Kaca:Add. 12288 Babad Sultanan utawi Mangkunegaran.pdf/17

ꦢ꧈​​ꦱꦢꦶꦤ​ꦱꦸꦫꦸꦥ꧀​ꦲꦸꦤ꧀ꦢꦸꦂꦤ꧉​​ꦱꦉꦁ​​ꦧꦾꦂ​ꦕꦩ꧀ꦥꦸꦃ​ꦏꦁ​​ꦪꦸꦢ꧈​​ꦲꦫꦩꦺ​ꦠꦤ꧀ꦤ​ꦏꦸꦕꦶꦮ꧈​​ꦱꦼꦭꦩꦼꦠ꧀​ꦠꦤ꧀​ꦲꦤ​ꦥꦼꦗꦃ꧈​​ꦤꦔꦶꦁ​​ꦏꦁ​​ꦏꦤꦶꦤ꧀​ꦲꦏꦛꦃ꧈​​ꦥꦿꦁ​​ꦱꦢꦶꦤ​ꦉꦥ꧀​ꦱꦥꦶꦱꦃ꧈​​ꦱꦩꦶ​ꦩꦺꦴꦤ꧀ꦝꦺꦴꦏ꧀​ꦱꦺꦴꦮꦁ​​ꦱꦺꦴꦮꦁ​꧈​​ꦥꦔꦺꦫꦤ꧀​ꦩꦁ​ꦏꦸꦤꦼꦒꦫ꧈​​ꦩꦱꦁ​ꦒꦿꦲꦤ꧀​ꦲꦶꦁ​​ꦈꦏꦶꦫꦤ꧀꧉​​ꦥꦼꦥꦏ꧀​ꦧꦸꦥꦠꦾ​ꦉꦩ꧀ꦧꦒꦤ꧀꧈​​ꦥꦔꦿꦤ꧀​ꦲꦫꦶꦱ꧀​ꦲꦔꦤ꧀ꦢꦶꦏ꧈​​ꦭꦃ​ꦩꦤꦶꦫ​ꦢꦸꦮꦺ​ꦉꦩ꧀ꦧꦒ꧀꧈​​ꦮꦺꦴꦁ​​ꦔꦺꦴꦁ​​ꦥꦶꦭꦶꦲꦶ​ꦱꦢꦪ꧈​​ꦲꦥꦿꦁ​​ꦢꦭꦸ​ꦲꦶꦁ​ꦏ[꧇꧑꧔꧇​]​ꦱꦸꦫ꧈​​ꦔꦺꦴꦁ​​ꦉꦩ꧀ꦧꦒ꧀​ꦱꦩꦶ​ꦔꦩꦸꦏ꧈​​ꦮꦸꦱ꧀​ꦉꦩ꧀ꦧꦒ꧀​ꦢꦾꦤ꧀​ꦥꦶꦤꦶꦭꦶꦲꦤ꧀꧈​​ꦏꦁ​​ꦱꦒꦃ​ꦱꦒꦃ​ꦏꦺꦮꦭ꧉​​ꦏꦥꦶꦭꦶꦃ​ꦏꦭꦶꦃ​ꦏꦁ​​ꦮꦱ꧀ꦠ꧈​​ꦥꦝꦔꦭꦶꦁ​​ꦭꦮꦤ꧀​ꦱꦸꦫ꧈​​ꦗꦤꦏ​ꦥꦔꦿꦤ꧀​ꦔꦤ꧀ꦢꦶꦏ꧈​​ꦱꦥ​ꦠ​ꦲꦶꦁ​ꦏꦁ​​ꦱꦁ​ꦒꦸꦥ꧈​​ꦔꦩꦸꦏ꧀​ꦢꦭꦸ​ꦩꦫꦁ​​ꦒꦺꦴꦤ꧀ꦝꦁ​꧈​​ꦏꦤ꧀ꦠꦺꦴꦱ꧀​ꦧꦺꦴꦝꦺꦴꦭ꧀​ꦏꦁ​​ꦮꦼꦭꦤ꧀ꦢ꧈​​ꦏꦢꦶ​ꦏꦥꦶꦭꦶꦃ​ꦱꦁ​ꦒꦸꦥ꧀ꦤ꧈​​ꦒꦚ꧀ꦗꦫꦤꦶꦫ​ꦱꦁ​​ꦤꦠ꧉​​ꦧꦸꦩꦶ​ꦱꦠꦸꦱ꧀​ꦭꦤ꧀​ꦏꦶꦤꦂꦪ꧈​​ꦩꦤ꧀ꦠꦿꦶ​ꦮꦺꦴꦁ​​ꦤꦺꦴꦫꦤ​ꦱꦸꦫ꧈​​ꦔꦶꦁ​​ꦮꦢꦾ​ꦩꦁ​ꦏꦸꦤꦼꦒꦫꦤ꧀​꧈​​ꦏꦁ​​ꦱꦁ​ꦒꦸꦥ꧀​ꦮꦺꦴꦁ​​ꦏꦮꦤ꧀​ꦢꦱ꧈​​ꦢꦭꦸ​ꦱꦉꦁ​​ꦱꦩꦾ​ꦩꦁ​ꦏꦠ꧀꧈​​ꦱꦼꦗ​ꦲꦔꦩꦸꦏ꧀​ꦱꦢꦪ꧈​​ꦲꦤꦸꦗꦺꦴꦤꦶ​ꦥꦺꦴꦤ꧀ꦝꦺꦴꦏꦶꦫ꧈​​ꦮꦺꦴꦁ​​ꦭꦱꦼꦩ꧀​ꦱꦩꦶ​ꦥꦿꦪꦶꦠ꧀ꦤ꧉​​ꦗꦶꦤꦒ​ꦩꦮꦶ​ꦧꦂꦢꦸꦮꦏ꧀꧈​​ꦏꦁ​​ꦲꦂꦱ​ꦔꦩꦸꦏ꧀​ꦮꦸꦱ꧀​ꦥꦿꦥ꧀ꦠ꧈​​ꦭꦒꦾ​ꦩꦸꦔꦸꦥ꧀​ꦏꦥꦁ​ꦒꦸꦲꦤ꧀꧈​​ꦮꦺꦴꦁ​​ꦥꦁ​ꦒꦶꦃ​ꦥꦝ​ꦮꦤꦶꦚ꧈​​ꦏꦕ꧀ꦭꦏꦸꦛꦏ꧀​ꦩꦸꦤ꧀ꦢꦸꦂ​ꦏꦺꦮꦿꦤ꧀꧈​​ꦭꦗꦼꦁ​​ꦔꦩꦸꦏ꧀​ꦲꦶꦁ​ꦏꦁ​​ꦝꦸꦱ꧀ꦛ꧈​​ꦲꦤꦸꦭꦾ​ꦠꦸꦩ꧀ꦧꦏ꧀​ꦠꦶꦤꦸꦩ꧀ꦧꦏ꧀꧈​​ꦮꦺꦴꦁ​​ꦭꦱꦼꦩ꧀​ꦲꦏꦛꦃ​ꦥꦼꦗꦃ꧉​​ꦒꦺꦒꦺꦫꦶꦥꦸꦤ꧀​ꦲꦥꦸꦪꦼꦔꦤ꧀꧈​​ꦠꦩ꧀ꦧꦸꦃ​ꦩꦸꦁ​ꦱꦸꦃ​ꦠꦩ꧀ꦧꦸꦃ​ꦫꦺꦴꦮꦁ​꧈​​ꦲꦫꦩꦺ​ꦲꦸꦊꦁ​​ꦲꦸꦊꦔꦤ꧀꧈​​ꦏꦁ​​ꦔꦩꦸꦏ꧀​ꦏꦛꦲꦼꦤ꧀​ꦭꦮꦤ꧀꧈​​ꦥꦔꦺꦫꦤ꧀​ꦩꦁ​ꦏꦸꦤꦼꦒꦫ꧈​​ꦭꦮꦤ꧀​ꦠꦸꦩꦼꦁ​ꦒꦸꦁ​​ꦱꦢꦪ꧈​​ꦧꦫꦶꦱꦤ꧀​ꦲꦶꦁ​​ꦔꦫ​ꦲꦫ꧈​​ꦩꦥꦤ꧀​ꦲꦺꦴꦫ​ꦏꦼꦤ​ꦲꦺꦴꦧꦃ꧉​​ꦤꦸꦤ꧀ꦠꦼꦤ꧀​ꦏꦺꦴꦤ꧀ꦢꦸꦂ​ꦗꦼꦁ​​ꦥꦔꦺꦫꦤ꧀꧈​​ꦧꦸꦥꦠꦶ​ꦩꦤ꧀ꦠꦸꦏ꧀