Kaca:De Boeken des Ouden Verbonds in de Javaansche Taal deel 1.pdf/178

꧒꧘꧈꧋ꦲꦺꦤꦢꦺꦤ꧀ꦤꦺꦪꦲꦸꦢꦏꦲꦸꦠꦸꦱ꧀ꦫꦸꦩꦶꦪꦶꦤ꧀ꦢꦺꦤ꧀ꦤꦶꦁꦏꦁꦫꦩꦩꦫꦁꦓꦺꦴꦯꦺꦤ꧀꧈ꦲꦔꦠꦸꦂꦫꦶꦲꦸꦤ꧀ꦤꦶꦔꦩꦫꦁꦪꦸꦯꦸꦥ꦳꧀꧈ꦠꦸꦩꦸꦭꦶꦥꦣꦠꦸꦩꦼꦏꦩꦫꦁꦓꦺꦴꦯꦺꦤ꧀꧉
꧒꧙꧈ꦪꦸꦯꦸꦥ꦳꧀ꦠꦸꦩꦸꦭꦶꦲꦣꦮꦸꦃꦢꦤ꧀ꦢꦤ꧀ꦤꦶꦏꦫꦺꦠ꧈ꦧꦚ꧀ꦗꦸꦂꦲꦤ꧀ꦤꦶꦠꦶꦃꦏꦫꦺꦠꦒꦺꦴꦤ꧀ꦤꦺꦲꦩꦼꦛꦸꦏ꧀ꦲꦶꦱꦿꦆꦭ꧀ꦏꦁꦫꦩꦩꦫꦁꦓꦺꦴꦯꦺꦤ꧀꧈ꦱꦮꦸꦱ꧀ꦱꦺꦏꦠꦼꦩꦸꦧꦚ꧀ꦗꦸꦂꦲꦔꦿꦁꦏꦸꦭ꧀ꦗꦁꦒꦤ꧀ꦤꦺꦏꦁꦫꦩꦱꦂꦠꦲꦤ꧀ꦤꦔꦶꦱ꧀꧈ꦱꦸꦮꦺꦒꦺꦴꦤ꧀ꦤꦺꦥꦣꦲꦉꦫꦁꦏꦸꦭ꧀ꦭꦤ꧀꧉
꧓꧐꧈ꦲꦤꦢꦺꦤ꧀ꦤꦺꦆꦱꦿꦆꦭ꧀ꦲꦔꦤ꧀ꦢꦶꦏꦩꦫꦁꦪꦸꦯꦸꦥ꦳꧀꧈ꦢꦢꦶꦪꦲꦏꦸꦩꦠꦶꦲꦶꦁꦱꦲꦶꦏꦶ꧈ꦱꦮꦶꦱ꧀ꦱꦺꦲꦏꦸꦢꦼꦊꦁꦩꦫꦁꦏꦺꦴꦮꦺ꧈ꦪꦺꦤ꧀ꦏꦺꦴꦮꦺꦲꦶꦏꦸꦲꦶꦱꦶꦃꦲꦸꦫꦶꦥ꧀꧉
꧓꧑꧈ꦪꦸꦯꦸꦥ꦳꧀ꦠꦸꦩꦸꦭꦶꦔꦤ꧀ꦢꦶꦏꦩꦫꦁꦥꦫꦏꦢꦁꦲꦸꦠꦮꦩꦫꦁꦱꦫꦪꦠ꧀ꦠꦺꦏꦁꦫꦩ꧈ꦲꦏꦸꦧꦏꦭ꧀ꦱꦺꦧꦱꦂꦠꦲꦔꦠꦸꦂꦫꦶꦲꦸꦤ꧀ꦤꦶꦔꦩꦫꦁꦦꦿꦶꦔꦺꦴꦤ꧀꧈ꦭꦤ꧀ꦠꦏ꧀ꦲꦠꦸꦂꦫꦏꦺ꧈ꦱꦣꦺꦫꦺꦏ꧀ꦏꦸꦭꦱꦫꦪꦠ꧀ꦠꦶꦥꦸꦤ꧀ꦧꦥꦏꦸꦭ꧈ꦱ ꦩ꧀ꦥꦸꦤ꧀ꦱꦩꦶꦣꦸꦩꦠꦼꦁꦩꦫꦶꦏꦶꦱꦏꦶꦁꦠꦤ꧀ꦤꦃꦏꦼꦤ꧀ꦤꦔꦤ꧀꧉
꧓꧒꧈ꦮꦺꦴꦤ꧀ꦢꦤ꧀ꦤꦶꦁꦥꦤ꧀ꦢꦩꦼꦭ꧀ꦭꦶꦥꦸꦤ꧀ꦠꦶꦪꦁꦥꦸꦤ꧀ꦤꦶꦏꦱꦩꦶꦲꦔꦺꦤ꧀ꦩꦺꦤ꧀ꦢ꧈ꦲꦮꦶꦠ꧀ꦢꦺꦤ꧀ꦤꦶꦁꦠꦪꦁꦥꦸꦤ꧀ꦤꦶꦏꦱꦩꦶꦲꦔꦶꦔꦺꦴꦤ꧀ꦤꦶꦏ꦳ꦺꦮꦤ꧀꧈ꦱꦂꦠꦱꦩ꧀ꦥꦸꦤ꧀ꦱꦩꦶꦲꦩ꧀ꦧꦼ ꦏ꧀ꦠꦩꦺꦤ꧀ꦢꦤ꧀ꦤꦶꦥꦸꦤ꧀ꦲꦸꦠꦮꦶꦊꦩ꧀ꦧꦸꦤ꧀ꦤꦶꦥꦸꦤ꧀꧈ꦥꦸꦤ꧀ꦤꦥꦩꦭꦶꦃꦱꦧꦫꦁꦒꦣꦃꦲꦤ꧀ꦤꦶꦥꦸꦤ꧀ꦱꦢꦪ꧉
꧓꧓꧈ꦩꦺꦴꦁꦏꦧꦺꦱꦸꦏ꧀ꦪꦺꦤ꧀ꦲꦤꦥꦤ꧀ꦢꦔꦸꦤ꧀ꦤꦺꦦꦿꦶꦔꦺꦴꦤ꧀ꦩꦫꦁꦏꦺꦴꦮꦺ꧈ꦏꦁꦢꦢꦶꦥꦁꦒꦲꦺꦴꦠꦩꦸꦲꦥ꧉
꧓꧔꧈ꦏꦺꦴꦮꦺꦥꦣꦲꦸꦩꦠꦸꦂꦫ꧈ꦲꦧ꧀ꦢꦶꦱꦩ꧀ꦥꦺꦪꦤ꧀ꦠꦶꦪꦁꦲꦔꦶꦔꦺꦴꦤ꧀ꦤꦶꦏ꦳ꦺꦮꦤ꧀꧈ꦲꦮꦶꦠ꧀ꦱꦁꦏꦶꦁꦲꦭꦶꦠ꧀ꦩꦶꦭ꧈ꦔꦤ꧀ꦠꦺꦴꦱ꧀ꦢꦸꦩꦸꦒꦶꦲꦶꦁꦱꦥꦸꦤ꧀ꦤꦶꦏ꧈ ꦏꦸꦭꦥꦸꦤ꧀ꦤꦶꦏꦱꦩꦶꦲꦔ꧀ꦭꦸꦭꦸꦫꦶꦭꦸꦭꦸꦲꦸꦂꦏꦸꦭ꧈ꦱꦸꦥꦪꦏꦺꦴꦮꦺ ꦲꦶꦏꦸꦥꦣꦏꦭꦶꦭꦤ꧀ꦤꦲꦔꦼꦁꦒꦺꦴꦤ꧀ꦤꦶꦠꦤ꧀ꦤꦃꦓꦺꦴꦯꦺꦤ꧀꧈ꦱꦧ ꦧ꧀ꦮꦺꦴꦁꦩꦼꦱ꧀ꦱꦶꦂꦥꦣꦲꦔꦫꦤ꧀ꦤꦶꦏ꦳ꦫꦩ꧀ꦩꦫꦁꦮꦺꦴꦁꦏꦁꦲꦔꦺꦴꦤ꧀ꦮꦼꦣꦸꦱ꧀꧉

---