Kaca:Babad Dipa Nagara, D Or. 13.pdf/8

Saka Wikisumber
Menyang navigasi Menyang panggolèkan
Kaca iki wis dikorèksi

2

ꦱꦱ꧀ꦧꦺꦲꦶꦯꦸꦫꦟꦼꦒꦫ꧈​ꦥꦠꦶꦃꦝꦶꦧꦾꦲꦶꦁꦯꦩꦫꦁ꧈​ꦏꦁꦏꦒꦸꦁꦔꦤ꧀ꦧꦧꦺꦴꦤ꧀ꦤꦶꦥꦸꦤ꧀꧈​ꦧꦧꦝ꧀ꦱꦿꦠ꧀ꦢꦶꦥꦟꦒꦫ꧈​꧃ꦤꦭꦶꦏꦩꦸꦂꦮꦲꦶꦁꦏꦮꦶ꧈​ꦩꦔꦸꦤ꧀ꦭꦁꦔꦼꦤ꧀ꦤꦶꦁꦕꦫꦶꦠ꧈​ꦲꦶꦁꦱꦼꦤ꧀ꦤꦺꦤ꧀ꦔꦹꦒꦶꦮꦤ꧀ꦕꦶꦟ꧀ꦤꦺ꧈​ꦠꦶꦒꦱꦶꦪꦁꦠꦒꦭ꧀ꦲꦶꦫ꧈​ꦱꦺꦴꦁꦔꦭꦶꦏꦸꦂꦏꦁꦮꦸꦭꦤ꧀꧈​ꦫꦧꦶꦔꦸꦭꦏꦶꦂꦏꦁꦠꦲꦸꦤ꧀꧈​ꦲꦭꦶꦥ꧀ꦲꦶꦁꦩꦺꦴꦁꦱꦏꦠꦶꦒ꧈​꧃ꦤꦸꦗꦸꦥꦸꦗꦸꦠ꧀ꦕꦸꦏꦸꦤꦺꦏꦶ꧈​ꦱꦼꦏꦭꦤ꧀ꦤꦺꦠꦤ꧀ꦤꦃꦗꦮ꧈​ꦠꦠꦭꦮꦁꦲꦗꦫꦶꦁꦮꦺꦴꦁ꧈​ꦩꦱ꧀ꦧꦺꦲꦶꦯꦸꦠꦟꦼꦒꦫ꧈​ꦝꦺꦤ꧀ꦚꦤꦸꦫꦸꦤ꧀ꦖꦫꦶꦠ꧈​ꦝꦾꦤꦶꦥꦠꦶꦏꦁꦥꦶꦭꦸꦒꦸꦃ꧈​ꦠꦶꦁꦟꦼꦒꦫꦶꦦꦸꦂꦮꦥꦽꦗ꧈​꧃ꦱꦁꦩꦏꦺꦫꦝꦺꦤ꧀ꦢꦶꦥꦠꦶ꧈​ꦥꦤ꧀ꦱꦩ꧀ꦥꦸꦤ꧀ꦗꦶꦤꦸꦗꦸꦁꦝꦿꦗꦠ꧀꧈​ꦏꦸꦩ꧀ꦥꦶꦤ꧀ꦤꦶꦏꦁꦭꦭꦶꦂꦫꦏꦺ꧈​ꦠꦸꦮꦤ꧀ꦧꦼꦱ꧀ꦱꦂꦲꦶꦁꦤꦺꦝꦼꦂꦭ ꦤ꧀꧈ꦮꦶꦠ꧀ꦱꦮꦧ꧀ꦧꦶꦁꦭꦸꦲꦸꦂꦧ꧈​ꦱꦁꦏꦶꦁꦫꦩꦩꦶꦮꦃꦲꦶꦧꦸ꧈​ꦏꦱꦼꦂꦠꦤ꧀ꦗꦏ꧀ꦢꦶꦂꦫꦶꦁꦔꦭꦃ꧈​꧃ꦩꦶꦭꦠꦏꦁꦱꦶꦱꦩꦁꦏꦶꦤ꧀꧈​ꦝꦾꦤ꧀ꦢꦶꦥꦠꦶꦭꦁꦏꦸꦁꦮꦶꦂꦪ꧈​ꦝꦸꦩꦸꦒꦶꦧꦫꦁꦏꦂꦱꦤ꧀ꦤꦺ꧈​ꦲꦺꦗꦿꦃꦟꦨꦝꦶꦥꦸꦤ꧀ꦤꦺꦠꦁ꧈​ꦱꦶꦂꦠꦠꦱꦶꦏꦫꦤ꧀ꦤꦶꦁꦔꦿꦠ꧀꧈​ꦩꦼꦁꦒꦃꦲꦶꦁꦱꦼꦏꦭꦗꦮ꧈​꧃ꦧꦸꦩꦶꦲꦂꦝꦶꦥꦽꦱ꧀ꦱꦶꦱꦶꦗꦶ꧈​ꦲꦶꦁꦩꦁꦏꦺꦁꦲꦩꦔꦸꦤ꧀ꦏꦺꦴꦤ꧀ꦝ꧈​ꦟꦒꦿꦶꦩꦼꦤ꧀ꦡꦫꦩ꧀ꦏꦤ꧀ꦝꦤ꧀ꦤꦺ꧈​ꦲꦶꦁꦒꦶꦃꦟꦒꦫꦶꦔꦪꦺꦴꦒꦾ꧈​ꦥꦿꦗꦒꦼꦁꦠꦤ꧀ꦤꦃꦗꦮ꧈​ꦫꦶꦏꦭꦏꦠꦼꦏꦤ꧀ꦧꦤ꧀ꦢꦸ꧈​ꦱꦁꦏꦶꦁꦔꦭꦃꦲꦸꦠꦔꦭ꧈​꧃ꦲꦔꦶꦤ꧀ꦤꦒꦼꦁꦏꦁꦝꦠꦼꦁꦔꦶ꧈​ꦲꦸꦝꦤ꧀ꦤꦝꦿꦼꦱ꧀ꦥꦺꦴꦤ꧀ꦖꦮꦺꦴꦫ꧈​ꦥꦼꦠꦼꦁꦱꦟꦼꦒꦫꦏꦧꦺꦴ꧈​ꦒꦼꦭꦥ꧀ꦤꦩ꧀ꦥꦂꦤꦩ꧀ꦥꦂꦥꦸꦫ꧈​ꦱꦾꦫꦤ꧀ꦤꦺꦲ