Kaca:ꦱꦼꦫꦠ꧀ ꦗꦏꦦꦼꦂꦠꦏꦎꦁꦏ꧇꧑.pdf/38

ꦔꦾꦔ꧀ꦤ꧉

ꦩ꧀ꦥꦶ꧇​​ꦱꦱ꧀ꦱ꧀ꦩꦶꦠꦤ꧀ꦤꦶꦁ​ꦲꦗꦶ꧈ ꦏꦮꦶꦗꦪꦤ꧀ꦲꦺꦭ꧀ꦩꦏꦮꦶꦫꦒꦤ꧀꧈​ ꦏꦢꦶꦒ꧀ꦢꦪꦤ꧀ꦲꦥꦢꦺꦤꦻ꧈ ꦏꦱꦺꦏ꧀ꦠꦺꦤ꧀ꦲꦗꦺꦂꦲꦗꦸꦂ꧈ ꦲꦩꦚ꧀ꦕꦭꦥꦸꦠꦿꦩꦾꦁꦥꦸꦠꦿꦶ꧈ ꦥꦿꦠꦠꦧꦾꦸꦲꦤ꧀ꦤꦶꦁ​ꦥꦿꦁ​꧈​ ꦥꦱꦶꦏꦼꦦꦤ꧀ꦤꦶꦥꦸꦤ꧀꧈​ ꦥꦩꦺꦴꦭ꧀ꦭꦃꦲꦺꦧꦺꦴꦁ​ꦱꦱꦱ꧀ꦠꦿ꧈​ ꦏꦲꦺꦗꦏꦩꦠꦸꦃꦮꦮꦱꦲꦶꦁꦗꦼꦩ꧀ꦥꦫꦶꦁ​꧈ ꦥꦁ​ꦔꦶꦏꦭ꧀ꦭꦺꦩꦱ꧀ꦠꦏ꧈​ ꧅ ꧈ ꦤꦶꦲꦤ꧀ꦮꦭꦁ​꧇​​ꦫꦺꦴꦮꦶꦤꦾꦥꦿꦮꦶꦢꦶ꧈​ ꦠꦺꦴꦥꦢꦤ꧀ꦤꦶꦁ​ꦩꦫꦁ​ꦥꦢꦢꦶꦪꦤ꧀꧈​ ꦗꦩꦤ꧀ꦏꦤꦼꦁ​ꦔꦤ꧀ꦥꦤ꧀ꦠꦺꦴꦒ꧀ꦒꦻ꧈ ꦥꦔꦂꦱꦱꦫꦺꦁ​ꦔꦠ꧀ꦠꦸꦤ꧀꧈​ ꦏꦏꦺꦏꦠ꧀ꦠꦸꦠꦫꦺꦏꦠ꧀ꦱꦸꦕꦶ꧈​ ꦧꦺꦴꦠꦥ꧀ꦠꦥ꧀ꦥꦤ꧀ꦮꦺꦴꦂꦱꦸꦃ꧈​ ꦥꦿꦔ꧀ꦤꦧ꧀ꦢꦮꦶꦗꦁ​ꦔꦶꦁ​​ꦮꦼꦗꦁ​꧈ ꦤꦺꦴꦫꦗꦶꦚ꧀ꦗꦁꦠꦗꦼꦩ꧀ꦥꦤ꧀ꦤꦿꦗꦸꦤ꧀ꦤꦱꦶꦢ꧀ꦛꦶ꧈​ ꦠꦤ꧀ꦭꦸꦧꦺꦂꦏꦶꦤꦼꦧꦏ꧀ꦏꦤ꧀꧈ ꧅ ꧈ꦏꦲꦺꦗꦏ꧇​ ꦭꦶꦩꦸꦠ꧀ꦫꦺꦴꦲꦶꦁ​ꦏꦂꦢꦶ꧈ ꦥꦁ​ꦔꦸꦥꦪꦤ꧀ꦤꦶꦁ​ꦢꦾꦶꦫꦢꦱꦺꦠ꧈ ꦱꦼꦁ​ꦱꦼꦩ꧀ꦩꦿꦶꦁ​ꦏꦦꦟ꧀ꦝꦶꦡꦤ꧀ꦤꦻ꧈ ꦚꦼꦚꦟ꧀ꦡꦿꦶꦏ꧀ꦲꦸꦭꦸꦒꦸꦤ꧀ꦠꦸꦁ꧈ ꦱꦁ​ꦲꦩꦶꦤ꧀ꦠꦫꦒꦮꦸꦱ꧀ꦲꦸꦤ꧀ꦤꦶꦁ​꧈​ ꦒꦀꦲꦶꦧ꧀ꦧꦺꦔ꧀ꦤꦭꦩ꧀ꦥꦃꦲꦤ꧀꧈ ꦒꦒꦝꦁꦔꦤ꧀ꦤꦶꦥꦸꦤ꧀꧈​ ꦏꦶꦗꦏꦔ꧀ꦤꦮꦶꦃꦱꦗꦩ꧀ꦩꦏ꧀꧈​ ꦔꦶꦁ​ꦱꦭꦒꦾꦧꦶꦤꦸꦠ꧀ꦠꦤ꧀ꦮꦤ꧀ꦠꦶꦁ​ꦔꦶꦁ​ꦝꦶꦫꦶ꧈ ꦒꦶꦤꦸꦔꦿꦱ꧀ꦲꦶꦁꦉꦚ꧀ꦕꦤ꧈​ ꧅꧈ ꦭꦩꦸꦤ꧀ꦧꦶꦱ꧇​ꦩꦺꦴꦠ꧀ꦱꦱ꧀ꦩꦶꦠꦺꦔ꧀ꦮꦢꦶ꧈​ ꦤꦺꦴꦫꦒꦼꦂꦱꦃꦏꦧꦾꦠ꧀ꦠꦤ꧀ꦤꦶꦔ꧀ꦭꦩ꧀ꦥꦃ꧈​ ꦭꦶꦤ꧀ꦤꦏꦺꦴꦤ꧀ꦤꦤ꧀ꦱꦠꦶꦠꦃꦲꦻ꧈ ꦤꦸꦠ꧀ꦥꦶꦭꦭ꧀ꦭꦶꦁꦲꦾꦁꦲꦒꦓꦸꦁ꧈​ ​ꦠꦤ꧀ ꦔ꧀ꦭꦶꦂꦮꦏ꧀ꦏꦼꦤ꧀ꦭꦶꦂꦤꦶꦁ​​ꦮꦮꦼꦭꦶꦁ​꧈ ꦤꦼꦠꦼꦥ꧀ꦥꦶꦏꦮꦗꦶꦧ꧀ꦧꦤ꧀꧈​ ꦠꦼꦩꦼꦤ꧀ꦮꦏꦼꦭ꧀ꦧꦸꦫꦸꦱ꧀꧈ ꦱꦟ꧀ꦡꦺꦴꦱꦱꦧꦫꦁ​ꦏꦂꦪ꧈ ꦠꦤ꧀ꦔ꧀ꦭꦠꦼꦏ꧀ꦠꦶꦥꦏꦉꦩ꧀ꦩꦤ꧀ꦲꦒꦼꦁ​ꦲꦭꦶꦠ꧀꧈​ ꦲꦶꦁ​ꦔꦪꦸꦤ꧀ꦤꦪꦸꦤ꧀ꦏꦼꦤ꧀ꦤ꧈ ꧅ ꧈ ꦱꦗꦸꦒꦫꦶ꧇​​ꦏꦶꦗꦏꦩꦉꦏ꧀ꦫꦶꦁ꧈ ꦔꦧꦾꦤ꧀ꦠꦫꦔ꧀ꦭꦶꦁ​ꦱꦁ​ꦢꦾꦶꦗꦮꦫ꧈ ꦏꦏꦶꦱꦶꦫꦮꦸꦱ꧀ꦩꦁ​ꦱꦤ꧀ꦤꦻ꧈ ꦠꦸꦩ꧀ꦩꦶꦫꦃꦱꦁ​ꦏꦁ​ꦒꦸꦤꦸꦁ​꧈ ꦲꦗꦥꦶꦗꦼꦂꦩꦶꦭꦸꦠꦼꦠꦏꦶ꧈​ ꦲꦶꦁ​ꦱꦠꦼꦩ꧀ꦩꦃꦲꦺꦢꦢꦾ꧈​ ꦔ꧀ꦭꦶꦂꦮꦠ꧀ꦠꦼꦤ꧀ꦥꦶꦠꦸꦢꦸꦃ꧈ ꦩꦫꦁ​ꦏꦮꦗꦶꦧ꧀ꦧꦤ꧀ꦤꦶꦫ꧈​ ꦲꦥꦱꦶꦠꦤ꧀ꦱꦫꦺꦏꦸꦔꦸꦥꦪꦕꦸꦟ꧀ꦡꦶ꧈ ꦱꦺꦠꦥꦠ꧀ꦱꦾꦤ꧀ꦤꦶꦏꦸꦩ꧀ꦧ꧈ ꧅ ꧈ ꦏꦼꦂꦢꦾꦠ꧀ꦠꦁ​ꦔꦸꦤ꧀꧇​ꦏꦶꦗꦏꦩꦶꦲꦂꦱꦶ꧈ ꦲꦶꦁ​ꦱꦼꦧ꧀ꦢꦤ꧀ꦤꦺꦱꦁ​ꦲꦩꦶꦤ꧀ꦠꦫꦒ꧈ ꦕꦸꦧꦏ꧀ꦩꦼꦩ꧀ꦧꦠ꧀ꦕꦥ꧀ꦕꦥ꧀ꦥꦤ꧀ꦤꦻ꧈ ꦚꦡꦭꦩꦸꦤ꧀ꦥꦶꦤꦸꦚꦗꦸꦭ꧀꧈​ ꦢꦺꦤꦺꦲꦸꦭꦸꦤ꧀ꦢꦸꦫꦸꦁ​​ꦮꦮꦂꦠꦶ꧈​ ꦒꦠꦶꦠꦾꦂꦗꦤ꧀ꦤꦶꦁ​ꦏꦂꦪ꧈​ ꦪꦺꦤ꧀ꦩꦤ꧀ꦤꦶꦫꦭꦸꦩꦸꦃ꧈​ ꦧꦺꦴꦏ꧀ꦢꦢꦶꦱꦁ​ꦱꦫꦤ꧀ꦤꦶꦁ​​ꦮꦁ​꧈​ ꦏꦼꦤ꧀ꦤꦺꦁ​​ꦮꦶꦤ꧀ꦢꦸꦱꦸꦥꦠꦤ꧀ꦤꦶꦁ​​ꦮꦫꦪꦸꦒꦶ꧈​ ꦤꦼꦩ꧀ꦧꦃꦩꦠꦸꦂꦱꦤ꧀ꦢꦶꦏ꧈​ ꧅ ꧈