Kaca iki wis divalidasi
PIWULANG 7
I. WICARA
TETUMPAKAN
| Suwarta | : | "Bin, kok njanur gunung, kadingaren wis ndhithil ki arep menyang ngendi?" |
| Rubin | : | "Menyang Yogya." |
| Suwarta | : | "Numpak apa?" |
| Rubin | : | "Numpak 'Rajawali Travel Expres'." |
| Suwarta | : | "Lho kuwi bis apa?" |
| Rubin | : | "Dudu bis, kuwi station." |
| Suwarta | : | "Mangkate jam pira?
Kok ora enggal menyang stanplat? Ngenteni apa?" |
| Rubin | : | "Ora, numpak travel iku ora usah menyang stanplat. Cukup ana ngomah bae, mengko rak dipethuk." |
| Suwarta | : | "Lho kok kepenak ya." |
| Rubin | : | "Sumurupa, nek regane tiket mono ya kacek sethithik, yaiku 1.300,- dene manawa numpak bis Rp 950.-
Menawa numpak bis mandhege papan-papan sing gumathok, dene yen travel , bisa tekan papan sing dijujug, apa maneh lakune wis ditata, sopire ora kena ngebut, servis apik." |
| Suwarta | : | "Yen mengkono luwih maju ya, biyen tetumpakan ki mung siji loro.
Sepur, bis kena diarani maju, wis lumayan. Lha saiki ana tumpakan sing bisa tekan ing omah." |
| Rubin | : | "Kepenake maneh, ora mandheg-mandheg.
Mandheg-mandhege ing agen-agene. Kang numpak ora jejel riyel, lungguhe ditata, manut nomere." |
| Suwarta | : | "Ya besuk dak nyoba numpak." |
69
