Kaca:Add. 12288 Babad Sultanan utawi Mangkunegaran.pdf/8

꧁ꦥꦸꦥꦸꦃ​ꦝꦝꦁ​ꦒꦸꦭ꧂

ꦮꦶꦤꦸꦂꦕꦶꦠ​ꦤꦼꦒꦫꦶ​ꦱꦼꦩꦮꦶꦱ꧀꧈​​ꦠꦸꦮꦤ꧀​ꦒꦸꦥꦼꦤꦸꦂ​ꦱꦏꦶꦠꦺ​ꦱꦫꦱ꧀꧈​​ꦩꦺꦃ​ꦝꦶꦝꦶꦏ꧀​ꦠꦼꦏ​ꦔꦗꦭꦺ꧈​​ꦪꦺꦤ꧀​ꦠ​ꦲꦗ​ꦒꦭ꧀​ꦩꦤ꧀ꦠꦸꦏ꧀꧈​​ꦏꦪ​ꦭꦩꦸꦤ꧀​ꦤꦼꦩꦲꦶ​ꦭꦭꦶꦱ꧀꧈​​ꦱꦏꦶꦁ​​ꦱꦔꦼꦠꦶꦁ​​ꦭꦫ꧈​​ꦢꦺꦫꦺꦁ​​ꦝꦠꦼꦁ​​ꦲꦸꦤ꧀ꦠꦸꦁ​꧈​​ꦱꦝꦠꦼꦔꦺ​ꦮꦺꦴꦁ​​ꦩꦢꦸꦫ꧈​​ꦮꦸꦱ꧀​ꦲꦩꦶꦂꦱ​ꦠꦶꦁ​ꦏꦃ​ꦥꦺꦴꦭꦲꦶꦁ​​ꦲꦗꦸꦫꦶꦠ꧀꧈​​ꦢꦸꦏ꧀​ꦲꦤꦺꦁ​​ꦥꦧꦫꦶꦱꦤ꧀꧉​​ꦭꦁ​ꦏꦸꦁ​​ꦱꦸꦱꦃ​ꦒꦸꦥꦼꦤꦸꦂ​ꦗꦿꦺꦴ​ꦔꦠꦶ꧈​​ꦩꦁ​ꦱ​ꦥꦸꦤꦶꦏ​ꦲꦠꦸꦤ​ꦏꦛꦃ꧈​​ꦲꦩ꧀ꦧꦤ꧀ꦝꦤꦶ​ꦱꦼꦱꦁ​ꦒꦸꦥꦺ꧈​​ꦢꦺꦴꦫ​ꦩꦿꦶꦁ​​ꦧꦁ​ꦱꦤꦶꦥꦸꦤ꧀꧈​​ꦤꦒꦿꦶ​ꦗꦮ​ꦔꦏꦼꦱ꧀[꧇꧓꧇​]​ꦮꦸꦱ꧀​ꦫꦢꦶꦤ꧀꧈​​ꦢꦺꦤꦶꦁ​​ꦏꦸꦩ꧀ꦥꦼꦤꦶ​ꦱꦼꦭꦩ꧀꧈​​ꦒꦶꦤꦗꦶꦃ​ꦱꦢꦫꦸꦩ꧀꧈​​ꦱꦁ​ꦏꦶꦁ​​ꦧꦤ꧀ꦝꦤꦺ​ꦥꦶꦪꦩ꧀ꦧꦏ꧀꧈​​ꦔꦶꦁ​​ꦮꦼꦭꦤ꧀ꦢ​ꦒꦶꦤꦗꦶꦃ​ꦱꦏꦶꦁ​​ꦏꦸꦩ꧀ꦥꦼꦤꦶ꧈​​ꦲꦸꦠꦔꦶꦥꦸꦤ꧀​ꦲꦏꦛꦃ꧉​​ꦧꦸꦥꦠꦶ​ꦥꦱꦶꦱꦶꦂ​ꦢꦺꦤ꧀​ꦲꦸꦤ꧀ꦢꦔꦶ꧈​​ꦱꦩ꧀ꦥꦸꦤ꧀​ꦥꦼꦥꦏ꧀​ꦲꦶꦁ​​ꦭꦺꦴꦗꦶ​ꦱꦢꦪ꧈​​ꦮꦺꦠꦤ꧀​ꦏꦶꦭꦺꦤ꧀​ꦥꦿꦥ꧀ꦠ​ꦏꦧꦺꦃ꧈​​ꦥ꦳ꦺꦧꦼꦂꦏꦺꦴꦥ꧀​ꦥꦿꦥ꧀ꦠꦤꦶꦥꦸꦤ꧀꧈​​ꦮꦼꦮꦃ​ꦱꦸꦱꦃ​ꦤꦤ꧀ꦠꦸꦤ꧀​ꦲꦸꦥꦼꦱꦶꦂ꧈​​ꦩꦾꦁ​​ꦧꦸꦥꦠꦶ​ꦲꦠꦸꦂꦤ꧈​​ꦱꦸꦩꦁ​ꦒ​ꦒꦸꦥꦼꦤꦸꦂ꧈​​ꦤꦸꦭꦾ​ꦏꦤ꧀ꦠꦸꦤ꧀​ꦥꦤꦼꦩ꧀ꦧꦲꦤ꧀꧈​​ꦱꦩ꧀ꦥꦁ​​ꦩꦺꦴꦥꦺꦴ​ꦒꦸꦥꦼꦤꦸꦂ​ꦲꦔꦸꦕꦥ꧀​ꦲꦫꦶꦱ꧀꧈​​ꦩꦶꦭ​ꦲꦤ꧀ꦢꦶꦏ​ꦏꦺꦮꦿꦤ꧀꧉​​ꦥꦤꦼꦩ꧀ꦧꦲꦤ꧀​ꦔ꧀ꦭꦶꦁ​​ꦩꦏ꧀ꦱꦶꦃ​ꦏꦢꦸꦒꦶ꧈​​ꦢꦺꦤ꧀​ꦲꦧꦼꦤ​ꦔꦶꦁ​​ꦩꦁ​ꦱ​ꦥꦸꦤꦶꦏ꧈​​ꦏꦺꦔꦶꦔ​ꦲꦢꦤ꧀ꦢꦤ꧀​ꦩꦭꦺꦃ꧈​​ꦢꦺ​ꦱꦔꦼꦠ꧀​ꦫꦶꦱꦏꦶꦥꦸꦤ꧀꧈​​ꦪꦺꦤ꧀​ꦥꦶꦤꦼꦏ꧀ꦱ​ꦏꦸꦭ​ꦱꦁ​ꦒꦸꦥꦶ꧈​​ꦪꦺꦤ꧀​ꦱꦩ꧀ꦥꦸꦤ꧀​ꦏꦠꦸꦫꦸꦠꦤ꧀꧈​​ꦲꦶꦁ​ꦏꦁ​​ꦏꦸꦭ​ꦗꦭꦸꦏ꧀꧈​​ꦤꦢꦾꦤ꧀​ꦲꦱꦸꦏꦸꦮ​ꦗꦗ꧈​​ꦏꦸꦭ​ꦠꦁ​ꦒꦸꦁ​​ꦔꦿꦩ꧀ꦥꦸꦔꦶ​ꦏꦂꦪ​ꦏꦸꦩ꧀ꦥꦼꦤꦶ꧈​​ꦉꦤ꧀ꦠꦼꦔꦺ​ꦤꦒꦿꦶ​ꦗꦮ꧉​​ꦪ​ꦠ​ꦏꦺꦮꦿꦤ꧀​ꦒꦸꦥꦼꦤꦸꦂ​ꦲꦶꦁ​​ꦲꦠꦶ꧈​​ꦏꦁ​​ꦠꦶꦤꦼꦝ​ꦥꦤ꧀​ꦱꦩ꧀ꦥꦸꦤ꧀​ꦏꦢꦸꦒ꧈​​ꦱꦮꦺꦠꦤꦶꦁ​​ꦭꦮꦸ​ꦏꦧꦺꦃ꧈​​ꦩꦼꦔꦭꦺꦂ​ꦱꦥꦔꦶꦢꦸꦭ꧀꧈​​ꦥꦔꦺ