꦒꦺꦴꦤ꧀ꦤꦺꦲꦔ꧀ꦭꦢꦺꦤ꧀ꦤꦶꦲꦤꦲꦶꦁꦥꦁꦒꦺꦴꦤ꧀ꦤꦤ꧀ꦱꦸꦕꦶ꧈ꦲꦗꦏꦺꦴꦁꦱꦶꦲꦤ꧀ꦤꦟ꧀ꦝꦁꦢꦺꦴꦱꦭꦤ꧀ꦠꦸꦩꦼꦏꦲꦶꦁꦥꦠꦶ꧈ꦥꦿꦤ꧀ꦤꦠꦤ꧀ꦤꦶꦏꦸꦭꦁꦒꦼꦁ꧈ꦩꦸꦁꦒꦸꦃꦲꦶꦁꦄꦫꦸꦤ꧀ꦭꦤ꧀ꦱꦮꦶꦗꦶꦤ꧀ꦤꦺꦲꦶꦁꦱꦥꦸꦁꦏꦸꦂꦫꦺ꧉꧉

---

꧋ꦧꦧ꧀ꦏꦥꦶꦁꦱꦔꦭꦶꦏꦸꦂ꧉

ꦒ꧈꧋ꦲꦤꦢꦺꦤ꧀ꦤꦺꦒꦺꦴꦤ꧀ꦤꦶꦫꦩꦶꦗꦶꦄꦫꦸꦤ꧀ꦱꦲꦤ꧀ꦤꦏ꧀ꦏꦺ꧈ꦲꦔꦶꦩꦤ꧀ꦤꦏꦺꦩꦫꦁꦔꦶꦁꦯꦸꦤ꧀꧈ꦥꦠꦿꦥ꧀ꦥꦺꦩꦼꦁꦏꦺꦤ꧀ꦤꦺ꧈ꦱꦶꦫꦲꦔꦭꦥ꧀ꦥꦱꦥꦶꦱꦶꦗꦶꦏꦁꦔꦶꦱꦶꦃꦥꦼꦣꦺꦠ꧀꧈ꦱꦂꦠꦮꦼꦣꦸꦱ꧀ꦭꦤ꧀ꦤꦁꦭꦺꦴꦫꦺꦴꦏꦁꦠꦤ꧀ꦥꦕꦕꦢ꧀꧉
꧒꧈ꦩꦶꦮꦃꦫꦺꦴꦠꦶꦏꦁꦠꦤ꧀ꦥꦫꦒꦶ꧈ꦠꦸꦮꦶꦤ꧀ꦲꦥꦼꦩ꧀ꦏꦁꦠꦤ꧀ꦥꦫꦒꦶꦭꦶꦤ꧀ꦤꦼꦁꦔꦤ꧀ꦤꦤ꧀꧈ꦲꦥꦩꦤ꧀ꦤꦺꦃꦭꦺ