Tuladha.
a. Lho den Bei ! Majua kene bae !
b. Nuwun inggih sandika.
a. Bok kok-linggihi lampite, mester iku anyep.
Yen wong ora kulina linggih ing anyep sok banjur masuk angin.
b. Nuwun inggih.
a. Lawas olehmu ora mrene, dhek kalangan dina Rebo kae kowe dakrasani karo si
Mandangjaplak.
b. Kula nun inggih. Nanging abdi dalem kula rumaos gela sekedhik.
a. Gela apa ?
b. Kula nun dipun rumiyini ing atur dhateng abdi dalem pun kakang Mandangjaplak,
yen abdi dalem kula badhe nyaosi pisungsun sawung abenan.
a. Iya den bei aku dikandhani.
b. Dados atur kula punika sampun cemplang.
a. Mangsa, padha bae.
(Serat Tatacara-Ki Padma ss)
V. MACA TITI
WACANEN KANG BECIK
PEPELING
A. 1. Elinga !
Ya sinau,
Ya makarya,
Kang tumemen !
Ngati-ati, nastiti,
aja sinambi sembarangan,
ben gawe raharjaning dhiri
2. Bisa agawe utama,
kudu tepa salira,
aja agawe cuwa
14
