Menyang kontèn

Kaca:Babad Diponegoro L.Or. 6547.pdf/36

Saka Wikisumber
Kaca iki wis dikorèksi

ꦢꦱꦁꦢꦺꦮꦶ꧈ ꧅ꦢꦺꦤ꧀ꦤꦺꦭꦩꦶꦠꦤ꧀ꦏꦼꦥꦁꦒꦸꦃ꧈ꦭꦁꦏꦸꦁꦠꦾꦱ꧀ꦢꦾꦃꦤꦮꦁꦱꦱꦶ꧈ꦥꦶꦤꦸꦥꦸꦱ꧀ꦥꦸꦂꦧꦤ꧀ꦤꦶꦁꦱꦸꦏ꧀ꦩ꧈ꦩꦼꦁꦏꦤꦔꦤ꧀ꦢꦶꦏꦲꦫꦶꦱ꧀​ꦣꦸꦃꦤꦮꦁꦱꦶꦃꦲꦤꦏ꧀ꦏꦶꦁ​ꦮꦁ꧈ꦮꦸꦱ꧀ꦭꦸꦁꦒꦸꦃꦲꦱꦶꦫꦱꦶꦤꦶ꧈ ꧅ꦱꦮꦸꦱ꧀ꦚꦠꦠꦲꦭꦸꦁꦒꦸꦃ꧈ꦢꦾꦃꦤꦮꦁ​ꦮꦸꦭꦤ꧀ꦠꦤ꧀ꦚꦫꦶꦱ꧀​ꦏꦶꦲꦺꦴꦩꦃꦮꦺꦴꦤ꧀ꦠꦼꦤ꧀ꦥꦸꦤ꧀ꦤꦥ꧈ꦢꦺꦤ꧀ꦤꦺꦲꦔꦸꦤ꧀ꦢꦁꦩꦿꦶꦁꦩꦩꦶ꧈ꦱꦁꦥꦟ꧀ꦝꦶꦠꦭꦺꦴꦤ꧀ꦔꦤ꧀ꦢꦶꦏ꧈ꦩꦂꦩꦤ꧀ꦤꦺꦱꦸꦤ꧀ꦲꦸꦤ꧀ꦢꦁꦪꦪꦶ꧈ ꧅ꦲꦶꦁꦩꦼꦁꦏꦺꦴꦥꦸꦠꦿꦤ꧀ꦤꦶꦫꦺꦏꦸ꧈ꦲꦶꦪꦤꦶꦫꦫꦤꦮꦁꦱꦶꦃ꧈ꦪꦺꦤ꧀ꦱꦂꦗꦸꦏꦭꦮꦤ꧀ꦱꦶꦫ꧈ꦲꦪꦸꦤ꧀ꦱꦸꦤ꧀ꦏꦿꦩꦏ꧀ꦏꦼꦤ꧀ꦲꦸꦒꦶ꧈ꦩ꧀ꦥꦤ꧀ꦮꦸꦱ꧀ꦲꦤꦗꦺꦴꦣꦺꦴꦤ꧀ꦚ꧈ꦲꦶꦪꦥꦸꦠꦿꦩꦗꦥꦲꦶꦠ꧀ ꧅ꦏꦁꦢꦢꦾꦠꦼꦊꦁꦠꦾꦱ꧀ꦱꦶꦁꦱꦸꦤ꧀​ꦮꦼꦱ꧀ꦠꦢꦺꦤ꧀ꦧꦺꦴꦟ꧀ꦝꦤ꧀ꦱꦸꦫꦠꦶ꧈ꦢꦾꦃꦤꦮꦁ​ꦮꦸꦭꦤ꧀ꦔꦤ꧀ꦢꦶꦏ꧈ꦪꦏꦶꦲꦺꦴꦩꦃꦱꦸꦤ꧀ꦩꦼꦛꦸꦏ꧀ꦏꦶ꧈ꦥꦤ꧀ꦲꦶꦏꦸꦮꦶꦗꦶꦤ꧀ꦤꦶꦁꦗꦮ꧈ꦏꦁꦏꦶꦤ꧀ꦤꦂꦰꦏ꧀ꦏꦼꦤ꧀ꦪꦁ​ꦮꦶꦢꦶ꧈ ꧅ꦩꦭꦶꦃꦔꦤ꧀ꦢꦶꦏꦱꦁꦔꦪꦸ꧈ꦩꦫꦁꦢꦾꦃꦉꦠ꧀ꦤꦤꦮꦁꦱꦶꦃ꧈ꦥꦫꦤ꧀ꦤꦶꦤ꧀ꦤꦶꦏꦂꦰꦤ꧀ꦤꦶꦫ꧈ꦱꦁꦉꦠ꧀ꦤꦩꦠꦸꦂꦔꦧꦼꦏ꧀ꦠꦶ꧈ꦪꦲꦶꦏꦸꦱꦏꦂꦰꦤ꧀ꦤꦶꦫ꧈ꦥꦤ꧀ꦤꦶꦁꦱꦸꦤ꧀ꦢꦼꦂꦩꦔ꧀ꦭꦏꦺꦴꦤ꧀ꦤꦶ꧈ ꧅ꦭꦩꦸꦤ꧀ꦮꦸꦱ꧀ꦢꦢꦶꦏꦉꦥ꧀ꦩꦸ꧈ꦏꦼꦭꦮꦤ꧀ꦱꦶꦫꦩꦪꦼꦏ꧀ꦠꦶ꧈ꦲꦶꦁꦱꦸꦤ꧀ꦲꦤ꧀ꦤꦫꦃꦏꦺꦮꦭ꧈ꦤꦮꦁ​ꦮꦸꦭꦤ꧀ꦩꦺꦱꦼꦩ꧀ꦲꦔ꧀ꦭꦶꦁ꧈ꦪꦏꦶꦲꦺꦴꦩꦃꦩꦤ꧀ꦠꦸꦤ꧀ꦤꦶꦫ꧈ꦲꦶꦁꦱꦩꦼꦁꦏꦺꦴꦲꦤꦔꦼꦤ꧀ꦢꦶ꧈ ꧅ꦩꦥꦤ꧀ꦤꦶꦁꦱꦸꦤ꧀ꦲꦪꦸꦤ꧀ꦮꦼꦫꦸꦃ꧈ꦩꦫꦁꦢꦺꦤ꧀ꦧꦺꦴꦟ꧀ꦝꦤ꧀ꦱꦸꦫꦠꦶ꧈ꦏꦶꦲꦺꦴꦩꦃꦱꦶꦫꦲꦸꦤ꧀ꦢꦁꦔ꧈ꦤꦲꦶꦁꦔꦼꦤ꧀ꦢꦶ꧈ꦱꦁ​ꦮꦶꦏꦸꦩꦺꦱꦼꦩ꧀ꦔꦤ꧀ꦢꦶꦏ꧈ꦔꦺꦴꦁꦠꦶꦁꦒꦭ꧀ꦤꦺꦁꦣꦺꦥꦺꦴꦏ꧀ꦩꦩꦶ꧈ ꧅ꦲꦼꦩ꧀ꦧꦤ꧀ꦩꦶꦪꦁꦔꦱꦶꦫꦺꦏꦸ꧈ꦠꦶꦩ꧀ꦧꦭ꧀ꦭꦤ꧀ꦲꦤꦏ꧀ꦩꦩꦶ꧈ꦲꦶꦪꦏꦶꦧꦺꦴꦟ꧀ꦝꦤ꧀ꦏꦼꦗꦮꦤ꧀​ꦠꦤ꧀ꦥꦤ꧀ꦠꦫꦤꦸꦭꦾꦥꦿꦥ꧀ꦠꦶ꧈ꦤꦺꦁꦔꦂꦰꦤ꧀ꦤꦺꦱꦁꦦꦟ꧀ꦝꦶꦠ꧈ꦩꦤꦼꦩ꧀ꦧꦃꦫꦢꦺꦤ꧀ꦱꦸꦫꦠꦶ꧈ ꧅ꦱꦁ​ꦮꦶꦏꦸꦲꦭꦺꦴꦤ꧀ꦤꦧ꧀ꦢꦫꦸꦩ꧀​ꦏꦏꦶꦩꦂꦩꦱꦸꦤ꧀ꦠꦶꦩ꧀ꦧꦭ꧀ꦭꦶ꧈ꦲꦶꦧꦺꦴꦤ꧀ꦤꦶꦫꦲꦶꦏꦸꦥꦿꦥ꧀ꦠ꧈ꦲꦪꦸꦤ꧀ꦮꦿꦸꦃꦮꦼꦂꦤꦤ꧀ꦤꦶꦫꦺꦏꦶ꧈ꦩꦫꦱꦶꦫꦔꦧꦼꦏ꧀ꦠꦶꦪ꧈ꦠꦸꦂꦱꦼꦩ꧀ꦧꦃꦫꦢꦺꦤ꧀ꦱꦸꦫꦠ꧀ꦠꦶ꧈ ꧅ꦢꦾꦃꦤꦮꦁ​ꦮꦸꦭꦤ꧀ꦤꦧ꧀ꦢꦫꦸꦩ꧀​​ꦪꦏꦏꦶꦧꦺꦴꦟ꧀ꦝꦤ꧀ꦱꦸꦫꦠꦶ꧈ꦲꦶꦁꦱꦸꦤ꧀ꦠꦶꦠꦶꦥ꧀ꦲꦫꦺꦤ꧀ꦤꦶꦫ꧈ꦢꦺꦤ꧀ꦒꦼꦣꦺꦲꦥꦸꦫꦏꦏꦶ꧈ꦩꦫꦁꦏꦭꦸꦥꦸꦠ꧀ꦠꦤ꧀ꦤꦶꦫ꧈ꦲꦶꦪꦤꦶꦫꦫꦤꦮꦁꦱꦶꦃ꧈ ꧅ꦱꦶꦫꦲꦸꦒꦸꦁꦔꦤꦏ꧀ꦏꦶꦁꦱꦸꦤ꧀​​ꦲꦶꦪꦱꦮꦼꦠꦫꦏꦏꦶ꧈ꦭꦮꦤ꧀ꦩꦤ꧀ꦤꦺꦃꦮꦼꦭꦱ꧀ꦱꦤ꧈ꦫꦫꦺꦲꦲꦢꦺꦴꦃꦭꦮꦤ꧀ꦩ