Kaca:Babad Cariyos Lampahanipun, R.Ng. Ranggawarsita, vol 3.pdf/103

— 102 —

ꦧꦺꦲꦶꦫꦺꦴꦁꦒꦮꦂꦰꦶꦠꦧꦺꦴꦠꦼꦤ꧀ꦱꦒꦼꦢ꧀ꦲꦩꦫꦶꦁꦔꦶꦏꦠꦿꦁꦔꦤ꧀ꦱ ꦥꦸꦤꦶꦏ꧈ꦱꦂꦠꦩꦱ꧀ꦔꦧꦺꦲꦶꦱꦸꦫꦢꦺꦴꦁꦱꦭꦗꦼꦁꦢꦶꦥꦸꦤ꧀ꦭꦶꦭꦤꦶꦮꦁꦱꦸꦭ꧀ ꦲꦠꦸꦂꦫꦶꦥꦸꦤ꧀ꦱꦼꦤ꧀ꦢꦶꦏ꧈ꦱꦫꦺꦃꦤꦶꦁꦩꦱ꧀ꦔꦧꦺꦲꦶꦱꦸꦫꦢꦺꦴꦁꦱꦱꦩ꧀ꦥꦸꦤ꧀ꦒ ꦣꦃꦧꦭꦧꦒ꧀ꦱꦲꦏꦗꦼꦁꦥꦼꦱꦒꦺꦤ꧀‌ꦲꦩꦶꦭꦱꦩ꧀ꦥꦸꦤ꧀ꦧꦺꦴꦠꦺꦤ꧀ꦱꦸ ꦱꦃꦩꦮꦶꦠꦸꦩ꧀ꦧꦱ꧀ꦏꦗꦼꦁ꧈ꦤꦩꦸꦁꦲꦔꦸꦤ꧀ꦢꦁꦲꦸꦤ꧀ꦝꦒꦶꦱꦩ꧀ꦥꦁꦔꦤ꧀ꦠꦶꦒ꧈ꦏꦮꦸꦫꦶꦃ ꦲꦔꦿꦺꦚ꧀ꦕꦁꦔꦶ꧈​ꦱꦊꦧꦼꦠ꧀ꦠꦶꦥꦸꦤ꧀ꦲꦁꦒꦫꦥ꧀꧈ꦒꦣꦃꦥꦔꦶꦤ꧀ꦠꦼꦤ꧀ꦧꦶꦭꦶꦃꦠꦼ ꦧꦼꦭꦮꦲꦸꦧꦣꦺꦏꦒꦼꦩ꧀ꦫꦢꦺꦤ꧀ꦔꦧꦺꦲꦶꦫꦺꦴꦁꦒꦮꦂꦰꦶꦠꦥꦶꦪꦩ꧀ꦧ ꦏ꧀​ꦲꦩꦶꦭꦥꦁꦒꦫꦥ꧀ꦥꦶꦥꦸꦤ꧀ꦢꦶꦥꦸꦤ꧀ꦲꦼꦥꦼꦁ꧈ꦧꦭꦧꦒ꧀ꦒꦶꦥꦸꦤ꧀ꦏꦗꦼꦁ ꦮꦼꦠꦃ꧈ꦱꦂꦠꦱꦢꦪꦲꦚ꧀ꦗꦶꦁꦲꦚ꧀ꦗꦶꦁꦔꦤ꧀ꦤꦶꦥꦸꦤ꧀ꦱꦩꦶꦥꦸꦤ꧀ꦝꦼꦩ꧀ꦥꦸꦭ꧀꧈ ꧋ꦲꦶꦁꦢꦶꦤ꧀ꦠꦼꦤ꧀ꦮꦲꦸꦲꦩꦉꦁꦔꦶꦲꦶꦁꦢꦶꦤ꧀ꦠꦼꦤ꧀ꦗꦸꦩꦸꦔꦃꦥꦲꦶꦁꦠꦁꦒꦭ꧀ꦱꦥꦶꦱꦱ꧀ꦮꦸꦭ ꦤ꧀ꦫꦧꦶꦔꦸꦭꦏꦶꦂ꧈ꦌꦲꦺ꧇꧑꧗꧘꧐꧉​ꦢꦢꦺꦴꦱ꧀ꦏꦶꦫꦁ꧇ꦒꦊ꧇ꦢꦶꦤ꧀ꦠꦼꦤ꧀ꦱꦏꦶꦁ ꦠꦼꦩ꧀ꦥꦸꦏ꧀ꦏꦶꦁꦥꦂꦭꦸ꧈ꦱꦉꦁꦮꦚ꧀ꦕꦶꦗꦩ꧀꧇꧒꧇ꦱꦶꦪꦁ꧈ꦲꦶꦁꦏꦁꦲꦶꦧꦸꦚꦲꦶꦩ ꦱ꧀ꦱꦗꦼꦁꦫꦺꦴꦁꦒꦮꦂꦰꦶꦠꦢꦶꦥꦸꦤ꧀ꦲꦠꦸꦫꦶꦥꦶꦤꦫꦏ꧀ꦝꦸꦩꦠꦼꦁꦲꦶꦁꦢꦊꦩ꧀ ꧌ꦚꦲꦶꦩꦱ꧀ꦱꦗꦼꦁꦫꦺꦴꦁꦒꦮꦂꦰꦶꦠꦥꦸꦤꦶꦏꦢꦢꦊꦩ꧀ꦥꦶꦪꦩ꧀ꦧꦏ꧀ꦮꦺꦴꦤ꧀ꦠꦼ ꦤ꧀ꦱꦮꦶꦁꦏꦶꦁꦢꦊꦩ꧀ꦫꦺꦴꦁꦒꦮꦂꦰꦶꦠꦤ꧀‌ꦲꦶꦁꦏꦁꦏꦣꦮꦸꦃꦲꦤ꧀ꦲꦔ꧀ꦭꦢꦺꦴ ꦱ꧀ꦱꦶꦥꦫꦥꦸꦠꦿꦮꦪꦃ꧍ꦱꦉꦁꦲꦶꦁꦏꦁꦲꦶꦧꦸꦱꦩ꧀ꦥꦸꦤ꧀ꦥꦶꦤꦫꦏ꧀ꦲꦶꦁꦢ ꦊꦩ꧀​ꦲꦶꦁꦏꦁꦥꦸꦠꦿꦫꦢꦺꦤ꧀ꦔꦧꦺꦲꦶꦫꦺꦴꦁꦒꦮꦂꦰꦶꦠꦲꦁꦔꦠꦸꦂꦫꦶꦲꦸ ꦤꦶꦔ꧈ꦧꦶꦭꦶꦃꦧꦝꦺꦠꦼꦩ꧀ꦥꦸꦏ꧀ꦏꦶꦁꦥꦂꦭꦸꦱꦥꦸꦤꦶꦏꦤꦩꦸꦁꦏꦶꦫꦁ꧇ꦒꦊ꧇ ꦢꦶꦤꦼꦤ꧀‌ꦲꦩꦶꦭꦫꦢꦺꦤ꧀ꦔꦧꦺꦲꦶꦫꦺꦴꦁꦒꦮꦂꦱꦶꦠꦚꦸꦮꦸꦤ꧀ꦥꦶꦠꦸ ꦭꦸꦁꦔꦤ꧀ꦤꦶꦥꦸꦤ꧀ꦲꦶꦁꦏꦁꦲꦶꦧꦸ꧈ꦱꦲꦸꦥꦩꦶꦲꦶꦁꦏꦁꦲꦶꦧꦸꦲꦔꦸꦚ꧀ꦗꦸꦏ꧀ꦲꦏꦼ ꦤ꧀ꦱꦼꦫꦠ꧀​ꦏꦺꦴꦚ꧀ꦗꦸꦏ꧀ꦲꦶꦁꦯꦲꦤ꧀ꦝꦥ꧀ꦱꦩ꧀ꦦꦺꦪꦤ꧀ꦢꦊꦩ꧀​ꦥꦸꦤ ꦥꦲꦶꦁꦏꦁꦲꦶꦧꦸꦱꦒꦼꦢ꧀‌ꦮꦁꦱꦸꦭ꧀ꦭꦤ꧀ꦤꦶꦥꦸꦤ꧀ꦲꦶꦁꦏꦁꦲꦶꦧꦸꦱꦒꦢ꧀​ꦩꦤ