Kaca:Basa Jawi Gagrak Anyar 2.pdf/38

Kaca iki wis dikorèksi

PIWULANG 4

I. WICARA

SEMANGAT '45

Sudadi	:	"Ayo Met mrono! Neng ngisor wit sawo. Ngadang bakso. Sukur ana soto. Orane ya thimlo."
Slamet	:	"Iya, bagus, aku dakmrono! Di, masa ana bakso. Masa ana soto. Apamaneg thimlo. Anane mung ...... kari mlongo!"
Sudadi	:	"Wis, wis, kene, kene. Pbrolan sakepenake bae."
Slamet	:	"Ya, Dad,ngisis neng ngisor wit sawo!"
Sudadi	:	"Amit, amit, iki buntut urange kok njenthir ta Met?"
Slamet	:	"Pancen kok, ya iki sing memper buntute Gagakrimang !"
Sudadi	:	"Wah, nek ngelingi jaman samana ya Met, rekasane awake dhewe iki,wis......bukan main."
Slamet	:	"Lha iya ta, coba nek dipikir, awake dhewe ki biyen durung tau mambu bendhil, ewa semono kok ya wani maju perang."
Sudadi	:	"Pancen nyata. Sapa ta jaman '45 ki sing manggul bedhil. Rak arang banget. Anaa ya mung siji loro tilas Heiho utawa PETA. Kuwi bae dununge ora karuh-karuhan."
Slamet	:	"Ning ya ndilalah. Nalika semana ora non ora tuwa, kabeh kadunungan semangat. Ing atase mung nggawa bambu runcing bae wani nglawan Jepang kang gegamane be-