Kaca iki wis dikorèksi
V. RENGGA BASA (1.7.2.)
A. PARIKAN
Parikan iku unen-unen kang kaiket paugeran:
- Dumadi rong ukara/gatra.
- Mawa purwakanthi swara.
- Ukara kapisan minangka purwakane.
- Ukara kapindho iki kang dadi isine/wose.
Tuladha:
Golek walang rada agal.
Aja sumelang nek ditinggal.
Parikan padinan.
- Ngetan bali ngulon, tiwas ngedan ra kelakon.
- Blarak disampirke, omahe cendhak ra ngampirke.
- Ireng-ireng kembang telekan, najan ireng dadi golekan.
- Ora Surabaya, ora Alastuwa. Ora ngaya mundhak gelis tuwa.
- Mangan gedhang rada tuwa.Tiwas ngadhang ora teka.
- Mangan manggis neng ngisor nangka. Dadi gadhis ja seneng sanja.
- Pethiana tikuse, nek kumaki ilang baguse.
- Jagung bakarane, tanggung prekarane.
- Peyek diremet-remet, ngeyek ja banget-banget.
- Mliwis mencok neng bung, tiwas nangis ora ana sing nulung.
- Menyang sala payunge ilang, tinggal lunga aja sumelang.
B. TEMBUNG GARBA
Gatekna!
a + a , dadi a, -- sira + arsa = sirarsa
i + i , dadi i, -- kapi + iku = Kapiku
u + u , dadi u, -- melu + urip = melurip
66
