Kaca:Aku ijik kélingan 1.pdf/12

Saka Wikisumber
Menyang navigasi Menyang panggolèkan
Kaca iki wis dikorèksi

Pancingé ora trima siji, paling setitik wong siji nggawa loro, Nèk wayahé galak tenan kaé nggawa telu apa papat. Nèk wis tekan nggoné awaké déwé terus nggolèk nggon sing éyup.

Nek cacingé wis tak pasang pancingé terus tak cemplungké. Aku terus ngentèni karo ndeloké gabusé mendelep apa ora. Sing tak arep-arep bisaa ndang nyendal iwak soké. Iwak soké iku iwak kuwik-kuwik sing gedé. Dong-dongan pancingé ijik tak cemplungké terus-terusan dipangan.

Bungahé kaya ngapa nek aku nggeret soké kaé. Rasané antep nang tangan. Dong-dongan kétoké dipangan soké, nanging nek tak gèret ngerti-ngerti welut sak lengen, Nèk éntuk welut ngono terus tak tinggal mblayu, gila aku, mergané rupané kaya ula, Nèk balik aku terus nggawa pring tak nggo mentungi weluté bèn mati. Ajek-ajek weluté dadi guyon, mergané aku gila, yuku iya pada waé gila.

Mulané nèk mentungi iya sakkuwaté sampèk tangané téyol. Nek nguculi weluté sangka pancingé iya ijik dadi gegeran, mergané aku ora wani ndemèk weluté. Yuku iya pada waé ora wani. Entèk-entèké iya diuculi bareng wong loro, terus weluté diguwang.